ಉದ್ಯೋಗ ಖಾತ್ರಿ ಯೋಜನೆಯಲ್ಲಿ ಕಾಮಗಾರಿ

ಕಾರಟಗಿ:20:ಸಮೀಪದ ಬೂದಗುಂಪಾ ಗ್ರಾಮ ಪಂಚಾಯತಿ ವತಿಯಿಂದ ಮಹಾತ್ಮ ಗಾಂಧಿ ಉದ್ಯೋಗ ಖಾತ್ರಿ ಯೋಜನೆಯಲ್ಲಿ ನ್ಯೂಟ್ರೇಷನ್ ಗಾರ್ಡನ್ ಕಾಮಗಾರಿಯನ್ನು ನಡೆಸಲಾಯಿತು.
ಡಿ.ದೇವರಾಜ ಅರಸು ವಿದ್ಯಾರ್ಥಿಗಳ ವಸತಿ ನಿಲಯದಲ್ಲಿ ನ್ಯೂಟ್ರಿಷನ್‌ ಗಾರ್ಡನ್‌ (ನರ್ಸರಿ)ಕಾಮಗಾರಿಯನ್ನು
ಮಾಡಲಾಯಿತು. ಪ್ರತಿ ಗ್ರಾಮ ಪಂಚಾಯ್ತಿವಾರು ಕಂಪೌಂಡ್‌ ಮತ್ತು ನೀರಿನ ವ್ಯವಸ್ಥೆ ಇರುವ ಎರಡು ಶಾಲೆ ಮತ್ತು ಎರಡು ಅಂಗನವಾಡಿಗಳನ್ನು ಆಯ್ದುಕೊಂಡು ನ್ಯುಟ್ರೀಷನ್‌‌ ಗಾರ್ಡನ್‌ ನಿರ್ಮಾಣ (ತರಕಾರಿ ತೋಟ) ಮಾಡಲು ಯೋಜನೆಯ ಉದ್ದೇಶ ಇದಾಗಿದ್ದು. ಈ ಕೈ ತೋಟದಲ್ಲಿ ನುಗ್ಗೆ, ಕರಿಬೇವು, ಬದನೆ. ತೆಂಗು. ಟೊಮ್ಯಾಟೊ. ಸಪೋಟ. ಕರಿಬೇವು. ಶಿತಫಲಾ ಮತ್ತಿತರರ ಪೌಷ್ಟಿಕಾಂಶಯುಕ್ತ ತರಕಾರಿ ಗಿಡಗಳನ್ನು ಎನ್‌ಆರ್‌ಇಜಿ ಯೋಜನೆಯಡಿ ಬೆಳೆಸಿ ಇನ್ನಿತರ ಸಸ್ಯಗಳಿಗೆ ಉತ್ತೇಜನ ನೀಡಲಾಗುವುದು ಎಂದು ಅಭಿವೃದ್ಧಿ ಅಧೀಕಾರಿ ಮಹಮ್ಮದ್ ಜುಬೇರ್ ನಾಯಕ ತಿಳಿಸಿದ್ದಾರೆ.
ಪಂಚಾಯತಿ ವತಿ ಯಿಂದ ಕೈತೋಟದಲ್ಲಿ ಬೆಳೆಯುವ ಕಾಯಿಪಲ್ಲೆಯನ್ನು ಆಯಾ ಶಾಲೆಗಳಲ್ಲಿ ಮಧ್ಯಾಹ್ನದ ಬಿಸಿಯೂಟಕ್ಕೆ ಬಳಸಿಕೊಳ್ಳಬಹುದಾಗಿದೆ.
ಕೈತೋಟ ನಿರ್ಮಾಣಕ್ಕೆ ಅಗತ್ಯವಿರುವ ತರಕಾರಿ ಗಿಡ ಅಥವಾ ಬೀಜಗಳನ್ನು ಎನ್‌ಆರ್‌ಇಜಿ ಸಾಮಗ್ರಿ ಮೊತ್ತದಲ್ಲಿ ಖರೀದಿಸಲಾಗುವುದು ಎಂದು ಅವರು ತಿಳಿಸಿದ್ದಾರೆ. ಶಾಲೆಗಳಲ್ಲಿ ಕೈತೋಟ ನಿರ್ಮಾಣಕ್ಕೆ ಎನ್‌ಆರ್‌ಇಜಿ ಯೋಜನೆಯಡಿ ಕೂಲಿಕಾರ್ಮಿಕರನ್ನು ಬಳಸಿಕೊಳ್ಳಲಾಗಿದೆ ಎಂದು ಅವರು ತಿಳಿಸಿದರು.
ತೋಟಗಾರಿಕೆ ಅಧೀಕಾರಿ ಚಂದ್ರಶೇಖರ್ ಗ್ರಾಮ ಪಂಚಾಯತಿ ಕಾರ್ಯದರ್ಶಿ ಹನುಮಂತಪ್ಪ ನಾಯಕ.ಗ್ರಾ.ಪ ಸಿಬ್ಬಂದಿ ಬಸವರಾಜ ಜಂತಕಲ್ ಇನ್ನಿತರರು ಇದ್ದರು.