ತುಂಗಭದ್ರಾ ಎಡದಂಡೆ ಕಾಲುವೆ ವ್ಯಾಪ್ತಿಯಲ್ಲಿ ಕಲಂ ೧೪೪ರನ್ವಯ ನಿಷೇದಾಜ್ಞೆ ಜಾರಿ

ರಾಯಚೂರು,ಜೂ.೧೭-
೧೯೭೩ ರ ದಂಡ ಪ್ರಕ್ರಿಯೆ ಸಂಹಿತೆ ಕಲಂ.೧೪೪ ರನ್ವಯ ಕಾನೂನು, ಶಾಂತಿ ಮತ್ತು ಸುವ್ಯವಸ್ಥೆ ಕಾಪಾಡುವ ಹಿತದೃಷ್ಟಿಯಿಂದ ತುಂಗಭದ್ರ ಎಡದಂಡೆ ಕಾಲುವೆ ಮೈಲು-೪೭ ರಿಂದ ೧೦೮ (ವಿತರಣಾ ಕಾಲುವ ೩೬ ರಿಂದ ೯೪) ರವರೆಗೆ ಜೂ.೧೭ರ ಬೆಳಿಗ್ಗೆ ೦೬:೦೦ ಗಂಟೆಯಿಂದ ಜೂ.೨೭ರ ಮಧ್ಯರಾತ್ರಿ ೧೨:೦೦ ಗಂಟೆಯವರೆಗೆ ಕಾಲುವೆ ಪ್ರದೇಶದ ಸುತ್ತಮುತ್ತಲು ೧೦೦ ಮೀಟರ ವ್ಯಾಪ್ತಿಯಲ್ಲಿ ನಿಷೇದಾಜ್ಞೆಯನ್ನು ಜಾರಿಗೊಳಿಸಿ ಜಿಲ್ಲಾಧಿಖಾರಿ ಎಲ್.ಚಂದ್ರಶೇಖರ ನಾಯಕ ಅವರು ಆದೇಶಿಸಿದ್ದಾರೆ.
ಮುಖ್ಯ ಕಾಲುವೆ ಮೈಲ್-೪೭ ರಿಂದ ೧೦೮ (ವಿತರಣಾ ಕಾಲುವ ೩೬ ರಿಂದ ೯೪) ರವರೆಗೆ ಮುಖ್ಯ ಕಾಲುವೆಗಳ ಮೂಲಕ ನೀರಿನ್ನು ಹರಿಯಿಸಿ ಸದರಿ ಜಲಾಶಯವನ್ನು ತುಂಬಿಸಿದ್ದಲ್ಲಿ ರಾಯಚೂರು ನಗರದ ಸಾರ್ವಜನಿಕರಿಗೆ ಕುಡಿಯುವ ನೀರಿನ ಸಮಸ್ಯೆಯನ್ನು ಪರಿಹರಿಸಬಹುದಾಗಿರುವ ಪ್ರಯುಕ್ತ ತುಂಗಭದ್ರಾ ಜಲಾಶಯದಿಂದ ಕುಡಿಯುವ ನೀರಿಗಾಗಿ ಮುಖ್ಯ ಕಾಲುವೆಯ ಮುಖಾಂತರ ನೀರು ಹರಿಸುತ್ತಿರುವುದರಿಂದ ಕಾಲುವೆಗಳ ಪ್ರದೇಶದಲ್ಲಿ ಸೂಕ್ತ ಬಂದೋಬಸ್ತ್ ವ್ಯವಸ್ಥೆ ಒದಗಿಸುವುದಕ್ಕಾಗಿ ಹಾಗೂ ಸದರಿ ಕಾಲುವೆಗಳ ಪ್ರದೇಶದಲ್ಲಿ ಅನಧಿಕೃತವಾಗಿ ರೈತರು ಹೊಲಗಳೀಗ ನೀರನ್ನು ಹರಿಸುವುದಾಗಲಿ ಅಥವಾ ಪಂಪ್ ಸೆಟ್ ಹಾಗೂ ತೂಬುಗಳ ಮೂಲಕ ನೀರನ್ನು ಎತ್ತುವಳಿ ಮಾಡುವುದು ಸಂರ್ಪೂಣವಾಗಿ ನಿಷೇಧಿಸಿ ಮುಖ್ಯ ಕಾಲುವ ಮೈಲ್-೪೭ ರಿಂದ ೧೦೮ (ವಿತರಣಾ ಕಾಲುವೆ ೩೬ ರಿಂದ ೯೪) ರವರೆಗೆ ಕಾಲುವೆಗಳ ಪ್ರದೇಶಗಳಲ್ಲಿ ಕಾನೂನು ಮತ್ತು ಸುವ್ಯವಸ್ಥೆಗೆ ದಿಕ್ಕ ಆಗದಂತೆ ದಿನಾಂಕ:೧೭-೦೬-೨೦೨೩ ಬೆಳಿಗ್ಗೆ ೦೬-೦೦ ಗಂಟೆಯಿಂದ ದಿನಾಂಕ:೨೭-೦೬-೨೦೨೩ ರ ಮಧ್ಯ ರಾತ್ರಿಯವರಗೆ ಕಾಲುವ ಪ್ರದೇಶದ ಸುತ್ತಮುತ್ತಲು ೧೦೦ ಮೀಟರ ವ್ಯಾಪ್ತಿಯಲ್ಲಿ ೧೯೭೩ ರ ದಂಡ ಪ್ರಕ್ರಿಯೆ ಸಂಹಿತೆ ಕಲಂ.೧೪೪ ರನ್ವಯ ನಿಷೇದಾಜ್ಞೆಯನ್ನು ಜಾರಿಗೊಳಿಸುವುದು ಅವಶ್ಯವೆಂದು ಜಿಲ್ಲಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.