ಜಿಲ್ಲಾಧಿಕಾರಿ ಕಚೇರಿ ಎದುರು ತಲೆಯ ಮೇಲೆ ಕಲ್ಲು ಹೊತ್ತು ಪ್ರತಿಭಟನೆ: 5ರಂದು ಪಾದ ಯಾತ್ರೆ

ತಾಳಿಕೋಟೆ:ಜು.25: ಪಟ್ಟಣದಿಂದ ಹಡಗಿನಾಳ ಗ್ರಾಮ ಮಾರ್ಗವಾಗಿ ಸಂಚರಿಸುವ ಡೋಣಿನಧಿಗೆ ಅಡ್ಡಲಾಗಿ ನಿರ್ಮಿಸಲಾಗಿರುವ ಸೇತುವೆಗೆ ನೇರ ರಸ್ತೆ ಕಲ್ಪಿಸುವ ಬದಲು ಅಂಕುಡೊಂಕು ನಿರ್ಮಿಸುತ್ತಿರುವ ಕುರಿತು ಹಾಗೂ ಪುರಸಭೆಯ ಅವ್ಯವಹಾರಗಳನ್ನು ತನಿಖೆಗೆ ಒಳಪಡಿಸಬೇಕೆಂದು ಒತ್ತಾಯಿಸಿ ತಾಳಿಕೋಟೆ ಅಭಿವೃದ್ದಿ ಹೋರಾಟ ಸಮಿತಿಯ ಅಧ್ಯಕ್ಷ ಮಲ್ಲಿಕಾರ್ಜುನ ಪಟ್ಟಣಶೆಟ್ಟಿ ನೇತೃತ್ವದಲ್ಲಿ ಅಗಸ್ಟ 5ರಂದು ವಿಜಯಪೂರ ಜಿಲ್ಲಾಧಿಕಾರಿ ಕಚೇರಿಯವರೆಗೆ ಪಾದಯಾತ್ರೆ ನಡೆಸಿ ತಲೆಯ ಮೇಲೆ ಕಲ್ಲು ಹೊತ್ತು ಪ್ರತಿಭಟನೆ ನಡೆಸಲಾಗುವುದೆಂದು ಹೋರಾಟ ಸಮಿತಿ ತಿಳಿಸಿದೆ.
ಈ ಕುರಿತು ಈಗಾಗಲೇ ಜಿಲ್ಲಾಧಿಕಾರಿಗೆ ಮನವಿಯನ್ನು ಸಲ್ಲಿಸಿರುವ ಹೋರಾಟ ಸಮಿತಿಯು ತಾಳಿಕೋಟಿಯಿಂದ ಹಡಗಿನಾಳ, ಮೂಕಿಹಾಳ ಕಲ್ಲದೇವನಹಳ್ಳಿ, ಶಿವಪೂರ, ನಾಗೂರ, ಹರನಾಳ ಹಗರಗುಂಡ ಇನ್ನೂ ಮುಂತಾದ ಹತ್ತಾರೂ ಹಳ್ಳಿಗಳಿಗೆ ಸಂಪರ್ಕಿಸುವ ದೋಣಿ ನದಿ ಸೇತುವೆಯ ರಸ್ತೆಯ ಅವೈಜ್ಞಾನಿಕವಾಗಿ ರಾಜಕೀಯ ಒತ್ತಡದಿಂದ ಅಂಕೋ ಡೋಂಕಾಗಿ ನಿರ್ಮಿಸಲಾಗುತ್ತದೆ. ಇದನ್ನು ಖಂಡಿಸಿ ಈ ಹಿಂದೆ ತಾಳಿಕೋಟಿ ಅಭಿವೃದ್ಧಿ ಹೊರಾಟ ಸಮೀತಿ, ತಾಳಿಕೋಟೆ ಹಾಗೂ ಎಲ್ಲಾ ಹತ್ತಾರೂ ಹಳ್ಳಿಗಳ ಗ್ರಾಮಸ್ಥರು ವಿವಿಧ ಸಂಘಟನೆಗಳ ನೇತೃತ್ವದಲ್ಲಿ ಧರಣಿ ಸತ್ಯಾಗೃಹ ಹಾಗೂ ಆಮರಣ ಉಪವಾಸ ಸತ್ಯಾಗ್ರಹವನ್ನು ಕೈಗೊಂಡರೂ ಸಹ ಯಾವುದೇ ಪ್ರಯೋಜನೆ ಆಗಿಲ್ಲಾ ಧರಣಿ ಸ್ಥಳಕ್ಕೆ ಆಗಮಿಸಿದ್ದ ಯೋಜನಾ ನಿರ್ದೇಶಕರು ವಿಜಯಪೂರ, ತಾಲೂಕ ದಂಡಾಧಿಕಾರಿಗಳು, ಸಿ.ಪಿ.ಐ ಮುದ್ದೇಬಿಹಾಳ, ಪಿ.ಎಸ್.