ತತ್ವಶಾಸ್ತ್ರದ ಜ್ಞಾನದಿಂದ ಮೇರು ವ್ಯಕ್ತಿತ್ವ ನಿರ್ಮಾಣ

ಕಲಬುರಗಿ :ನ.20: ಸತ್ಯ, ಶಾಶ್ವತವಾದ ವಸ್ತುವಿನ ಅಸ್ಥಿತ್ವ ಅರಿತು ನೈಜ ಆಚರಣೆಯ ಬಗ್ಗೆ ತಿಳಿಸಿಕೊಡುವ ತತ್ವಶಾಸ್ತ್ರ ಎಲ್ಲಾ ಶಾಸ್ತ್ರಗಳಿಗೆ ಮೂಲವಾಗಿದೆ. ಇದರ ಜ್ಞಾನವನ್ನು ಅರಿತುಕೊಂಡು ಆಚರಿಸಿದರೆ ಮೇರು ವ್ಯಕಿತ್ವ ನಿರ್ಮಾಣವಾಗಲು ಸಾಧ್ಯವಿದೆ ಎಂದು ಉಪನ್ಯಾಸಕ, ಚಿಂತಕ ಎಚ್.ಬಿ.ಪಾಟೀಲ ಅಭಿಪ್ರಾಯಪಟ್ಟರು.

     ನಗರದ ಜೆ.ಆರ್. ನಗರದಲ್ಲಿನ 'ಕೊಹಿನೂರ ಕಂಪ್ಯೂಟರ ತರಬೇತಿ ಕೇಂದ್ರ ಮತ್ತು ಸ್ಪೋಕನ್ ಇಂಗ್ಲೀಷ್ ಅಕಾಡಮಿ'ಯಲ್ಲಿ 'ಬಸವೇಶ್ವರ ಸಮಾಜ ಸೇವಾ ಬಳಗ'ದ ವತಿಯಿಂದ ಹಮ್ಮಿಕೊಳ್ಳಲಾಗಿದ್ದ 'ವಿಶ್ವ ತತ್ವಜ್ಞಾನ ದಿನಾಚರಣೆ' ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡುತ್ತಿದ್ದರು.
   ಯುನೆಸ್ಕೋ 2002ರಲ್ಲಿ ಈ ದಿನಾಚರಣೆಯನ್ನು ಆಚರಿಸಲು ತಿಳಿಸಿದೆ. ತತ್ವಶಾಸ್ತ್ರವು ಯಾವುದೇ ವಿಷಯ, ಸಂಗತಿಗಳನ್ನು ವೈಚಾರಿಕ ನೆಲೆಗಟ್ಟಿನ ಮೇಲೆ ನಿರ್ಣಯ ಕೈಗೊಳ್ಳುತ್ತದೆ. ಅದಕ್ಕಾಗಿ ತತ್ವಶಾಸ್ತ್ರವನ್ನು 'ಸಿದ್ದಾಂತ'ವೆಂದು ಕರೆಯುತಾ ಎಂದು ಹೇಳಿದರು.

ಪ್ರಮುಖರಾದ ಸತೀಶ ಟಿ.ಸಣಮನಿ, ದತ್ತು ಹಡಪದ, ದೇವೇಂದ್ರಪ್ಪ ಗಣಮುಖಿ, ರಾಹುಲ್, ಆದರ್ಶ, ಸಿದ್ದರಾಮ, ಪ್ರದೀಪ, ಪರಮಾನಂದ, ಶ್ರೀಶೈಲ್, ಅನಿತ್ ಸೇರಿದಂತೆ ಇನ್ನಿತರರು ಇದ್ದರು.