ಕನ್ನಡ ಸಾಹಿತ್ಯ ಪರಿಷತ್ತಿನಿಂದ ಸಿದ್ದೇಶ್ವರ ಶ್ರೀಗಳಿಗೆ ನುಡಿನಮನ

ಸಂಜೆವಾಣಿ ವಾರ್ತೆ,
ವಿಜಯಪುರ, ಡಿ.25ಪ್ರವಚನದಿಂದ ಜ್ಞಾನದ ದಾಸೋಹ ಉಣಬಡಿಸಿ ಕೋಟಿ ಕೋಟಿ ಜನರ ಮನಪರಿವರ್ತನೆ ಮಾಡಿದ ನಡೆದಾಡುವ ದೇವರು ಶ್ರೀ ಸಿದ್ಧೇಶ್ವರ ಅಪ್ಪನವರು ಎಂದು ವಿಧಾನ ಪರಿಷತ್ತಿನ ಮಾಜಿ ಸದಸ್ಯ ಬಿ.ಜಿ. ಪಾಟೀಲ ಹಲಸಂಗಿ ಅಭಿಪ್ರಾಯ ವ್ಯಕ್ತಪಡಿಸಿದರು
ನಗರದ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ,ತಾಲೂಕ ಹಾಗೂ ನಗರ ಘಟಕ ಕಸಾಪ ಆಶ್ರಯದಲ್ಲಿ ವಿಜಯಪುರ ಸಭಾಂಗಣದಲ್ಲಿ ಜರುಗಿದ ಜ್ಞಾನಯೋಗಿ ಶ್ರೀ ಸಿದ್ಧೇಶ್ವರ ಅಪ್ಪನವರ ಪ್ರಥಮ ವರ್ಷದ ನುಡಿನಮನ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡುತ್ತಾ ನಾವು ಅವರ ಪ್ರವಚನ ಆಲಿಸಿ ಪುಣ್ಯವಂತರಾಗಿದ್ದೇವೆ. ಶ್ರೀಗಳ ಜ್ಞಾನ ಮತ್ತು ಸರಳತೆಯಿಂದ ದೇಶದ ಗಮನ ಸೆಳೆದರು ಎಂದರು.
ಸಾನ್ನಿಧ್ಯ ವಹಿಸಿ ಪಂಡಿತ ಮಧ್ವಾಚಾರ್ಯ ಮೋಕಾಶಿ ಮಾತನಾಡುತ್ತಾ, ಸಿದ್ಧೇಶ್ವರ ಶ್ರೀಗಳು ನುಡಿದಂತೆ ನಡೆದರು. ತಾವು ಸಂಪಾಸಿದ ಜ್ಞಾನವನ್ನು ಶಿಷ್ಯ ವೃಂದಕ್ಕೆ ಧಾರೆ ಎರೆದರು. ಶ್ರೀಗಳು ಅನೇಕ ಶಿಷ್ಯರನ್ನು ತರಬೇತಿಗೊಳಿಸಿ ಇಂದು ಸಮಾಜಕ್ಕೆ ಅರ್ಪಿಸಿದ್ದಾರೆ ಎಂದರು.
ಹಜರತ ಸೈಯ್ಯದ ಶಾಹ ಹುಸೇನಪೀರ ಖಾದ್ರಿ ಚಿಸ್ತಿ. ಡಾ, ಎಫ್.ಎಚ್. ಇನಾಮದಾರ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಅಜ್ಞಾನದಿಂದ ಸುಜ್ಞಾನದ ಕಡೆಗೆ ಕರೆದುಕೊಂಡು ಹೋಗುವವರು ಗುರುಗಳು. ಪ್ರೀತಿ, ನೀತಿ, ರೀತಿಯೇ ನಿಜವಾದ ಧರ್ಮ. ಬೇಧÀ ಮಾಡದೇ ಇರುವವನು ನಿಜವಾದ ಗುರು. ಅವರೇ ಸಿದ್ಧೇಶ್ವರ ಶ್ರೀಗಳು ಎಂದರು.
ಶಿಕ್ಷಕಿ ವಿದ್ಯಾ ಕಲ್ಯಾಣಶೆಟ್ಟಿ ಪ್ರೇರಣೆ ಮತ್ತು ಪೆÇ್ರೀತ್ಸಾಹದ ಮಾತೃ ಸ್ವರೂಪಿಗಳು ಕುರಿತು ಮಾತನಾಡಿ, ಶ್ರೀಗಳು ಬಹು ಹೃದಯಿಗಳಾಗಿದ್ದರು. ನಿರ್ಲಿಪ್ತ ಜೀವನಕ್ಕೆ ಮಹತ್ವ ಸಾರಿದವರು ಎಂದರು.
