ನಗರದ ರೈಲು ನಿಲ್ದಾಣಕ್ಕೆ ಮತ್ತಷ್ಟು ಸೌಲಭ್ಯ ಒದಗಿಸಲು ಬದ್ಧ : ಪಿ. ರಾಮ್

ಚಾಮರಾಜನಗರ, ಮೇ.29- ವಿವಿಧ ಸೌಲಭ್ಯಗಳ ಮೂಲಕ ಆದರ್ಶ ನಿಲ್ದಾಣವಾಗಿ ರೂಪುಗೊಂಡಿರುವ ಜಿಲ್ಲಾ ಕೇಂದ್ರ ರೈಲು ನಿಲ್ದಾಣಕ್ಕೆ ಅಗತ್ಯವಿರುವ ಇನ್ನೂ ಹಲವು ಸೌಲಭ್ಯಗಳನ್ನು ಒದಗಿಸಲು ಬದ್ಧರಾಗಿರುವುದಾಗಿ ಹೆಚ್ಚುವರಿ ವಿಭಾಗೀಯ ರೈಲ್ವೆ ವ್ಯವಸ್ಥಾಪಕರಾದ ಪಿ. ರಾಮ್ ತಿಳಿಸಿದರು.

ರೈಲ್ವೆ ಇಲಾಖೆಯಿಂದ ಮೇ 26 ರಿಂದ ಜೂನ್ 9ರವರೆಗೆ ಹಮ್ಮಿಕೊಂಡಿರುವ ಪ್ರಯಾಣಿಕರ ಸೌಕರ್ಯ ಪಾಕ್ಷಿಕ ಕಾರ್ಯಕ್ರಮದ ಅಂಗವಾಗಿ ಪ್ರಯಾಣಿಕರೊಂದಿಗೆ ಸಂವಾದ ನಡೆಸಿದ ಬಳಿಕ ನಗರದ ರೈಲ್ವೆ ನಿಲ್ದಾಣದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಅವರು ಮಾತನಾಡಿದರು.

ನಗರದ ರೈಲ್ವೆ ನಿಲ್ದಾಣವು ಮೇಲುಸೇತುವೆ, ಕಂಪ್ಯೂಟರೀಕರಣ, ಟಿಕೆಟ್ ಕಾಯ್ದಿರಿಸುವಿಕೆ, ಶೌಚಾಲಯ, ಉನ್ನತಮಟ್ಟದ ಪ್ಲಾಟ್ ಫಾರಂ ಇತರೆ ಸೌಲಭ್ಯಗಳ ಮೂಲಕ ಆದರ್ಶ ರೈಲು ನಿಲ್ದಾಣವಾಗಿ ಮಾರ್ಪಾಡಾಗಿದೆ. ಪ್ರಯಾಣಿಕರಿಂದಲೇ ಅಹವಾಲುಗಳನ್ನು ಆಲಿಸಲಾಗಿದ್ದು ಇನ್ನೂ ಕಲ್ಪಿಸಬೇಕಿರುವ ಸೌಕರ್ಯಗಳ ಬಗ್ಗೆ ಮನವರಿಕೆ ಮಾಡಿಕೊಂಡಿದ್ದೇವೆ ಎಂದರು.

ಸ್ವಚ್ಚತೆ ವಿಷಯದಲ್ಲಿ ನಗರದ ರೈಲುನಿಲ್ದಾಣ ಉತ್ತಮ ನಿರ್ವಹಣೆ ಮಾಡುತ್ತಿದೆ. ನಿಲ್ದಾಣದಲ್ಲಿ ಪ್ರಯಾಣಿಕರು ಕುಳಿತುಕೊಳ್ಳುವ ಆಸನಗಳನ್ನು ನಿರ್ಮಾಣ ಮಾಡಬೇಕಿದೆ. ರೈಲುನಿಲ್ದಾಣದ ಮುಂದಿನ ರಸ್ತೆಯನ್ನೂ ಅಭಿವೃದ್ಧಿಪಡಿಸಬೇಕಿದೆ. ರಸ್ತೆ ಕಾಮಗಾರಿಗೆ 31.76 ಲಕ್ಷ ಹಾಗೂ ಹೆಚ್ಚುವರಿ ಆಸನಗಳ ನಿರ್ಮಾಣಕ್ಕೆ 1.80 ಲಕ್ಷ ನೆರವು ಕೋರಲಾಗಿದೆ ಎಂದರು.

ಪ್ರಯಾಣಿಕರ ಸಂಖ್ಯೆ ಹೆಚ್ಚಳವಾಗಿರುವ ಹಿನ್ನೆಲೆಯಲ್ಲಿ ಮತ್ತಷ್ಟು ರೈಲು ಸೇವೆಯನ್ನು ಒದಗಿಸಬೇಕೆಂಬ ಬೇಡಿಕೆ ಉನ್ನತ ಮಟ್ಟದಲ್ಲಿ ತೀರ್ಮಾನವಾಗಬೇಕಿದೆ. ಆದರೆ ಪ್ರಯಾಣಿಕರ ಒತ್ತಡ ಕಡಿಮೆ ಮಾಡಲು ಬೋಗಿಗಳ ಸಂಖ್ಯೆಯನ್ನು ಹೆಚ್ಚಳ ಮಾಡಲು ಇಲಾಖೆ ಕ್ರಮ ವಹಿಸಲಿದೆ ಎಂದರು.

ರೈಲುನಿಲ್ದಾಣದಲ್ಲಿ ಹೆಚ್ಚುವರಿ ಟಿಕೆಟ್ ಕೌಂಟರ್‍ಗಳ ಜತೆ ಮಹಿಳೆಯರಿಗೆ ಪ್ರತ್ಯೇಕ ಕೌಂಟರ್ ತೆರೆಯಬೇಕೆಂಬ ಬೇಡಿಕೆಯನ್ನು ಪರಿಗಣಿಸಲಾಗುವುದು. ಪಟ್ಟಣದಲ್ಲಿ ಟಿಕೆಟ್ ಕೌಂಟರನ್ನು ತೆರೆಯಲು ಮುಂದೆ ಬರುವವರಿಗೆ ಅನುಮತಿ ನೀಡಲಾಗುವುದು ಎಂದು ರಾಮ್ ತಿಳಿಸಿದರು.

ರೈಲ್ವೆ ನಿಲ್ದಾಣದಲ್ಲಿ ಪೊಲೀಸ್ ಚೌಕಿಯನ್ನು ತೆರೆಯಬೇಕೆಂಬ ವಿಷಯದಲ್ಲಿ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಿಗೆ ಪತ್ರ ಬರೆಯಲಾಗಿದೆ ಎಂದು ರಾಮ್ ತಿಳಿಸಿದರು.

ವಿಭಾಗೀಯ ಕಮರ್ಷಿಯಲ್ ಮ್ಯಾನೇಜರ್ ಯಶೋದ್ ಕುಮಾರ್, ಸಹಾಯಕ ವಿಭಾಗೀಯ ವ್ಯವಸ್ಥಾಪಕರಾದ ಉನ್ನಿಕೃಷ್ಣನ್, ಇತರೆ ಅಧಿಕಾರಿಗಳು ಸುದ್ದಿಗೋಷ್ಠಿಯಲ್ಲಿ ಹಾಜರಿದ್ದರು.

