ಕೂಡ್ಲಿಗಿ ತಾಲೂಕಿನಲ್ಲಿ ಸಿಡಿಲು ಬಡಿದು ನಾಲ್ವರು ಸಾವು

ಕೂಡ್ಲಿಗಿ.ಮೇ. 4:- ತಾಲೂಕಿನಲ್ಲಿ ಇಂದು ಸಂಜೆ ಗುಡುಗು ಸಹಿತ ಮಳೆ ಗಾಳಿಯಲ್ಲಿ ಸಿಡಿಲು ಬಡಿದು ನಾಲ್ವರು ಸಾವನ್ನಪ್ಪಿದ್ದಾರೆ.

ತಾಲೂಕುನ ಹರವದಿಯ ಗ್ರಾಮದ ಒಬ್ಬ ವ್ಯಕ್ತಿ, ನೆಲಬೊಮ್ಮನಹಳ್ಳಿಯ ಇಬ್ಬರು ಹಾಗೂ ಎಂ. ಬಿ. ಅಯ್ಯನಹಳ್ಳಿ ಯ ಓರ್ವ ಸಿಡಿಲಿಗೆ ಬಲಿಯಾದ ಘಟನೆ ಜರುಗಿದೆ.
ಜರ್ಮಲಿ ಗ್ರಾಮಪಂಚಾಯಿತಿ ಮಾಜಿ ಸದಸ್ಯ ಹರವದಿಯ ರಾಜಶೇಖರ (33) ತಾಲೂಕಿನ ಸೂಲದಹಳ್ಳಿಯಿಂದ ಕ್ಯಾಸನಕೆರೆ ಜರ್ಮಲಿ ರಸ್ತೆಯಲ್ಲಿ ಹೋಗುತ್ತಿರುವಾಗ್ಗೆ ಸಿಡಿಲು ಬಡಿದು ಸಾವನ್ನಪ್ಪಿದರೆ. ಆತನ ಜೊತಗಿದ್ದ ವ್ಯಕ್ತಿಗೆ ಗಾಯವಾಗಿದೆ.

ತಾಲೂಕಿನ ನೆಲಬೊಮ್ಮನಹಳ್ಳಿ ಗ್ರಾಮದ ಹೊರವಲಯದ ಹೊಲದಲ್ಲಿ ಕುರಿಮೇಯಿಸಲು ಹೋಗಿದ್ದ ಚಿನ್ನಾಪುರಿ (40)ಹಾಗೂ ವೀರಣ್ಣ (50) ಮಳೆ ಬರುತ್ತಿದ್ದರಿಂದ ಮರದಡಿ ನಿಂತಾಗ ಅವರಿಬ್ಬರಿಗೂ ಸಿಡಿಲು ಬಡಿದು ಸಾವನ್ನಪ್ಪಿದ್ದಾರೆ.

ಎಂ ಬಿ ಅಯ್ಯನಹಳ್ಳಿ ಯ ಪತ್ರೆಪ್ಪ (43) ಮಳೆ ಬರುತ್ತದೆಂದು ಮಾಳಿಗೆಯ ಬಾದಾಳ ಮುಚ್ಚಲು ಹೋದಾಗ ಆತನೂ ಸಹ ಸಿಡಿಲು ಬಡಿದು ಸಾವನ್ನಪ್ಪಿದ್ದಾನೆ.

ಘಟನಾ ಸ್ಥಳಕ್ಕೆ ತಹಸೀಲ್ದಾರ್ ಮಹಾಬಲೇಶ್ವರ ಹಾಗೂ ಸಿಬ್ಬಂದಿ ಬೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.