ಓಮಿಕ್ರಾನ್ ಆತಂಕ: ಈ ಬಾರಿಯೂ ಮಾಗಿ ಉತ್ಸವಕ್ಕೆ ಬ್ರೇಕ್ ಸಾಧ್ಯತೆ

ಮೈಸೂರು,ಡಿ: ಕೊರೋನಾ ಬಳಿಕ ಇದೀಗ ಕೊರೋನಾ ರೂಪಾಂತರಿ ಒಮಿಕ್ರಾನ್ ಆತಂಕ ದಿನೇ ದಿನೇ ಹೆಚ್ಚಾಗುತ್ತಿದ್ದು, ಈಗಾಗಲೇ ರಾಜ್ಯ ಸರ್ಕಾರ ಕೆಲ ನಿಯಮಗಳನ್ನ ಜಾರಿಗೆ ತಂದಿದೆ. ಈ ನಡುವೆ ಕಳೆದ ಬಾರಿ ಕೋವಿಡ್ ನಿಂದ ಸ್ಥಗಿತಗೊಂಡಿದ್ದ ಮಾಗಿ ಉತ್ಸವಕ್ಕೆ ಈ ಬಾರಿಯೂ ಬ್ರೇಕ್ ಬೀಳುವ ಸಾಧ್ಯತೆ ಇದೆ.
ಈ ಬಾರಿ ಮಾಗಿ ಉತ್ಸವ ಆಚರಣೆಗೆ ಓಮಿಕ್ರಾನ್ ಆತಂಕ ಎದುರಾಗಿದ್ದು ಜೊತೆಗೆ ಮತ್ತೆ ಪ್ರವಾಸೋದ್ಯಮಕ್ಕೆ ಸಂಕಷ್ಟ ಎದುರಾಗುವ ಸಾಧ್ಯತೆ ಇದೆ. ಒಮಿಕ್ರಾನ್ ತೀವ್ರತೆ ಕಡಿಮೆ ಇದ್ದರೂ ಹರಡುವಿಗೆ ವೇಗವಾಗಿದ್ದು ಈ ಹಿನ್ನೆಲೆಯಲ್ಲಿ ಸರ್ಕಾರ ಮುಂಜಾಗ್ರತಾ ಕ್ರಮ ಕೈಗೊಳ್ಳುತ್ತಿದ್ದು ಹೀಗಾಗಿ ಓಮಿಕ್ರಾನ್ ಹೊಡೆತಕ್ಕೆ ಮತ್ತೆ ಉದ್ಯಮಿಗಳು, ಸಣ್ಣ ವ್ಯಾಪಾರಸ್ಥರು ನಲುಗಲಿದ್ದಾರೆಯೇ ಎನ್ನಲಾಗುತ್ತಿದೆ.
ಒಮಿಕ್ರಾನ್ ಆತಂಕದಿಂದಾಗಿ ಹೊರರಾಜ್ಯದ ಪ್ರವಾಸಿಗರ ಸಂಖ್ಯೆಯಲ್ಲಿ ಇಳಿಮುಖವಾಗಿದ್ದು, ಮೈಸೂರಿನಲ್ಲಿ ಸೋಂಕು ಹೆಚ್ಚಾದರೇ ಪ್ರವಾಸಿ ತಾಣಗಳ ಮೇಲೆ ನಿರ್ಬಂಧ ಹೇರುವ ಸಾಧ್ಯತೆ ಇದೆ.