ಮುಂಬೈ, ಮಾ.೩೦-ಟೀಂ ಇಂಡಿಯಾದ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಬಗ್ಗೆ ಒಂದು ರಹಸ್ಯದ ಗುಟ್ಟೊಂದನ್ನು ಪತ್ನಿ ಅನುಷ್ಕಾ ಶರ್ಮಾ ಬಿಚ್ಚಿಟ್ಟಿದ್ದಾರೆ.
ಪ್ರೀತಿಸಿ ಕೆಲ ವರ್ಷಗಳ ಡೇಟಿಂಗ್ ಬಳಿಕ ಮದುವೆಯಾದ ಕೊಹ್ಲಿ, ಅನುಷ್ಕಾ ದಂಪತಿಗೆ ಮುದ್ದಾದ ಮಗಳಿದ್ದಾಳೆ. ಇದೀಗ ಅನುಷ್ಕಾ ಶರ್ಮಾ ಪತಿ ಕುಡಿತದ ಚಟದ ಬಗ್ಗೆ ರಹಸ್ಯವೊಂದನ್ನು ಹಂಚಿಕೊಂಡಿದ್ದಾರೆ.
ಸಂದರ್ಶನದಲ್ಲಿ ಅನುಷ್ಕಾ ಶರ್ಮಾ ವಿರಾಟ್ ಕೊಹ್ಲಿ ಕುಡಿದಾಗ ಮಾಡುವ ಕೆಲಸ ಬಗ್ಗೆ ಮಾತಾಡಿದ್ದಾರೆ. ಪಾರ್ಟಿಗಳಿಗೆ ಹೋದಾಗ ಯಾರು ಬೇಗ ಜನರ ಗಮನಸೆಳೆಯುತ್ತಾರೆ ಎಂದು ಪ್ರಶ್ನೆ ಕೇಳಿದ್ರು. ಇದಕ್ಕೆ ಉತ್ತರಿಸಿದ ಅನುಷ್ಕಾ ಶರ್ಮಾ, ಅದು ವಿರಾಟ್ ಕೊಹ್ಲಿಯೇ ಎಂದಿದ್ದಾರೆ. ಪಾರ್ಟಿಯಲ್ಲಿ ಡ್ರಿಂಕ್ಸ್ ಮಾಡುವ ವಿರಾಟ್ ಬಗ್ಗೆ ಅನುಷ್ಕಾ ತಮಾಷೆ ಮಾಡಿದ್ದಾರೆ.
ವಿರಾಟ್ ಪಾರ್ಟಿಯಲ್ಲಿ ಕುಡಿದರೆ ಕೂಡಲೇ ಡ್ಯಾನ್ಸ್ ಫ್ಲೋರ್ಗೆ ಹೋಗಿ ಡ್ಯಾನ್ಸ್ ಮಾಡಲು ಶುರು ಮಾಡುತ್ತಾರೆ. ಅವರು ಡ್ಯಾನ್ಸ್ ಮಾಡಲು ಆರಂಭ ಮಾಡಿದರೆ ಎಲ್ಲರೂ ಅವರನ್ನೇ ನೋಡಬೇಕು ಹಾಗೆ ಕುಣಿಯುತ್ತಾರೆ ಎಂದು ಹೇಳಿದ್ದಾರೆ. ಪಕ್ಕದಲ್ಲೇ ಕುಳಿತಿದ್ದ ವಿರಾಟ್ ಕೊಹ್ಲಿ ಪತ್ನಿಯ ಮಾತಿಗೆ ಹೌದು, ಹೌದು ಎಂದಿದ್ದಾರೆ. ನಾನು ಎರಡು ಪೆಗ್ಗಳಿಗಿಂತಲೂ ಹೆಚ್ಚು ಕುಡಿದೆ ಅಂದ್ರೆ ಡ್ಯಾನ್ಸ್ ಮಾಡಲು ಆರಂಭಿಸುತ್ತೇನೆ. ನನ್ನನ್ನು ತಡೆಯುವುದು ಯಾರಿಗೂ ಸಾಧ್ಯವಿಲ್ಲ ಎಂದಿದ್ದಾರೆ.
ಪಾರ್ಟಿಗಳಿಗೆ ಹೋಗಿ ಕುಡಿದಾಗ ಎಲ್ಲಾ ವಿಚಾರಗಳನ್ನೇ ಮರೆತು ಕುಣಿಯುವುದಕ್ಕೆ ಶುರು ಮಾಡಿ ಬಿಡ್ತೇನೆ ಎಂದು ಕ್ರಿಕೆಟಿಗೆ ಕೊಹ್ಲಿ ಹೇಳಿದ್ದಾರೆ. ಕೆಲವೊಮ್ಮೆ ನನ್ನ ಈ ವರ್ತನೆ ನನಗೆ ಇಷ್ಟವಾಗುವುದಿಲ್ಲ ಎಂದು ಹೇಳಿಕೊಂಡಿದ್ದಾರೆ.ಇದೀಗ ನಾನು ಮದ್ಯ ಸೇವನೆಯನ್ನೇ ನಿಲ್ಲಿಸಿದ್ದೇನೆ ಎಂದು ಕೊಹ್ಲಿ ಹೇಳಿದ್ದಾರೆ.
