ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಸೇವೆ ಅನನ್ಯ

ವಿಜಯಪುರ, ಡಿ.೨೩- ಗ್ರಾಮೀಣಭಾಗದ ಸ್ತ್ರೀಯರಲ್ಲಿ ಆರ್ಥಿಕ ಸ್ವಾವಲಂಬನೆ ಸಾಧಿಸಲು ಪೂರಕವಾಗಿ ಸಾಕ್ಷರರನ್ನಾಗಿಸುವ ಕಾರ್ಯದಲ್ಲಿ ಶ್ರೀ ಕ್ಷೇತ್ರಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯು ಉತ್ತಮ ಕಾರ್ಯಕ್ರಮಗಳನ್ನು ರೂಪಿಸಿದೆ. ಆ ಮೂಲಕ ಗ್ರಾಮೀಣಾಭಿವೃದ್ಧಿ ಸಾಧ್ಯವಾಗಿದೆ ಎಂದು ಪುರಸಭಾ ಮಾಜಿ ಸದಸ್ಯ ಎಸ್.ಭಾಸ್ಕರ್ ತಿಳಿಸಿದರು.
ಪಟ್ಟಣದ ಜೆ.ಸಿ ಬಡಾವಣೆಯಲ್ಲಿ ಶ್ರೀ ಕ್ಷೇತ್ರಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ನೂತನ ವರ್ಷದ ದಿನಚರಿಯನ್ನು ಬಿಡುಗಡೆಗೊಳಿಸಿ ಅವರು ಮಾತನಾಡಿದರು.
ತಾಲೂಕು ಎಸ್‌ಕೆಡಿಆರ್‌ಪಿ ಅಧಿಕಾರಿ ಅಕ್ಷತಾರೈ ಮಾತನಾಡಿ, ಶ್ರೀ ಕ್ಷೇತ್ರಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ವತಿಯಿಂದ ನೀರಿನ ಸಂರಕ್ಷಣೆ, ನೀರಿನ ಮೂಲಗಳ ಸದ್ಬಳಕೆ, ಕೃಷಿಯಂತ್ರಗಳ ಒದಗಿಸುವಿಕೆ, ಮಹಿಳೆಯರಿಗೆ ವಿವಿಧ ತರಬೇತಿ ಮತ್ತು ಆರ್ಥಿಕ ಸಹಾಯ, ಶ್ರದ್ಧಾಕೇಂದ್ರಗಳ ಸ್ವಚ್ಚತೆ ಮತ್ತು ನೈರ್ಮಲ್ಯದಂತಹ ಅನೇಕ ಕಾರ್ಯಕ್ರಮಗಳನ್ನು ನಡೆಸಲಾಗಿದೆ ಎಂದರು.
ಎಸ್‌ಕೆಡಿಆರ್‌ಪಿ ಜಿಲ್ಲಾ ಅಧಿಕಾರಿ ಸತೀಶ್‌ನಾಯಕ್, ಮನೋರಮಾ, ರಾಜೇಶ್ವರಿ, ಮತ್ತಿತರರು ಇದ್ದರು.