ಬೇಕಾಗುವ ಸಾಮಗ್ರಿಗಳು
*ಚಿಕನ್ ಪೀಸ್ – ೧/೪ ಕೆ.ಜಿ
*ಹಸಿರು ಮೆಣಸಿನಕಾಯಿ – ೫
*ಕಾಳು ಮೆಣಸು -೨ ಚಮಚ
*ಬೆಳ್ಳುಳ್ಳಿ – ೨
*ಶುಂಠಿ – ೧
*ಗಸಗಸೆ – ೧ ಚಮಚ
*ಶುಂಠಿ ಬೆಳ್ಳುಳ್ಳಿ ಪೇಸ್ಟ್ – ೨ ಚಮಚ
*ಕಾಳು ಮೆಣಸಿನ ಪುಡಿ – ೨ ಚಮಚ
*ಕೊತ್ತಂಬರಿ ಸೊಪ್ಪು – ಸ್ವಲ್ಪ
*ಲವಂಗ – ೫-೬
*ಚಕ್ಕೆ – ೫-೬
*ಏಲಕ್ಕಿ – ೫-೬
*ಈರುಳ್ಳಿ – ೨
*ಅರಿಶಿಣ – ೧ ಚಮಚ
*ಟೊಮೆಟೋ – ೨
*ಕಸೂರಿ ಮೇಥಿ – ೨ ಚಮಚ
*ಉಪ್ಪು – ರುಚಿಗೆ ತಕ್ಕಷ್ಟು
*ಎಣ್ಣೆ – ೧೦೦ ಮಿ.ಲೀ
*ನೀರು –
ಮಾಡುವ ವಿಧಾನ
ಪ್ಯಾನ್‌ಗೆ ಎಣ್ಣೆ ಹಾಕಿ. ಕಾದ ಮೇಲೆ ಲವಂಗ, ಏಲಕ್ಕಿ, ಚಕ್ಕೆ, ಹಸಿರು ಮೆಣಸಿನಕಾಯಿ, ಕಾಳು ಮೆನಸು, ಬೆಳ್ಳುಳ್ಳಿ, ಶುಂಠಿ, ಗಸಗಸೆ, ಹೆಚ್ಚಿದ ಈರುಳ್ಳಿ ಹಾಕಿ ಹುರಿದುಕೊಂಡ ನಂತರ, ಕೊತ್ತಂಬರಿ ಸೊಪ್ಪು, ಅರಿಶಿಣ ಹಾಕಿ ಕೈಯಾಡಿಸಿ. ತಣ್ಣಗಾದ ಮೇಲೆ ಸ್ವಲ್ಪ ನೀರು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ ಪ್ಯಾನ್ ಗೆ ಎಣ್ಣೆ ಹಾಕಿ. ಕಾದ ನಂತರ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಹಸಿವಾಸನೆ ಹೋಗುವಂತೆ ಹುರಿಯಿರಿ. ನಂತರ ಚಿಕ್ಕದಾಗಿ ಹೆಚ್ಚಿದ ಟೊಮೆಟೋ, ಚಿಕನ್ ಪೀಸ್ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ. ಫ್ರೈ ಮಾಡಿ. ಕಾಳು ಮೆಣಸಿನ ಪುಡಿ, ರುಬ್ಬಿ ಕೊಂಡ ಮಸಾಲೆ, ಅಗತ್ಯವಿರುವಷ್ಟು ನೀರು ಹಾಕಿ ಕಲಸಿ, ಮುಚ್ಚಳ ಮುಚ್ಚಿ ಬೇಯಲು ಬಿಡಿ. ಬೆಂದ ಮೇಲೆ ಕಸೂರಿ ಮೇಥಿ ಹಾಕಿ ಎಲ್ಲವೂ ಬೆರೆತುಕೊಳ್ಳುವಂತೆ ಮಿಕ್ಸ್ ಮಾಡಿದರೆ ಚಿಕನ್ ಚಾಪ್ಸ್ ಸವಿಯಲು ಸಿದ್ಧ.