Post Title

ಆಧುನಿಕ ತಂತ್ರಜ್ಞಾನದಿಂದ ಹಾದಿ ತಪ್ಪುತ್ತಿರುವ ಯುವಕರು- ವಿಷಾದ

ಹುಣಸೂರು.ಮೇ.29- ಇತ್ತಿಚಿನ ದಿನಗಳಲ್ಲಿ ಯುವಕರು ಇಂಟರ್‍ನೆಟ್, ಚಾಟಿಂಗ್, ಮೆಸೇಜ್ ಹೆಸರಿನಲ್ಲಿ ಪ್ರೀತಿಗೆ ಸಿಲುಕುತ್ತಿದ್ದಾರೆ. ಓದುವಾಗಲೇ ಅಫೇರ್ ಇಟ್ಟು ಕೊಂಡು ಓದು ಮತ್ತು ಜೀವನವನ್ನು ಹಾಳು ಮಾಡಿಕೊಂಡಿರುವ ಅನೇಕ ಘಟನೆಗಳು ನಮ್ಮ ಮುಂದಿದೆ ಎಂದು ತಾ.ಕಾನೂನು ಸೇವಾ ಸಮಿತಿ ಅಧ್ಯಕ್ಷ ಹಿರಿಯ ಸಿವಿಲ್ ನ್ಯಾಯಾಧೀಶರಾದ ಕೆ.ಎಂ.ರಾಜಶೇಖರ್ ಎಚ್ಚರಿಸಿದರು.

ಪಟ್ಟಣದ ಸತ್ಯಸಾಯಿ ಐ.ಟಿ.ಐ ಕಾಲೇಜಿನಲ್ಲಿ ತಾ.ಕಾ.ಸೇ.ಸಮಿತಿ, ವಕೀಲರ ಸಂಘ, ಅಭಿಯೋಜಕ ಇಲಾಖೆ ಸಂಯುಕ್ತಾಶ್ರಯದಲ್ಲಿ ಆಯೋಜಿಸಿದ್ದ ಅಂತರ ರಾಷ್ಟ್ರೀಯ ಕಾಣೆಯಾದ ಮಕ್ಕಳ ದಿನಾಚರಣೆ ಹಾಗೂ ತಂಬಾಕು ವಿರೋಧಿ ದಿನಾಚರಣೆ ಕುರಿತ ಕಾನೂನು ನೆರವು-ಅರಿವು ಕಾರ್ಯಕ್ರಮ ಉಧ್ಘಾಟಿಸಿ ಮಾತನಾಡಿದ ಅವರು ದೇಶದ ಅಭಿವೃದ್ದಿಯಲ್ಲಿ ಪ್ರಮುಖ ಪಾತ್ರ ವಹಿಸಬೇಕಾಗಿರುವ ಯುವ ಜನತೆ ದುಶ್ಚಟಗಳಿಗೆ ಬಲಿಯಾಗುತ್ತಿರುವುದು ಪ್ರೀತಿ-ಪ್ರೇಮದ ಹೆಸರಿನಲ್ಲಿ ಜೀವನ ಹಾಳು ಮಾಡಿಕೊಳ್ಳುತ್ತಿರುವ ಪ್ರಕರಣಗಳು ಹೆಚ್ಚುತ್ತಿದ್ದು ಇದರಿಂದ ವಿದ್ಯಾರ್ಥಿಗಳು ದೂರವಿರಬೇಕೆಂದು ಕಿವಿ ಮಾತು ಹೇಳಿದರು.

ಜನ ಸಂಖ್ಯೆ ಹೆಚ್ಚಿರುವ ಭಾರತದಲ್ಲಿ ಕಾಣೆಯಾದವರು ಲೆಕ್ಕಕ್ಕೆ ಸಿಗುತ್ತಿಲ್ಲ, ಹುಣಸೂರೊಂದರಲ್ಲೇ ತಿಂಗಳಿಗೆ 10ಕ್ಕೂ ಹೆಚ್ಚು ಪ್ರಕರಣ ದಾಖಲಾಗುತ್ತಿವೆ. ಈ ಮಕ್ಕಳು ಎಲ್ಲಿಗೆ ಹೋಗುತ್ತಿದ್ದಾರೆಂಬುದೇ ತಿಳಿಯುತ್ತಿಲ್ಲಾ, ಇದರಲ್ಲಿ 15-18 ವರ್ಷದ ಹೆಣ್ಣುಮಕ್ಕಳೇ ಪರಾರಿಯಾಗುತ್ತಿರುವುದು ಆಘಾತಕಾರಿ, ಕಾಲೇಜಿನಲ್ಲಿ ಓದುವಾಗಲೇ ಸಹಪಾಠಿಗಳೊಂದಿಗೆ ಪರಾರಿಯಾಗುತ್ತಿರುವುದು ಹೆಚ್ಚಾಗಿದೆ. ಇದರಿಂದ ಹೆಣ್ಣು ಮಕ್ಕಳ ಸಂಕಷ್ಟಕ್ಕೆ ಸಿಲುಕುತ್ತಾರೆ. ಹುಡುಗರ ಜೀವನ ಸಂಪೂರ್ಣ ಹಾಳಾದಂತೆಯೇ ಇದಕ್ಕಾಗಿ ಪೋಸ್ಕೊ ಎಂಬ ಕಾನೂನು ಜಾರಿಯಲ್ಲಿದ್ದು. ಜಾಮೀನು ಸಿಗದೆ 5 ವರ್ಷ ಜೈಲಿನಲ್ಲಿ ಕಳೆಯ ಬೇಕಾಗಬಹುದೆಂದು ಎಚ್ಚರಿಸಿದರು.

ಓದುವಾಗಲೇ ಅಫೇರ್ ಇಟ್ಟು ಕೊಂಡು ಓದು ಮತ್ತು ಜೀವನವನ್ನು ಹಾಳು ಮಾಡಿಕೊಂಡಿರುವ ಅನೇಕ ಘಟನೆಗಳು ನಮ್ಮ ಮುಂದಿದೆ. ವಿದ್ಯಾರ್ಥಿಗಳು ಜೀವನ ಸ್ಥಿರವಾಗುವ ವರೆಗೆ ಪ್ರಣಯದಿಂದ ದೂರವಿರಿ. ಓದಿನಿಂದ ಉನ್ನತ ಹುದ್ದೆ ಅಥವಾ ಉತ್ತಮ ಜೀವನ ನಡೆಸುತ್ತಿದ್ದಲ್ಲಿ ಸಂಗಾತಿಯಾಗುವವರು ನಿಮ್ಮನ್ನರಸಿಬರಲಿದ್ದಾರೆಂದರು.

ತಾಲೂಕು ಆರೋಗ್ಯ ಶಿಕ್ಷಣಾಧಿಕಾರಿ ಎಸ್.ಪ್ರಕಾಶ್ ವಿಶ್ವದಲ್ಲಿ ಪ್ರತಿವರ್ಷ 6 ಮಿಲಿಯನ್ ಮಂದಿ ತಂಬಾಕು ಉತ್ಪನ್ನಗಳಿಗೆ ಬಲಿಯಾಗುತ್ತಿದ್ದು, 2030 ಕ್ಕೆ 8 ಮಿಲಿಯನ್ ಮಂದಿ ಸಾವನ್ನಪ್ಪುವ ಮುನ್ಸೂಚನೆಯನ್ನು ವಿಶ್ವ ಆರೋಗ್ಯ ಸಂಸ್ಥೆ ನೀಡಿದ್ದು. ವಿದ್ಯಾರ್ಥಿ ದೆಸೆಯಿಂದಲೆ ತಂಬಾಕಿನಿಂದ ದೂರವಿರುವುದು ಒಳಿತು.

