ಹೈದರಾಬಾದ್, ಜೂ.೨೩- ಏಷ್ಯಾದಲ್ಲೇ ಬೃಹತ್ ಸರ್ಕಾರಿ ಸಾಮಾಜಿಕ ವಸತಿ ಸಮುಚ್ಚಯದ ಉದ್ಘಾಟನೆ ಸಮಾರಂಭ ಅತ್ಯಂತ ವಿಜೃಂಭಣೆಯಿಂದ ಜರುಗಿತು. ಸಂಗಾರೆಡ್ಡಿ ಜಿಲ್ಲೆಯ ಕೊಲ್ಲೂರಿನಲ್ಲಿ ೧೪೫ ಎಕರೆ ಪ್ರದೇಶದಲ್ಲಿ ನಿರ್ಮಿಸಲಾದ ೧೫,೬೬೦ ಡಬಲ್ ಬೆಡ್‌ರೂಮ್ ಮನೆಗಳನ್ನು ಮುಖ್ಯಮಂತ್ರಿ ಕೆಸಿಆರ್ ಲೋಕಾರ್ಪಣೆಗೊಳಿಸಿದ್ದು. ಈ ವಸತಿ ಸಂಕೀರ್ಣಕ್ಕೆ ಕೆಸಿಆರ್ ನಗರ ೨ಬಿಕೆ ಡಿಗ್ನಿಟಿ ಹೌಸಿಂಗ್ ಕಾಲೋನಿ ಎಂದು ಹೆಸರಿಸಲಾಗಿದೆ. ಮನೆಗಳ ಉದ್ಘಾಟನೆ ಸಂದರ್ಭದಲ್ಲಿ ಆರು ಫಲಾನುಭವಿಗಳಿಗೆ ಹಂಚಿಕೆ ದಾಖಲೆಗಳನ್ನು ಸಿಎಂ ಹಸ್ತಾಂತರಿಸಿದರು. ನಂತರ, ಕೆಸಿಆರ್, ಸಚಿವ ಕೆಟಿಆರ್ ಮತ್ತು ಇತರ ಜನಪ್ರತಿನಿಧಿಗಳು ಅಲ್ಲಿನ ಮನೆಗಳನ್ನು ವೀಕ್ಷಿಸಿದರು.
ಈ ವಸತಿ ಸಮುಚ್ಚಯದ ಪ್ರತಿ ಮನೆಯು ೫೬೦ ಚದರ ಅಡಿ ವಿಸ್ತೀರ್ಣವನ್ನು ಹೊಂದಿದೆ. ೧೧೭ ಬ್ಲಾಕ್‌ಗಳಾಗಿ ವಿಂಗಡಿಸಲಾಗಿದೆ. ಉ ೯, ಉ ೧೦, ಉ ೧೧ ಅಂತಸ್ತಿನಂತೆ ನಿರ್ಮಿಸಲಾಗಿದೆ. ೩೭ರಷ್ಟು ಭೂಮಿಯಲ್ಲಿ ಮನೆಗಳನ್ನು ನಿರ್ಮಿಸಲಾಗಿದೆ. ಉಳಿದ ೬೩% ಭೂಮಿ ಮೂಲಸೌಕರ್ಯ ಹೊಂದಿದೆ. ಈ ವಸತಿ ಸಂಕೀರ್ಣವು ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. ೧೪೫೦ ಕೋಟಿ ರೂಪಾಯಿ ವೆಚ್ಚದಲ್ಲಿ ೧೪೫ ಎಕರೆ ಪ್ರದೇಶದಲ್ಲಿ ೧೫ ಸಾವಿರದ ೬೬೦ ಮನೆಗಳನ್ನು ನಿರ್ಮಿಸಲಾಗಿದೆ. ವಸತಿ ಸಂಕೀರ್ಣವನ್ನು ೧೧೭ ಬ್ಲಾಕ್‌ಗಳಲ್ಲಿ ನಿರ್ಮಿಸಲಾಗಿದ್ದು, ಪ್ರತಿ ಬ್ಲಾಕ್‌ನಲ್ಲಿ ೮ ರಿಂದ ೧೧ ಮಹಡಿಗಳಿವೆ. ಪ್ರತಿ ಪ್ಲಾಟ್‌ಗೆ ಸಾಕಷ್ಟು ಗಾಳಿ ಮತ್ತು ಬೆಳಕು ದೊರೆಯಲಿ ಎಂದು ವಿಶೇಷ ಮುತುವರ್ಜಿ ವಹಿಸಿ ಮನೆ ನಿರ್ಮಾಣ ಮಾಡಲಾಗಿದೆ..
