ಕುಡಿಯುವ ನೀರಿನ ಸಮಸ್ಯೆ ಪರಿಹಾರಕ್ಕೆ ಸೂಚನೆ

(ಸಂಜೆವಾಣಿ ವಾರ್ತೆ)
ನವಲಗುಂದ,ಆ17 : ತಾಲ್ಲೂಕಿನ 12 ಗ್ರಾಮದಲ್ಲಿ ಕುಡಿಯವ ನೀರಿನ ಕೊರತೆ ಇದೆ ಈ ಕುರಿತು ಏನು ಕ್ರಮ ತಗೆದುಕೊಂಡಿದ್ದಿರೆಂದು ನೀರು ಸರಬರಾಜು ಮತ್ತು ನೈರ್ಮಲ್ಯ ಇಲಾಖೆ ಅಧಿಕಾರಿಯನ್ನು ಶಾಸಕ ಎನ್.ಎಚ್.ಕೋನರಡ್ಡಿ ತರಾಟೆಗೆ ತೆಗೆದುಕೊಂಡರು.
ಪಟ್ಟಣದ ತಾಪಂ ಸಭಾ ಭವನದಲ್ಲಿ ತ್ರೈಮಾಸಿಕ(ಕೆಡಿಪಿ) ಅಧ್ಯಕ್ಷತೆ ವಹಿಸಿ ಮಾತನಾಡಿ ಅವರು ಕುಡಿಯವ ನೀರು ಇರುವ ಗ್ರಾಮದಲ್ಲಿ ಸರಿಯಾಗಿ ನೀರು ಸರಬರಾಜು ಆಗುತ್ತಿಲ್ಲ. ಅಲ್ಲಿಯ ಸಮಸ್ಯೆಗಳು ಶ್ರೀಘ್ರವಾಗಿ ಪರಿಹರಿಸಬೇಕೆಂದು ಸೂಚನೆ ನೀಡಿದರು.
ರೈತರು ಬೆಳೆವಿಮೆ ತುಂಬುವ ಕುರಿತು ವಿಮಾ ಕಂಪನಿಗಳು ಯಾವ ನಿಯಮಗಳನ್ನು ಪಾಲಿಸುತ್ತಿವೆ ಎಂದು ಕೃಷಿ ಇಲಾಖೆ ಅಧಿಕಾರಿ ಅವರನ್ನು ಪ್ರಶ್ನಿಸಿದರು. ವಿಮಾ ಕಂಪನಿಗಳನ್ನು ರೈತರಿಗೆ ವಿಮಾ ವಂಚಿಸುತ್ತಿವೆ ಎಂದರು. ಇದೇ ಸಂದರ್ಭದಲ್ಲಿ ವಿವಿಧ ಇಲಾಖೆ ಅಧಿಕಾರಿಗಳು ತಮ್ಮ ಪ್ರಗತಿ ಕುರಿತು ವಿವರಿಸಿದರು.
ಜಿಪಂ ಉಪವಿಭಾಗ ಅಧಿಕಾರಿ ಅಶೋಕ ತೇಲಿ, ತಾ ಪಂ ಇ ಓ ಭಾಗ್ಯಶ್ರೀ ಜಹಗೀರದಾರ, ತಹಶೀಲ್ದಾರ ಸುದೀರ ಸಾಹುಕಾರ, ಜಂಟಿ ಕೃಷಿ ನಿರ್ದೇಶಕ ಕಿರಣಕುಮಾರ ಸೇರಿದಂತೆ ವಿವಿಧ ಇಲಾಖೆಯ ಅಧಿಕಾರಿಗಳು ಇದ್ದರು.