ತಂಬಾಕು ಸೇವನೆಯ ದುಷ್ಪರಿಣಾಮಗಳ ಬಗ್ಗೆ ಮಾತನಾಡಿ ವಿಶ್ವ ಆರೋಗ್ಯ ಸಂಸ್ಥೆಯ ಮಾಹಿತಿ ಪ್ರಕಾರ ಎಲ್ಲಾ ಸಿಗರೇಟುಗಳು ಬಹುತೇಕ ವಿಷ ಪೂರಿತವಾಗಿವೆ, ಕ್ಯಾನ್ಸರ್,ಶ್ವಾಸಕೋಶ ಸಂಬಂದಿ ಕಾಯಿಲೆಗಳು, ಹೃದಯ ರೋಗಗಳು ಕಾಣಿಸಿಕೊಳ್ಳುತ್ತಿದ್ದು. ಹೆಚ್ಚು ತಂಬಾಕು ಬಳಸುವ ಭಾರತದಲ್ಲಿ 2.27 ಕೋಟಿ ಜನರು ಕ್ಯಾನ್ಸರ್, ಶ್ವಾಸಕೋಶ ಕಾಯಿಲೆಯಿಂದ ಬಳಲುತಿದ್ದಾರೆ. ಬಡ ದೇಶಗಳ ಬಡವರು, ಮದ್ಯಮ ವರ್ಗದ ಕುಟುಂಬಗಳು ಹೆಚ್ಚಿನ ಸಂಖ್ಯೆಯಲ್ಲಿ ಬಲಿಯಾಗುತ್ತಿದ್ದಾರೆಂದು ಎಚ್ಚರಿಸಿದರು.

ವಕೀಲ ಡಿ.ಅನಂತಕುಮಾರ್ ಅಂತರ ರಾಷ್ಟ್ರೀಯ ಕಾಣೆಯಾದ ಮಕ್ಕಳ ದಿನಾಚರಣೆ ಬಗ್ಗೆ ಮಾಹಿತಿ ನೀಡಿದರು, ಅಪರ ಸರಕಾರಿ ವಕೀಲ ಸ್ವಾಮಿಗೌಡ, ವಕೀಲರ ಸಂಘದ ಅಧ್ಯಕ್ಷ ಬಿ.ಎ.ಸುರೇಶ್ ಕುಮಾರ್, ಸಹಾಯಕ ಸರಕಾರಿ ಅಭಿಯೋಜಕಿ ರೇಖಾ, ಕಾಲೇಜಿನ ಪ್ರಾಂಶುಪಾಲ ಭಾನು ಪ್ರಕಾಶ್, ಉಪನ್ಯಾಸಕರಾದ ಬಿ.ಕೆ.ಲತಾ, ಓಂಪ್ರಕಾಶ್ ಮಾತನಾಡಿದರು.

ಸೈಕಲ್ ಪ್ಯೂರ್‍ ಅಗರಬತ್ತಿಯಿಂದ ಐಪಿಎಲ್ 2015ರಲ್ಲಿ ಜಗದೀಶ್ ಸುಚಿತ್‍ನ ಸಾಧನೆಯ ಸಂಭ್ರಮ

ಮೈಸೂರು, ಮೇ 29, 2015: ಸೈಕಲ್ ಪ್ಯೂರ್‍ಅಗರಬತ್ತಿ, ಮೈಸೂರು ವಾರಿಯರ್ಸ್‍ತಂಡದ ಮಾಲೀಕತ್ವ ಹೊಂದಿದು, ಇಂದು ಮೈಸೂರು ಮೂಲದಕ್ರಿಕೆಟರ್‍ಜಗದೀಶ್ ಸುಚಿತ್‍ಅವರುಐಪಿಎಲ್ 2015ನಲ್ಲಿ ತೋರಿದ ಸಾಧನೆಯ ಸಂಭ್ರಮಆಚರಿಸಲುಕಾರ್ಯಕ್ರಮ ಆಯೋಜಿಸಿತ್ತು.

ಜಗದೀಶ್ ಸುಚಿತ್, ಮೈಸೂರು ವಾರಿಯರ್ಸ್‍ತಂಡದ ಪ್ರಮುಖಆಟಗಾರನಾಗಿದ್ದು, ಐಪಿಎಲ್‍ನ 8ನೇ ಆವೃತ್ತಿಯಲ್ಲಿ ಮುಂಬೈ ಇಂಡಿಯನ್ಸ್‍ತಂಡವನ್ನುಪ್ರತಿನಿಧಿಸಿದ್ದರು. ಎಡಗೈ ಸ್ಪಿನ್ನರ್ ಆಗಿರುವಜಗದೀಶ್ ಸುಚಿತ್‍ಅವರುಒಟ್ಟು 10 ವಿಕೆಟ್ ಪಡೆದಿದ್ದು, 8 ಕ್ಯಾಚ್ ಹಿಡಿದಿದ್ದರು.ಮುಂಬೈ ಇಂಡಿಯನ್‍ತಂಡದಗೆಲುವಿನಲ್ಲಿ ಪ್ರಮುಖವಾದ ಪಾತ್ರವನ್ನು ನಿಭಾಯಿಸಿದ್ದರು.ಈ ಕಾರ್ಯಕ್ರಮದಲ್ಲಿಎನ್.ಆರ್.ಗ್ರೂಪ್‍ನಅಧ್ಯಕ್ಷ ಶ್ರೀ ಗುರುಮತ್ತುಎನ್. ರಂಗರಾವ್& ಸನ್ಸ್‍ನ ಸಿಇಒ ಅರ್ಜುನ್‍ರಂಗಾಅವರುಇದ್ದರು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದಎನ್.ರಂಗರಾವ್& ಸನ್ಸ್ ಪ್ರೈವೇಟ್ ಲಿಮಿಟೆಡ್‍ನ (ಸೈಕಲ್ ಪ್ಯೂರ್‍ಅಗರಬತ್ತಿ ಮಾಲೀಕರು) ಸಿಇಒ ಅರ್ಜುನ್‍ರಂಗಾಅವರು, `ನಮ್ಮತಂಡದ ಸದಸ್ಯಜಗದೀಶ್ ಸುಚಿತ್‍ಅವರ ಸಾಧನೆಯು ನಮಗೆ ತುಂಬಾ ಸಂತಸ ಮೂಡಿಸಿದೆ.ನಾವಷ್ಟೇ ಅಲ್ಲ, ಎಲ್ಲ ಮೈಸೂರಿಗರು ಸಂತಸ ಪಡುವ ಸಾಧನೆಯನ್ನುಇವರು ಮಾಡಿದ್ದಾರೆ’ ಎಂದರು.

