ಎಸ್.ಎಸ್.ಎಲ್.ಸಿ. ಫಲಿತಾಂಶ ಸುಧಾರಣೆಗಾಗಿ ಶಿಕ್ಷಕರು ಶ್ರಮವಹಿಸಿ:ಜಿಲ್ಲಾಧಿಕಾರಿ ಬಿ. ಫೌಜಿಯ್ ತರನ್ನುಮ್

ಕಲಬುರಗಿ:ಅ. 12: ಎಸ್.ಎಸ್.ಎಲ್.ಸಿ. ಮಕ್ಕಳ ಫಲಿತಾಂಶ ಸುಧಾರಣೆಗಾಗಿ ಶಿಕ್ಷಣ ಇಲಾಖೆಯ ಎಲ್ಲಾ ಮೇಲುಸ್ತುವಾರಿಗಳು 4 ರಿಂದ 5 ಶಾಲೆಗಳನ್ನು ದತ್ತು ಪಡೆಯಬೇಕು. ಶಿಕ್ಷಕರು ಮಕ್ಕಳನ್ನು ದತ್ತು ಪಡೆದು ಹಾಗೂ ಮಕ್ಕಳ ಬಗ್ಗೆ ವೈಯಕ್ತಿಕ ಕಾಳಜಿ ವಹಿಸಿ ಕಾರ್ಯನಿರ್ವಹಿಸುವಂತೆ ಜಿಲ್ಲಾಧಿಕಾರಿ ಬಿ. ಫೌಜಿಯ್ ತರನ್ನುಮ್ ಅವರು ಹೇಳಿದರು.
ಗುರುವಾರದಂದು ಡಾ.ಎಸ್.ಎಂ.ಪಂಡಿತ್ ರಂಗಮಂದಿರದಲ್ಲಿ ಎಸ್.ಎಸ್.ಎಲ್.ಸಿ. ಫಲಿತಾಂಶ ಸುಧಾರಣೆ ಮತ್ತು ಕರ್ತವ್ಯ ಜವಾಬ್ದಾರಿಗಳ ಕುರಿತು ಪ್ರೌಢಶಾಲಾ ಮುಖ್ಯ ಗುರುಗಳು ಹಾಗೂ ಮೇಲುಸ್ತುವಾರಿ ಸಿಬ್ಬಂದಿಗಳಿಗೆ ನಗರದ ಡಾ.ಎಸ್.ಎಂ.ಪಂಡಿತ ರಂಗಮಂದಿರದಲ್ಲಿ ಜಿಲ್ಲಾ ಮಟ್ಟದ ಕಾರ್ಯಾಗಾರವನ್ನು ಉದ್ಫಾಟಿಸಿ ಮಾತನಾಡಿದರು. ಮುಂದಿನ ದಿನಗಳಲ್ಲಿ ಎಲ್ಲಾ ಮೇಲುಸ್ತುವಾರಿ ಅಧಿಕಾರಿಗಳನ್ನು ದತ್ತು ಪಡೆದ ಶಾಲೆಗಳ ಕುರಿತು ಪರಿಶೀಲಿಸಲಾಗುವುದು ಎಂದರು.
100-ದಿನಗಳ ಕ್ರಿಯಾಯೋಜನೆ ತಯ್ಯಾರಿಸಿ ಪ್ರತಿದಿನ ಕೆಲಸ ನಿರ್ವಸುವಂತೆ ಸಲಹೆ ನೀಡಿದರು, ಹಿಂದೆ ಕಾರ್ಯನಿರ್ವಹಿಸಿದ ಚಿಕ್ಕಬಳಾಪೂರ, ಮತ್ತು ಕೊಪ್ಪಳ ಜಿಲ್ಲೆಗಳ ಫಲಿತಾಂಶ ಸುಧಾರಣೆಗಾಗಿ ಕೈಗೊಂಡ ಕ್ರಮಗಳು ಮತ್ತು ಅನುಭವಗಳನ್ನು ಹಂಚಿಕೊಳ್ಳುವ ಮೂಲಕ ಮುಖ್ಯ ಗುರುಗಳಿಗೆ ಪ್ರೋತ್ಸಾಹ ನೀಡಿದರು. ಜಿಲ್ಲೆಯ ಶಿಕ್ಷಕರು ಉತ್ತಮ ಸಾಮಥ್ರ್ಯ ಹೊಂದಿದ್ದು ಅದನ್ನು ಸರಿಯಾಗಿ ಬಳಸಿ ಫಲಿತಾಂಶ ಸುಧಾರಣೆಗಾಗಿ ಕ್ರಮ ಕೈಗೊಳ್ಳಬೇಕೆಂದರು.
