ಯಾದಗಿರಿ : ಏ.30 : ವಿಧಾನಸಭಾ ಚುನಾವಣೆ ಅಂಗವಾಗಿ ಚುನಾವಣೆ ವೀಕ್ಷಕರ ಮೇಲ್ವಿಚಾರಣೆ ಹಾಗೂ ಅಧೀನದಲ್ಲಿ ಕಾರ್ಯನಿರ್ವಹಿಸುವ ಮೈಕ್ರೊ ಆಬ್ಜರ್ವರ್‍ಗಳು ಅತ್ಯಂತ ಜವಾಬ್ದಾರಿಯಿಂದ ಕಾರ್ಯನಿರ್ವಹಿಸುವಂತೆ ಯಾದಗಿರಿ ಹಾಗೂ ಗುರುಮಿಠಕಲ್ ವಿಧಾನಸಭಾ ಕ್ಷೇತ್ರಗಳ ಚುನಾವಣಾ ವೀಕ್ಷಕರಾದ ಶ್ರೀ ಹರಿಜವಾಹರಲಾಲ್ ಅವರು ತಿಳಿಸಿದ್ದಾರೆ.
ಜಿಲ್ಲಾಡಳಿತ ಭವನದ ಆಡಿಟೋರಿಯಂ ಸಭಾಂಗಣದಲ್ಲಿ ಏಪ್ರಿಲ್ 29ರ ಶನಿವಾರ ರಂದು ಮೈಕ್ರೊ ಅಬ್ಜರ್ವರ್‍ಗಳಿಗೆ ಅವರ ಕರ್ತವ್ಯಗಳ ಕುರಿತು ಆಯೋಜಿಸಿದ್ದ ತರಬೇತಿಯಲ್ಲಿ ಮಾತನಾಡಿದ ಅವರು ಮೈಕ್ರೊ ಆಬ್ಜರ್ವರ್‍ಗಳು ಚುನಾವಣಾ ಮಾರ್ಗಸೂಚಿಗಳನ್ನು, ಕಾನೂನು ನಿಯಮಗಳನ್ನು ಅಚ್ಚುಕಟ್ಟಾಗಿ ಪಾಲಿಸಬೇಕು. 17 (ಎ) ಓಟರ್ಸ್ ರಜಿಸ್ಟರ್, 17 (ಸಿ) ಮತದಾನವಾದ ಬಗ್ಗೆ ಸಂಪೂರ್ಣ ಹಾಗೂ ಅಧಿಕೃತ ಮಾಹಿತಿಯನ್ನು ಒದಗಿಸುವ ಜವಾಬ್ದಾರಿ ಹೊಂದಿದ್ದು, ಕಾರಣ ಅತ್ಯಂತ ಎಚ್ಚರಿಕೆಯಿಂದ ಕಾರ್ಯನಿರ್ವಹಿಸುವಂತೆ ಅವರು ಸೂಚನೆ ನೀಡಿದರು.
ಮತದಾನ ದಿನದಂದು ಮಾಕ್‍ಪೋಲ್‍ಗೆ ನಿಗದಿತ ಸಮಯಕ್ಕೆ ತಪ್ಪದೇ ಹಾಜರಾಗಬೇಕು. ಸಮಾನ್ಯ, ಸೂಕ್ಷ್ಮ ಮತದಾನ ಕೇಂದ್ರಗಳ ವ್ಯಾಪ್ತಿಯಲ್ಲಿ ಕಲ್ಪಿಸಲಾದ ಸೌಲಭ್ಯಗಳ ಬಗ್ಗೆ ಪೂರ್ವಭಾವಿಯಾಗಿ ತಿಳಿದುಕೊಳ್ಳಬೇಕು. ಎಪಿಕ್ ಕಾರ್ಡ್ ಜೊತೆಗೆ 14 ದಾಖಲೆಗಳೊಂದಿಗೆ ಮತದಾನ ಹಕ್ಕು ಚಲಾಯಿಸಲು ಮತದಾರರಿಗೆ ಅವಕಾಶ ಇರುವದರಿಂದ ಈ ಕುರಿತು ಸಂಪೂರ್ಣ ಅರಿವು ಹೊಂದಿರಬೇಕು. ಮತದಾನ ಕೇಂದ್ರಗಳಲ್ಲಿ ಚುನಾವಣೆ ಆಯೋಗದಿಂದ ಅಧಿಕೃತ ಪಾಸ್ ಇದ್ದವರಿಗೆ ಮಾತ್ರ ಪ್ರವೇಶ ಪಡೆಯಲು ಅವಕಾಶವಿದ್ದು, ಈ ಮಾಹಿತಿ ಅರಿತಿರಬೇಕು. ಮತದಾನದ ಆರಂಭ ಹಾಗೂ ಮತದಾನದ ನಂತರದ ಚಟುವಟಿಕೆಗಳನ್ನು ಲೋಪವಿಲ್ಲದೆ ನಿರ್ವಹಿಸುವಂತೆ ಅವರು ಸಲಹೆ ನೀಡಿದರು.
