ಅಂಬೇಡ್ಕರ್ ಸಮಾನತೆಯ ಹರಿಕಾರ

ವಿಜಯಪುರ, ಏ.೧೫- ಅಂಬೇಡ್ಕರ್ ಅವರ ಬದುಕು ಎಲ್ಲರಿಗೂ ಸ್ಫೂರ್ತಿ. ಸಮಾನತೆ, ಪ್ರಗತಿಯ ಕನಸು ಕಂಡ ಮೇರು ನಾಯಕ ನಮ್ಮ ಹೆಮ್ಮೆಯ ಸಂವಿಧಾನ ಶಿಲ್ಪಿ. ಇವರ ಆದರ್ಶ ಎಲ್ಲರ ಜೀವನಕ್ಕೆ ದಾರಿ ಎಂದು ಪುರಸಭಾ ಮುಖ್ಯಾಧಿಕಾರಿ ಸಂತೋಷ್ ಕುಮಾರು ತಿಳಿಸಿದರು.
ಪಟ್ಟಣದ ಪುರಸಭಾ ಆವರದಲ್ಲಿ ಪುರಸಭಾವತಿಯಿಂದ ಆಯೋಜಿಸಿದ್ದ ಡಾ.ಬಿ.ಆರ್.ಅಂಬೇಡ್ಕರ್ ಅವರ ಜಯಂತಿ ಕಾರ್ಯಕ್ರಮದಲ್ಲಿ ಅವರ ಭಾವ ಚಿತ್ರಕ್ಕೆ ಪುಷ್ವ ನಮನ ಸಲ್ಲಿಸಿ ಮಾತನಾಡಿದರು.
ಡಾ. ಭೀಮ್ ರಾವ್ ಅಂಬೇಡ್ಕರ್ ಅವರು ಭಾರತದ ಅತ್ಯಂತ ದೂರದೃಷ್ಟಿಯ ನಾಯಕರಲ್ಲಿ ಒಬ್ಬರು, ಅವರ ಸಮಾನತೆ ಮತ್ತು ಸ್ವಾತಂತ್ರ್ಯದ ವಿಚಾರಗಳು ಭಾರತದ ನೀತಿಯನ್ನು ರೂಪಿಸಿದವು. ಅಂಬೇಡ್ಕರ್ ಅವರ ಉನ್ನತ ಮೌಲ್ಯಗಳು ಮತ್ತು ತತ್ವಗಳು ರಾಷ್ಟ್ರದಾದ್ಯಂತ ಲಕ್ಷಾಂತರ ಜನರನ್ನು ಪ್ರೇರೇಪಿಸುತ್ತಲೇ ಇವೆ. ಭಾರತೀಯ ಸಂವಿಧಾನದ ರಚನೆಗೆ ಅವರ ಅಪಾರ ಕೊಡುಗೆಗಾಗಿ, ಅವರನ್ನು ’ಭಾರತೀಯ ಸಂವಿಧಾನದ ಪಿತಾಮಹ ಹಾಗಿದ್ದಾರೆ ಎಂದರು.
ಪುರಸಭಾ ಅಧಿಕಾರಿ ಅನೀಲ್ ಮಾತನಾಡಿ, ಡಾ. ಬಿ.ಆರ್ ಅಂಬೇಡ್ಕರ್ ಅವರು ಲಕ್ಷಾಂತರ ಜನರಿಗೆ ಸ್ಫೂರ್ತಿ ನೀಡುತ್ತಿರುವ ಚಿರಂತನ ಚೇತನ ಮತ್ತು ನಮ್ಮ ದುಃಖ ಮತ್ತು ಯಶಸ್ಸಿಗೆ ನಾವೇ ಜವಾಬ್ದಾರರು ಎಂದು ಪ್ರತಿದಿನ ನೆನಪಿಸಿಕೊಳ್ಳುಬೇಕು ಎಂದರು.
ಈ ಸಂದರ್ಭದಲ್ಲಿ ಪುರಸಭಾ ಸಿಬ್ಬಂಧಿಗಳಾದ ಪವನ್ ಜೋಷಿ, ರವಿ, ಮಂಜು, ಜನಾರ್ಧನ್, ಆರೋಗ್ಯ ಅಧಿಕಾರಿ ಲಾವಣ್ಯ ಹಾಗೂ ಪೌರಕಾರ್ಮಿಕರು ಹಾಜರಿದ್ದರು.