ಗೋಕಾಕ್ ಚಳವಳಿಯ ಉದ್ಯಾನವನದಲ್ಲಿ ಉಚಿತ ವೈ ಫೈ ಸೇವೆಗೆ ಚಾಲನೆ


ಬೆಂಗಳೂರು, ನ.1-ಮಲ್ಲೇಶ್ವರದ ಸ್ಯಾಂಕಿ ಕೆರೆ ಸಮೀಪದಲ್ಲಿ ಗೋಕಾಕ್ ಚಳವಳಿಯ ಸ್ಮರಣಾರ್ಥ ವೃತ್ತದ ಉದ್ಯಾನವನದಲ್ಲಿ ರಾಜ್ಯೋತ್ಸವದ ಪ್ರಯುಕ್ತ ಉಪ ಮುಖ್ಯಮಂತ್ರಿ ಡಾ.ಸಿ.ಎನ್‌. ಅಶ್ವತ್ಥನಾರಾಯಣ ಆಕ್ಟ್‌ ಪೈಬರ್‌ ನೆಟ್‌ವತಿಯಿಂದ ಮಾಡಲಾಗಿರುವ ಉಚಿತ ವೈಫೈ ವ್ಯವಸ್ಥೆಗೆ ಚಾಲನೆ ನೀಡಿದರು.

ಮಲ್ಲೇಶ್ವರದ ಭಾಗದ ಜನರ ಅಚ್ಚುಮೆಚ್ಚಿನ ತಾಣವಾಗಿರುವ ಈ ಉದ್ಯಾನವನ್ನು ಈ ಡಿಸಿಎಂ ಅವರು ಉತ್ತಮವಾಗಿ ಅಭಿವೃದ್ಧಿಯಾಗುವಂತೆ ನೋಡಿಕೊಂಡಿದ್ದರು. ಇದೀಗ ಆ ಉದ್ಯಾನವನಕ್ಕೆ ಮತ್ತಷ್ಟು ಹೈಟೆಕ್‌ ಮೆರಗು ಬಂದಿದ್ದು, ಗೋಕಾಕ್‌ ಚಳವಳಿಯ ಇತಿಹಾಸದ ಸ್ಪರ್ಶ ನೀಡಲಾಗಿದೆ. ಅದೀಗ ಹಸಿರು-ಕೆಂಪು ಬಣ್ಣಗಳ ಥೀಮಿನೊಂದಿಗೆ ಕಂಗೊಳಿಸುತ್ತಿದೆ.

ಈ ಉದ್ಯಾನವದಲ್ಲಿ ಹಮ್ಮಿಕೊಳ್ಳಲಾಗಿದ್ದ ರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಅವರು, ಆಕ್ಟ್‌ ಪೈಬರ್‌ನೆಟ್‌ ಉಪಕ್ರಮವನ್ನು ಶ್ಲಾಘಿಸಿದರಲ್ಲದೆ, ಮತ್ತಷ್ಟು ಖಾಸಗಿಯವರು ಮುಂದೆ ಬಂದು ಇನ್ನಷ್ಟು ಉದ್ಯಾನವನಗಳನ್ನು ನಿರ್ವಹಿಸುವಂತೆ ಆಗಬೇಕು. ಆಗ ಉದ್ಯಾನಗಳು ಮತ್ತಷ್ಟು ನಳನಳಿಸುತ್ತಾ ನಗರಕ್ಕಿರುವ ʼಉದ್ಯಾನವನಗಳ ನಗರಿʼ ಎಂಬ ಹೆಸರು ಸಾರ್ಥಕವಾಗುತ್ತದೆ ಎಂದರು.
ಇದೇ ಸಂದರ್ಭದಲ್ಲಿ ವ ಉದ್ಯಾನವನವನ್ನು ಒಂದು ಸುತ್ತುಹಾಕಿದ ಡಿಸಿಎಂ, ಎಲ್ಲರಿಗೂ ರಾಜ್ಯೋತ್ಸವ ಶುಭಾಶಯ ಕೋರಿದರು.

ಕರ್ನಾಟಕದಲ್ಲಿ ಕನ್ನಡ ಭಾಷೆಗೆ ಅಗ್ರಸ್ಥಾನವಿರಬೇಕು ಹಾಗೂ ಕನ್ನಡವೇ ಆಡಳಿತ ಹಲವಾರು ಆಕೃತಿಗಳು, ಫಲಕಗಳನ್ನು ಅಳವಡಿಸಲಾಗಿದೆ. ಕನ್ನಡಿಗರಿಗೆ ಇಷ್ಟವಾಗುವುದರ ಜತೆಗೆ, ಇತಿಹಾಸಕಾರರಿಗೂ ಹೇಳಿ ಮಾಡಿಸಿದ ಅಧ್ಯಯನ ತಾಣವಾಗಿದೆ ಈ ಉದ್ಯಾನವನ.

ವಾಯುವಿಹಾರಕ್ಕೆ ಬರುವವರಿಗೆ ಉಚಿತ ವೈಫೈ ನೀಡಲಾಗುತ್ತಿದ್ದು, ಅದರ ವೇಗ 100 ಎಂಬಿಪಿಎಸ್‌ ಇರುತ್ತದೆ. ಬರುವವರು ತಮ್ಮ ಹೆಸರು ನೋಂದಾಯಿಸಿಕೊಂಡು ವೈಫೈಗೆ ಲಾಗಿನ್‌ ಆಗಬಹುದು. 45 ನಿಮಿಷ ಈ ಸೇವೆಯನ್ನು ಬಳಸಿಕೊಳ್ಳಬಹುದು.