ಅಲ್ಟ್ರಾಟೆಕ್ ಐ.ಟಿ.ಎಫ್ ಕಲಬುರಗಿ ಓಪನ್ ಟೆನಿಸ್ ಅರ್ಹತಾ ಪಂದ್ಯಾವಳಿ ಆರಂಭ

ಕಲಬುರಗಿ,ನ.26-ನಗರದ ಚಂದ್ರಶೇಖರ ಪಾಟೀಲ ಕ್ರೀಡಾಂಗಣದಲ್ಲಿ ಅಲ್ಟ್ರಾಟೆಕ್ ಐ.ಟಿ.ಎಫ್ ಕಲಬುರಗಿ ಓಪನ್-2023 ಪುರುಷ ಟೆನಿಸ್ ಕ್ರೀಡಾಕೂಟದ ಅರ್ಹತಾ ಪಂದ್ಯಗಳು ಇಂದಿನಿಂದ ಆರಂಭಗೊಂಡಿದ್ದು, ಎಲ್ಲೆಡೆ ಸಂಭ್ರಮ ಮನೆ ಮಾಡಿದೆ.
ಐದನೇ ಬಾರಿಗೆ ಅಂತರಾಷ್ಟ್ರೀಯ ಟೆನಿಸ್ ಪಂದ್ಯಾವಳಿಗೆ ಕಲಬುರಗಿ ಆತಿಥ್ಯ ವಹಿಸುತ್ತಿದ್ದು, ಕಲ್ಯಾಣ ಕರ್ನಾಟಕ ಪ್ರದೇಶದಲ್ಲಿ ಟೆನಿಸ್ ಅನ್ನು ಉತ್ತೇಜಿಸುವ ನಗರದ ಬದ್ಧತೆಯನ್ನು ಬಲಪಡಿಸುತ್ತದೆ. ಆಟಗಾರರ ಪ್ರಭಾವಶಾಲಿ ಶ್ರೇಣಿಯೊಂದಿಗೆ, ಈ ವರ್ಷದ ಪಂದ್ಯಾವಳಿಯು ಪ್ರತಿಭೆ ಮತ್ತು ಸ್ಪರ್ಧೆಯ ಅತ್ಯುತ್ತಮ ಪ್ರದರ್ಶನವಾಗಿದೆ.
US 25,000 ಬಹುಮಾನ ಮೊತ್ತದ ಪಂದ್ಯಾವಳಿಯ ಮುಖ್ಯ ಡ್ರಾವು ಒಟ್ಟು 20 ನೇರ ನಮೂದುಗಳು, ಎಂಟು ಅರ್ಹತಾ ಪಂದ್ಯಗಳು ಮತ್ತು ನಾಲ್ಕು ವೈಲ್ಡ್ ಕಾರ್ಡ್‍ಗಳನ್ನು ಒಳಗೊಂಡಿದೆ. ಮೊದಲ ಸುತ್ತಿನ ಅರ್ಹತಾ ಪಂದ್ಯಗಳು ಇಂದು ಮತ್ತು ಅಂತಿಮ ಅರ್ಹತಾ ಸುತ್ತಿನ ಪಂದ್ಯಗಳು ಸೋಮವಾರ ನಿಗದಿಪಡಿಸಲಾಗಿದೆ. ಅರ್ಹತಾ ಸುತ್ತಿನ ಎಂಟು ಆಟಗಾರರು ಮಂಗಳವಾರ ಆರಂಭವಾಗಲಿರುವ ಪ್ರಧಾನ ಸುತ್ತಿಗೆ ಅರ್ಹತೆ ಪಡೆಯಲಿದ್ದಾರೆ.
ಜಿಲ್ಲಾಧಿಕಾರಿ ಬಿ.ಫೌಜಿಯಾ ತರನುಮ್ ಅವರು ಕಾರ್ಯಕ್ರಮದ ಬಗ್ಗೆ ತಮ್ಮ ಉತ್ಸಾಹವನ್ನು ವ್ಯಕ್ತಪಡಿಸುತ್ತಾ, ಅಲ್ಟ್ರಾಟೆಕ್ ಐಟಿಎಫ್ ಕಲಬುರಗಿ ಓಪನ್ ಅನ್ನು ಆಯೋಜಿಸಲು ನಾವು ಹೆಮ್ಮೆ ಪಡುತ್ತೇವೆ ಮತ್ತು ವಿಶ್ವದ ಅನೇಕ ಅಟಗಾರರ ಅದ್ಭುತ ಪ್ರತಿಭೆಯನ್ನು ವೀಕ್ಷಿಸಲು ನಾವು ಎದುರು ನೋಡುತ್ತೇವೆ. ಐಟಿಎಫ್ ಕಲಬುರಗಿ ಓಪನ್ ನಮ್ಮ ನಗರಕ್ಕೆ ಹೆಮ್ಮೆಯ ಮೂಲವಾಗಿದೆ. ಇದು ಪ್ರಪಂಚದಾದ್ಯಂತದ ಆಟಗಾರರ ಪ್ರತಿಭೆ ಮತ್ತು ಸಮರ್ಪಣೆಯನ್ನು ಪ್ರದರ್ಶಿಸುತ್ತದೆ ಮತ್ತು ಇದು ಕಲಬುರಗಿ ಕ್ರೀಡಾ ಜಗತ್ತಿನಲ್ಲಿ ಬೆಳೆಯುತ್ತಿರುವ ಪ್ರಾಮುಖ್ಯತೆಗೆ ಸಾಕ್ಷಿಯಾಗಿದೆ ಎಂದಿದ್ದಾರೆ.
ಅಂತಾರಾಷ್ಟ್ರೀಯ ಟೆನಿಸ್ ರಂಗದಲ್ಲಿ ತಮ್ಮ ಛಾಪು ಮೂಡಿಸಲು ಉದಯೋನ್ಮುಖ ಪ್ರತಿಭೆಗಳಿಗೆ ಈ ಪಂದ್ಯಾವಳಿಯು ಮಹತ್ವದ ವೇದಿಕೆಯಾಗಿದೆ.
ಅಲ್ಟ್ರಾಟೆಕ್ ಐ.ಟಿ.ಎಫ್. ಕಲಬುರಗಿ ಓಪನ್ ವೃತ್ತಿಪರ ಟೆನಿಸ್‍ನ ತೀವ್ರತೆ ಮತ್ತು ಕೌಶಲ್ಯವನ್ನು ವೀಕ್ಷಿಸಲು ಸ್ಥಳೀಯ ಮತ್ತು ಪ್ರದೇಶದ ಅಭಿಮಾನಿಗಳು ಮತ್ತು ಟೆನಿಸ್ ಉತ್ಸಾಹಿಗಳನ್ನು ಸೆಳೆಯುತ್ತಿದೆ.