ಮೈಸೂರು ವಾರಿಯರ್ಸ್‍ನ ಧ್ಯೇಯಗಳಲ್ಲಿ ಮೈಸೂರು ಮತ್ತು ಈ ಭಾಗದಕ್ರಿಕೆಟ್ ಪ್ರತಿಭೆಗಳನ್ನು ಗುರುತಿಸಿ, ಪ್ರೋತ್ಸಾಯಿಸುವುದು ಸೇರಿದೆ.ನಮ್ಮ ಈ ಪ್ರಯತ್ನಉತ್ತಮ ಫಲ ನೀಡುತ್ತಿದೆಎಂಬುದು ಹೆಮ್ಮೆ ಮೂಡಿಸಿದೆ ಎಂದುಅರ್ಜುನ್‍ರಂಗಾ ಹೇಳಿದರು.

ಸನ್ಮಾನ ಸ್ವೀಕರಿಸಿ ಮಾತನಾಡಿದಕ್ರಿಕೆಟರ್‍ಜಗದೀಶ್ ಸುಚಿತ್, `ಸೈಕಲ್ ಪ್ಯೂರ್‍ಅಗರಬತ್ತಿ ಮತ್ತು ನಾನು ಪ್ರತಿನಿಧಿಸುವತಂಡದಿಂದ ಸನ್ಮಾನಕ್ಕೆ ಒಳಗಾಗಲು ನನಗೆ ತುಂಬಾ ಸಂತಸವಾಗಲಿದೆ.ನನ್ನ ಮೇಲೆ ಇಟ್ಟಿರುವ ನಂಬಿಕೆ ಮತ್ತು ನಿರಂತರಬೆಂಬಲಕ್ಕಾಗಿ ಕೃತಜ್ಞತೆಗಳು.ಮೈಸೂರು ವಾರರ್ಸ್‍ನಲ್ಲಿ ಅವಕಾಶ ನೀಡುವ ಮೂಲಕ ಈ ಬೆಂಬಲ ನೀಡಿದೆ’ಎಂದರು.

ಕಳೆದ ವರ್ಷಗಳಲ್ಲಿ ಸೈಕಲ್ ಪ್ಯೂರ್‍ಅಗರಬತ್ತಿದೇಶದಲ್ಲಿಕ್ರೀಡಾ ಪ್ರತಿಭೆಗಳಿಗೆ ಬೆಂಬಲ ಸೂಚಿಸುತ್ತಿರುವ ಪ್ರಮುಖ ಬ್ರಾಂಡ್‍ಗಳಲ್ಲಿ ಒಂದಾಗಿದೆ.ಸಂಸ್ಥೆಯ ನಿರಂತರ ಬೆಂಬಲದ ಪರಿಣಾಮರೆಡ್‍ಅಲರ್ಟ್, ಥರ್ಡ್‍ಅಂಪೈರ್ ಬ್ರಾಂಡಿಂಗ್, ಮೈಲ್‍ಸ್ಟೋನ್ ಬ್ರಾಂಡಿಂಗ್‍ನಂಥಆಕರ್ಷಕ ಫಲಿತಾಂಶ ಬಂದಿದೆ.ವಿವಿಧಕ್ರಿಕೆಟ್ ಪಂದ್ಯಾವಳಿಗಳಲ್ಲಿ ಪ್ರತಿ ವರ್ಷ ಪ್ರಮುಖ ಪ್ರಾಯೋಜಕರಾಗಿದ್ದು, ಸೈಕಲ್ ಪ್ಯೂರ್‍ಅಗರಬತ್ತಿಯು ಐಸಿಸಿ ವಲ್ರ್ಡ್‍ಕಪ್ ಪಂದ್ಯಾವಳಿಯಲ್ಲಿ ಪ್ರೇ ಫಾರ್‍ಇಂಡಿಯಾ ಘೋಷವಾಕ್ಯದಡಿ 100ಕ್ಕೂ ಹೆಚ್ಚು ನಗರಗಳಲ್ಲಿ ಪ್ರಚಾರಾಂದೋಲನ ನಡೆಸಿತ್ತು.

ಕೆಪಿಎಲ್‍ಅನ್ನು ಪ್ರಕಟಿಸಿದಾಗ, ಪಂದ್ಯಾವಳಿ ಜತೆಗೆ ಬಲವಾಗಿ ಗುರುತಿಸಿಕೊಂಡಿದ್ದು ಕರ್ನಾಟಕದ ವಿವಿಧೆಡೆ ಪ್ರತಿಭೆಗಳಿಗೆ ಉತ್ತೇಜನ ನೀಡಿತು.ಮೈಸೂರು ವಾರಿಯರ್ಸ್ ಫ್ರಾಂಚೈಸಿ ಪಡೆವ ಮೂಲಕ ಪ್ರತಿಭೆಗಳನ್ನು ಉತ್ತೇಜಿಸಿತು.ಸೈಕಲ್ ಪ್ಯೂರ್‍ಅಗರಬತ್ತಿಯು ಮು ಂದಿನ ಕೆಲ ವರ್ಷಗಳಲ್ಲಿ ಮೈಸೂರು ವಾರಿಯರ್ಸ್ ಮೂಲಕ ಬೆಳಕಿಗೆ ಬಂದ ಕೆಲವು ಕ್ರಿಕೆಟ್ ಪ್ರತಿಭೆಗಳು ರಾಷ್ಟ್ರೀಯತಂಡವನ್ನು ಪ್ರತಿನಿದಿಸಬೇಕು ಎಂಬ ಕನಸನ್ನು ಸೈಕಲ್ ಪ್ಯೂರ್ ಹೊಂದಿದೆ.ಸೈಕಲ್ ಪ್ಯೂರ್‍ಅಗರಬತ್ತಿಯುಕ್ರಿಕೆಟ್ ಬಗೆಗೆ ಹೆಚ್ಚಿನ ಒಲವು ಹೊಂದಿದ್ದು,ಒಟ್ಟಾರೆಯಾಗಿ ಆಟ ಮತ್ತುತನ್ನಆಟಗಾರರ ಸಮಗ್ರಅಭಿವೃದ್ಧಿಗೆಒತ್ತು ನೀಡಲಿದೆ.

ಎನ್.ಆರ್.ಗ್ರೂಪ್‍ಕುರಿತು:

