ಅವಿರೋಧ ಆಯ್ಕೆ

ಬೈಲಹೊಂಗಲ,ಆ6: ತಾಲ್ಲೂಕಿನ ಪ್ರತಿಷ್ಠಿತ ಪಿ.ಎಲ್.ಡಿ ಬ್ಯಾಂಕ್ ನೂತನ ಅಧ್ಯಕ್ಷರಾಗಿ ಯುವ ಮುಖಂಡ ಶ್ರೀಶೈಲ ಯಡಳ್ಳಿ ಹಾಗೂ ಉಪಾಧ್ಯಕ್ಷರಾಗಿ ನೇಗಿನಹಾಳದ ಯುವ ಮುಖಂಡ ಜಗದೀಶ ಬಜೇರಿ ಅವಿರೋಧ ಆಯ್ಕೆಯಾದರು.
ಅಧ್ಯಕ್ಷ-ಉಪಾಧ್ಯಕ್ಷ ಸ್ಥಾನಕ್ಕೆ ಶುಕ್ರವಾರ ನಡೆದ ಚುನಾವಣೆ ನಂತರ ಆಯ್ಕೆಯನ್ನು ಚುನಾವಣಾಧಿಕಾರಿ ರೇಶ್ಮಾ ಮಕಾನದಾರ ಮತ್ತು ಬ್ಯಾಂಕ್ ಮ್ಯಾನೇಜರ ಎಂ.ಟಿ.ಗಾಣಿಗೇರ ಘೋಷಿಸಿದರು.
ಅಧ್ಯಕ್ಷ-ಉಪಾಧ್ಯಕ್ಷ ಸ್ಥಾನಕ್ಕೆ ಪೈಪೆÇೀಟಿ ಏರ್ಪಟ್ಟಿತ್ತು. ಮಾಜಿ ಶಾಸಕ, ಕಾಡಾ ಅಧ್ಯಕ್ಷ ಡಾ.ವಿಶ್ವನಾಥ ಪಾಟೀಲ, ಕಿತ್ತೂರ ಶಾಸಕ ಮಹಾಂತೇಶ ದೊಡಗೌಡರ, ನೇಗಿನಹಾಳದ ಜಿಲ್ಲಾ ಪಂಚಾಯತಿ ಮಾಜಿ ಸದಸ್ಯ ಬಾಬಾಸಾಹೇಬ ಪಾಟೀಲ ಹಾಗೂ ಇನ್ನಿತರ ಹಿರಿಯರ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಆಯ್ಕೆ ಮಾಡಲಾಯಿತು.
ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸಿದ್ದ ಮುಖಂಡ ಶಂಕರಕುಮಾರ ಚಿಟ್ಟಿ ನಾಮಪತ್ರ ವಾಪಸ್ ಪಡೆದರು. ಉಪಾಧ್ಯಕ್ಷ ಸ್ಥಾನಕ್ಕೆ ಒಬ್ಬರೆ ಸ್ಪರ್ಧಿಸಿದ್ದರಿಂದ ಅವಿರೋಧ ಆಯ್ಕೆ ನಡೆಯಿತು.
ನೂತನ ಅಧ್ಯಕ್ಷ ಶ್ರೀಶೈಲ ಯಡಳ್ಳಿ ಹಾಗೂ ಉಪಾಧ್ಯಕ್ಷ ಜಗದೀಶ ಬಜೇರಿ ಮಾತನಾಡಿ, `ಹಿರಿಯರ ಮಾರ್ಗದರ್ಶನದಲ್ಲಿ ಬ್ಯಾಂಕ್ ಅಭಿವೃದ್ಧಿಗೆ ಶ್ರಮಿಸುತ್ತೇವೆ. ಅವರ ಹೆಸರಿಗೆ ಚ್ಯುತಿ ಬರದಂತೆ ನಡೆದುಕೊಳ್ಳುತ್ತೇವೆ’ ಎಂದರು.
ನಿರ್ದೇಶಕರಾದ ಉಮೇಶ ಪಾಟೀಲ, ಅಕ್ಷರ ಆನಿಕಿವಿ, ರುದ್ರಗೌಡ ಪಾಟೀಲ, ಶಂಕರಗೌಡ್ರು ಪಾಟೀಲ, ಶಿವಬಸಪ್ಪ ಕುಡಸೋಮಣ್ಣವರ, ಪರ್ವತಗೌಡ ಪಾಟೀಲ, ಯಲ್ಲಪ್ಪ ಕೌಜಲಗಿ, ರತ್ನವ್ವ ಧಾರವಾಡ, ಮಾಲತಿ ಪಾಟೀಲ, ಶಿವಾನಂದ ಕಲ್ಲೂರ, ಲಕ್ಷ್ಮಪ್ಪ ಮಾಸ್ತಮರ್ಡಿ, ಗಂಗಾಧರ ಹೊಂಡೇದ, ಆನಂದ ಮೂಗಿ, ರಾಯಣ್ಣ ಸಮಿತಿ ಅಧ್ಯಕ್ಷ ರಾಜು ಸೊಗಲ, ಉಪಾಧ್ಯಕ್ಷ ಸೋಮನಾಥ ಸೊಪ್ಪಿಮಠ, ಮಹಾಂತೇಶ ಹೊಸಮನಿ, ಶ್ರೀಶೈಲ ಹಂಪಿಗೊಳಿ ಇದ್ದರು. ಸತೀಶ ಹನುಮಶೇಟ ನಿರೂಪಿಸಿದರು.