ಐಶ್ವರ್ಯಾ ತಮ್ಮ ಶೋಗೆ ಬರುತ್ತಾರೋ ಇಲ್ಲವೋ ಎಂಬ ಪ್ರಶ್ನೆಗೆ ನವ್ಯಾ ನವೇಲಿ ನಂದಾ ನೀಡಿದ ಉತ್ತರ ಏನು?

ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ನಡುವಿನ ವಿವಾದದ ಸುದ್ದಿ ಬಾಲಿವುಡ್‌ನಾದ್ಯಂತ ಕೋಲಾಹಲವನ್ನು ಸೃಷ್ಟಿಸಿತ್ತು. ಆದರೆ ನಂತರ ಅವರಿಬ್ಬರೂ ಹಲವು ಬಾರಿ ಒಟ್ಟಿಗೆ ಕಾಣಿಸಿಕೊಂಡಿದ್ದರು. ಆದರೂ ಅಭಿಮಾನಿಗಳ ಗೊಂದಲ ಕಡಿಮೆಯಾಗಿಲ್ಲ. ಹೀಗಿರುವಾಗ ಅಭಿಷೇಕ್ ಬಚ್ಚನ್ ಅವರ ಸೊಸೆ ನವ್ಯಾ ನಂದಾ ಅವರ ಪಾಡ್ ಕಾಸ್ಟ್ ಗೆ ಇಡೀ ಕುಟುಂಬವೇ ಬಂದಿದ್ದರೂ ಐಶ್ವರ್ಯ ರೈ ಬಚ್ಚನ್ ಮಾತ್ರ ಬಂದಿರಲಿಲ್ಲ. ಈಗ ಈ ಬಗ್ಗೆ ನವ್ಯಾ ಅವರನ್ನು ಕೇಳಿದಾಗ ಶಾಕಿಂಗ್ ವಿಷಯ ಹೇಳಿದರು.


ಐಶ್ವರ್ಯಾ ಬಗ್ಗೆ ನವ್ಯಾ ನಂದಾ ಹೇಳಿದ್ದು ಏನು?
ನವ್ಯಾ ನಂದಾ ತಮ್ಮ ಪಾಡ್‌ಕ್ಯಾಸ್ಟ್ ವಾಟ್ ದಿ ಹೆಲ್ ನವ್ಯಾ ಎರಡನೇ ಸೀಸನ್‌ನೊಂದಿಗೆ ಮರಳಿದ್ದಾರೆ. ಅಂತಹ ಪರಿಸ್ಥಿತಿಯಲ್ಲಿ, ಅತ್ತೆ ಐಶ್ವರ್ಯಾ ಮತ್ತು ಅಜ್ಜ ಅಮಿತಾಬ್ ಬಚ್ಚನ್ ರನ್ನು ಕಾರ್ಯಕ್ರಮಕ್ಕೆ ಯಾವಾಗ ಕರೆತರುತ್ತೀರಿ? ಎಂದು ಕೇಳಲಾಯಿತು.
ನವ್ಯಾ ಅವರು ಹೇಳಿದರು- “ಆಶಾದಾಯಕ ಸಂಗತಿ ಎಂದರೆ ನಮ್ಮಲ್ಲಿ ಸೀಸನ್ ಮೂರು ಇದ್ದರೆ……ಆವಾಗ ನಾನು ಹೊರಗಿನ ಅತಿಥಿಗಳನ್ನು ಆಹ್ವಾನಿಸಲು ಇಷ್ಟಪಡುತ್ತೇನೆ. ಇವರಲ್ಲಿ ಕುಟುಂಬದ ಜೊತೆ ಹೊರಗಿನವರೂ ಸೇರಿದ್ದಾರೆ. ಇದು ತುಂಬಾ ಖುಷಿಯಾಗುತ್ತದೆ ಎಂದು ನಾನು ಭಾವಿಸುತ್ತೇನೆ, ಮತ್ತು ನಾವು ಅವರಿಂದ ಬಹಳಷ್ಟು ಕಲಿಯಬಹುದು, ಅವರ ಅನುಭವಗಳ ಬಗ್ಗೆ, ಜೀವನದ ವಿವಿಧ ಹಂತಗಳ ಜನರ ಬಗ್ಗೆ ಕೇಳಬಹುದು……” ಎಂದುತ್ತರಿಸಿದರು.