ಮೈಸೂರು ಮೂಲದಎನ್.ಆರ್.ಗ್ರೂಪ್‍ಅನ್ನು ಶ್ರೀ ಎನ್.ರಂಗರಾವ್‍ಅವರು 1948ರಲ್ಲಿ ಸ್ಥಾಪಿಸಿದರು.ಪ್ರಮುಖಚಿಂತಕರು, ದೂರ ದೃಷ್ಟಿಯುಳ್ಳವರು ಆಗಿದ್ದಅವರು ಸೈಕಲ್ ಪ್ಯೂರ್‍ಅಗರಬತ್ತಿಯನ್ನು ರೂಪಿಸಿದ್ದು, ಇಂದುಇದು ವಿಶ್ವದಅತಿ ಹೆಚ್ಚು ಮಾರಾಟವಾಗುವಅಗರಬತ್ತಿಯಾಗಿದೆ.ಗುಡಿಕೈಗಾರಿಕೆಯಿಂದ ಸಂಸ್ಥೆಯು ಈಗ ದೇಶ, ವಿದೇಶಗಳಲ್ಲಿಯೂ ಅಸ್ತಿತ್ವ ಪಡೆದಿರುವ ಸಂಸ್ಥೆಯಾಗಿರೂಪುಗೊಂಡಿದೆ. ಸಮೂಹವು ವಿವಿಧ ಉದ್ಯಮಗಳನ್ನು ನಡೆಸುತ್ತಿದ್ದು, ವಾತಾವರಣವನ್ನು ಆಪ್ತಗೊಳಿಸುವ ಉತ್ಪನ್ನಗಳು (ಲಿಯಾ ಬ್ರಾಂಡ್‍ನರೂಂ ಫ್ರೆಶನರ್ಸ್ ಮತ್ತುಕಾರ್ ಫ್ರೆಶ್‍ನರ್ಸ್), ವೆಲ್‍ನೆಸ್ ಹೋಂ ಫ್ರಾಂಗ್ರೆನ್ಸ್ ಉತ್ಪನ್ನಗಳು (ಐರಿಸ್) ಅನ್ನುರಿಪಲ್ ಫ್ರಾಗ್ರನ್ಸ್, ಫ್ಲೋರಲ್‍ಎಕ್ಸಾಟ್ರಕ್ಟ್ಸ (ಎನ್‍ಇಎಸ್‍ಎಸ್‍ಒ) ಮತ್ತುರಂಗ್‍ಸನ್ಸ್‍ಎಲೆಕ್ಟ್ರಾನಿಕ್ಸ್ ಹೆಸರಿನಲ್ಲಿ ಬಿಡುಗಗಡೆ ಮಾಡುತ್ತಿದೆ. ಸಮೂಹವು ತನ್ನ ಸಾಮಾಜಿಕ ಹೊಣೆಗಾರಿಕೆಗೂ ಬದ್ಧವಾಗಿದ್ದು, ಎನ್.ಆರ್.ಫೌಂಡೇಷನ್ ಮೂಲಕ ಸೇವೆ ಒದಗಿಸುತ್ತಿದೆ. ಎನ್.ಆರ್.ಗ್ರೂಪ್‍ಅನ್ನುಇಂದುರಂಗಾಕುಟುಂಬದ ಮೂರನೇ ಪೀಳಿಗೆಯು ನಿರ್ವಹಣೆ ಮಾಡುತ್ತಿದೆ. ಸಮೂಹ ಕುರಿತ ಹೆಚ್ಚಿನ ಮಾಹಿತಿಗಳಿಗೆ ಸಂಪರ್ಕಿಸಿ:

ಮಾಧ್ಯಮ ಸಂಪರ್ಕಗಳಿಗಾಗಿ-ಹೇಮಾವತಿ / ಸೆಲ್ವಕುಮಾರ್, ಎನ್‍ಆರ್‍ಗ್ರೂಪ್,7022259383/ 9686668438

ದಕ್ಷಣ ಕೊಡಗಿನಲ್ಲಿ ಬೈಗುಳ ಕುಂಡೆ ಹಬ್ಬದ ಸಂಭ್ರಮ

ಸಿದ್ದಾಪುರ, ಮೇ.29- ಗೋಣಿಕೊಪ್ಪಲು ಬಳಿಯಿರುವ ದೇವರಪುರದಲ್ಲಿ ಆದಿವಾಸಿ ಜನಾಂಗದ ನೂರಾರು ಮಂದಿ ದೇವರಿಗೆ ಬೈಯುವ ಮೂಲಕ ತಮ್ಮ ಸಾಂಪ್ರದಾಯಿಕ ಬೇಡು ಹಬ್ಬವನ್ನು ಈ ಬಾರಿಯೂ ವಿಶಿಷ್ಟವಾಗಿ ಆಚರಿಸಲಾಯಿತು . ಈ ಹಬ್ಬಕ್ಕೆ ಒಂದು ಪೌರಾಣಿಕ ಹಿನ್ನೆಲೆಯೂ ಇದೆ. ಹಲವು ವರ್ಷಗಳ ಹಿಂದೆ ಆದಿವಾಸಿಗಳೊಂದಿಗೆ ಕಡಿನಲ್ಲಿ ಬೇಟೆಗೆ ತೆರಳಿದ ಅಯ್ಯಪ್ಪ ದೇವರು ಕಾಡಿನಲ್ಲಿ ಕಂಡ ಭಗವತಿ ದೇವಿಯ ಆಸೆಗೆ ಬಿದ್ದು ಆದಿವಾಸಿಗಳನ್ನು ಕಾಡಿನ ನಡುವೆಯೇ ಬಿಟ್ಟು ಬೆನ್ನು ತಿರುಗಿಸಿ ಭಗವತಿಯೊಂದಿಗೆ ನಾಪತ್ತೆಯಾದನಂತೆ. ಈ ರೀತಿ ತಮ್ಮನ್ನು ಕಾಡಿನಲ್ಲಿ ದಾರಿ ತಪ್ಪಿಸಿ ಭಗವತಿ ದೇವಿಯ ಹಿಂದೆ ಸಾಗಿ ತಮಗೆ ಹಿಂಬದಿ ತೋರಿಸಿದ ಕಾರಣದಿಂದಲೇ ವರ್ಷಕೊಮ್ಮೆ ಅಯ್ಯಪ್ಪ ಮತ್ತು ಭಗವತಿ ದೇವರ ವಾರ್ಷಿಕೋತ್ಸವ ಸಂದರ್ಭ ಜಿಲ್ಲೆಯ ವಿವಿಧೆಡೆಗಳ ಬುಡಕಟ್ಟು ಜನ ಕುಂಡೆ ಹಬ್ಬದ ಮೂಲಕ ಮಾನವನ ಹಿಂಬದಿಯನ್ನು ಅಣಕಿಸಿ ಹಾಡು ಹೇಳುತ್ತಾ ನರ್ತಿಸುವುದು ಸಂಪ್ರದಾಯವಾಗಿದೆ.

ಮೈಗೆಲ್ಲಾ ಬಣ್ಣ ಬಳಿದು, ಬಾಯಿ ತುಂಬಾ ಬೈಯುತ್ತಾ ದೇವಾಲಯಕ್ಕೆ ಸಾಗಿದೆ ಆದಿವಾಸಿಗಳು ಅಯ್ಯಪ್ಪ ದೇವಾಲಯದ ಮುಂದೆ ಸಾವಿರಾರೂ ಸಂಖ್ಯೆಯಲ್ಲಿ ಸಾಮೂಹಿಕವಾಗಿ ಹಾಡುತ್ತಾ, ಬೈಯುತ್ತಾ ವರ್ತಿಸಿದರು.

ಮೈ ತುಂಬಾ ಕಳೆಗಟ್ಟುವ ಬಣ್ಣ, ಬಾಯಿ ತುಂಬಾ ಬೈಗುಳ ತಲೆಯ ಮೇಲೂ ವಿಧ-ವಿಧ ಅಲಂಕಾರ ಎಲ್ಲೆಲ್ಲೂ ಬೈಗುಳದ್ದೇ ಅಲಂಕಾರ... ಹೌದು ಸಾಮಾನ್ಯವಾಗಿ ದೇವಾನುದೇವತೆಗಳಿಗೆ ಭಕ್ತರು ಸ್ತುತ್ತಿಸಿ ಭಜಿಸಿ, ಹೊಗಳಿ ಸಂತೃಪ್ತಗೊಳಿಸಿದರೆ ಕೊಡಗು ಜಿಲ್ಲೆಯ ದೇವಪುರದಲ್ಲಿರುವ ಅಯ್ಯಪ್ಪ ಮತ್ತು ಭದ್ರಕಾಳಿ ದೇವರನ್ನು ಬಾಯಿಗೆ ಬಂದಂತೆ ಬೈಯುವ ವಿಶಿಷ್ಟ ಹಬ್ವನ್ನು ಸಾವಿರಾರೂ ಆದಿವಾಸಿಗಳು ಸಂಭ್ರಮಲ್ಲೋಸಗಳೊಂದಿಗೆ ಆಚರಿಸಿದರು ಕುಂಡೆ ಹಬ್ಬ ಎಂದೇ ಪ್ರಸಿದ್ಧಿ ಪಡೆದಿರುವ ದೇವಪುರದ ದೇವರಿಗೆ ಬೈಯುವ ಹಬ್ಬ ಇತ್ತೀಚಿನ ಆಧುನಿಕ ದಿನಗಳ ಭರಾಟೆಯಲ್ಲಿ ತನ್ನ ಸಂಪ್ರದಾಯಿಕ ಸೊಡಗನ್ನು ಮರೆಮಾಚುತ್ತಿದೆ.

