ಕಾಮಗಾರಿಗೆ ಭೂಮಿಪೂಜೆ

ಧಾರವಾಡ ನ.4-ಕರ್ನಾಟಕ ನೀರಾವರಿ ನಿಗಮದ ಸುಮಾರು 15 ಲಕ್ಷ ರೂ ಅನುದಾನದಲ್ಲಿ ನರೇಂದ್ರ ಗ್ರಾಮದ ಎಸ್ ಟಿ ಕಾಲೋನಿಯ ಗಟಾರ ನಿರ್ಮಾಣ ಕಾಮಗಾರಿಗೆ ಸಂಗಮೇಶ್ ದೇವರ ದಿವ್ಯಹಸ್ತದಿಂದ ಹಾಗೂ ಅಮೃತ ದೇಸಾಯಿ ಅವರು ಭೂಮಿ ಪೂಜೆ ಸಲ್ಲಿಸಿ, ಚಾಲನೆ ನೀಡಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಶಾಸಕ ಅಮೃತ ದೇಸಾಯಿಯವರು, ಗ್ರಾಮದ ಅನೇಕ ರಸ್ತೆಗಳಿಗೆ ಸರಿಯಾದ ಚರಂಡಿ ವ್ಯವಸ್ಥೆ ಇಲ್ಲದ ಕಾರಣಕ್ಕೆ ಕೊಳಚೆ ನೀರು ರಸ್ತೆಗೆ ನುಗ್ಗುತ್ತಿತ್ತು. ಇದರಿಂದ ಗ್ರಾಮಸ್ಥರಿಗೆ ಸೊಳ್ಳೆಗಳ ಕಾಟದಿಂದ ಅನೇಕ ಕಾಯಿಲೆಗಳು ಬರುತ್ತಿದ್ದವು. ಗ್ರಾಮಸ್ಥರ ಸಮಸ್ಯೆಯನ್ನು ಅರಿತುಕೊಂಡು ಗಟಾರ ನಿರ್ಮಾಣ ಕಾಮಗಾರಿ ಕೈಗೊಳ್ಳಲಾಗಿದೆ ಎಂದರು.
ಕೊರೋನಾ ಮಹಾ ಮಾರಿಯಿಂದ ಅನೇಕ ಅಭಿವೃದ್ದಿ ಕಾಮಗಾರಿಗಳಿಗೆ ಹಿನ್ನಡೆಯಾಗಿದೆ. ಆದಷ್ಟು ಬೇಗನೆ ಅಭಿವೃದ್ಧಿ ಕಾಮಗಾರಿಗಳ ವೇಗ ಹೆಚ್ಚಿಸಲಾಗುವುದು ಎಂದ ಅವರು, ಕೊರೊನಾ ಕಾಯಿಲೆಗೆ ಇನ್ನೂ ಔಷದಿ ದೊರೆತಿಲ್ಲ. ಔಷದಿ ಸಿಗುವವರೆಗೂ ನಾವೆಲ್ಲರೂ ಕೇಂದ್ರ ಸರ್ಕಾರದ ಸುರಕ್ಷತಾ ಕ್ರಮಗಳನ್ನು ಕೈಗೊಂಡು ನಮ್ಮ ದಿನನಿತ್ಯದ ಕೆಲಸಗಳಲ್ಲಿ ತೋಡಗಬೇಕಿದೆ ಎಂದು ಸಲಹೆ ನೀಡಿದರು.
ಈ ಸಂದರ್ಭದಲ್ಲಿ ಗ್ರಾಮದ ಹಿರಿಯರಾದ ಪ್ರೇಮಾ ಕೋಮಾರದೇಸಾಯಿ, ಚನವೀರಗೌಡ ಪಾಟೀಲ ,ವಿಜಯ ದೇಶಮುಖ, ನಾಗಪ್ಪ ಸೋಗಿ, ಮಂಜುನಾಥ ಇಳೇಗೇರ,ಯಲ್ಲಪ್ಪ ಪೂಜಾರ,ಯಲ್ಲಪ್ಪ ಹೋಸಮನಿ,ಸಿದ್ದನಗೌಡ ಪಾಟೀಲ,ಸುಶೀಲ ಪಾಟೀಲ,ಮಹಾದೇವಿ ಪೂಜಾರ,ಈಶ್ವರ ಗಾಣೇಗೇರ,ಈರಪ್ಪ ಗಂಟಿ ಸಂಜು ಚಾವಣ ಸೇರಿದಂತೆ ಅನೇಕ ಮುಖಂಡರು ಉಪಸ್ಥಿತರಿದ್ದರು.