ಪ್ರತಿ ಬ್ಲಾಕ್‌ಗೆ ಎರಡು ಲಿಫ್ಟ್‌ಗಳು ಮತ್ತು ಎರಡು ಅಥವಾ ಮೂರು ಮೆಟ್ಟಿಲುಗಳಿವೆ. ಕಟ್ಟಡಗಳ ನಿರ್ಮಾಣಕ್ಕೆ ಒಟ್ಟು ಪ್ರದೇಶದ ೧೪% ಮಾತ್ರ ಬಳಸಲಾಗುತ್ತದೆ. ೨೩ ರಷ್ಟು ರಸ್ತೆಗಳು ಮತ್ತು ಒಳಚರಂಡಿಗೆ, ೨೫ ರಷ್ಟು ಉದ್ಯಾನವನಗಳು ಮತ್ತು ಆಟದ ಮೈದಾನಗಳಿಗೆ ಬಳಸಲಾಗುತ್ತದೆ. ೩೮ ರಷ್ಟು ಭೂಮಿಯನ್ನು ಭವಿಷ್ಯದ ಸಾಮಾಜಿಕ ಅಗತ್ಯಗಳಿಗಾಗಿ ಮೀಸಲಿಡಲಾಗಿದೆ ಹದಿಮೂರೂವರೆ ಕಿಲೋಮೀಟರ್ ಉದ್ದದ ಆಂತರಿಕ ರಸ್ತೆಗಳನ್ನು ನಿರ್ಮಿಸಲಾಗಿದೆ. ೧೦.೬ ಕಿ.ಮೀ ಉದ್ದದ ಭೂಗತ ಒಳಚರಂಡಿ ಪೈಪ್‌ಲೈನ್‌ಗಳನ್ನು ಈಗಾಗಲೇ ಹಾಕಲಾಗಿದೆ. ಒಂದೇ ಕಾಂಪೌಂಡ್ ನಲ್ಲಿ ೧೫ ಸಾವಿರದ ೬೬೦ ಕುಟುಂಬಗಳು ವಾಸಿಸುತ್ತಿದ್ದು, ಹೆಚ್ಚಿನ ಪ್ರಮಾಣದಲ್ಲಿ ನೀರು ಪೂರೈಕೆ ಅಗತ್ಯವಿದೆ. ಇದಕ್ಕಾಗಿ ೨೧ ಸಾವಿರ ಕಿಲೋ ಲೀಟರ್ ಸಾಮರ್ಥ್ಯದ ಶುದ್ಧ ನೀರಿನ ತೊಟ್ಟಿಗಳನ್ನು ನಿರ್ಮಿಸಲಾಗಿದೆ. ೩ ಅಂಗಡಿ ಸಂಕೀರ್ಣಗಳು, ಬ್ಯಾಂಕ್, ಪ್ರಾಥಮಿಕ ಆರೋಗ್ಯ ಕೇಂದ್ರ ಮತ್ತು ಅಂಗನವಾಡಿ ಕೇಂದ್ರಗಳನ್ನು ಸಹ ಸ್ಥಾಪಿಸಲಾಗುವುದು. ಡಬಲ್ ಬೆಡ್ ರೂಂ ನಿರ್ಮಾಣದ ಆವರಣದಲ್ಲಿ ೩೦ ಸಾವಿರ ಸಸಿಗಳನ್ನು ನೆಡಲಾಗಿದೆ. ೯ ಮಿಲಿಯನ್ ಲೀಟರ್ ಸಾಮರ್ಥ್ಯದ ಎಸ್‌ಟಿಪಿ ಸ್ಥಾವರವನ್ನು ಕೊಳಚೆ ನೀರನ್ನು ಸಂಸ್ಕರಿಸಲು ಮತ್ತು ಅದನ್ನು ಸಸ್ಯಗಳಿಗೆ ಮತ್ತು ಇತರ ಉದ್ದೇಶಗಳಿಗೆ ಬಳಸಲು ಸ್ಥಾಪಿಸಲಾಗಿದೆ.