ಕೊಡಗು ಹಾಗೂ ಹೊರ ಜಿಲ್ಲೆಯಿಂದ ಸಾವಿರಾರೂ ಸಂಖ್ಯೆಯಲ್ಲಿ ದೇವರಪುರಕ್ಕೆ ಆಗಮಿಸಿದ ಗಿರಿಜನರು ಮನಸ್ಸೋಇಚ್ಚೆ ಕುಣಿದು ಭಕ್ತಿ ಭಾವದೊಂದಿಗೆ ಸರತಿಯಲ್ಲಿ ನಿಂತು ಶ್ರೀ ಅಯ್ಯಪ್ಪ ದೇವರಿಗೆ ಹರಕೆ ಒಪ್ಪಿಸಿದರು.

ಸಣ್ಣುವಂಡ ತಕ್ಕ ಮುಖ್ಯಸ್ಥರು ಸ್ಥಳೀಯ ಗ್ರಾಮಸ್ಥರೊಂದಿಗೆ ಪೂಜಾ ವಿಧಿ ವಿಧಾನಗಳನ್ನು ಪೂರೈಸಿ ಅಂಬಲದಿಂದ ಭಂಡಾರವನ್ನು ಅಯ್ಯಪ್ಪ ದೇವಸ್ಥಾನಕ್ಕೆ ತಂದು. ಬಿದಿರಿನ ಕುದುರೆ ಕಟ್ಟುವ ಹಾಗೂ ಶೃಂಗಾರದ ಕಾಯಕವನ್ನು ಬೆಟ್ಟ ಕುರುಬರು ಮಾಡುತ್ತಾ ಬಂದಿದ್ದಾರೆ.

ದೇವರ ಮೊಗದೊಂದಿಗೆ ಕುದುರೆ ಹೊತ್ತು ಕುಣಿಯುತ್ತಾರೆ. ಬಳಿಕ ಭದ್ರಕಾಳಿ ದೇವರಲ್ಲಿಗೆ ತೆರಳಿ ಪೂಜೆ ಸಲ್ಲಿಸುತ್ತಾರೆ. ಬಳಿಕ ಅಲ್ಲಿ ಕುದುರೆ ವೇಷವನ್ನು ಕಳಚುತ್ತಾರೆ. ದೇವರ ಮೊಗವನ್ನು ಕಳಚುತ್ತಾರೆ. ದೇವರ ಮೊಗವನ್ನು ಅಂತಿಮವಾಗಿ ಪೂಜಿಸುತ್ತಾರೆ. ಮಹಾಪೂಜೆ ಬಳಿಕ ಭಂಡಾರವನ್ನು ವಾಪಸ್ ಸ್ವಸ್ಥಾನದಲ್ಲಿ ಇರಿಸುವುದರಿಂದ ವಾರ್ಷಿಕ ಬೇಡು ಹಬ್ಬ ಮುಕ್ತಾಯಗೊಳ್ಳುತ್ತದೆ.

ಹುಣಸೂರು ತಾಲೂಕಿನಲ್ಲಿ ಪಂಚಾಯ್ತಿ ಚುನಾವಣೆ

ಹುಣಸೂರು.ಮೇ.29- ಹುಣಸೂರು ಉಪ ವಿಭಾಗದ ನಾಲ್ಕು ತಾಲೂಕುಗಳಲ್ಲಿ 183 ಅತೀ ಸೂಕ್ಷ್ಮ, 252 ಸೂಕ್ಷ್ಮ, 571 ಸಾಮಾನ್ಯ ಕ್ಷೇತ್ರಗಳನ್ನು ಗುರುತಿಸಿದ್ದು, ಪೋಲೀಸ್ ಹಾಗೂ ಗೃಹರಕ್ಷಕ ದಳ ಸೇರಿದಂತೆ ಬಂದೋಬಸ್ತ್ ಗಾಗಿ 1189 ಮಂದಿಯನ್ನು ನಿಯೋಜಿಸಲಾಗಿದೆ ಎಂದು ಉಪ ವಿಭಾಗದ ಚುನಾವಣಾ ಉಸ್ತುವಾರಿ ಹಾಗೂ ಉಪ ವಿಭಾಗಾಧಿಕಾರಿ ಎಂ.ಕೆ.ಜಗದೀಶ್ ತಿಳಿಸಿದರು.

ಮೇ.29 ರಂದು ನಡೆಯುವ ಗ್ರಾಮ ಪಂಚಾಯ್ತಿ ಚುನಾವಣೆಗೆ ಹುಣಸೂರು ತಾಲೂಕಿನಲ್ಲಿ 43 ಅತೀಸೂಕ್ಷ್ಮ, 39 ಸೂಕ್ಷ್ಮ, 189 ಸಾಮಾನ್ಯ ಕೇಂದ್ರಗಳಿಗೆ 314 ಮಂದಿ, ಕೆ.ಆರ್ ನಗರ ತಾ.ನಲ್ಲಿ 62 ಅತೀ ಸೂಕ್ಷ್ಮ, 77 ಸೂಕ್ಷ್ಮ, 89 ಸಾಮಾನ್ಯ ಕೇಂದ್ರಗಳಿಗೆ 290 ಮಂದಿ, ಪಿರಿಯಾಪಟ್ಟಣ ತಾ.ನಲ್ಲಿ 33 ಅತೀ ಸೂಕ್ಷ್ಮ, 68 ಸೂಕ್ಷ್ಮ, 122 ಸಾಮಾನ್ಯ ಕೇಂದ್ರಗಳಿಗೆ 256 ಮಂದಿ, ಎಚ್.ಡಿ.ಕೋಟೆ ತಾಲೂಕಿನ 45 ಅತೀ ಸೂಕ್ಷ್ಮ, 68 ಸೂಕ್ಷ್ಮ, 171 ಸಾಮಾನ್ಯ ಕೇಂದ್ರಗಳಿಗೆ 329 ಮಂದಿ ಪೋಲೀಸರನ್ನು ನೇಮಿಸಲಾಗುತ್ತಿದೆ.