ಚುನಾವಣಾ ಆಯೋಗದ ನಿರ್ದೆಶನಗಳಂತೆ ಕಾರ್ಯನಿರ್ವಹಸಬೇಕು ಅಧಿಕೃತ ಮತದಾರರನ್ನು ಗುರಿತಿಸುವುದು. ಪೋಲಿಂಗ್ ಏಜೆಂಟರ ದೂರುಗಳ ಸಮರ್ಪಕ ನಿರ್ವಹಣೆ, ಮತದಾನ ಕೇಂದ್ರ ವಾರು ಅಧಿಕೃತ ಹಾಗೂ ಸಮಗ್ರ ವರದಿಗಳನ್ನು ಚುನಾವಣೆ ವೀಕ್ಷಕರಿಗೆ ನಿಗದಿತ ನಮೂನೆಗಳಲ್ಲಿ ತಪ್ಪದೇ ಸಲ್ಲಿಸಬೇಕು. ಮತದಾನದ ನಂತರ ಸಮಗ್ರ ವರದಿ ಸಹ ಸಲ್ಲಿಸುವಂತೆ ಅವರು ತಿಳಿಸಿದರು.
ಶಹಾಪೂರ ಹಾಗೂ ಗುರುಮಿಟಕಲ್ ವಿಧಾನಸಭಾ ಕ್ಷೇತ್ರದ ಸಾಮಾನ್ಯ ವೀಕ್ಷಕರಾದ ಅಪ್ಪಾಸೋ ಧುಲಜ್ ಅವರು ಮತದಾನದಿನದ ಒಂದು ದಿನ ಮುಂಚಿತವಾಗಿ ಅಥವಾ ಅಂದು ಬೆಳಿಗ್ಗೆ ನಿಗದಿತ ಸಮಯಕ್ಕೆ ಆಯಾ ಮತದಾನಕೇಂದ್ರಗಳಲ್ಲಿ ಹಾಜರಾದ ಬಗ್ಗೆ ಮೈಕ್ರೊ ಆಬ್ಜರ್ವರ್‍ಗಳು ಲೋಕೆಶನ್ ಸಮೇತ ಮಾಹಿತಿ ತಮ್ಮ ಮೊಬೈಲ್‍ಗೆ ರವನಿಸಬೇಕು. ಮತದಾನ ದಿನದಂದು ಜವಾಬ್ದಾರಿಯಿಂದ ಕಾರ್ಯನಿರ್ವಹಿಸಲು ಸೂಚಿಸಿದರು. ಅಪರ್ ಜಿಲ್ಲಾಧಿಕಾರಿ ಶರಣಬಸಪ್ಪ ಕೋಟೆಪ್ಪಗೊಳ ಅವರು ಹಾಗೂ ಜಿಲ್ಲೆ ಮೈಕ್ರೋ ಆಬ್ಜರ್ವರ್‍ಗಳು, ಚುನಾವಣಾ ಅಧಿಕಾರಿ ಮತ್ತು ಸಿಬ್ಬಂದಿ ಉಪಸ್ಥಿತರಿದ್ದರು.