ಜಿಲ್ಲಾ ಪಂಚಾಯತ್ ಮುಖ್ಯಕಾರ್ಯನಿರ್ವಾಹಕ ಅಧಿಕಾರಿ ಭಂವರ ಸಿಂಗ್ ಮೀನಾ ಅವರು ಮಾತನಾಡಿ, ಮಕ್ಕಳಿಗೆ ಶಾಲೆಯ ಒಳಗಡೆ ಉತ್ತಮ ಕಲಿಕಾ ವಾತಾವರಣವಿದ್ದು, ಅದರಂತೆ ಶಾಲೆಯ ಹೊರಗೆ ಕೂಡಾ ಅಂದರೆ ಮನೆಯಲ್ಲಿಯೂ ಕೂಡಾ ಉತ್ತಮ ಕಲಿಕಾ ವಾತಾವರಣವನ್ನು ನಿರ್ಮಿಸಿ ಮಕ್ಕಳಿಗೆ ಪ್ರೋತ್ಸಾಹ ನೀಡುವಂತೆ ತಿಳಿಸಿದರು.
ವಿಷಯ ಪರಿವೀಕ್ಷಕರು ಕೂಡ ಎಸ್,ಎಸ್,ಎಲ್,ಸಿ, ಫಲಿತಾಂಶಕ್ಕೆ ಪೂರಕವಾದ ಅಂಶಗಳನ್ನು ಕುರಿತು ಎಲ್ಲರಿಗೂ ಮನವರಿಕೆ ಮಾಡಿಕೊಟ್ಟು ಶಾಲಾ ಹಂತದಲ್ಲಿ ಅಳವಡಿಸಿಕೊಳ್ಳಬೇಕೆಂದರು.
ಈ ಕಾರ್ಯಗಾರದಲ್ಲಿ ಈ ಕಾರ್ಯಗಾರದಲ್ಲಿ ಸಹ ನಿರ್ದೇಶಕರಾದ ಜಿ.ಎಂ.ವಿಜಯಕುಮಾರ, ಡಾಯಟ್ ಕಾಲೇಜಿನ ಪ್ರಾಂಶುಪಾಲರಾದ ಬಸಂತಿ ಬಾಯಿ ಅಕ್ಕಿ, ವಿಷಯ ಪರಿವೀಕ್ಷರಾದ ನಾಗೇಂದ್ರ ಅವರದಿ, ಡಾಯ ಶಾಲಾ ಶಿಕ್ಷಣ ಉಪನಿರ್ದೇಶಕರಾದ ಸಕ್ರಪ್ಪಗೌಡ ಬಿರಾದಾರ, ಪ್ರಾಂಶುಪಾಲರಾದ ಡಾ.ರಾಜಶೇಖರ ಮಾಂಗ್, ಒಟ್ಟು 400-ಪ್ರೌಢ ಶಾಲಾ ಮುಖ್ಯ ಶಿಕ್ಷಕರು 150-ಸಿಆರ್‍ಪಿಗಳು 40-ಜನ ಬಿ.ಆರ್.ಪಿ. 28-ಜನ ಇಸಿಓ 25-ಜನ ಡಯಟ್ ಉಪನ್ಯಾಶಕರು 07-ಜನ ಸಹಾಯಕ ನಿರ್ದೇಶಕರು ಅಕ್ಷರ ದಾಸೋಹ 08- ಕ್ಷೇತ್ರ ಶಿಕ್ಷಣಾಧಿಕಾರಿಗಳು 02-ಶಿಕ್ಷಣಾಧಿಕಾರಿಗಳು ಎಪಿಸಿ, ವಿಷಯ ಪರಿವೀಕ್ಷಕರು ರವರು ಒಟ್ಟಾರೆ 750-ಜನ ಕಾರ್ಯಾಗಾರದಲ್ಲಿ ಭಾಗವಹಿಸಿದರು,