ಗ್ಲೋಬಲ್ ಸೈನಿಕ ಅಕಾಡೆಮಿಯಲ್ಲಿ ಯೋಗ ದಿನಾಚರಣೆ

ಬೀದರ:ಜೂ.23:ಗ್ಲೋಬಲ್ ಸೈನಿಕ ಅಕಾಡೆಮಿಯಲ್ಲಿ ಶುಕ್ರವಾರ ಜೂನ್ 21ರಂದು ಅಂತಾರಾಷ್ಟ್ರೀಯ ಯೋಗದಿನ ಆಚರಿಸಲಾಯಿತು. ಶಿಕ್ಷಕರಾದ ಶ್ರೀ ಹರ್ಷವಧನ್ ಸ್ವಾಮಿ ಅವರು ಪ್ರಾಸ್ತಾಮಿಕ ನುಡಿ ಮತ್ತು ಸ್ವಾಗತ ಭಾಷಣವನ್ನು ಮಾಡಿದರು .ಮಕ್ಕಳೆಲ್ಲರೂ ಬಿಳಿ ಬಟ್ಟೆಯನ್ನು ಧರಿಸಿ ಯೋಗಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು. ಶಾಲಾ ವಿದ್ಯಾರ್ಥಿಗಳಿಗೆ ನುರಿತ ತರಬೇತುದಾರರಾದ ಶ್ರೀ ಸಂತೋಷ ಪಾಟೀಲ್ ಮತ್ತು ಶ್ರೀ ಹಣಮಂತ ರಾವ್ ಅವರು ಮಕ್ಕಳಿಗೆ ಯೋಗ ಅಭ್ಯಾಸವನ್ನು ಮಾಡಿಸಿದರು. ಮಕ್ಕಳು ಯೋಗಾಸನ ಭರಿತ ನೃತ್ಯವು ಅತೀ ಆಕರ್ಷಕವಾಗಿ ಮೂಡಿ ಬಂತು. ನಂತರ ಮಾತನಾಡಿದ ಡಾ//ಕೈಲಾಸ ಪಾಟೀಲ್ ಅವರು ಅತ್ಯುತ್ತಮ ಮಾನಸಿಕ ಮತ್ತು ದೈಹಿಕ ಆರೋಗ್ಯಕ್ಕಾಗಿ ರೋಗಗಳಿಂದ ಸುರಕ್ಷಿತವಾಗಿರಲು ಯೋಗಾಭ್ಯಾಸ ಅತೀ ಉಪಯುಕ್ತವಾಗಿದೆ. ಮಕ್ಕಳು ಮತ್ತು ಎಲ್ಲರು ಪ್ರತಿದಿನ ಕನಿಷ್ಠ ಅರ್ಧ ತಾಸದರೂ ಯೋಗವನ್ನು ಮಾಡಬೇಕು. ಇದು ಮನಸ್ಸಿನ ನಿಯಂತ್ತಣ ಕಾಪಾಡುವುದಲ್ಲದೆ ಮಾನಸಿಕ ಹಾಗೂ ದೈಹಿಕ ಆರೋಗ್ಯದಿಂದಿರಲು ಸಹಾಯಕವಾಗಿದೆ.ಯೋಗವು ಮನುಷ್ಯನ ನಡೆ,ನುಡಿ ಮತ್ತು ವರ್ತನೆಯ ಮೇಲೆ ನಿಯಂತ್ರಣವನ್ನು ತರುತ್ತದೆ ಎಂದು ಹೇಳಿದರು.
ಈ ವೇಳೆ ಸಂಸ್ಥೆಯ ಅಧ್ಯಕ್ಷರಾದ ಕರ್ನಲ್ ಶರಣಪ್ಪ ಸಿಕೇನ್ಪುರೆ ಅವರು ಕಾರ್ಯಕ್ರಮವನ್ನು ಉದ್ದೇಶಿ ಮಾತನಾಡಿ ವಿದ್ಯಾರ್ಥಿಗಳು ಆರೋಗ್ಯವಂತರಾಗಿರಲು ಪ್ರತಿ ದಿನ ಯೋಗ ಅಭ್ಯಾಸವನ್ನು ಮಾಡಿ ಉತ್ತಮ ಆರೋಗ್ಯ ಮತ್ತು ಶಿಸ್ತನ್ನು ರೂಢಿಸಿಕೊಳ್ಳಬೇಕು ಎಂದು ತಿಳಿಸಿದರು.
ಈ ವೇಳೆ ಮುಖ್ಯ ಗುರುಗಳಾದ ಜ್ಯೋತಿ ರಾಗಾ, ಸುಬೆದಾರ್ ಮಡೆಪ್ಪ, sಸುಬೆದಾರ್ ರಾಮ್ ಧವಲ್ ಜಿ, ಸುಬೆದಾರ್ ಧನರಾಜ್ ಸಾವರೇ, ಶ್ರೀ ಅಶೋಕ ಪಾಟೀಲ್, ಡಾ ಗಹನಿನಾಥ್, ಅಂಜಲಿ ಸ್ವಾಮಿ, ಶಿಕ್ಷಕ ವೃಂದ, ವಿದ್ಯಾರ್ಥಿಗಳು ಹಾಗೂ ಎಲ್ಲಾ ಸಿಬ್ಬಂದಿ ವರ್ಗದವರು ಉಪಸ್ಥಿತರಿದ್ದರು.