ವಾಷಿಂಗ್ಟನ್, ಜೂ.೨೨- ಅಮೇರಿಕಾದ ಜೊತೆಗಿನ ರಕ್ಷಣಾ ಸಂಬಂಧವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯಲು ಭಾರತೀಯ ಸಶಸ್ತ್ರ ಪಡೆಗಳಿಗೆ ಖರೀದಿಸಲು ಮುಂದಾಗಿರುವ ಡ್ರೋಣ್‌ಗಳು, ಜೆಟ್ ಎಂಜಿನ್‌ಗಳು ಮತ್ತಷ್ಟು ಸಹಕಾರಿಯಾಗಲಿದೆ ಎಂದು ವಿಶ್ಲೇಷಿಸಲಾಗಿದೆ.
ಭಾರತ ಮತ್ತು ಅಮೇರಿಕಾ ನಡುವೆ ಈಗಾಗಲೇ ವಿಸ್ತಾರವಾದ ರಕ್ಷಣೆಗೆ ಸಂಬಂಧಿಸಿದಂತೆ ಪ್ರಧಾನಿ ನರೇಂದ್ರ ಮೋದಿ ಮತ್ತು ಅಮೇರಿಕಾ ಅಧ್ಯಕ್ಷ ಜೋ ಬೈಡನ್ ಅವರು ಈ ಹಿಂದಿನ ಶೃಂಗಸಭೆಯ ಸಮಯದಲ್ಲಿ ಜಿಇ-ಎಫ್೪೧೪ ಫೈಟರ್ ಜೆಟ್ ಎಂಜಿನ್‌ಗಳ ಜಂಟಿ ತಯಾರಿಕೆ ಮತ್ತು ಸಶಸ್ತ್ರ ಎಂಕ್ಯೂ- ೯ಬಿ ಪ್ರಿಡೇಟರ್ ಡ್ರೋಣ್‌ಗಳ ಅವಳಿ ಒಪ್ಪಂದ ಅಧಿಕೃತಗೊಳಿಸಿವೆ.
ಅಮೇರಿಕಾದೊಂದಿಗೆ ರಕ್ಷಣಾ ಒಪ್ಪಂದ ೩.೫ ಶತಕೋಟಿ ಮೊತ್ತದ್ದಾಗಿದೆ, ಇದರಲ್ಲಿ ಭಾರತೀಯ ನೌಕಾಪಡೆಗಾಗಿ ೩೧ ಡ್ರೋಣ್‌ಗಳು-೧೫ ಸೀ ಗಾರ್ಡಿಯನ್ಸ್ ಮತ್ತು ಸೇನೆಗೆ ತಲಾ ಎಂಟು ಸ್ಕೈ ಗಾರ್ಡಿಯನ್ಸ್‌ಗಳನ್ನು ಅಮೇರಿಕಾದಿಂದ ಖರೀದಿ ಮಾಡಲು ನಿರ್ಧರಿಸಲಾಗಿದೆ.
ಗುಪ್ತಚರ, ಕಣ್ಗಾವಲು ಮತ್ತು ಹಿಂದೂ ಮಹಾಸಾಗರ ಪ್ರದೇಶ ಮತ್ತು ಚೀನಾದೊಂದಿಗಿನ ಅದರ ಭೂ ಗಡಿಗಳಲ್ಲಿ ವಿಚಕ್ಷಣ ಮತ್ತು ಮುಷ್ಕರ ಕಾರ್ಯಾಚರಣೆಗಳು ಮತ್ತು ಪಾಕಿಸ್ತಾನದೊಂದಿಗೆ ಹೋರಾಟ ಮಾಡಲು ಜಿಇ-ಎಫ್೪೧೪ ಫೈಟರ್ ಜೆಟ್ ಸಹಕಾರಿಯಾಗಲಿವೆ ಎನ್ನಲಾಗಿದೆ.
ಭಾರತದಲ್ಲಿ ಜಿಇ-ಎಫ್೪೧೪ ಫೈಟರ್ ಜೆಟ್ ಟರ್ಬೊ-ಫ್ಯಾನ್ ಎಂಜಿನ್‌ಗಳ ಸಹ-ಉತ್ಪಾದನೆ ಸ್ವದೇಶಿ ತೇಜಸ್ ಮಾರ್ಕ್-೨ ಫೈಟರ್‌ಗಳು,ಅಸ್ತಿತ್ವದಲ್ಲಿರುವ ತೇಜಸ್ ಮಾಕ್ರ್ಲ್ ಜೆಟ್‌ಗಳು ಜಿಇ-ಎಫ್೪೧೪ ಫೈಟರ್ ಜೆಟ್ ಇಂಜಿನ್‌ಗಳನ್ನು ತಂತ್ರಜ್ಞಾನದ ವರ್ಗಾವಣೆ ಸೇರಿದಂತೆ ಹಲವು ವಿಷಯಗಳಲ್ಲಿ ಭಾರತ ಅಮೇರಿಕಾ ಸಹಭಾಗಿತ್ವ ಸಾಧಿಸಲು ನೆರವಾಗಲಿದೆ.
ಶಸ್ತ್ರಸಜ್ಜಿತ ಹೋರಾಟದ ವಾಹನಗಳು ಮತ್ತು ದೀರ್ಘ-ಶ್ರೇಣಿಯ ಫಿರಂಗಿಗಳಿಂದ ಹಿಡಿದು ಯುದ್ಧಸಾಮಗ್ರಿಗಳು ಮತ್ತು ನೀರೊಳಗಿನ ಹೋರಾಡುವ ಯುದ್ದ ಪರಿಕರಗಳನ್ನು ಅಮರೀಕಾದೊಂದಿಗೆ ಖರೀದಿ ಮಾಡಲು ನಿರ್ಧರಿಸಲಾಗಿದೆ.
ರಷ್ಯಾದ ಮಿಲಿಟರಿ ಸಾಮಾನುಗಳ ಮೇಲಿನ ಭಾರೀ ಅವಲಂಬನೆಯಿಂದ ಭಾರತವನ್ನು ದೂರವಿಡಲು ಅಮೇರಿಕಾ ಸಹ ಉತ್ಸುಕವಾಗಿದೆ. ಈ ಹಿನ್ನೆಲೆಯಲ್ಲಿ ಭಾರತಕ್ಕೆ ಹೆಚ್ಚಿನ ಪ್ರಮಾಣದ ರಕ್ಷಣಾ ಪರಿಕರ ಪೂರೈಕೆ ಮಾಡಲು ಮುಂದಾಗಿದೆ ಎನ್ನಲಾಗಿದೆ.