ನವ್ಯಾ ಅವರ ಈ ಹೇಳಿಕೆಯ ನಂತರ ಅಭಿಮಾನಿಗಳು ಐಶ್ವರ್ಯಾ ಅವರನ್ನು ಕೂಡಾ ಬಚ್ಚನ್ ಕುಟುಂಬದ ಹೊರಗಿನ ಅತಿಥಿ ಎಂದು ಕರೆಯುತ್ತಿದ್ದಾರೆಯೇ ನವ್ಯಾ ನಂದಾ? ಎನ್ನುವ ಸಂಶಯ ವ್ಯಕ್ತ ಪಡಿಸಲು ಮುಂದಾಗಿದ್ದಾರೆ.
ನವ್ಯಾ ಅವರ ತಾಯಿ ಶ್ವೇತಾ ಬಚ್ಚನ್ ಮತ್ತು ಅಜ್ಜಿ ಜಯಾ ಬಚ್ಚನ್ ಶೋಗೆ ಬಂದಂತೆ, ಅದೇ ರೀತಿ ಕುಟುಂಬದ ಸದಸ್ಯೆ ಐಶ್ವರ್ಯಾ ರೈ ಅವರನ್ನೂ ಕರೆದು ಇಲ್ಲಿ ಮಾತನಾಡಬೇಕು ಎಂದು ಅಭಿಮಾನಿಗಳು ಹೇಳುತ್ತಿದ್ದಾರೆ.

ಕೆಲವೊಮ್ಮೆ ಗಂಗೂಬಾಯಿ ,ಇನ್ನು ಕೆಲವೊಮ್ಮೆ ರಹಸ್ಯ ಏಜೆಂಟ್ ಆಗಿರುವ ಆಲಿಯಾ

ಶೀಘ್ರವೇ ರಾಜಕುಮಾರಿ ಪಾತ್ರದಲ್ಲಿ?

ಆಲಿಯಾ ಭಟ್ ಶೀಘ್ರದಲ್ಲೇ ಹೊಸ ಪಾತ್ರದಲ್ಲಿ ಕಾಣಿಸಿಕೊಳ್ಳಬಹುದು. ಹೊಸ ಯೋಜನೆಗೆ ಸಂಬಂಧಿಸಿದಂತೆ ನಟಿ ಇತ್ತೀಚೆಗೆ ಚಲನಚಿತ್ರ ನಿರ್ಮಾಪಕ ಗುರಿಂದರ್ ಚಡ್ಡಾ ಅವರನ್ನು ಭೇಟಿಯಾದರು ಎಂಬ ವರದಿ ಬಂದಿದೆ.
ತಮ್ಮ ನಟನಾ ವೃತ್ತಿಜೀವನದಲ್ಲಿ ಹಲವು ’ಪ್ರಯೋಗ’ಗಳಿಗೆ ಹೆಸರುವಾಸಿಯಾಗಿರುವ ಬಾಲಿವುಡ್‌ನ ನಟಿಯರಲ್ಲಿ ಆಲಿಯಾ ಭಟ್ ಅವರ ಹೆಸರು ಕೂಡಾ ಸೇರಿದೆ. ಅವರು ಬಾಕ್ಸ್‌ನಿಂದ ಹೊರಗಿರುವ ಅನೇಕ ಚಲನಚಿತ್ರಗಳನ್ನು ಮಾಡಿದ್ದಾರೆ ಮತ್ತು ಆ ಚಿತ್ರಕ್ಕಾಗಿ ಆಲಿಯಾ ಸಾಕಷ್ಟು ಮೆಚ್ಚುಗೆಯನ್ನೂ ಪಡೆದಿದ್ದಾರೆ.


