ಮುಂಬೈ,ಸೆ.೨೬-ಈ ವರ್ಷ, ಸಿನಿಮಾ ಪ್ರಪಂಚದ ಅನೇಕ ದೊಡ್ಡ ಬಜೆಟ್ ಚಿತ್ರಗಳು ಬಿಡುಗಡೆಯಾಗುತ್ತಿವೆ ಮತ್ತು ಒಂದರ ನಂತರ ಒಂದು ಭರ್ಜರಿ. ಯಶಸ್ಸು ಸಾಧಿಸಿ ಗಲ್ಲಾ ಪೆಟ್ಟಿಗೆಯನ್ನು ದೋಚಿ, ಸಾಕಷ್ಟು ಮನೋರಂಜನೆ ನೀಡುವ ಚಿತ್ರಗಳು ಎಂದು ಸಾಬೀತಾಗುತ್ತಿದೆ. ಇದೀಗ ಕ್ರಿಸ್ಮಸ್ ಹಬ್ಬದಂದು ಶಾರುಖ್ ಖಾನ್ ಅಭಿನಯದ ’ಡಿಂಕಿ’ ಮತ್ತು ’ಪ್ರಭಾಸ್’ ಸಲಾರ್ ಎಂಬ ಎರಡು ದೊಡ್ಡ ಚಿತ್ರಗಳು ಬಿಡುಗಡೆಯಾಗಲಿವೆ. ಈ ಮೂಲಕ ಕ್ರಿಸ್ಮಸ್ ದಿನದಂದು ಪ್ರಭಾಸ್ ಮತ್ತು ಶಾರುಖ್ ಮುಖಾಮುಖಿಯಾಗಲಿದ್ದಾರೆ.
ಜೊತೆಗೆ ಅಭಿಮಾನಿಗಳಿಗೆ ಡಬಲ್ ಧಮಾಕಾ ಮನರಂಜನೆ ಸಿಗಲಿದೆ.
ಹಿಂದಿ ಚಿತ್ರರಂಗದ ಸೂಪರ್‌ಸ್ಟಾರ್ ಶಾರುಖ್ ಖಾನ್ ಈ ವರ್ಷ ಬಾಕ್ಸ್ ಆಫೀಸ್‌ನಲ್ಲಿ ಪ್ರಾಬಲ್ಯ ಸಾಧಿಸಿದ್ದಾರೆ ಮತ್ತು ಒಂದರ ನಂತರ ಒಂದರಂತೆ ಹಿಟ್‌ಗಳನ್ನು ನೀಡುವ ಮೂಲಕ ಅಭಿಮಾನಿಗಳ ಹೃದಯದಲ್ಲಿ ತಮ್ಮ ಸ್ಥಾನವನ್ನು ಬಲಪಡಿಸಿದ್ದಾರೆ. ಅಭಿಮಾನಿಗಳಲ್ಲಿ ಶಾರುಖ್ ಖಾನ್ ಗೆ ವಿಶೇಷ ಸ್ಥಾನವಿದೆ.
ಪಠಾಣ್’ ಮತ್ತು ’ಜವಾನ್’ ನಂತಹ ಎರಡು ದೊಡ್ಡ ಬಜೆಟ್ ಸೂಪರ್ಹಿಟ್ ಚಿತ್ರಗಳನ್ನು ನೀಡಿದ ನಂತರ, ಶಾರುಖ್ ಖಾನ್ ಈ ವರ್ಷ ’ಡಿಂಕಿ’ಯೊಂದಿಗೆ ಮತ್ತೆ ಬರುತ್ತಿದ್ದಾರೆ. ನಟ ತಮ್ಮ ಮುಂಬರುವ ಚಿತ್ರ ’ಡಿಂಕಿ’ ಮೂಲಕ ಜನರ ಹೃದಯವನ್ನು ಗೆಲ್ಲಲಿದ್ದಾರೆ ಎನ್ನಲಾಗಿದೆ .ಶಾರುಖ್ ಅವರ ಈ ಚಿತ್ರ ಈ ವರ್ಷದ ಕ್ರಿಸ್ಮಸ್ ಸಂದರ್ಭದಲ್ಲಿ ಬಿಡುಗಡೆಯಾಗಲಿದೆ.
ಸೌತ್ ಸೂಪರ್ ಸ್ಟಾರ್ ಪ್ರಭಾಸ್ ಚಿತ್ರಗಳಿಗಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಾರೆ, ನಟನ ಬಗ್ಗೆ ಅಭಿಮಾನಿಗಳಲ್ಲಿ ವಿಭಿನ್ನ ಕ್ರೇಜ್ ಇದೆ. ಪ್ರಭಾಸ್ ಅಭಿನಯದ ಚಿತ್ರ ಬಹಳ ದಿನಗಳಿಂದ ಹಿಟ್ ಆಗಿಲ್ಲ, ಹೀಗಾಗಿ ಈಗ ಪ್ರಭಾಸ್ ಅಭಿನಯದ ಮುಂಬರುವ ಚಿತ್ರ ’ಸಾಲಾರ್’ ಬಗ್ಗೆ ಸಾಕಷ್ಟು ನಿರೀಕ್ಷೆಗಳಿವೆ.
ಇದೀಗ ಸೌತ್ ಸೂಪರ್ ಸ್ಟಾರ್ ಪ್ರಭಾಸ್ ಅಭಿನಯದ ಬಹು ನಿರೀಕ್ಷಿತ ಚಿತ್ರ ’ಸಾಲಾರ್’ ಕೂಡ ಕ್ರಿಸ್ ಮಸ್ ಗೆ ಬಿಡುಗಡೆಯಾಗಲಿದ್ದು, ಚಿತ್ರದ ಬಗ್ಗೆ ಈಗಾಗಲೇ ಸಾಕಷ್ಟು ಮಾಹಿತಿಗಳು ಬಹಿರಂಗಗೊಂಡಿದ್ದು, ಪ್ರಭಾಸ್ ಅವರ ವಿಭಿನ್ನ ಶೈಲಿ ಈ ಚಿತ್ರದಲ್ಲಿ ಕಾಣಿಸಲಿದೆ.
