ಸ್ಟಾಕ್ಹೋಮ್, (ಸ್ವೀಡನ್),ಜೂ,೧೨- ಚೀನಾ ಪರಮಾಣು ಶಸ್ತ್ರಾಗಾರದ ಸಂಖ್ಯೆಯನ್ನು ಹೆಚ್ಚಳ ಮಾಡಿಕೊಳ್ಳುತ್ತಿರುವುದು ಜಾಗತಿಕ ಆತಂಕಕ್ಕೆ ಕಾರಣವಾಗಿದೆ ಎನ್ನುವ ಮಾಹಿತಿಯನ್ನು ಅಧ್ಯಯನ ಹೊರಹಾಕಿದೆ.
ವಿಶೇಷವಾಗಿ ಚೀನಾದ ಪರಮಾಣು ಶಸ್ತ್ರಾಸ್ತ್ರ ಹೆಚ್ಚಾಗಿದ್ದು ಭೌಗೋಳಿಕ ರಾಜಕೀಯ ಉದ್ವಿಗ್ನತೆ ಹೆಚ್ಚಾದಂತೆ ಇತರ ಪರಮಾಣು ಶಕ್ತಿಗಳು ತಮ್ಮ ಆಧುನೀಕರಣ ಮತ್ತಷ್ಟು ಹೆಚ್ಚು ಮಾಡಿದೆ ಎಂದು ಹೇಳಲಾಗಿದೆ.
“ವಿಶ್ವಾದ್ಯಂತ ಕ್ಷೀಣಿಸುತ್ತಿರುವ ಪರಮಾಣು ಶಸ್ತ್ರಾಸ್ತ್ರಗಳ ಸಂಖ್ಯೆಯ ದೀರ್ಘಾವಧಿಯ ಅಂತ್ಯ ಸಮೀಪಿಸುತ್ತಿದ್ದೇವೆ ಅಥವಾ ಈಗಾಗಲೇ ತಲುಪಿದ್ದೇವೆ” ಎಂದು ಸ್ಟಾಕ್ಹೋಮ್ ಇಂಟನ್ರ್ಯಾಷನಲ್ ಪೀಸ್ ರಿಸರ್ಚ್ ಇನ್ಸ್ಟಿಟ್ಯೂಟ್ ನಿರ್ದೇಶಕ ಡಾನ್ ಸ್ಮಿತ್ ತಿಳಿಸಿದ್ದಾರೆ
ಜಗತ್ತಿನ ಒಂಬತ್ತು ಪರಮಾಣು ಶಕ್ತಿ ಹೊಂದಿರುವ ದೇಶಗಳಾದ ಬ್ರಿಟನ್, ಚೀನಾ, ಫ್ರಾನ್ಸ್, ಭಾರತ, ಇಸ್ರೇಲ್, ಉತ್ತರ ಕೊರಿಯಾ, ಪಾಕಿಸ್ತಾನ, ರಷ್ಯಾ ಮತ್ತು ಅಮೇರಿಕಾದಲ್ಲಿ ಒಟ್ಟು ಪರಮಾಣು ಸಿಡಿತಲೆಗಳ ಪ್ರಮಾಣ ೨೦೨೩ ರ ಆರಂಭದಲ್ಲಿ ೧೨,೭೧೦ ರಿಂದ ೧೨,೫೧೨ ಕ್ಕೆ ಇಳಿದಿದೆ ಎಂದು ಅಧ್ಯಯನ ತಿಳಿಸಿದೆ.
ಅವುಗಳಲ್ಲಿ, ೯,೫೭೬ “ಸಂಭಾವ್ಯ ಬಳಕೆಗಾಗಿ ಮಿಲಿಟರಿ ದಾಸ್ತಾನುಗಳಲ್ಲಿವೆ.ದೇಶಗಳ ಬಳಕೆಗೆ ಲಭ್ಯವಿರುವ ದಾಸ್ತಾನುಗಳು ಮತ್ತು ಅವುಗಳ ಒಟ್ಟು ದಾಸ್ತಾನುಗಳ ಸಂಖ್ಯೆ ಚೀನಾದಲ್ಲಿ ಹೆಚ್ಚಾಗುತ್ತಿದೆ ಎಂದು ಹೇಳಲಾಗಿದೆ.
“ಸ್ಟಾಕ್‌ಪೈಲ್ ಬಳಸಬಹುದಾದ ಪರಮಾಣು ಸಿಡಿತಲೆಗಳು, ಮತ್ತು ಆ ಸಂಖ್ಯೆಗಳು ಹೆಚ್ಚಾಗಲು ಪ್ರಾರಂಭಿಸಿವೆ” ಎಂದು ಸ್ಮಿತ್ ಹೇಳಿದರು, ೧೯೮೦ ರ ದಶಕದಲ್ಲಿ ಕಂಡುಬಂದ ೭೦,೦೦೦ ಕ್ಕಿಂತ ಹೆಚ್ಚು ಸಂಖ್ಯೆಗಳು ಇನ್ನೂ ದೂರದಲ್ಲಿವೆ. ಬಹುಪಾಲು ಚೀನಾದಿಂದ, ಸಂಗ್ರಹವನ್ನು ೩೫೦ ರಿಂದ ೪೧೦ ವರೆಗೆ ಹೆಚ್ಚಿಸಿದೆ ಎನ್ನಲಾಗಿದೆ.
ಭಾರತ, ಪಾಕಿಸ್ತಾನ ಮತ್ತು ಉತ್ತರ ಕೊರಿಯಾ ಕೂಡ ತಮ್ಮ ದಾಸ್ತಾನು ಹೆಚ್ಚಿಸಿಕೊಂಡವು ಮತ್ತು ರಷಾ ೪,೪೭೭ ರಿಂದ ೪,೪೮೯ ಕ್ಕೆ ಸ್ವಲ್ಪ ಮಟ್ಟಿಗೆ ಬೆಳೆದಿದೆ, ಆದರೆ ಉಳಿದ ಪರಮಾಣು ಶಕ್ತಿಗಳು ತಮ್ಮ ಶಸ್ತ್ರಾಗಾರದ ಗಾತ್ರವನ್ನು ಉಳಿಸಿಕೊಂಡಿವೆ ಎಂದು ತಿಳಿಸಿವೆ.