ಈ ಪೈಕಿ ಅತೀ ಸೂಕ್ಷ್ಮ ಕೇಂದ್ರಕ್ಕೆ ತಲಾ ಒಬ್ಬ ಪೋಲೀಸ್ ಹಾಗೂ ಒಬ್ಬರು ಗೃಹಕಕ್ಷಕ ಸಿಬ್ಬಂದಿ, ಸೂಕ್ಷ್ಮ ಕೇಂದ್ರ-ಸಾಮಾನ್ಯ ಕೇಂದ್ರಗಳಿಗೆ ತಲಾ ಒಬ್ಬರು ಪೋಲೀಸರನ್ನು ನಿಯೋಜಿಸಲಾಗುತ್ತಿದೆ.

ಹೆಬ್ಬಳಕ್ಕೆ ಜಿಲ್ಲಾ ಸಶಸ್ತ್ರ ಮೀಸಲು ಪೋಲೀಸ್ : ಕೆ.ಆರ್.ನಗರ ತಾಲೂಕಿನ ಹೆಬ್ಬಾಳ ಗ್ರಾಮದಲ್ಲಿ ಇತ್ತೀಚೆಗೆ ನಡೆದ ಅಹಿತ ಕರ ಘಟನೆಯನ್ನು ಗಮನದಲ್ಲಿಟ್ಟುಕೊಂಡು ಇಲ್ಲಿಗೆ ಸಬ್ ಇನ್ಸ್ ಪೆಕ್ಟರ್ ಹಾಗೂ ಒಂದು ಡಿ.ಎ.ಆರ್ ತುಕಡಿಯನ್ನು ನಿಯೋಜಿಸಲಾಗಿದೆ ಎಂದರು.

ಮೇ 30 ರಂದು ಶಾಲಾ ಪ್ರಾರಂಭೋತ್ಸವಕ್ಕೆ ಸೂಚನೆ

ಚಾಮರಾಜನಗರ, ಮೇ.29- ಪ್ರಸಕ್ತ ಶೈಕ್ಷಣಿಕ ವರ್ಷದ ಶಾಲಾ ಪ್ರಾರಂಭೋತ್ಸವವನ್ನು ಮೇ 30ರಂದು ಕಡ್ಡಾಯವಾಗಿ ಎಲ್ಲ ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳಲ್ಲಿ ಆಚರಿಸಲು ಸಾರ್ವಜನಿಕ ಶಿಕ್ಷಣ ಇಲಾಖೆ ಸೂಚನೆ ನೀಡಿದೆ.

ಶಾಲಾ ಪ್ರಾರಂಭೋತ್ಸವದ ವೇಳೆಗೆ ಶಾಲಾ ಆವರಣ, ಕೊಠಡಿ, ಶೌಚಾಲಯಗಳನ್ನು ಸ್ವಚ್ಚಗೊಳಿಸಿ ಸುಸ್ಥಿತಿಯಲ್ಲಿಟ್ಟಿರಬೇಕು. ಅಡುಗೆ ಪರಿಕರ, ಆಹಾರ ಧಾನ್ಯಗಳನ್ನು ಶುಚಿಗೊಳಿಸಿರಬೇಕು. ಶಾಲೆಯನ್ನು ತಳಿರು ತೋರಣಗಳಿಂದ ಸಿಂಗರಿಸಿರಬೇಕು. ಮಕ್ಕಳಿಗೆ ಶಾಲಾ ಆರಂಭದಲ್ಲೂ ಸಿಹಿ ವಿತರಿಸಬೇಕು ಎಂದು ಶಿಕ್ಷಕರಿಗೆ ನಿರ್ದೇಶನ ನೀಡಲಾಗಿದೆ.

ಶಾಲಾ ಪ್ರಾರಂಭದಂದು ವಿದ್ಯಾರ್ಥಿಗಳಿಗೆ ಆಹ್ಲಾದ ಉಂಟುಮಾಡುವ ವಾತಾವರಣ ನಿರ್ಮಾಣ ಮಾಡಬೇಕು. ನಾಗರಿಕರು, ಪೋಷಕರ ಉಪಸ್ಥಿತಿಯಲ್ಲಿ ಪ್ರಾರಂಭೋತ್ಸವ ನೆರವೇರಿಸಬೇಕು. ಪ್ರಾರಂಭೋತ್ಸವ ದಿನದಂದು ಶಿಕ್ಷಕರು ಗೈರು ಹಾಜರಾಗಬಾರದು. ಅಲ್ಲದೆ ರಜೆ ಕೂಡ ಹಾಕಬಾರದು ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆ ಉಪನಿರ್ದೇಶಕರಾದ ಮಮತ ತಿಳಿಸಿದ್ದಾರೆ.

ಶಾಲಾ ದಾಖಲಾತಿ ಆಂದೋಲನ

ಮೈಸೂರು,ಮೇ.29- ಮೈಸೂರು ತಾಲ್ಲೂಕಿನ ಉದ್ಬೂರು ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಇತ್ತೀಚೆಗೆ ಶಾಲಾ ದಾಖಲಾತಿ ಆಂದೋಲನ ಏರ್ಪಡಿಸಲಾಗಿತ್ತು. ಉದ್ಬೂರಿನ ಪ್ರಮುಖ ಬೀದಿಗಳಲ್ಲಿ ಜಾಥಾ ನಡೆಸಿ 6 ರಿಂದ 14 ವರ್ಷದೊಳಗಿನ ಶಾಲೆಗೆ ಸೇರುವ ಮತ್ತು ಶಾಲೆ ಬಿಟ್ಟ ಮಕ್ಕಳನ್ನು ಶಾಲೆಗೆ ದಾಖಲು ಮಾಡುವಂತೆ ಸಾರ್ವಜನಿಕರಲ್ಲಿ ಅರಿವು ಮೂಡಿಸಲಾಯಿತು.

ಸರ್ಕಾರಿ ಶಾಲೆಗಳಲ್ಲಿ ಸರ್ಕಾರದಿಂದ ಸಿಗುವ ಸೌಲಭ್ಯಗಳ ಬಗ್ಗೆ ಕರಪತ್ರದ ಮೂಲಕ ಪೋಷಕರಿಗೆ ತಿಳಿಸಲಾಯಿತು. ಉದ್ಬೂರಿನ 09 ಅಂಗನವಾಡಿ ಕೇಂದ್ರಗಳಿಗೆ ಬೇಟಿ ನೀಡಿ ಒಂದನೇ ತರಗತಿಗೆ ದಾಖಲಾಗುವ ಅರ್ಹ ಮಕ್ಕಳ ಪಟ್ಟಿ ಪಡೆದುಕೊಳ್ಳಲಾಯಿತು.

ದಾಖಲಾತಿ ಆಂದೋಲನದಲ್ಲಿ ಶಿಕ್ಷಣ ಸಂಯೋಜಕರಾದ ಸೋಮಶೇಖರ್, ಸಿ ಆರ್ ಪಿ ರಾಜಶೇಖರ್, ಬಿ.ಆರ್.ಪಿ. ಗೋಪಾಲ್, ಶಾಲಾ ಮುಖ್ಯೋಪಾಧ್ಯಾಯರಾದ ಎಚ್.ಎನ್. ಸತೀಶ್, ಎಸ್.ಎಂ.ಡಿ.ಸಿ ಅಧ್ಯಕ್ಷರಾದ ಬಲರಾಂ ಹೆಚ್ ಹಾಗೂ ಶಾಲಾ ಶಿಕ್ಷಕ, ಶಿಕ್ಷಕಿಯರು ಹಾಜರಿದ್ದರು.

