ಗ್ರಾಮಗಳ ಸಮಗ್ರ ಅಭಿವೃದ್ಧಿಗೆ ಸ್ಪಂದಿಸಿ: ಸವದಿ

ಹಾವೇರಿ, ಜ 13- ಗ್ರಾಮ ಪಂಚಾಯಿತಿಗಳ ಚುನಾವಣೆಯಲ್ಲಿ ಮತದಾರರು ಯಾವ ಆಶೆಗಳನ್ನುಟ್ಟುಗೊಂಡು ನಿಮಗೆಲ್ಲ ಮತ ನೀಡಿ ಆಯ್ಕೆ ಮಾಡಿದ್ದಾರೊ ಆ ಪ್ರೀತಿ ವಿಶ್ವಾಸವನ್ನು ಉಳಿಸಿಕೊಂಡು ಗ್ರಾಮಗಳ ಸಮಗ್ರ ಅಭಿವೃದ್ದಿಗೆ ಸ್ಪಂದಿಸುವಂತೆ ಉಪಮುಖ್ಯಮಂತ್ರಿ ಲಕ್ಷ್ಮಣ ಸವದಿಯವರು ಗ್ರಾಮ ಪಂಚಾಯಿತಿ ಸದಸ್ಯರುಗಳಿಗೆ ಕರೆ ನೀಡಿದರು.
ನಗರದ ರೇಲ್ವೆ ಸ್ಟೇಷನ್ ಹತ್ತಿರ ಇರುವ ಮಾಗವಿ ಕಲ್ಯಾಣ ಮಂಟಪದಲ್ಲಿ ಹಮ್ಮಿಕೊಂಡಿದ್ದ ಜನಸೇವಕ ಸಮಾವೇಶ ಹಾಗೂ ಗ್ರಾಮ ಪಂಚಾಯಿತಿಗಳ ಸದಸ್ಯರುಗಳಿಗೆ ಅಭಿನಂದನಾ ಸಮಾವೇಶವನ್ನು ಉದ್ಗಾಟಿಸಿ ಮಾತುನಾಡಿದ ಅವರು, ಬಿ.ಜೆ.ಪಿ ಪಕ್ಷದ ಬೆಂಬಲದಿಂದ, ಪಕ್ಷದ ಕಾರ್ಯಕರ್ತರ ಪರಿಶ್ರಮದಿಂದ ಆಯ್ಕೆಯಾಗಿರುವ ನೀವು ನಾನು ಬಿ.ಜೆ.ಪಿಯಿಂದಲೆ ಆಯ್ಕೆಯಾಗಿಒದ್ದೇನೆಂದು ಹೆಮ್ಮೆಯಿಂದ ಹೇಳಿಕೊಳ್ಳಿ ಎಂದರು.
ಸಮಾವೇಶದಲ್ಲಿ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡಿದ್ದ ಜಿಲ್ಲಾ ಉಸ್ತುವರಿ ಸಚಿವರು ಹಾಗೂ ಗೃಹ ಸಚಿವರಾದ ಬಸವರಾಜ ಬೊಮ್ಮಾಯಿಯವರು ಮಾತನಾಡಿ, ಹಳ್ಳಿಗಳ ಆಡಳಿತವು ಹಳ್ಳಿಗಳಿಂದಲೆ ನಡೆಯಬೇಕು, ಗ್ರಾಮ ಸ್ವರಾಜವಾಗಬೇಕೆಂದು ಮಹಾತ್ಮ ಗಾಂಧಿಜೀವರ ಕನಸ್ಸಾಗಿತ್ತು, ಮಹಾತ್ಮ ಗಾಂಧಿಜೀವರ ಕನಸ್ಸನ್ನು ನನಸಾಗಿಸುವತ್ತ ಮಾಜಿ ಪ್ರಧಾನಿ ದಿ. ಅಟಲ್ ಬಿಹಾರ ವಾಜಪೆಯವರು ಗ್ರಾಮ ಸಡಕ್ ಯೋಜನೆ, ಸರ್ವಶಿಕ್ಷಣ ಯೋಜನೆ, ಗುಡಿಕೈಗಾರಿಕೆಯಂತಹ ಹಲವಾರು ಯೋಜನೆಗಳನ್ನು ಜಾರಿಗೆ ತರುವ ಮೂಲಕ ಮಹಾತ್ಮ ಗಾಂಧಿಜೀಯವರ ಕನಸ್ಸನ್ನು ಸಾಕಾರಗೊಳಿಸಿದ್ದರು, ಅದೇ ಹಾದಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿಜಿಯವರು ಗ್ರಾಮೀಣ ಪ್ರದೇಶದ ಪ್ರತಿಯೊಬ್ಬರು ಬ್ಯಾಂಕ ಖಾತೆಯನ್ನು ಹೊಂದಲೆ ಬೇಕು ಎಂಬ ಉದ್ದೇಶದಿಂದ ಜನಧನ್‍ದಂತಹ ಯೋಜನೆ ಸೇರಿದಂತೆ ಸಮಗ್ರ ಗ್ರಾಮೀಣ ಅಭಿವೃದ್ದಿಗಾಗಿ ಹಲವಾರು ಯೋಜನೆಗಳನ್ನು ಜಾರಿಗೆ ತರುವ ಮೂಲಕ ಗ್ರಾಮ ಸ್ವರಾಜ್ಯದ ಗ್ರಾಮೀಣ ಪ್ರದೇಶದ ಸಮಗ್ರಹ ಅಭಿವೃದ್ದಿಗೆ ಬದ್ದರಾಗಿದ್ದಾರೆಂದು ತಿಳಿಸಿದರು.
ನೂತನ ಗ್ರಾಮ ಪಂಚಾಯಿತಿಯ ಸದಸ್ಯರುಗಳಿಗೆ ಮುಖ್ಯವಾಗಿ ಸವಾಲಾಗಿರುವ ಸಮಸ್ಯೆಗಳೆಂದರೆ ಕುಡಿಯುವ ನೀರು, ಸ್ವಚ್ಚತೆ, ಬಡವರಿಗೆ ವಸತಿ ಹಿನರಿಗೆ ಮನೆಗಳು, ಸ್ವಚ್ಚತೆಯಂತೆಹ ಅಗತ್ಯ ಸಮಸ್ಯೆಗಳಿಗೆ ರಾಜ್ಯ ಹಾಗೂ ಕೇಂದ್ರ ಸರ್ಕಾರವು ಸ್ಪಂದಿಸಲು ಬದ್ದವಾಗಿದೆ, ಈ ಯೋಜನೆಗಳನ್ನು ಸಮರ್ಪಕವಾಗಿ ಈಡೇರಿಸಲು ನೀವೆಲ್ಲ ಬದ್ದರಾಗಿರಬೇಂದು ಗ್ರಾ.ಪಂ ಸದಸ್ಯರುಗಳಿಗೆ ಕರೆ ನೀಡಿದರು.
