ಅಂಗನವಾಡಿ ಕಾರ್ಯಕರ್ತೆಯರಿಗೆ ತರಬೇತಿ

ಕಲಬುರಗಿ ಮಾ 23:ಸೇವಾಸಂಗಮ ಸಮಾಜ ಸೇವಾ ಸಂಸ್ಥೆ ಕಲಬುರಗಿ ತಾಲ್ಲೂಕಿನಲ್ಲಿ ಸುಮಾರು 16 ವರ್ಷಗಳಿಂದ ಸಮಾಜ ಸೇವೆಯನ್ನು ಸಲ್ಲಿಸುತ್ತಿದೆ. ವಿಶೇಷವಾಗಿ ಮಹಿಳೆಯರು ಗರ್ಭಿಣಿಯರು, ವಿಕಲಚೇತನರು, ರೈತರು. ಹಾಗೂ ಬೆಳವಣಿಗೆಯಲ್ಲಿ ಕುಂಠಿತವಾಗಿರುವ ಮಕ್ಕಳೊಂದಿಗೆ ಕಾರ್ಯವನ್ನು ಮಾಡುತ್ತಿದೆ ಎಂದು ಸೇವಾಸಂಗಮ ಸಂಸ್ಥೆಯ ನಿಯೋಜಿತ ನಿರ್ದೇಶಕರಾದ ಫಾದರ ವಿಕ್ಟರ್ ವಾಸ್ ತಿಳಿಸಿದರು.
ಕಲಬುರಗಿ ನಗರದ ಸಂತ ಮೇರಿ ಚರ್ಚನಲ್ಲಿ ಸೇವಾಸಂಗಮ ಸಮಾಜ ಸೇವಾ ಸಂಸ್ಥೆ ಮತ್ತು ಬೆಂಗಳೂರಿನ ಗಿಫ್ಟ್ ಯೇಬಲ್ಡ್ ಸಂಸ್ಥೆ ಸಂಯುಕ್ತಾಶ್ರಯದಲ್ಲಿ ಅಂಗನವಾಡಿ ಕಾರ್ಯಕರ್ತೆಯರಿಗೆ ಒಂದು ದಿನದ ತರಬೇತಿ ಕಾರ್ಯಗಾರ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿದರು.
ಸೇವಾ ಸಂಗಮ ಸಂಸ್ಥೆಯ ಸಂಯೋಜಿಕಿ ಶ್ವೇತಾ ಮತ್ತು ಕಾರ್ಯಕ್ರಮದ ಸಂಯೋಜಕ ಸದಾನಂದ ಮಾತನಾಡಿದರು.ಕಾರ್ಯಕ್ರಮದಲ್ಲಿ ಕಲಬುರಗಿ ಧರ್ಮ ಕ್ಷೇತ್ರದ ಶ್ರೇಷ್ಠಗುರುಗಳಾದ ಫಾದರ್
ಸ್ಟಾನಿ ಲೋಬೊ,ಕಾರ್ಯಕ್ರಮ ವ್ಯವಸ್ಥಾಪಕಿ ಸಿ. ರೂಪಾ ಉಪಸ್ಥಿತರಿದ್ದÀರು. ಒಟ್ಟು 35 ಜನ ಅಂಗನವಾಡಿ ಕಾರ್ಯಕರ್ತೆಯರು ಭಾಗವಹಿಸಿದರು. ಸೇವಾಸಂಗಮ ಕಾರ್ಯಕರ್ತರು ಇದ್ದರು. ಸುಧಾಕರ ಸ್ವಾಗತಿಸಿದರು. ನಾಗೆಂದ್ರಪ್ಪಾ ವಂದಿಸಿ. ಶಿವಕಾಂತ ನಿರೂಪಿಸಿದರು.