ಕಲಬುರಗಿ,ಜೂ.ತವರು ಮನೆಗೆ ಹೋದ ಪತ್ನಿಯನ್ನು ಕರೆದುಕೊಂಡು ಬರಲೆಂದು ಹೊರಟಿದ್ದ ಪತಿಯೊಬ್ಬ ರಸ್ತೆ ಅಪಘಾತದಲ್ಲಿ ಸಾವನ್ನಪ್ಪಿದ ದಾರುಣ ಘಟನೆ ಸಂಚಾರ ಪೊಲೀಸ್ ಠಾಣೆ-2ರ ವ್ಯಾಪ್ತಿಯ ಸೈಯದ್ ಚಿಂಚೋಳಿ ಹತ್ತಿರ ನಡೆದಿದೆ.
ಸಿಂದಗಿ (ಬಿ) ಗ್ರಾಮದ ಖಾಸಿಂಸಾಬ್ ಮೃತಪಟ್ಟವರು.
ಪತ್ನಿ ರುಕ್ಕಸಾನಾಬೇಗಂ ಅವರು ತವರು ಮನೆ ಜಂಬಗಾಕ್ಕೆ ಹೋಗಿದ್ದರು. ಅವರನ್ನು ಕರೆದುಕೊಂಡು ಬರಲೆಂದು ಖಾಸಿಂಸಾಬ್ ಬೈಕ್ ಮೇಲೆ ಜಂಬಗಾಕ್ಕೆ ಹೊರಟಿದ್ದರು. ಸೈಯದ್ ಚಿಂಚೋಳಿ ಹತ್ತಿರ ಬೈಕ್‍ಗೆ ಟಂಟಂ ಡಿಕ್ಕಿ ಹೊಡೆದು ಗಂಭೀರವಾಗಿ ಗಾಯಗೊಂಡಿದ್ದರು. ಅವರನ್ನು ಕಲಬುರಗಿಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಕೊನೆಯುಸಿರೆಳೆದಿದ್ದಾರೆ. ಈ ಸಂಬಂಧ ಸಂಚಾರ ಪೊಲೀಸ್ ಠಾಣೆ-2ರಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆದಿದೆ.
