ಕಾಮನ್ ವೆಲ್ತ್ ಕ್ರೀಡೆ: ವೇಟ್ ಲಿಫ್ಡಿಂಗ್‌ನಲ್ಲಿ ಲವ್ ಪ್ರೀತ್ ಗೆ ಕಂಚು

ಬರ್ಮಿಂಗ್‌ಹ್ಯಾಮ್ ಆ.3-ಇಲ್ಲಿ ನಡೆಯುತ್ತಿರುವ ಕಾಮನ್​ವೆಲ್ತ್​ ಕ್ರೀಡಾಕೂಟದಲ್ಲಿ ಪುರುಷರ ವೇಟ್‌ಲಿಫ್ಟಿಂಗ್‌ 109 ಕೆಜಿ ವಿಭಾಗದಲ್ಲಿ ಲವ್‌ಪ್ರೀತ್ ಸಿಂಗ್ ಕಂಚಿನ ಪದಕ ಗೆದ್ದುಕೊಂಡಿದ್ದಾರೆ.
ಇದರೊಂದಿಗೆ ಭಾರತ 5 ಚಿನ್ನ, 5 ಬೆಳ್ಳಿ ಹಾಗು 4 ಕಂಚು ಸೇರಿ ಒಟ್ಟು 14 ಪದಕಗಳನ್ನು ಬಾಚಿಕೊಳ್ಳುವ ಮೂಲಕ ಪದಕ ಪಟ್ಟಿಯಲ್ಲಿ 6ನೇ ಸ್ಥಾನದಲ್ಲಿದೆ.
ಲವ್‌ಪ್ರೀತ್ ಸಿಂಗ್ ಒಟ್ಟು 355 ಕೆಜಿ ವೇಟ್‌ಲಿಫ್ಟ್​ ಮಾಡಿ ಕಂಚಿನ ಪದಕ ತಮ್ಮದಾಗಿಸಿಕೊಂಡರು. ಸ್ನ್ಯಾಚ್​ ವಿಭಾಗದಲ್ಲಿ 163 ಕೆಜಿ ಹಾಗೂ ಕ್ಲೀನ್ ಮತ್ತು ಜರ್ಕ್ ವಿಭಾಗದಲ್ಲಿ 192 ಕೆ.ಜಿ ಭಾರವನ್ನು ಎತ್ತಿದರು. ವೇಟ್‌ಲಿಫ್ಟಿಂಗ್​ ನಲ್ಲಿ ಭಾರತ ಗಳಿಸಿದ 10ನೇ ಪದಕವಾಗಿದೆ.