ಕಾಂಗ್ರೇಸ್ ಮುಖಂಡರುಗಳಾದ ಡಿ.ಕೆ ಶಿವಕುಮಾರ, ಸಿದ್ದರಾಮಯ್ಯವರು ರಾಜ್ಯದ ಜನತೆಯನ್ನು ದಾರಿ ತಪ್ಪಿಸುವಂತಹ ಹೇಳಿಕೆಗಳನ್ನು ನೀಡುತ್ತಿದ್ದರಾರೆ ಡಿ.ಕೆ ಶಿವಕುಮಾರ ಬಸ್ ಕಂಡೇಕ್ಟರ್ ಇದ್ದಂತೆ, ಸಿದ್ದರಾಮ ಬಸ್ ಚಲಾಯಿಸುವ ಡ್ರೈವರ್ ಇದ್ದಂತೆ ಆದರೆ ಕಾಂಗ್ರೇಸ್ಸಿನ ಈ ನಾಲ್ಕು ಗಾಲಿಯ ಬಸ್ ಗಾಲಿಗಳು ಪಂಚೇರ್ ಆಗಿದೆ ನಿಂತಲ್ಲೆ ನಿಂತಿದೆ ಹಾಗಾಗಿ ಈ ಬಾರೆಯ ಗ್ರಾಮ ಪಂಚಾಯಿತ ಚುನಾವಣೆಯಲ್ಲಿ ಹೆಚ್ಚು ಬಿ.ಜೆ.ಪಿ ಬೆಂಬಲಿತ ಸದಸ್ಯರುಗಳು ಆಯ್ಕೆಯಾಗಿದ್ದಾರೆ, ತಾಲೂಕಾ ಪಂಚಾಯಿತ ಮತ್ತು ಜಿಲ್ಲಾ ಪಂಚಾಯಿತ ಚುನಾವಣೆಯಲ್ಲಿ ಗ್ರಾಮೀಣ ಜನತೆಯು ಬಿ.ಜೆ.ಪಿ.ಯ ಹೆಚ್ಚು ಸದಸ್ಯರುಗಳನ್ನು ಆಯ್ಕೆ ಮಾಡುವದರೊಂದಿಗೆ ಕಾಂಗ್ರೇಸ್ ಮುಕ್ತ ಕರ್ನಾಟಕವನ್ನಾಗಿ ಮಾಡಲಿದ್ದಾರೆಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಸಚಿವರುಗಳಾದ ಶ್ರೀರಾಮುಲು, ಬಿ.ಸಿ.ಪಾಟೀಲ, ಸಂಸದೆ ಶೋಭಾ ಕರದ್ಲಂಜಾಲೆ, ಶಾಸಕ ಅರುಣಕುಮಾರ ಪೂಜಾರ, ನೆಹರು ಓಲೇಕಾರ, ರುದ್ರಪ್ಪ ಬಳ್ಳಾರಿ, ಯು.ಬಿ. ಬಣಕಾರ, ನಿಗಮ ಮಂಡಳಿ ಅಧ್ಯಕ್ಷರು, ನವೀನ ಕೆ.ಎಸ್, ರಾಜ್ಯ ಕಾರ್ಯದರ್ಶಿಗಳು ಹಾಗೂ ಸಂಚಾಲಕರು, ಗೀತಾ ವಿವೇಕಾನಂದ, ರಾಜ್ಯ ಮಹಿಳಾ ಮೋರ್ಚಾ ಅಧ್ಯಕ್ಷರು, ಲಿಂಗರಾಜ ಪಾಟೀಲ, ಧಾರವಾಡ ವಿಭಾಗ ಪ್ರಭಾರಿಗಳು, ಜಯತೀರ್ಥ ಕಟ್ಟಿ, ಧಾರವಾಡ ವಿಭಾಗ ಸಂಘಟನಾ ಪ್ರಧಾನ ಕಾರ್ಯದರ್ಶಿ, ಶಿವರಾಜ ಸಜ್ಜನರ, ಮಾಜಿ ಶಾಸಕರು ಹಾಗೂ ನಿಕಟಪೂರ್ವ ಅಧ್ಯಕ್ಷರು, ಸುರೇಶಗೌಡ ಪಾಟೀಲ, ಮಾಜಿ ಶಾಸಕರು, ಡಿ.ಎಂ. ಸಾಲಿ, ಮಾಜಿ ಶಾಸಕರು, ಮಂಜುನಾಥ ಕುನ್ನೂರ, ಮಾಜಿ ಸಂಸದರು, ಭೋಜರಾಜ ಕರೂದಿ, ರಾಜ್ಯ ಓಬಿಸಿ ಮೋರ್ಚಾ ಉಪಾಧ್ಯಕ್ಷರು, ಮಂಜುನಾಥ ಓಲೇಕಾರ, ರಾಜ್ಯ ಎಸ್.ಟಿ. ಮೋರ್ಚಾ ಪ್ರಧಾನ ಕಾರ್ಯದರ್ಶಿ, ಪಾಲಕ್ಷಗೌಡ ಪಾಟೀಲ, ರಾಜ್ಯ ರೈತ ಮೋಚಾ ಕಾರ್ಯದರ್ಶಿ ಮುಂತಾದವರು ಉಪಸ್ಥಿತರಿದ್ದರು.