ಕುಡಿಯುವ ನೀರಿನ ಸಮಸ್ಯೆ ಪರಿಹಾರಕ್ಕೆ ಆಗ್ರಹಿಸಿ ಗ್ರಾ.ಪಂ.ಗೆ ಮನವಿ

ಚಿಂಚೋಳಿ,ಸೆ.24- ತಾಲೂಕಿನ ಗಾರಂಪಳ್ಳಿ ಗ್ರಾಮ ಪಂಚಾಯತ ವ್ಯಾಪ್ತಿಯಲ್ಲಿ ಬರುವ ಗಾರಂಪಳ್ಳಿ ಹೊಸಬಡಾವಣೆಗೆ ಹೊಸ ಪೈಪಲೈನ್ ಜೋಡಿಸಿ ನೀರು ಪೂರೈಸುವಂತೆ ಆಗ್ರಹಿಸಿ ಗ್ರಾಪಂಗೆ ಮನವಿ ಸಲ್ಲಿಸಲಾಯಿತು.
ಈ ಬಡಾವಣೆಯ ಭೀಮಶಾ ಕುಲಕರ್ಣಿ ರವರ ಮನೆಯಿಂದ ಮಾಸ್ತನ್ ನೈಕೋಡಿ ರವರ ಮನೆಯ ಮುಖಾಂತರ ಫಕೀರಪ್ಪ ಮಾಳಗಿ ರವರ ಮನೆಯ ವರೆಗೆ ಕುಡಿಯುವ ನೀರಿನ ಪೈಪ್ ಲೈನ್ ಇಲ್ಲದೇವಿರುವದರಿಂದ ಇಲ್ಲಿನ ನಿವಾಸಿಗಳಿಗೆ ಕುಡಿಯುವ ನೀರಿನ ಸಮಸ್ಯೆ ಉಂಟಾಗಿದೆ.
ಇದೇ 2021-2022 ನೇ ಸಾಲಿನ 15 ನೇ ಹಣಕಾಸಿನ ಅನುದಾನದಲ್ಲಿ ಕುಡಿಯುವ ನೀರಿನ ಪೈಪ್‍ಲೈನ್ ಜೊಡಣೆಗಾಗಿ ಗಾರಂಪಳ್ಳಿ ಗ್ರಾಮದ ಹೊಸಬಡಾವಣೆಯ ಮಾರ್ಗವನ್ನು ಯೋಜನೆಯಲ್ಲಿ ಸೇರಿಸಬೇಕು ಎಂದು ಗ್ರಾಮ ಪಂಚಾಯತ ಅಧ್ಯಕ್ಷರಾದ ಮಹೇಶ್ ಗುತ್ತೇದಾರ ಹಾಗೂ ಗ್ರಾಮ ಪಂಚಾಯತ ಅಭಿವೃದ್ಧಿ ಅಧಿಕಾರಿಗಳಾದ ಮಾರುತಿ ರವರಿಗೆ ಗ್ರಾಮದ ಗೋಪಾಲ ಕೊರಡಂಪಳ್ಳಿ ಕಾಂಗ್ರೆಸ್ ಯುವ ಮುಖಂಡರು ಗಾರಂಪಳ್ಳಿ ರವರ ನೇತೃತ್ವದಲ್ಲಿ ಮನವಿ ಪತ್ರ ಸಲ್ಲಿಸಲಾಯಿತು.
ಈ ಸಂದರ್ಭದಲ್ಲಿ ಮರೆಪ್ಪ ಬುಳ್ಳ, ಹಫೀಜ್ಮಿಯಾ ಬಡಿಗೇರ, ಜಾವಿದಮಿಯಾ,ಬಸಮ್ಮ ಮಾಳಗಿ, ಮಸ್ತಾನ್ ನೈಕೋಡಿ, ತಹೇರಾ ಬೀ, ಸಾಧಿಕ್ ನೈಕೋಡಿ, ಗ್ರಾಮಸ್ಥರು ಉಪಸ್ಥಿತರಿದ್ದರು.