ಕನ್ನಡ ಚಿತ್ರರಂಗದಲ್ಲಿ ಸಾಕಷ್ಟು ಹೊಸ ಪ್ರಯೋಗದ ಚಿತ್ರಗಳು ತೆರೆಗೆ ಬರುತ್ತಿವೆ. ಅಂತಹ ಮತ್ತೊಂದು ಚಿತ್ರ “ಕಾಶಿಕಾ”. ಕನ್ನಡದಲ್ಲಿ ಮೊದಲ ಬಾರಿಗೆ ಮೋಷನ್ ಕ್ಯಾಪ್ಚರ್ ತಂತ್ರಜ್ಞಾನ ಬಳಸಿಕೊಂಡು ತಯಾರಾಗಿರುವ ಸಾರಿ ಕರ್ಮ ರಿಟರ್ನ್ಸ್ ಚಿತ್ರದ ನಿರ್ಮಾಪಕ ನವೀನ್ ಕುಮಾರ್ ಮತ್ತೊಂದು ಅದ್ದೂರಿ ವೆಚ್ಚದ ಹಾಗೂ ಬಹುಭಾಷೆಯಲ್ಲಿ ನಿರ್ಮಾಣವಾಗುತ್ತಿರುವ, ದೊಡ್ಡ ಬಜೆಟ್ ಚಿತ್ರ‌ಕೂಡ.
ಸಾರಿ ಚಿತ್ರ ಬಿಡುಗಡೆಯ ಹಂತದಲ್ಲಿರುವಾಗಲೇ ಮತ್ತೊಂದು ಚಿತ್ರ ಪ್ರಕಟಿಸಿದ್ದಾರೆ. ಬ್ರಹ್ಮ ನಿರ್ದೇಶನದ ಮೂರನೇ ಚಿತ್ರ ಇದಾಗಿದೆ.
ಮಹಿಳಾ ಪ್ರದಾನ ಆಕ್ಷನ್ ಚಿತ್ರವಾಗಿದ್ದು, ನಾಯಕಿ ಕಾಶಿಯಿಂದ ಕರ್ನಾಟಕಕ್ಕೆ ಬರುತ್ತಾಳೆ. ಆಕೆ ಇಲ್ಲಿಗೆ ಏಕೆ ಬಂದಳು, ಯಾರನ್ನು ಹುಡುಕಿಕೊಂಡು ಬಂದಳು ಅನ್ನೋದೇ ಚಿತ್ರದ ಕಥೆ.. ನಾಯಕಿಯ ಪಾತ್ರಕ್ಕೆ ಹೆಸರಾಂತ ನಟಿ ಸಂಪರ್ಕಿಸಲಾಗಿದ್ದು ಮುಂದಿನ ದಿನಗಳಲ್ಲಿ ಅವರ ಹೆಸರು ಪ್ರಕಟಿಸಲು ತಂಡ ಮುಂದಾಗಿದೆ.
ಸಹ ನಿರ್ಮಾಪಕರಾಗಿ ಶ್ರೀವಿಜಯ್ ಹಾಗೂ ಜೈ ಕ್ರಿಪ್ಲಾನಿ ಕೈಜೋಡಿಸಿದ್ದಾರೆ. ರಾಜೀವ್ ಗಣೇಸನ್ ಚಿತ್ರದ ಕ್ಯಾಮೆರಾ ವರ್ಕ್ ನಿಭಾಯಿಸಲಿದ್ದಾರೆ. ಸದ್ಯ ಚಿತ್ರದ ಶೀರ್ಷಿಕೆಯನ್ನಷ್ಟೇ ಬಿಡುಗಡೆ ಮಾಡುವ ಮೂಲಕ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದೆ. ಕಾಶಿಕಾ ಚಿತ್ರದ ತಾರಾಬಳಗದಲ್ಲಿ ಎಲ್ಲಾ ಭಾಷೆಯ ಖ್ಯಾತ ನಟನಟಿಯರೇ ಇರಲಿದ್ದಾರೆ, ಹಂತ ಹಂತವಾಗಿ ಚಿತ್ರದ ಬಗ್ಗೆ, ತಾರಾಗಣದ ಹಾಗೂ ಇತರ ತಂತ್ರಜ್ಞರ ಬಗ್ಗೆ ಮಾಹಿತಿ ತಿಳಿಸಲಾಗುವುದು ಎಂದು ಚಿತ್ರದ ಕಾರ್ಯಕಾರಿ ನಿರ್ಮಾಪಕ ಅಫ್ಜಲ್ ಅವರು ತಿಳಿಸಿದ್ದಾರೆ.