ಸಾಹಿತಿ ಅನ್ನಪೂರ್ಣ ಚೋಳಕೆ ಮಾತನಾಡಿ, ಅನೇಕ ಪ್ರಶಸ್ತಿಗಳನ್ನು ನಯವಾಗಿ ತಿರಸ್ಕರಿಸಿ ಶರಣ ಕುಲಕ್ಕೆ ಮೌಲ್ಯ ನೀಡಿದರು. ಪ್ರಕೃತಿಯ ಪ್ರೀತಿಸಿದರು ಎಂದರು.
ಕವಿಯತ್ರಿಗಳಾದ ಸಾವಿತ್ರಿ ತಳವಾರ ಕೂಚಬಾಳ, ರೇಣುಕಾ ತಳವಾರ ತಡವಲಗಾ, ಸಿದ್ಧೇಶ್ವರ ಶ್ರೀಗಳ ಕುರಿತು ಕವನ ವಾಚಿಸಿದರು.
ಕುಮಾರಿ ಸಾವಿತ್ರಿ ಬಿರಾದಾರ ಹೆಗಡಿಹಾಳ ಶ್ರೀಗಳ ಕುರಿತು ಮಾತನಾಡಿದಳು. ಉಡುಪಿ ಶ್ರೀ ಮಂಜುನಾಥ ಸ್ವಾಮಿಯ ಕಾರ್ತಿಕೋತ್ಸವ ಕಾರ್ಯಕ್ರಮದಲ್ಲಿ ಸ್ವ ಧರ್ಮದ ಕುರಿತು ಮಾತನಾಡಿದ ನ್ಯಾಯವಾದಿ ಮಹಮ್ಮದಗೌಸ ಹವಾಲ್ದಾರ ಅವರನ್ನು ಗೌರವಿಸಲಾಯಿತು.
ಕಸಾಪ ಅಧ್ಯಕ್ಷ ಹಾಸಿಂಪೀರ ವಾಲಿಕಾರ ಸ್ವಾಗತಿಸಿದರು. ಡಾ. ಆನಂದ ಕುಲಕರ್ಣಿ ನಿರೂಪಿಸಿದರು. ರೇವತಿ ಬೂದಿಹಾಳ ವಂದಿಸಿದರು.
ನಗರ ಘಟಕ ಅಧ್ಯಕ್ಷೆ ಅನ್ನಪೂರ್ಣ, ಸಿಂದಗಿ ಅಧ್ಯಕ್ಷ ಶಿವಾನಂದ ಬಡಾನೂರ, ತಾಳಿಕೋಟೆ ಅಧ್ಯಕ್ಷ ರೇವಣಸಿದ್ದಪ್ಪ ಕೊಪ್ಪದ ಹಾಗೂ ಪದಾಧಿಕಾರಿಗಳಾದ ಅಭಿಷೇಕ ಚಕ್ರವರ್ತಿ, ಕಮಲಾ ಮುರಾಳ, ವಿಜಯಲಕ್ಷ್ಮೀ ಹಳಕಟಿ,್ಟ ಆಶಾ ಬಿರಾದಾರ, ಅರ್ಜುನ ಶಿರೂರ, ಅಬ್ದುಲ್‍ರಜಾಕ ಮುಲ್ಲಾ, ಸತ್ಯಪ್ಪ ಹಡಪದ, ಜಿ.ಎಸ್. ಬಳ್ಳೂರ, ಆರ್.ಬಿ. ಜಾಧವ, ಎಸ್.ಎಸ್. ಬಿರಾದಾರ, ರವಿ ಜೀರಗಾಳ, ಮಂಜುನಾಥ ಕುಚನೂರ, ಸಿದ್ರಾಮಪ್ಪ ಜಂಗಮಶೆಟ್ಟಿ, ಸುಖದೇವಿ ಅಲಬಾಳಮಠ, ಶಾಂತು ರಾಣಾಗೋಳ, ಡಾ. ಜಿ. ಶ್ರೀನಿವಾಸಲು, ಅಶೋಕ ಚಲವಾದಿ, ಗೋಪಾ¯ ಕನಸೆ, ಪರಶುರಾಮ ಕಾಳೆ, ಅಹಮ್ಮದ ವಾಲಿಕಾರ, ಮಹಾದೇವಿ ತೆಲಗಿ, ಶಿವಾಜಿ ಮೋರೆ, ಗೊಲ್ಲಾಳಪ್ಪಗೌಡ ಬಿರಾದಾರ ಮುಂತಾದವರು ಉಪಸ್ಥಿತರಿದ್ದರು.