ಸಂಜೆವಾಣಿ ಪ್ರತಿನಿಧಿಯಿಂದ
ಹೊಸಪೇಟೆ 24: ಕಲ್ಯಾಣ ಕರ್ನಾಟಕದ ರೈತರ ಜೀವನಾಡಿ ತುಂಗಭದ್ರಾ ಜಲಾಶಯದ ಒಳಹರಿವಿನ ಪ್ರಮಾಣದಲ್ಲಿ ಭಾನುವಾರವೂ ಕೂಡ ಹೆಚ್ಚಳವಾಗುತ್ತಿರುವುದು ಮುಂದುವರೆದಿದ್ದು ಇದು ಮತ್ತೆ ನಾಲ್ಕ ಟಿಎಂಸಿ ನೀರು ಸಂಗ್ರಹವಾಗಿದೆ.
ತುಂಗಭದ್ರಾ ಜಲಾನಯನ ಪ್ರದೇಶದಲ್ಲಿ ಎಡಬಿಡದೇ ಸುರಿಯುತ್ತಿರುವ ಮಳೆಯ ಪರಿಣಾಮ, ಜಲಾಶಯಕ್ಕೆ ಹರಿದು ಒಳ ಹರಿವಿನ ಪ್ರಮಾಣದಲ್ಲಿ 64ಸಾವಿರ ಕ್ಯೂಸೆಕ್ಸ್‍ಗೆ ಏರಿಕೆಯಾಗಿದೆ. ಈಗಾಗಲೇ ತುಂಗ ಜಲಾಶಯ ಭರ್ತಿಯಾಗಿದ್ದು, ತುಂಗದಿಂದ ಒಳಹರಿವಿನ ವೇಳೆಗೆ ನೀರಿನ ಪ್ರಮಾಣದಲ್ಲಿ ಭಾರಿ ಏರಿಕೆ ಕಂಡಿದ್ದು ಸದ್ಯ ಜಲಾಶಯದಲ್ಲಿ 25.417 ಟಿಎಂಸಿ ನೀರು ಸಂಗ್ರಹವಿದೆ. ಈ ಪ್ರಮಾಣದಲ್ಲಿ ಒಳಹರಿವು ಹರಿದು ಬಂದಲ್ಲಿ ದಿನಕ್ಕೆ ಸರಾಸರಿ 4 ಟಿಎಂಸಿಯಷ್ಟು ಜಲಾಶಯದಲ್ಲಿ ನೀರು ಸಂಗ್ರಹವಾಗಲಿದೆ. ಮುಂದಿನ 20 ದಿನಗಳಲ್ಲಿ ಆಗಷ್ಟು 15ರ ವೇಳೆಗೆ ಜಲಾಶಯ ಭರ್ತಿಯಾಗಬಹುದು ಎಂಬ ಅಂದಾಜು ಇದೆ ಎಂದು ತುಂಗಭದ್ರಾ ಮಂಡಳಿ ಮೂಲಗಳು ತಿಳಿಸಿವೆ.
ತುಂಗಭದ್ರಾ ಜಲಾಶಯದ ಗರಿಷ್ಟ ಮಟ್ಟ:1633 ಅಡಿಗಳು, ಇಂದಿನ ಮಟ್ಟ 1602.84 ಅಡಿಗಳು, ಸಂಗ್ರಹ ಸಾಮಾಥ್ರ್ಯ 25.417 ಟಿಎಂಸಿ, ಒಳಹರಿವು 64023 ಕ್ಯೂಸೆಕ್ಸ್ ಇದೆ. ಹೊರ ಹರಿವು 213 ಕ್ಯೂಸೆಕ್ಸ್ ಇದೆ.
