ಆರೋಗ್ಯ ತಪಾಸಣಾ ಶಿಬಿರ

ಕೆ.ಆರ್.ಪುರ,ಸೆ.೨೩- ಬಸವನಪುರ ವಾರ್ಡನಲ್ಲಿ ಸೇವಾ ಪಾಕ್ಷಿಕದ ಅಂಗವಾಗಿ ಬಸವನಪುರದಲ್ಲಿ ಏರ್ಪಡಿಸಿದ್ದ ರಕ್ತದಾನ ಶಿಬಿರ ಹಾಗೂ ಆರೋಗ್ಯ ತಪಾಸಣಾ ಶಿಬಿರವನ್ನು ಮಾಜಿ ಪಾಲಿಕೆ ಸದಸ್ಯ ಜಯಪ್ರಕಾಶ್ ಉದ್ಘಾಟಿಸಿದರು.
ರಕ್ತದಾನ ಉದ್ಘಾಟಿಸಿ ಮಾತನಾಡಿದ ಮಾಜಿ ಪಾಲಿಕೆ ಸದಸ್ಯ ಜಯಪ್ರಕಾಶ್ ಕರೋನ ಸಂದರ್ಭದಲ್ಲಿ ರಕ್ತದ ಅವಶ್ಯಕತೆ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ ಯುವಕರು ರಕ್ತದಾನ ಮಾಡುವಂತೆ ಮನವಿ ಮಾಡಿದರು.
ಒಬ್ಬರು ರಕ್ತದಾನ ಮಾಡುವುದರಿಂದ ಮೂರು ಜೀವಗಳಿಗೆ ಸಹಕಾರಿಯಾಗಲಿದ್ದು ಯಾವುದೇ ರೀತಿಯ ಗೊಂದಲವಿಲ್ಲದೆ ರಕ್ತದಾನ ಮಾಡುವಂತೆ ಕಿವಿಮಾತು ಹೇಳಿದರು.
ಕೊರೊನಾದಂತಹ ಆರೋಗ್ಯ ತುರ್ತುಪರಿಸ್ಥಿತಿಯ ಸಂದರ್ಭದಲ್ಲಿ ಕೊರೊನಾ ಲಸಿಕೆ ಪಡೆಯುವ ಮೊದಲು ರಕ್ತದಾನ ಮಾಡಿ ಪ್ರತಿಯೊಬ್ಬರು ಲಸಿಕೆ ಪಡೆಯುವಂತೆ ನುಡಿದರು. ಒತ್ತಡದ ಜೀವನದಲ್ಲಿ ಆರೋಗ್ಯದ ಕಡೆ ಗಮನ ಹರಿಸದೆ ಇರುವುದು ಅನೇಕ ರೋಗಗಳಿಗೆ ತುತ್ತಾಗುವಂತಾಗಿದೆ. ಒತ್ತಡ ಮುಕ್ತ ಜೀವನದತ್ತ ಗಮನ ಹರಿಸುವಂತೆ ಹೇಳಿದರು.
ಕ್ಷೇತ್ರದ ಎಸ್ ಟಿ ಘಟಕದ ಅಧ್ಯಕ್ಷ ದುಶ್ಯಂತ್ ರಾಜ್ ಸೇರಿದಂತೆ ೭೦ಕ್ಕೂ ಹೆಚ್ಚು ಮಂದಿ ರಕ್ತದಾನ ಮಾಡಿದರು.
ಈ ಸಂದರ್ಭದಲ್ಲಿ ಕ್ಷೇತ್ರದ ಎಸ್ ಟಿ ಘಟಕದ ಅಧ್ಯಕ್ಷ ದುಶ್ಯಂತ್ ರಾಜ್, ವಾರ್ಡನ ಅಧ್ಯಕ್ಷ ಶಿವಕುಮಾರ್, ಪ್ರಧಾನ ಕಾರ್ಯದರ್ಶಿಗಳಾದ ಶ್ರೀರಾಮ್, ಹರೀಶ್, ಉಸ್ತುವಾರಿ ನವೀನ್ ಅರಸು, ಕ್ಷೇತ್ರದ ಉಪಾದ್ಯಕ್ಷೆ ಪದ್ಮಾವತಿ, ವಾರ್ಡ್ ಮಹಿಳಾ ಅಧ್ಯಕ್ಷೆ ಲಕ್ಷಿ, ಮುಖಂಡರಾದ ಪೀಟರ್ ಮೈಕಲ್, ಕೇಬಲ್ ರಾಜಣ್ಣ, ರಾಮಚಂದ್ರಪ್ಪ, ನಾಗೇಶ್, ಜಾನ್ ವಿಲಿ ಯಂ, ಶೀಗೆಹಳ್ಳಿ ರವಿ ಜಗನ್ನಾಥ್ ಇದ್ದರು.

ಬಸವನಪುರ ವಾರ್ಡ್‌ನಲ್ಲಿ ಸೇವಾ ಪಾಕ್ಷಿಕದ ಅಂಗವಾಗಿ ವತಿಯಿಂದ ಬಸವನಪುರದಲ್ಲಿ ಏರ್ಪಡಿಸಿದ್ದ ರಕ್ತದಾನ ಶಿಬಿರ ಹಾಗೂ ಆರೋಗ್ಯ ತಪಾಸಣಾ ಶಿಬಿರವನ್ನು ಮಾಜಿ ಪಾಲಿಕೆ ಸದಸ್ಯ ಜಯಪ್ರಕಾಶ್ ಉದ್ಘಾಟಿಸಿದರು.