ಮುಂಬೈ,ಏ.೨೦- ಬಾಲಿವುಡ್ ತಾರಾ ದಂಪತಿ ಐಶ್ವರ್ಯಾ ರೈ-ಅಭಿಷೇಕ್ ಬಚ್ಚನ್ ಅವರ ಪುತ್ರಿ ಆರಾಧ್ಯ ತಮ್ಮ ಆರೋಗ್ಯದ ಬಗ್ಗೆ ಸುಳ್ಳು ಸುದ್ದಿಗಳನ್ನು ಹರಡಿದ ಯೂಟ್ಯೂಬ್ ಚಾನೆಲ್ ವಿರುದ್ಧ ಹೈಕೋರ್ಟ್ ಮೆಟ್ಟಿಲೇರಿದ್ದಾರೆ.
ಆರೋಗ್ಯದ ಬಗ್ಗೆ ಇಲ್ಲ ಸಲ್ಲದೆ ವರದಿ ಮಾಡುವುದಕ್ಕೆ ಹಾಗೂ ಅಪ್ರಾಪ್ತ ವಯಸ್ಸಿನವಳಾಗಿರುವುದರಿಂದ ಇಂತಹ ವರದಿ ಮಾಡದಂತೆ ಯೂಟ್ಯೂಬ್ ವಿರುದ್ದ ತಡೆಯಾಜ್ಞೆ ಕೋರಿದ್ದಾರೆ.
೧೧ ವರ್ಷ ಪ ಆರಾಧ್ಯ ಬಚ್ಚನ್, ಯೂಟ್ಯೂಬ್ ಚಾನೆಲ್ ವಿರುದ್ಧ ಉದ್ದೇಶಪೂರ್ವಕವಾಗಿ ತನ್ನ ಆರೋಗ್ಯದ ಬಗ್ಗೆ ಸುಳ್ಳು ಸುದ್ದಿಗಳನ್ನು ಹರಡಿದೆ. ಈ ಬಗ್ಗೆ ಅಗತ್ಯಕ್ರಮ ಕೈಗೊಳ್ಳಬೇಕು ಎಂದು ಕೋರಿ ದೆಹಲಿ ಹೈಕೋರ್ಟ್‌ಗೆ ಅರ್ಜಿ ಸಲ್ಲಿಸಿದ್ದಾರೆ.
ಅಮಿತಾಬ್ ಬಚ್ಚನ್ ಮತ್ತು ಜಯಾ ಬಚ್ಚನ್ ಅವರ ಮೊಮ್ಮಗಳು ಆರಾಧ್ಯ ಅವರು ತಮ್ಮ ಆರೋಗ್ಯ ಮತ್ತು ಜೀವನದ ಬಗ್ಗೆ ನಕಲಿ ವೀಡಿಯೊ ಸುದ್ದಿಯನ್ನು ಪ್ರಕಟಿಸಿದ ನಂತರ ಯೂಟ್ಯೂಬ್ ಟ್ಯಾಬ್ಲಾಯ್ಡ್ ವಿರುದ್ಧ ಕೇಸ್ ದಾಖಲಿಸಿದ್ದಾರೆ.
ಅರ್ಜಿಯ ಪುಟದಲ್ಲಿ ತನ್ನ ಬಗ್ಗೆ “ಎಲ್ಲಾ ವೀಡಿಯೊಗಳನ್ನು ಡಿ-ಲಿಟ್ ಮಾಡಲು ಮತ್ತು ನಿಷ್ಕ್ರಿಯಗೊಳಿಸಲು” ಪ್ರಕರಣದ ಇತರ ಪಕ್ಷಗಳು ಗೂಗಲ್ ಮತ್ತು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯದ ಕುಂದುಕೊರತೆ ಕೋಶಕ್ಕೆ ಮನವಿ ಮಾಡಿದ್ದಾರೆ.
ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಆರಾಧ್ಯ ಅವರ ಫೋಟೋಗಳು ಮತ್ತು ವಿಡಿಯೋಗಳು ಹರಿದಾಡಿದ್ದವು.ಮುಂಬೈನಲ್ಲಿ ನೀತಾ ಮುಖೇಶ್ ಅಂಬಾನಿ ಸಾಂಸ್ಕೃತಿಕ ಕೇಂದ್ರದ ಉದ್ಘಾಟನೆಗೆ ತಾಯಿ ಐಶ್ವರ್ಯಾ ಬಚ್ಚನ್ ಅವರೊಂದಿಗೆ ಆರಾಧ್ಯ ಆಗಮಿಸಿದ್ದ ವೇಳೆ ಕ್ಯಾಮಾರಗೆ ಪೋಸು ನೀಡಿದ್ದರು.
ಪಾಪರಾಜಿಗಳು ಆರಾಧ್ಯ ಅವರನ್ನು ಸೋಲೋ ಫೋಟೋಗಳಿಗೆ ಪೋಸ್ ನೀಡುವಂತೆ ವಿನಂತಿಸಿದರು, ಆದರೆ ಐಶ್ವರ್ಯಾ ಅವರು ಹೆಜ್ಜೆ ಹಾಕಿದರು ಮತ್ತು ಅದಕ್ಕೆ ನಾನು ತುಂಬಾ ಚಿಕ್ಕವಳು ಎಂದು ಹೇಳಿದ್ದರು. ಈ ಹಿನ್ನೆಲೆಯಲ್ಲಿ ಆರಾದ್ಯ ಬಗ್ಗೆ ನಕಲಿ ಸುದ್ದಿ ಹರಡಲಾಗಿತ್ತು.
