ಕ್ಷೇತ್ರದ ಸರ್ವಾಂಗೀಣ ಅಭಿವೃದ್ಧಿಗೆ ಆದ್ಯತೆ :ಬಳ್ಳಾರಿ

ಬ್ಯಾಡಗಿ,ಜು.31: ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳಿಂದ ಕೋವಿಡ್ ಮತ್ತು ಅತಿವೃಷ್ಠಿಯ ನಡುವೆಯೂ ಕೋಟ್ಯಾಂತರ ರೂಗಳ ಅನುದಾನವನ್ನು ಕ್ಷೇತ್ರದ ಅಭಿವೃದ್ಧಿಗಾಗಿ ತಾವು ತಂದಿದ್ದು, ಕ್ಷೇತ್ರದ ಸರ್ವಾಂಗೀಣ ಅಭಿವೃದ್ಧಿಯೇ ತಮ್ಮ ಮೊದಲ ಆದ್ಯತೆ ಎಂದು ಶಾಸಕ ವಿರುಪಾಕ್ಷಪ್ಪ ಬಳ್ಳಾರಿ ಹೇಳಿದರು.
ಲೋಕೋಪಯೋಗಿ ಇಲಾಖೆಯ ವತಿಯಿಂದ ಲೆಕ್ಕಶೀರ್ಷಿಕೆ 5054 ಅಪೆಂಡಿಕ್ಸ್- ಇ ಯೋಜನೆಯಡಿ ತಾಲೂಕಿನ ಚಿನ್ನಿಕಟ್ಟಿ ಗ್ರಾಮದಲ್ಲಿ 3.5 ಕೋಟಿ ರೂಗಳ ಅನುದಾನದಲ್ಲಿ ಕೈಗೆತ್ತಿಕೊಂಡಿರುವ ಕುಮ್ಮೂರ-ಚಿನ್ನಿಕಟ್ಟಿ-ಕಾಟೇನಹಳ್ಳಿ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಗುದ್ದಲಿಪೂಜೆ ನೆರವೇರಿಸಿ ಮಾತನಾಡಿದ ಅವರು, ಕ್ಷೇತ್ರದ ಪ್ರತಿಯೊಂದು ಗ್ರಾಮದ ಸರ್ವಾಂಗೀಣ ಅಭಿವೃದ್ಧಿಗೆ ತಾವು ವಿಶೇಷ ಆದ್ಯತೆ ನೀಡಿದ್ದು, ಇದರಲ್ಲಿ ಮುಖ್ಯವಾಗಿ ಕುಡಿಯುವ ನೀರು, ರಸ್ತೆ, ಕಾಲುವೆ, ಶಾಲಾ ಕೊಠಡಿಗಳು, ದೇವಸ್ಥಾನ ಹಾಗೂ ಸಮುದಾಯ ಭವನದ ನಿರ್ಮಾಣಕ್ಕೆ ಅಗತ್ಯ ಕ್ರಮ ವಹಿಸಿರುವುದಾಗಿ ತಿಳಿಸಿದರು.
ಈ ಸಂದರ್ಭದಲ್ಲಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಅಧ್ಯಕ್ಷ ಗುಡ್ಡನಗೌಡ್ರ ಪಾಟೀಲ, ಜಿಲ್ಲಾ ಬಿಜೆಪಿ ಎಸ್’ಟಿ ಮೋರ್ಚಾ ಅಧ್ಯಕ್ಷ ಶಿವಾನಂದ ಯಮನಕ್ಕನವರ, ಶಿವಬಸಪ್ಪ ಕುಳೇನೂರ, ಗ್ರಾಪಂ ಸದಸ್ಯರಾದ ಅರುಣ ಕದರಮಂಡಲಗಿ, ಲಕ್ಷ್ಮಕ್ಕ ಕಣಜದಮನಿ, ಮಲ್ಲಮ್ಮ ಚಿಕ್ಕನಗೌಡ್ರ, ಲಕ್ಷ್ಮವ್ವ ಮಾದರ, ಶ್ರೇಣಿಕರಾಜ ಯಳವತ್ತಿ, ಲೋಕಣ್ಣ ಮೂಡೂರ, ಜಗದೀಶ ಎತ್ತಿನಮನಿ, ಸೋಮೇಶ ಮೂಡೂರ, ಕರಲಿಂಗಪ್ಪ ಹಳೇಮನಿ, ಕೆಂಪೇಗೌಡ್ರ ಪಾಟೀಲ, ಈರಣ್ಣ ಹೊಂಬರಡಿ, ಎಇಇ ಉಮೇಶ ನಾಯ್ಕ್, ಜೆಇ ಆನಂದ ದೊಡ್ಡಮನಿ, ಗುತ್ತಿಗೆದಾರ ಸಂತೋಷ ಹೀರೆಮಠ ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು.