ಕುಡಿಯುವ ನೀರಿನ ಕಾಮಗಾರಿಗೆ ಮೇಯರ್ ಚಾಲನೆ

(ಸಂಜೆವಾಣಿ ಪ್ರತಿನಿಧಿಯಿಂದ)
ಬಳ್ಳಾರಿ, ಮಾ.05: ನಗರದ 23ನೇ ವಾರ್ಡಿನ  ತಾಳೂರು ರಸ್ತೆಯ ಕಾಲುವೆ ಹತ್ತಿರ ಕುಡಿಯುವ ನೀರಿನ ನೂತನ ಎಚ್ .ಡಿ .ಪೈಪ್ ಲೈನ್ ಕಾಮಗಾರಿಗೆ ಇಂದು ಮೇಯರ್ ಎಂ.ರಾಜೇಶ್ವರಿ ಸುಬ್ಬರಾಯಡು ಅವರು ಚಾಲನೆ ನೀಡಿದರು.
ಮಹಾನಗರ ಪಾಲಿಕೆಯ 15ನೇ  ಹಣಕಾಸು ಯೋಜನೆಯಡಿ  22 ಲಕ್ಷ ರೂ ವೆಚ್ಚದಲ್ಲಿ ಈ‌ ಕಾಮಗಾರಿ ಕೈಗೊಳ್ಳಲಾಗುತ್ತಿದೆ.
ಈ ಕಾಮಗಾರಿಯು  ಬೀಚಿ ನಗರ. ಭಗತ್ ಸಿಂಗ್ ನಗರ ಹಾಗೂ  ಕಪ್ಪಗಲ್ ರೋಡ್ ಲಿಂಕ್ ರಸ್ತೆಗಳಲ್ಲಿನ  ಹಳೆಯ ಕುಡಿಯುವ ನೀರಿನ ಪೈಪ್ ಲೈನನ್ನು ಬದಲಿಸಿ ಹೊಸ ಹೆಚ್ ಡಿ ಪೈಪ್ ಲೈನ್ ಅಳವಡಿಸಲಾಗುತ್ತದೆ.
ನಂತರ ಅವರು ಪಾಲಿಕೆಯಿಂದ 6,20 ಲಕ್ಷದಲ್ಲಿ ಬೀಚಿ ನಗರದ ಪಾರ್ಕಿನ ಅಭಿವೃದ್ಧಿ ಕಾಮಗಾರಿಗೂ  ಸಹ ಚಾಲನೆ ನೀಡಿದರು.
ಈ ಸಂದರ್ಭದಲ್ಲಿ  ನಗರ ಶಾಸಕ ಜಿ.ಸೋಮಶೇಖರ್ ರೆಡ್ಡಿ, ಪಾಲಿಕೆ ಸದಸ್ಯರಾದ ಪಿ. ಗಾದೆಪ್ಪ.  ಮೋತ್ಕರ್ ಶ್ರೀನಿವಾಸ,  ಹನುಮಂತಪ್ಪ ಮೊದಲಾದವರು ಇದ್ದರು.