ಇದೀಗ ಆಲಿಯಾ ಬಗ್ಗೆ ಸುದ್ದಿಯೊಂದು ಹೊರಬಿದ್ದಿದ್ದು, ಶೀಘ್ರದಲ್ಲೇ ನಟಿ ತೆರೆ ಮೇಲೆ ರಾಜಕುಮಾರಿಯ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಈ ಬಗ್ಗೆ ಆಲಿಯಾ ಪ್ರಸಿದ್ಧ ಚಲನಚಿತ್ರ ನಿರ್ಮಾಪಕರ ಜೊತೆ ಮಾತುಕತೆ ನಡೆಸುತ್ತಿದ್ದಾರೆ.ಗುರಿಂದರ್ ಚಡ್ಡಾ ಅವರ ಚಿತ್ರದಲ್ಲಿ ಆಲಿಯಾ ಪ್ರಮುಖ ಪಾತ್ರವನ್ನು ನಿರ್ವಹಿಸಬಹುದು ಎನ್ನಲಾಗಿದೆ.
’ಬೆಂಡ್ ಇಟ್ ಲೈಕ್ ಬೆಕ್‌ಹ್ಯಾಮ್’ ಮತ್ತು ’ಬ್ರೈಡ್ ಅಂಡ್ ಪ್ರಿಜುಡೀಸ್’ ಚಿತ್ರಗಳಿಗೆ ಪ್ರಸಿದ್ಧರಾಗಿರುವ ಗುರಿಂದರ್ ಚಡ್ಡಾ ಅವರು ಈ ದಿನಗಳಲ್ಲಿ ಸಂಗೀತ ಪ್ರೊಜೆಕ್ಟ್ ಮೇಲೆ ಕೆಲಸ ಮಾಡುತ್ತಿದ್ದಾರೆ. ಕಥೆ ಸಿದ್ಧವಾದ ನಂತರ ಅದರ ಅಂತಿಮ ಕಾಸ್ಟಿಂಗ್ ನಡೆಯಲಿದೆ, ಆದರೆ ಆಲಿಯಾ ಪ್ರಮುಖ ಪಾತ್ರವನ್ನು ನಿರ್ವಹಿಸುತ್ತಾರೆ ಎಂಬುದು ಬಝ್.
ಭಾರತೀಯ ರಾಜಕುಮಾರಿಯ ಬಗ್ಗೆ ಹೆಣೆಯಲಾದ ಕಥೆ:
ಡಿಸ್ನಿ ಅಡಿಯಲ್ಲಿ ಈ ಚಿತ್ರ ನಿರ್ಮಾಣವಾಗಲಿದೆ. ಇದರ ಕಥೆಯನ್ನು ಭಾರತೀಯ ರಾಜಕುಮಾರಿಯ ಸುತ್ತ ಬರೆಯಲಾಗುವುದು. ಆಲಿಯಾ ಹೊರತಾಗಿ ಚಿತ್ರದ ತಾರಾಬಳಗ ಏನೆಂಬುದು ಚಿತ್ರಕಥೆ ಮುಗಿದ ನಂತರವೇ ತಿಳಿಯಲಿದೆ.


ಆಲಿಯಾ ೨೦೨೫ರಲ್ಲಿ ಶೂಟಿಂಗ್ ಆರಂಭಿಸಲಿದ್ದಾರೆ:
ಸಂಜಯ್ ಲೀಲಾ ಬನ್ಸಾಲಿಯವರ ಗಂಗೂಬಾಯಿ, ಲವ್ ಅಂಡ್ ವಾರ್ ಚಿತ್ರದಲ್ಲಿ ಗಾಯಕಿಯಾಗಿ ಮತ್ತು ಶಿವ ರಾವೈಲ್ ಚಿತ್ರದಲ್ಲಿ ಅಂಡರ್‌ಕವರ್ ಏಜೆಂಟ್ ಪಾತ್ರವನ್ನು ನಿರ್ವಹಿಸಿದ ನಂತರ, ಆಲಿಯಾ ಡಿಸ್ನಿ ಪ್ರಿನ್ಸೆಸ್ ಆಗುವುದಾದರೆ, ಅದು ಅವರ ವೃತ್ತಿಜೀವನಕ್ಕೆ ಹೊಸ ಹೆಜ್ಜೆಯಾಗಲಿದೆ ಎಂದು ಮಾಧ್ಯಮ ವರದಿಗಳು ಹೇಳುತ್ತಿವೆ. ಆಲಿಯಾ ರಾಜಕುಮಾರಿಯಾಗಲು ಸಿದ್ಧರಾಗಿದ್ದರೆ ೨೦೨೫ ರ ವೇಳೆಗೆ ಅದರ ಚಿತ್ರೀಕರಣ ಪ್ರಾರಂಭವಾಗಬಹುದು ಎಂದು ಹೇಳಲಾಗುತ್ತಿದೆ.