ಕೈರೋ, ಜೂ.೧೨- ಈಜಿಪ್ಟ್‌ನಲ್ಲಿ ೨೭ ಜನರಿದ್ದ ದೋಣಿಗೆ ಬೆಂಕಿ ತಗುಲಿದ ಪರಿಣಾಮ ದೋಣಿಯಲ್ಲಿದ್ದ ಬ್ರಿಟಿಷ್ ಪ್ರವಾಸಿಗರು ನಾಪತ್ತೆಯಾಗಿರುವ ಘಟನೆ ನಡೆದಿದೆ
ನಾಪತ್ತೆಯಾಗಿರುವ ಮೂವರು ಪ್ರವಾಸಿಗರಿಗಾಗಿ ರಕ್ಷಣಾ ಸಿಬ್ಬಂದಿ ಹುಡುಕಾಟ ನಡೆಸುತ್ತಿದೆ. ಘಟನೆ ನಡೆದಾಗ ೧೫ ಬ್ರಿಟಿಷ್ ಪ್ರವಾಸಿಗರು ಸೇರಿದಂತೆ ೨೭ ಜನರು ಮರ್ಸಾ ಆಲಂ ನಗರದ ಕರಾವಳಿಯಲ್ಲಿ ದೋಣಿಯಲ್ಲಿದ್ದರು ಎಂದು ವರದಿಯಾಗಿದೆ.
ಅವರಲ್ಲಿ ೧೨ ಬ್ರಿಟಿಷ್ ಪ್ರವಾಸಿಗರು ಸೇರಿದಂತೆ ೨೪ ಜನರನ್ನು ರಕ್ಷಿಸಲಾಗಿದ್ದು, ಇತರ ಮೂವರಿಗಾಗಿ ಹುಡುಕಾಟ ನಡೆಸಲಾಗುತ್ತಿದೆ ಎಂದು ವರದಿ ತಿಳಿಸಿದೆ.
ಸ್ಥಳೀಯ ಅಧಿಕಾರಿಗಳೊಂದಿಗೆ ಸಂಪರ್ಕದಲ್ಲಿರುವುದಾಗಿ ವಿದೇಶಾಂಗ ಕಚೇರಿಯ ವಕ್ತಾರರು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ರೆಡ್ ಸೀ ರೆಸಾರ್ಟ್ ಹುರ್ಘಡಾದಲ್ಲಿ ಬೀಚ್‌ಗಳನ್ನು ಮುಚ್ಚಿದ ಕೆಲವೇ ದಿನಗಳಲ್ಲಿ ಈ ಘಟನೆ ನಡೆದಿದೆ. ಶಾರ್ಕ್ ದಾಳಿಯಲ್ಲಿ ರಷ್ಯಾದ ವ್ಯಕ್ತಿಯೊಬ್ಬರು ಸಾವನ್ನಪ್ಪಿದ ನಂತರ ಕಡಲತೀರಗಳನ್ನು ಮುಚ್ಚಲಾಯಿತು ಎನ್ನಲಾಗಿದೆ
ರಷ್ಯಾದ ಕಾನ್ಸಲ್ ಜನರಲ್ ವಿಕ್ಟರ್ ವೊರೊಪಾಯೆವ್ ಅವರು ೧೯೯೯ ರಲ್ಲಿ ಜನಿಸಿದ ರಷ್ಯಾದ ಪ್ರಜೆಯೊಬ್ಬರು “ಶಾರ್ಕ್ ದಾಳಿಯ ಪರಿಣಾಮವಾಗಿ ಸಾವನ್ನಪ್ಪಿದ್ದಾರೆ” ಎಂದು ರಷ್ಯಾದ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಈಜಿಪ್ಟ್‌ನ ಪರಿಸರ ಸಚಿವಾಲಯ ಬಿಡುಗಡೆ ಮಾಡಿದ ಹೇಳಿಕೆಯ ಪ್ರಕಾರ, ಈಜಿಪ್ಟ್‌ನ ಪರಿಸರ ಸಚಿವ ಯಾಸ್ಮಿನ್ ಫೌದ್ ಘಟನೆಯ ತನಿಖೆಗೆ ಸಮಿತಿಗೆ ಆದೇಶಿಸಿದ್ದಾರೆ.
ಯಾಸ್ಮಿನ್ ಫೌದ್ ಸ್ಥಳೀಯ ಅಧಿಕಾರಿಗಳಿಗೆ “ಕೆಂಪು ಸಮುದ್ರದ ಬೀಚ್‌ಗಳಿಗೆ ಹೋಗುವವರಿಗೆ ಅತ್ಯುನ್ನತ ಮಟ್ಟದ ಸುರಕ್ಷತೆ” ಜಾರಿಗೆ ತರಲು ಮತ್ತು ಶಾರ್ಕ್ ದಾಳಿಯ ಘಟನೆಯು ಮತ್ತೆ ಮರುಕಳಿಸುವುದನ್ನು ತಪ್ಪಿಸಲು ಸಾಧ್ಯವಿರುವ ಎಲ್ಲಾ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಸೂಚಿಸಿದ್ದಾರೆ.
ಹರ್ಘಡಾದ ಉತ್ತರಕ್ಕೆ ಗೌನಾ ಮತ್ತು ಅದರ ದಕ್ಷಿಣಕ್ಕೆ ಸೋಮಾ ಬೇ ನಡುವಿನ ಪ್ರದೇಶದಲ್ಲಿ ಸ್ನಾರ್ಕೆಲಿಂಗ್ ಮತ್ತು ಇತರ ಎಲ್ಲಾ ಜಲಕ್ರೀಡೆ ಚಟುವಟಿಕೆಗಳನ್ನು ಒಳಗೊಂಡಂತೆ ಈಜು ಮೇಲೆ ಎರಡು ದಿನಗಳ ನಿಷೇಧವನ್ನು ಪರಿಸರ ಸಚಿವಾಲಯ ಘೋಷಿಸಿದೆ.
