ಸಂಜೆವಾಣಿ ವಾರ್ತೆ
ಕೂಡ್ಲಿಗಿ. ಏ . 1 :- ಎಸ್ ಎಸ್ ಎಲ್ ಸಿ ಪರೀಕ್ಷೆ ಪ್ರಾರಂಭವಾಗಿದ್ದು ಅಖಂಡ ಕೂಡ್ಲಿಗಿ ತಾಲೂಕಿನಲ್ಲಿ ಶುಕ್ರವಾರ ಕನ್ನಡ ಪ್ರಥಮ ಭಾಷಾ ಪರೀಕ್ಷೆಗೆ 80ವಿದ್ಯಾರ್ಥಿಗಳು ಪರೀಕ್ಷೆಗೆ ಗೈರಾಗಿದ್ದಾರೆ ಎಂದು ಬಿಇಓ ಕಚೇರಿ ಮೂಲಗಳು ತಿಳಿಸಿವೆ.
ಒಟ್ಟು 4617 ನೊಂದಣಿಯಾದ ವಿದ್ಯಾರ್ಥಿಗಳಲ್ಲಿ ನಿನ್ನೆ ಕನ್ನಡ ಪ್ರಥಮ ಭಾಷೆಗೆ ಹಾಜರಾದ 4537ಹಾಗೂ 6 ಹಳೇ ವಿದ್ಯಾರ್ಥಿಗಳು ಹಾಜರಾಗಿದ್ದು 28ಗಂಡು ಮತ್ತು 52ಹೆಣ್ಣು ಸೇರಿ 80ವಿದ್ಯಾರ್ಥಿಗಳು ಇಂದಿನ ಪರೀಕ್ಷೆಗೆ ಗೈರು ಹಾಜರಾಗಿದ್ದರೆಂದು ಕಚೇರಿ ಮೂಲಗಳಿಂದ ತಿಳಿದಿದೆ.
ಪರೀಕ್ಷಾ ಕೇಂದ್ರದಲ್ಲಿ ಬಿಗಿ : ಪರೀಕ್ಷಾ ಕೇಂದ್ರದ ಸುತ್ತ ಮುತ್ತ ಪೊಲೀಸ್ ಬಂದೋಬಸ್ತ್ ವ್ಯವಸ್ಥೆ ಮಾಡಿ ಪರೀಕ್ಷೆ ಅಕ್ರಮ ನಡೆಯದಂತೆ ತಡೆಯಲಾಗಿತ್ತು.
