ಆರೋಗ್ಯವಂತ ಸಮಾಜ ನಿರ್ಮಾಣ ನಮ್ಮ ಗುರಿ

ಬೀದರ್:ಫೆ.11: ಸಮಾಜದ ಸರ್ವತೋಮುಖ ಬೆಳವಣಿಗೆಯ ಜೊತೆಗೆ ಆರೋಗ್ಯವಂತ ಸಮಾಜ ನಿರ್ಮಾಣ ಕಾರ್ಯದಲ್ಲಿ ತೊಡಗಿಸಿ ಕೊಂಡು ಪರೋಪಕಾರ ಮಾಡುವುದೇ ನಮ್ಮ ಗುರಿ ಎಂದು ಇನ್ನರ್ವಿಲ್ ಕ್ಲಬ್ ಅಧ್ಯಕ್ಷೆ ಅನಿತಾ ಚಿಂತಾಮಣಿ ಹೇಳಿದರು.
ತಾಲೂಕಿನ ಬಕ್ಕಚೌಡಿ ಗ್ರಾಮದಲ್ಲಿ ಶನಿವಾರ ಇನ್ನರ್ವಿಲ ಕ್ಲಬ, ದೃಷ್ಟಿ ಫೌಂಡೇಶನ್, ಲಾಲ ಬಹಾದ್ದುರ ಶಿಕ್ಷಣ ಸಂಸ್ಥೆ, ಜಿಲ್ಲಾ ಎಡ್ಸ ನಿಯಂತ್ರಣ ಮತ್ತು ತಡೆಗಟ್ಟುವ ಘಟಕ ಬೀದರ ವತಿಯಿಂದ ಉಚಿತಾ ಆರೋಗ್ಯ ತಪಾಷಣೆ ಶಿಬಿರ ಮತ್ತು ಉಚಿತ ನೇತ್ರ ಚಿಕಿತ್ಸಾಶಿಬಿರವನ್ನು ಉದ್ಘಾಟಿಸಿ ಮಾತನಾಡಿ ನಾವು ಪ್ರತಿನಿತ್ಯ ತಿನ್ನುವ ಕೆಲವು ಆಹಾರಗಳು ನಮಗೆ ಒಳ್ಳೆಯ ಆರೋಗ್ಯ ನೀಡುವುದಲ್ಲದೇ ನಮ್ಮ ದೈಹಿಕ ಶಕ್ತಿ ಹೆಚ್ಚಿಸುವ ಮತ್ತು ರೋಗಗಳನ್ನು ತಡೆಗಟ್ಟು ಗುಣ ಕೂಡ ಹೊಂದಿರುತ್ತದೆ. ಇಂತಹ ಆಹಾರಗಳನ್ನು ಹೆಚ್ಚಾಗಿ ಸೇವಿಸುವುದು ಆರೋಗ್ಯಕ್ಕೆ ಹೆಚ್ಚು ಉಪಯುಕ್ತ. ನಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳಲು ನಮ್ಮ ಆಹಾರ ಪದ್ಧತಿಯಲ್ಲಿ ಸಣ್ಣ ಸಣ್ಣ ಬದಲಾವಣೆ ಮಾಡಿಕೊಳ್ಳುವುದೇ ಸುಲಭ ಮಾರ್ಗ ಎಂದು ಹೇಳಿದರು.
ಡಾ. ನೀತಾ ಶೈಲೇಂದ್ರ ಬೆಲ್ದಾಳೆ ಮಾತನಾಡಿ, ದೇಶದ ಅಭಿವೃದ್ಧಿಯಲ್ಲಿ ಯುವಜನತೆಯ ಆರೋಗ್ಯ ಬಹಳ ಮುಖ್ಯ ಪಾತ್ರವಸಲಿದೆ. ಯುವಕರು ಮೊಬೈಲ್, ಸಿನಿಮಾ, ಇತರೆ ದುಷ್ಟಚಟಗಳಿಂದ ದೂರ ಉಳಿಯಬೇಕು. ಪ್ರತಿಯೊಬ್ಬರು ಆರೋಗ್ಯ ಸುಧಾರಣೆಯ ಬಗ್ಗೆ ಅರಿವು ಮೂಡಿಸಲು ಮುಂದಾಗಬೇಕಿದೆ ಆರೋಗ್ಯ ಶಿಬಿರಗಳ ಮೂಲಕ ಮನೆ ಬಾಗಿಲಿಗೆ ಸೆವೆ ತಲುಪಿಸುತ್ತಿದ್ದೆವೆ ಆದ್ದರೀಂದ ಎಲ್ಲರು ಸದುಪಯೋಗ ಪಡೆದುಕೋಳಬೇಕು ಎಂದು ಹೇಳಿದರು.
ಜಿಲ್ಲಾ ಎಡ್ಸ ನಿಯಂತ್ರಣ ಮತ್ತು ತಡೆಗಟ್ಟುವ ಘಟಕದ ಜಿಲ್ಲಾ ಕಾರ್ಯಕ್ರಮ ಅಧಿಕಾರಿ ಡಾ. ಅನೀಲಕುಮಾರ ಚಿಂತಾಮಣಿ ಮಾತನಾಡಿ, ಎಚ್‍ಐವಿ ಏಡ್ಸ ರೋಗಕ್ಕೆ ಅರಿವು ಮದ್ದು ಆದ್ದರಿಂದ ಎಲ್ಲರು ಎಚ್‍ಐವಿ ಏಡ್ಸ್ ಬಗ್ಗೆ ತಿಳುವಳಿಕೆ ಪಡೆದುಕೊಳ್ಳುವದು ಅವಶಕವಾಗಿದೆ ಎಂದು ಹೇಳಿದರು.
ಗ್ರಾಮದ ಸುಮಾರು 52 ಜನರಿಗೆ ನೇತ್ರ ಪತಾಷಣೆ ಹಾಗೂ 125 ಜನರಿಗೆ ಬಿ.ಪಿ ಸೂಗರ ಹಾಗೂ ಎಚ್‍ಐವಿ ಪರೀಕ್ಷೆ ಮಾಡಲಾಯಿತು.
ಈ ಸಂದರ್ಭದಲ್ಲಿ ಜಿಲ್ಲಾ ಏಡ್ಸ್ ನಿಯಂತ್ರಣ ಹಾಗೂ ತಡೆಗಟ್ಟುವ ಘಟಕದ ಜಿಲ್ಲಾ ವ್ಯವಸ್ಥಾಪಕ ಸೂರ್ಯಕಾಂತ ಸಂಗೋಳಿಕ್ಕರ್, ಲಾಲ ಬಹಾದ್ದುರ ಶಿಕ್ಷಣ ಸಂಸ್ಥೆಯ ಕಾರ್ಯನಿರ್ವಾಹಕ ಅಧಿಕಾರಿ ವಿಶ್ವನಾಥ ಸ್ವಾಮಿ, ಕವಿತಾ ಪ್ರಭಾ, ಮಂಜುಳಾ, ಸುಜಾತ ಕಾಮಶೇಟ್ಟಿ , ಸುನಿತಾ ಮೋರೆ ಶೀಲಾ ಮೋರೆ, ಶಂಕ್ರಣ ಬಿರಾದರ ನಾಗಶೇಟಿ ಬಿರಾದಾರ, ಶಫಿಯೋದಿನ ಸುರಜ ಸಿಂಗ, ಅಮರ ದೃಷ್ಟಿ ಸೂರ್ಯವಂತಿ ಸೇರಿದಂತೆ ಇತರರು ಇದ್ದರು.