ನವದೆಹಲಿ,ಜು.೧೦- ಚಂದ್ರನ ಮೇಲೆ ಇಳಿಯುವ ಮೂಲಕ ವಿಶ್ವದಲ್ಲಿ ೪ನೇ ರಾಷ್ಟ್ರವಾಗಲು ಭಾರತ ತುದಿಗಾಲಲ್ಲಿ ನಿಂತಿದೆ ಎಂದು ಬಾಹ್ಯಾಕಾಶ ಸಚಿವ ಜಿತೇಂದ್ರ ಸಿಂಗ್ ಹೇಳಿದ್ದಾರೆ.
ಇಸ್ರೋದ ಅತ್ಯಂತ ಶಕ್ತಿಶಾಲಿ ರಾಕೆಟ್ ಎಲ್‌ವಿಎಂ-೩ ಚಂದ್ರಯಾನ-೩ ಕ್ಕೆ ದಿನಗಣನೆ ಆರಂಭವಾಗಿದ್ದು ಇದೇ ೧೪ ರಂದು ಶ್ರೀಹರಿಕೋಟಾದ ಲಾಂಚ್‌ಪ್ಯಾಡ್‌ನಲ್ಲಿ ನಭಕ್ಕೆ ಜಿಗಿಯಲು ಸಜ್ಜಾಗಿ ನಿಂತಿದೆ ಎಂದಿದ್ದಾರೆ.
ಶುಕ್ರವಾರ ಚಂದ್ರನ ಪ್ರಯಾಣ ಪ್ರಾರಂಭಿಸಲು ಚಂದ್ರನೌಕೆ ಸಜ್ಜಾಗಿದೆ. ಈ ಮೂಲಕ ಭಾರತ “ನಾಲ್ಕನೇ ದೇಶವಾಗಲು ತುದಿಗಾಲಲ್ಲಿ ನಿಂತಿದೆ. ಅಮೆರಿಕ, ರಷ್ಯಾ ಮತ್ತು ಚೀನಾ ನಂತರ ಚಂದ್ರನ ಮೇಲೆ ಇಳಿದಿವೆ ಎಂದು ತಿಳಿಸಿದ್ದಾರೆ.
ಭಾರತ ಚಂದ್ರನತ್ತ ತನ್ನ ನಡಿಗೆಯಲ್ಲಿ ಹಿಂದೆ ಉಳಿಯಲು ಇನ್ನು ಮುಂದೆ ಕಾಯಲು ಸಾಧ್ಯವಿಲ್ಲ
ಚಂದ್ರನ ಮೇಲೆ ಇಳಿದ ನಂತರ, ಆರು ಚಕ್ರಗಳ ಚಂದ್ರಯಾನ-೩ ರೋವರ್ ಲ್ಯಾಂಡರ್‌ನಿಂದ ಹೊರಬರುತ್ತದೆ ಮತ್ತು ಚಂದ್ರನ ಮೇಲ್ಮೈಯಲ್ಲಿ ೧೪ ದಿನಗಳ ಕಾಲ ಕೆಲಸ ಮಾಡುವ ನಿರೀಕ್ಷೆಯಿದೆ ಎಂದು ಹೇಳಿದ್ದಾರೆ.
“ರೋವರ್‌ನಲ್ಲಿ ಬಹು ಕ್ಯಾಮೆರಾಗಳ ಬೆಂಬಲದೊಂದಿಗೆ, ಚಿತ್ರ ಸ್ವೀಕರಿಸಲು ಸಾಧ್ಯವಾಗುತ್ತದೆ”.ಚಂದ್ರಯಾನ-೩ ಮಿಷನ್‌ನ ಪ್ರಾಥಮಿಕ ಊರು ಉದ್ದೇಶ ಒಳಗೊಂಡಿದೆ ಎಂದಿದ್ದಾರೆ.
ಚಂದ್ರನ ಮೇಲ್ಮೈಯಲ್ಲಿ ಸುರಕ್ಷಿತ ಮತ್ತು ಮೃದುವಾದ ಲ್ಯಾಂಡಿಂಗ್ ಅನ್ನು ಪ್ರದರ್ಶಿಸಲು; ಚಂದ್ರನ ಮೇಲೆ ರೋವರ್ ಸಂಚಾರ; ಮತ್ತು ಸ್ಥಳದಲ್ಲಿ ವೈಜ್ಞಾನಿಕ ಪ್ರಯೋಗಗಳನ್ನು ನಡೆಸಲು ಉದ್ದೇಶಿಸಲಾಗಿದೆ ಎಂದು ತಿಳಿಸಿದ್ದಾರೆ.
ಮಹತ್ವದ ಬಾಹ್ಯಾಕಾಶ-ಸಂಬಂಧಿತ ಒಪ್ಪಂದಗಳ ಮೂಲಕ ಭಾರತಕ್ಕಿಂತ ಬಹಳ ಹಿಂದೆಯೇ ತಮ್ಮ ಬಾಹ್ಯಾಕಾಶ ಪ್ರಯಾಣ ಪ್ರಾರಂಭಿಸಿದ ದೇಶಗಳು ಭಾರತವನ್ನು ಸಮಾನ ಸಹಯೋಗಿಯಾಗಿ ನೋಡುತ್ತಿವೆ ಎಂದಿದ್ದಾರೆ.
ವಂಬರುವ ವರ್ಷಗಳಲ್ಲಿ ಭಾರತದ ಬಾಹ್ಯಾಕಾಶ ಕ್ಷೇತ್ರವು ೧ ಟ್ರಿಲಿಯನ್ ಡಾಲರ್ ಆರ್ಥಿಕತೆಯಾಗಬಹುದು. ಪ್ರಸ್ತುತ, ಭಾರತದಲ್ಲಿನ ಬಾಹ್ಯಾಕಾಶ ಆರ್ಥಿಕತೆ ೨೦೨೦ ರಲ್ಲಿ ಜಾಗತಿಕ ಬಾಹ್ಯಾಕಾಶ ಆರ್ಥಿಕತೆಯ ಸುಮಾರು ಶೇ. ೨.೧ರಷ್ಟು ಭಾಗವನ್ನು ಹೊಂದಿದೆ ೯..೬ ಶತಕೋಟಿ ಡಾಲರ್ ಮೊತ್ತವಾಗಿದೆ, ಇದು ಜಿಡಿಪಿಯ ೦.೪ಡಾಲರ್ ಆಗಿದೆ ಎಂದು ತಿಳಿಸಿದ್ದಾರೆ
