ವಿಜಯಪುರ :ಎ.26: ಜಿಲ್ಲಾಧ್ಯಕ್ಷರಾದ ಸಂಗಮೇಶ ಸಗರ ಹಾಗೂ ಕೋಲಾರ ತಾಲೂಕು ಅಧ್ಯಕ್ಷರಾದ ಸೋಮು ಬಿರಾದಾರ ಮತನಾಡುತ್ತಾ ಕೋಲಾರ ಹಾಗೂ ಬಬಲೇಶ್ವರ ತಾಲೂಕಿನಾಧ್ಯಂತ ಕೆಲವೇ ದಿನಗಳಲ್ಲಿ ಕಟಾವಿಗೆ ಬಂದು ನಿಂತಿರುವ ಸೆಂಗಾ, ಉಳ್ಳಾಗಡ್ಡಿ, ಮೆಕ್ಕೆಜೋಳದ ಸೇರಿದಂತೆ ಇನ್ನಿತರ ಬೆಳೆಗಳು ನೀರಿಲ್ಲದೇ ಒಣಗುತ್ತಿವೆ, ಈ ಭಾಗದ ರೈತರು ಸಾಲ ಸೋಲ ಮಾಡಿ ಬೆಳೆದ ಬೆಳೆ ನೀರಿಲ್ಲದೇ ನಷ್ಟ ಹೊಂದುತ್ತಿರುವುದು ದುಃಖದ ವಿಷಯ, ಆದ್ದರಿಂದ ತಾವುಗಳು ಈ ಕೂಡಲೇ ಇನ್ನು ಒಂದು ವಾರಗಳ ಕಾಲ ನೀರನ್ನು ಕಾಲುವೆಗೆ ಹರಿಸಬೇಕು ಇದರಿಂದ ಸಾಕಷ್ಟು ರೈತರಿಗೆ ಅನುಕೂಲವಾಗುತ್ತದೆ ಇಲ್ಲದಿದ್ದಲ್ಲಿ ರೈತರು ಆತ್ಮಹತೈ ಮಾಡಿಕೊಳ್ಳುವ ಸಂದರ್ಭ ಎದುರಾಗಬಹುದು ಎಂದರು.
ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ವತಿಯಿಂದ ಕೋಲಾರ ತಾಲೂಕಿನಾಧ್ಯಂತ ಕಾಲುವೆಗೆ ನೀರು ಹರಿಸಬೇಕೇಂದು ಆಗ್ರಹಿಸಿ ಜಿಲ್ಲಾಧಿಕಾರಿಗಳಾದ ವಿಜಯಮಹಾಂತೇಶ ದಾನಮ್ಮನವರ ಅವರಿಗೆ ಮನವಿ ಸಲ್ಲಿಸಿ ಅಧಿಕಾರಿಗಳೊಡನೆ ಚರ್ಚಿಸಿ ಶೀಘ್ರದಲ್ಲಿ ನೀರು ಬಿಡುವಂತೆ ಒತ್ತಾಯಿಸಿದರು.
ಮನವಿ ಸ್ವೀಕರಿಸಿದ ಜಿಲ್ಲಾಧಿಕಾರಿಗಳು ಅಧಿಕಾರಿಗಳೊಡನೆ ಮಾತನಾಡಿ ಸಾಧ್ಯವಿದ್ದರೆ ಖಂಡಿತವಾಗಿಯೂ ನೀರು ಬೀಡುವಂತೆ ಹೇಳುತ್ತೇನೆ ಎಂದರು.
ಈ ವೇಳೆ ಶಿಶಿಕಾಂತ ಬಿರಾದಾರ, ಸತ್ಯಪ್ಪ ಕುಳ್ಳೊಳ್ಳಿ, ಪರಶುರಾಮ ಮಮದಾಪುರ, ರವಿಕಾಂತ ಪಾಟೀಲ, ಸಾಹೇಬಗೌಡ ಬಿರಾದಾರ, ಬಸ್ಸು ಹಂಡಿ, ಸಂಗಪ್ಪ ಗುಳಗೊಂಡ, ಮಲ್ಲಿಕಾರ್ಜುನ ರಡ್ಡೆರ, ಶಮಸರಲಿ ಮುಲ್ಲಾ, ಹಣಮಂತರಾಯಗೌಡ ಪಾಟೀಲ ಸೇರಿದಂತೆ ಅನೇಕ ರೈತ ಮುಖಂಡರು ಉಪಸ್ಥಿತರಿದ್ದರು.