ಐ ತಾಳಿಕೋಟೆ, ಪುರಸಭೆ ಮುಖ್ಯಾಧಿಕಾರಿಗಳು ಬಂದು ಭೇಟಿ ನೀಡಿ ಹೋರಾಟವನ್ನು ಅಂತ್ಯಗೊಳಿಸಲು ಲಿಖಿತ ರೂಪದಲ್ಲಿ ಎಲ್ಲ ಬೇಡಿಕೆಗಳನ್ನು ತಿಂಗಳಾಂತ್ಯದಲ್ಲಿ ಇಡೇರಿಸುವ ಭರವಸೆ ನೀಡಿ ಹೋಗಿದ್ದಾರೆ ಆದರೆ 4 ತಿಂಗಳು ಘತಿಸಿಹೋದರೂ ಕೂಡಾ ಯಾವ ಒಂದು ಬೇಡಿಕೆಯೂ ಇಡೇರಿಸಿಲ್ಲಾ ಈ ಕುರಿತು ಈಗಾಗಲೇ ಜಿಲ್ಲಾಧಿಕಾರಿಗಳಿಂದ ಹಿಡಿದು ಸರ್ಕಾರಕ್ಕೂ ಕೂಡಾ ಸಾಕಷ್ಟು ಮನವಿಗಳನ್ನು ಸಲ್ಲಿಸಲಾಗಿದ್ದರೂ ಪ್ರಯೋಜನೆಗೆ ಬಂದಿಲ್ಲಾ ಹೀಗಾಗಿ ಅಗಸ್ಟ 5 ರಂದು ತಾಳಿಕೋಟೆಯಿಂದ ವಿಜಯಪೂರ ಜಿಲ್ಲಾಧಿಕಾರಿಗಳ ಕಚೇರಿಯ ವರೆಗೆ ಪಾದಯಾತ್ರೆಯನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಜಿಲ್ಲಾಧಿಕಾರಿಗೆ ಸಲ್ಲಿಸಿದ ಮನವಿ ಪತ್ರದಲ್ಲಿ ಉಲ್ಲೇಖಿಸಲಾಗಿದೆ.
ಈಗಾಗಲೇ ಸಾಕಷ್ಟು ಭಾರಿ ಮಾನ್ಯ ಮುಖ್ಯಮಂತ್ರಿಗಳಿಗೆ, ಪೌರಾಡಳಿತ ನಿರ್ದೇಶನಾಲಯ ಬೆಂಗಳೂರ, ಹಾಗೂ ಇದಕ್ಕೆ ಸಂಬಂಧಪಟ್ಟ ಎಲ್ಲಾ ಇಲಾಖಾ ಅಧಿಕಾರಿಗಳಿಗೆ ದಾಖಲಾತಿಗಳೊಂದಿಗೆ ಮನವಿ ಸಲ್ಲಿಸಲಾಗಿದೆ ಆದರೂ ಪ್ರಯೋಜನೆಗೆ ಬಂದಿಲ್ಲಾ ಹೀಗಾಗಿ ಹೋರಾಟದ ಸ್ವರೂಪವನ್ನು ಬದಲಾಯಿಸಿಕೊಳ್ಳಲಾಗಿದೆ ಎಂದು ಜಿಲ್ಲಾಧಿಕಾರಿಗಳಿಗೆ ಸಲ್ಲಿಸಿದ ಮನವಿ ಪತ್ರದಲ್ಲಿ ತಿಳಿಸಲಾಗಿದೆ.
ಮನವಿ ಪತ್ರದ ಪ್ರತಿಗಳನ್ನು ಮುಖ್ಯಮಂತ್ರಿಗಳಿಗೆ, ಪೌರಾಡಳಿತ ಸಚಿವರಿಗೆ, ಮತ್ತು ನಿರ್ದೇಶಕರಿಗೆ, ಜಿಲ್ಲಾ ಉಸ್ತುವಾರಿ ಸಚಿವರಿಗೆ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಿಗೆ, ಒಳಗೊಂಡು ಇನ್ನಿತರ ಸಂಬಂದಿಸಿದ ಅಧಿಕಾರಿಗಳಿಗೆ ಕಳುಹಿಸಿರುವ ಕುರಿತು ಮನವಿ ಪತ್ರದಲ್ಲಿ ತಿಳಿಸಲಾಗಿದೆ.
ಜಿಲ್ಲಾಧಿಕಾರಿಗೆ ಮನವಿ ಪತ್ರ ಸಲ್ಲಿಸುವ ಸಮಯದಲ್ಲಿ ಹೋರಾಟ ಸಮಿತಿಯ ಅಧ್ಯಕ್ಷ ಮಲ್ಲಿಕಾರ್ಜುನ ಪಟ್ಟಣಶೆಟ್ಟಿ, ಸುರೇಶ ಹಜೇರಿ, ಶಿವರಾಜ ಗುಂಡಕನಾಳ, ರವಿ ಕಟ್ಟಿಮನಿ, ಸುರೇಶಕುಮಾರ ಹಜೇರಿ, ಶಿವು, ಮೊದಲಾದವರು ಇದ್ದರು.