ಕೊರೊನಾ ವೈರಸ್ ಕೊಲ್ಲುವ ಸಾಧನ ಆವಿಷ್ಕಾರ

ಬೆಂಗಳೂರು, ಆ. ೨- ಕೊರೊನಾ ವೈರಸ್‌ನ್ನು ಕೊಲ್ಲುವ ಸಾಧನವನ್ನು ಬೆಂಗಳೂರಿನ ಸಂಶೋಧನಾ ಸಂಸ್ಥೆಯೊಂದು ಅಭಿವೃದ್ಧಿಪಡಿಸಿದೆ.
ಬೆಂಗಳೂರಿನ ಅಭಿವೃದ್ಧಿ ಮತ್ತು ಸಂಶೋಧನಾ ಸಂಸ್ಥೆ ‌ಡಿ-ಸ್ಕೆಲೇನ್ ಅಭಿವೃದ್ಧಿಪಡಿಸಿದ್ದು, ಈ ಸಾಧನಕ್ಕೆ ಸೈಕೊಕಾನ್ ಎಂದು ಹೆಸರಿಸಲಾಗಿದೆ.
ಈ ಸಾಧನ 10 ಸಾವಿರ ಕ್ಯೂಬಿಕ್ ಅಡಿ ಗಾತ್ರದಲ್ಲಿ ಬರುವ ಕೊರೊನಾ ವೈರಸ್ ಕಣಗಳನ್ನು ನಿಶ್ಚೇತನಗೊಳಿಸುತ್ತದೆ ಎಂದು ಸ್ಕೆಲೇನ್ ಸಂಸ್ಥೆಯ ಅಧ್ಯಕ್ಷ ಡಾ. ರಾಜ ವಿಜಯಕುಮಾರ್ ಹೇಳಿದ್ದಾರೆ.
ಈ ಸಾಧನಾ ಬ್ಯಾಕ್ಟೀರಿಯಾ ಮತ್ತು ಫಂಗಸ್‌ಗಳನ್ನು ಕೊಲ್ಲುವುದಿಲ್ಲ. ಕೊರೊನಾ ಕಣಗಳನ್ನು ಕೊಲ್ಲುತ್ತದೆ ಎಂದು ಅವರು ಹೇಳಿದರು.
ಈ ಸಾಧನ ಅತ್ಯಂತ ಸುರಕ್ಷಿತವಾಗಿದೆ. ಸಂಪೂರ್ಣ ಪರೀಕ್ಷೆಗೆ ಒಳಪಟ್ಟ ನಂತರವೇ ಸಾಧನವನ್ನು ಮಾರುಕಟ್ಟೆ ಬಿಡಲಾಗುತ್ತದೆ. ಸದ್ಯಕ್ಕೆ ಅಮೆರಿಕಾ ಮತ್ತು ಯುರೋಪ್ ಮಾರುಕಟ್ಟೆಗಳಿಗೆ ಈ ಸಾಧನಗಳನ್ನು ಒದಗಿಸುವ ಬಗ್ಗೆ ಸಂಸ್ಥೆ ಒಪ್ಪಂದ ಮಾಡಿಕೊಂಡಿದೆ ಎಂದು ಅವರು ಹೇಳಿದರು.
ಈ ಕೊರೊನಾ ಕಣಗಳನ್ನು ಕೊಲ್ಲುವ ಸೈಕೊಕಾನ್ ಸಾಧನವನ್ನು ಮನೆ, ಕೈಗಾರಿಕೆ ಮತ್ತು ವಾಣಿಜ್ಯ ಮಳಿಗೆಗಳಲ್ಲಿ ಬಳಸಬಹುದಾಗಿದ್ದು, ಈ ಸಾಧನವನ್ನು ಅಳವಡಿಸಿದ ನಂತರ 10 ಸಾವಿರ ಚದರ ಕ್ಯೂಬಿಕ್ ಅಡಿಯಲ್ಲಿ ಕಂಡುಬರುವ ಕೊರೊನಾ ಕಣಗಳನ್ನು ಕೊಲ್ಲುತ್ತದೆ. ಅಷ್ಟರ ಮಟ್ಟಿಗೆ ಈ ಸಾಧನ ಕೊರೊನಾ ನಿಯಂತ್ರಣಕ್ಕೆ ನೆರವಾಗುತ್ತದೆ ಎಂದು ಅವರು ಹೇಳಿದರು. ‌
ಈ ಸಾಧನಾ ತಯಾರಿಸಲು ಯಾವುದೇ ರಸಾಯನಿಕವನ್ನು ಬಳಸಿಲ್ಲ. ಹಾಗೆಯೇ ಈ ಸಾಧನಾ ಮನುಷ್ಯನಿಗೆ ತೊಂದರೆ ಮಾಡುವ ಯಾವುದೇ ಅನಿಲ, ರಸಾಯನಿಕವನ್ನು ಬಿಡುಗಡೆ ಮಾಡುವುದಿಲ್ಲ. ಎಲ್ಲ ರೀತಿಯಿಂದಲೂ ಸುರಕ್ಷಿತವಾಗಿದ್ದು, ಫೋಟಾನ್ ಮೆಡಿಕೇಟೆಡ್ ಎಲೆಕ್ಟ್ರಾನ್‌ಗಳನ್ನು ಈ ಸಾಧನ ಉತ್ಪಾದಿಸಿ ಆ ಮೂಲಕ ಕೊರೊವಾ ಕಣಗಳನ್ನು ಕೊಲ್ಲುತ್ತದೆ. ಈ ಸಾಧನವನ್ನು ವಿದ್ಯುತ್ ಪ್ಲಗ್‌ಗೆ ಅಳವಡಿಸಿದ ನಂತರ ಇದರಿಂದ ಉತ್ಪತ್ತಿಯಾಗುವ ದೊಡ್ಡ ಮಟ್ಟದ ವೆಲಾಸಿಟಿ ಹೊಂದಿರುವ ಎಲೆಕ್ಟ್ರಾನ್ಸ್‌ಗಳು ಕೊರೊನಾಗಳನ್ನು ಕೊಲ್ಲುತ್ತವೆ ಎಂದು ಅವರು ಹೇಳಿದರು.
ಈ ಸಾಧನಗಳನ್ನು ಸ್ಕೆಲೇನ್ ಸಂಶೋಧನಾ ಸಂಸ್ಥೆಯ ಕ್ಯಾಂಪಸ್‌ನಲ್ಲಿ ಕಳೆದ 1 ವರ್ಷದಿಂದಲೂ ಯಶಸ್ವಿಯಾಗಿ ಬಳಸಲಾಗಿದೆ ಎಂದು ಅವರು ಹೇಳಿದರು.