ಗುರುವಂದನಾ ಕಾರ್ಯಕ್ರಮ

ಲಕ್ಷ್ಮೇಶ್ವರ, ಮೇ 12: ತಾಲೂಕಿನ ಶಿಗ್ಲಿ ಗ್ರಾಮದಲ್ಲಿ ಎಸ್ ಎಸ್ ಪ್ರೌಢಶಾಲೆಯ 1992 93ನೇ ಸಾಲಿನ ಎಸ್ ಎಸ್ ಎಲ್ ಸಿ ವಿದ್ಯಾರ್ಥಿ ಮತ್ತು ವಿದ್ಯಾರ್ಥಿನಿಯರ ಸ್ನೇಹ ಕುಂಜ ಬಳಗದಿಂದ ಗುರುವಂದನಾ ಹಾಗೂ ಸ್ನೇಹ ಪುನರ್ ಮಿಲನ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.
ಕಾರ್ಯಕ್ರಮದ ಅಂಗವಾಗಿ ಇಂದು ಮುಂಜಾನೆ ಅಲಂಕೃತ ಸಾರೂಟದಲ್ಲಿ ಎಲ್ಲ ವಿಶ್ರಾಂತ ಗುರುಗಳನ್ನು ಪ್ರಮುಖ ಬೀದಿಗಳಲ್ಲಿ ಪೂರ್ಣ ಕುಂಭ ಸ್ವಾಗತದೊಂದಿಗೆ ಮೆರವಣಿಗೆ ಮಾಡಲಾಯಿತು. ಕೊಣ್ಣೂರು ಮತ್ತು ಶಿರಸಿಯ ತಂಡದವರಿಂದ ಬೇಡರ ಕುಣಿತದೊಡನೆ ಮೆರವಣಿಗೆ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿತು.
ಈ ಸಂದರ್ಭದಲ್ಲಿ ಹಳೆಯ ವಿದ್ಯಾರ್ಥಿಯಾಗಿರುವ ವಲಯ ಅರಣ್ಯಾಧಿಕಾರಿ ಮಂಜುನಾಥ್ ನಾವಿ, ನ್ಯಾಯವಾದಿ ರಾಜು ಮುಳುಗುಂದ್‍ಮಠ, ಎಸ್ ಪಿ ಬಳಿಗಾರ, ಡಿವೈ ಹುನಗುಂದ, ಸೋಮಣ್ಣ ಡಾಣಗಲ್, ಪ್ರಕಾಶ್ ಬೆಟಗೇರಿ, ಮಾಂತೇಶ್ ಬಡಿಗೇರ, ಸಂಗಮೇಶ್ ಅಂಗಡಿ, ಬಸವರಾಜ್ ಮಾಳಗಿ, ಮಂಜುನಾಥ್ ಬಾವಿಕಟ್ಟಿ, ಈರಣ್ಣ ನೂಲ್ವಿ, ಮಾಂತೇಶ ಸುಣಗಾರ, ವೀರಣ್ಣ ಪವಾಡದ, ಪೂರ್ಣ ಜಿ ಕರಾಟೆ, ಚಂದ್ರಶೇಖರ್ ಇಟಗಿ, ಬಸವರಾಜ ನೂಲವಿ, ಗಂಗಾಧರ್ ಬಂಕಾಪುರ, ಬಸವರಾಜ್ ಕಳಸದ, ಅಶೋಕ್ ಶಿರಹಟ್ಟಿ, ರಾಜರತ್ನ ಹುಲಗೂರ, ಕೃಷ್ಣ ಬಿದರಹಳ್ಳಿ, ಅಶೋಕ್ ಮುಳುಗುಂದಮಠ ಸೇರಿದಂತೆ ಅನೇಕರು ಪಾಲ್ಗೊಂಡಿದ್ದರು.