ದೈಹಿಕ, ಮಾನಸಿಕ ಸದೃಢತೆಗೆ ಕ್ರೀಡೆ ಅತ್ಯವಶ್ಯ: ಪೂಜಾ ಚಂದ್ರ

ಆನೇಕಲ್.ಮೇ. ೧೭- ದೈಹಿಕ ಹಾಗೂ ಮಾನಸಿಕ ಸದೃಢತೆಗೆ ಕ್ರೀಡೆಗಳು ಅತ್ಯವಶ್ಯಕವಾಗಿದೆ ಎಂದು ಲಯನ್ಸ್ ಕ್ಲಬ್ ನ ಜಿಲ್ಲಾಧ್ಯಕ್ಷೆ ಪೂಜಾ ಚಂದ್ರ ತಿಳಿಸಿದರು.
ಅವರು ಸರ್ಜಾಪುರ ಬಳಿಯಿರುವ ಸ್ಪೋಟ್ಸ್ ಜೋನ್ ಪ್ಲಸ್ ಆವರಣದಲ್ಲಿ ಸರ್ಜಾಪುರ ಲಯನ್ಸ್ ಕ್ಲಬ್ ವತಿಯಿಂದ ಆಯೋಜಿಸಿದ್ದ ಕಿಕ್ಸ್ ಆನ್ ಗ್ರಾಸ್ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಇತ್ತೀಚಿನ ಯುವಕರು ಮಾನಸಿಕ ಒತ್ತಡಕ್ಕೆ ಬಲಿಯಾಗುತ್ತಿದ್ದಾರೆ, ಕ್ರೀಡೆಗಳಲ್ಲಿ ಬಾಗವಹಿಸುವುದರಿಂದ ಮಾನಸಿಕ ಒತ್ತಡವನ್ನು ನಿವಾರಣೆ ಯಾಗಲು ಸಾಧ್ಯತೆ ಇದೆ ಎಂದರು. ಪ್ರತಿಯೊಬ್ಬರು ಸಹ ದಿನದಲ್ಲಿ ೧ ಗಂಟೆಗಳ ಕಾಲ ವ್ಯಾಯಾಮ, ಕ್ರೀಡೆಗಳನ್ನು ಅಳವಡಿಸಿಕೊಂಡಾಗ ಉತ್ತಮ ಆರೋಗ್ಯವನ್ನು ಪಡೆಯ ಬಹುದಾಗಿದೆ ಎಂದರು. ಕ್ರಿಕೆಟ್, ಕಬಡ್ಡಿ ಮತ್ತು ವಾಲಿಬಾಲ್, ಪುಟ್ ಬಾಲ್ ನಂತಹ ಗುಂಪು ಆಟಗಳಲ್ಲಿ ಭಾಗವಹಿಸುವುದರಿಂದ ಯುವಕರಲ್ಲಿ ಸಹೋದರತ್ವ ಮತ್ತು ಸೌಹಾರ್ದ ಭಾವಗಳು ಮೂಡಲು ಸಹಕಾರಿಯಾಗುತ್ತದೆ ಎಂದು ಹೇಳಿದರು.


ಇನ್ನು ಪುಟ್ ಬಾಲ್ ಪಂದ್ಯಾವಳಿಯಲ್ಲಿ ೮ ತಂಡಗಳು ಬಾಗವಹಿಸಿದ್ದು ಮೊದಲನೆ ಬಹುಮಾನವನ್ನು ಗಾಜಾ ಎಪ್.ಸಿ. ತಂಡ ಪಡೆದು ಕೊಂಡರೆ, ೨ನೇ ಬಹುಮಾನವನ್ನು ಬೆಳ್ಳಂಡೂರು ಯುನೈಟೆಡ್ ತಂಡ ಪಡೆದು ಕೊಂಡಿತು ಹಾಗೆಯೇ ಮೂರನೇ ಬಹುಮಾನವನ್ನು ಹೆರಿಟೇಜ್ ರೈಡರ್ ತಂಡ ಪಡೆದು ಕೊಂಡಿತ್ತು ಇನ್ನು ಗೆದ್ದಂತಹ ತಂಡಗಳಿಗೆ ಗಣ್ಯರು ಮತ್ತು ಲಯನ್ಸ್ ಕ್ಲಬ್ ನ ಪದಾದಿಕಾರಿಗಳು ಬಹುಮಾನವನ್ನು ವಿತರಿಸಿದರು.
ಕಾರ್ಯಕ್ರಮದಲ್ಲಿ ಬಿಜೆಪಿ ಜಿಲ್ಲಾ ಯುವ ಮೋರ್ಚಾ ಅಧ್ಯಕ್ಷರಾದ ಪುನೀತ್ ರೆಡ್ಡಿ, ಆನೇಕಲ್ ತಾಲೂಕು ರೆಸಿಡೆನ್ಸ್ ವೆಲ್ಫೇರ್ ಅಸೋಸಿಯೇಷನ್ ಅಧ್ಯಕ್ಷರಾದ ಆರ್,ಕೇಶವನ್, ಲಯನ್ ರೂಪೇಶ್ ಚಂದ್ರ, ಲಯನ್ ಸುಪರ್ಣ ಚಟರ್ಜಿ, ಲಯನ್ ದೀಪಾ ಜಾಕೋಬ್, ಲಯನ್ ಸುದೀಪ್ ಸೇನ್, ಲಯನ್ ದೀಪಾ ಸಂಗೀತಾ, ಲಯನ್ ಅನುಷಾ ಮತ್ತು ಲಯನ್ಸ್ ಕ್ಲಬ್ ನ ಪದಾಧಿಕಾರಿಗಳು, ಕ್ರೀಡಾಭಿಮಾನಿಗಳು ಭಾಗವಹಿಸಿದ್ದರು.