ಎಪಿಎಲ್ ಪಡಿತರ : ಅಭಿಪ್ರಾಯ ವ್ಯಕ್ತಪಡಿಸಿ

ಮೈಸೂರು,ಮೇ.29- ಎಪಿಎಲ್ ಪಡಿತರ ಚೀಟಿದಾರರಿಗೆ ಜೂನ್ ಮಾಹೆಯಿಂದ ಕಡಿಮೆ ದರದಲ್ಲಿ ಆಹಾರ ಧಾನ್ಯ ವಿತರಿಸಲಾಗುವುದು ಎಂದು ಜಿಲ್ಲಾಧಿಕಾರಿಗಳು ತಿಳಿಸಿದ್ದಾರೆ.

ಪ್ರತಿ ಕೆ.ಜಿ ಅಕ್ಕಿ ರೂ. 15 ರಂತೆ ಕನಿಷ್ಠ 3 ಕೆ.ಜಿ. ಮತ್ತು ಗರಿಷ್ಠ 5 ಕೆ.ಜಿ. ಅಕ್ಕಿ ನೀಡಲಾಗುವುದು. ಪ್ರತಿ ಕೆ.ಜಿ. ಗೋಧಿಗೆ ರೂ.10/- ರಂತೆ ಕನಿಷ್ಠ 2 ಕೆ.ಜಿ. ಮತ್ತು ಗರಿಷ್ಠ 5 ಕೆ.ಜಿ. ಗೋಧಿ ಹಂಚಿಕೆ ಮಾಡಲಾಗಿದೆ.

ಚಾಲ್ತಿಯಲ್ಲಿರುವ ಎಪಿಎಲ್ ಪಡಿತರ ಚೀಟಿದಾರರು ಅಕ್ಕಿ ಮತ್ತು ಗೋಧಿಯನ್ನು ಖರೀದಿಸಲು ಆಸಕ್ತ ಹೊಂದಿದ್ದಲ್ಲಿ ಪಡಿತರ ಪಡೆಯುವ ಬಗ್ಗೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಪಡಿತರ ಚೀಟಿದಾರರು ಗ್ರಾಮ ಪಂಚಾಯಿತಿ ಕಚೇರಿಗಳಲ್ಲಿ ಹಾಗೂ ನಗರ ವ್ಯಾಪ್ತಿಯವರು ಸಂಬಂಧಿಸಿದ ಮೈಸೂರು ಒನ್, ಅಟಲ್ ಜನಸ್ನೇಹಿ ಕೇಂದ್ರ ಅಥವಾ ಖಾಸಗಿ ಸೇವಾ ಕೇಂದ್ರಗಳಲ್ಲಿ ನೋಂದಾಯಿಸುವ ಸೇವೆಗೆ ನಿಗಧಿಪಡಿಸಿರುವ ರೂ 10/- ದರ ಪಾವತಿಸಿ ತಮ್ಮ ಇಚ್ಫೆಯನ್ನು ಕಡ್ಡಾಯವಾಗಿ ವ್ಯಕ್ತಪಡಿಸುವುದು.

ನೊಂದಾಯಿಸಿದ ಪಡಿತರ ಚೀಟಿದಾರರು ಮಾತ್ರ ಆಹಾರ ಧಾನ್ಯ ಪಡೆಯಲು ಅರ್ಹರರಾಗಿರುತ್ತಾರೆ ಎಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಇಕೆಬಾನ ಮತ್ತು ಆರ್ಕೆಡ್ಸ್ ತರಬೇತಿಗೆ ಹೆಸರು ನೋಂದಾವಣಿ

ಮೈಸೂರು,ಮೇ.29- ಕರ್ಜನ್ ಪಾರ್ಕ್‍ನಲ್ಲಿರುವ ಜಿಲ್ಲಾ ತೋಟಗಾರಿಕಾ ಸಂಘದ ವತಿಯಿಂದ ಜೂನ್ 20 ರಂದು ಬೆಳಿಗ್ಗೆ 11 ಗಂಟೆಗೆ ಇಕೆಬಾನ ಮತ್ತು ಆರ್ಕೆಡ್ಸ್ ತರಬೇತಿಯನ್ನು ಆಯೋಜಿಸಲಾಗಿದೆ. ಆಸಕ್ತರು ಜಿಲ್ಲಾ ತೋಟಗಾರಿಕಾ ಸಂಘ(ರಿ) ಕರ್ಜನ್ ಪಾರ್ಕ್ ಮೈಸೂರು ಇಲ್ಲಿ ರೂ. 100/- ಪಾವತಿಸಿ ಹೆಸರು ನೊಂದಾಯಿಸಿಕೊಳ್ಳುವುದು. ಹೆಚ್ಚಿನ ಮಾಹಿತಿಗೆ ದೂರವಾಣಿ ಸಂಖ್ಯೆ 0821-2425523/9900295083ನ್ನು ಸಂಪರ್ಕಿಸುವುದು.

ಜೂನ್ 3 ರಂದು ಗಡಿನಾಡು ಅಂಚಿನ ಹನೂರು ಕ್ಷೇತ್ರದಲ್ಲಿ ವಾಟಾಳ್ ನಾಗರಾಜ್ ಪಾದಯಾತ್ರೆ

ಚಾಮರಾಜನಗರ, ಮೇ.29- ಜಿಲ್ಲೆಯ ಗಡಿನಾಡು ಭಾಗವಾದ ಹನೂರು ವಿಧಾನ ಸಭಾ ಕ್ಷೇತ್ರದಲ್ಲಿ ಜೂ. 3 ರಂದು ಕನ್ನಡ ಚಳವಳಿ ವಾಟಾಳ್ ಪಕ್ಷದ ಅಧ್ಯಕ್ಷ ವಾಟಾಳ್ ನಾಗರಾಜ್ ಪಾದಯಾತ್ರೆ ಕೈಗೊಂಡಿದ್ದಾರೆ.

ಜಿಲ್ಲೆಯ ಗಡಿಭಾಗವಾದ ಹನೂರು ಕ್ಷೇತ್ರದ ತಮಿಳುನಾಡು ಪ್ರದೇಶಕ್ಕೆ ಹೊಂದಿಕೊಂಡಂಡಿದ್ದು, ಈ ಪ್ರದೇಶದಲ್ಲಿರುವ ಪರಿಸ್ಥಿತಿಯನ್ನು ಅವಲೋಕನ ಮಾಡಲು ಪಾದಯಾತ್ರೆ ಕೈಗೊಂಡಿದ್ದಾರೆ.

ಜೂ. 3ರ ಬುಧವಾರ ಮುಂಜಾನೆ ಕೊಳ್ಳೇಗಾಲ ತಾಲೂಕಿನ ಶ್ರೀ ಮಲೈ ಮಹದೇಶ್ವರ ಬೆಟ್ಟದಲ್ಲಿ ವಿಶೇಷ ಪೂಜೆ ಸಲ್ಲಿಸಲಿದ್ದಾರೆ. ನಂತರ ಬೆಳಗ್ಗೆ 10 ಗಂಟೆಗೆ ಹನೂರಿನಲ್ಲಿ ತಮ್ಮ ಬೆಂಬಲಿಗರು ಹಾಗೂ ಪಕ್ಷದ ಮುಖಂಡರೊಂದಿಗೆ ವಿವಿಧ ಭಾಗಗಳಿಗೆ ತೆರಳಿ ಅಲ್ಲಿನ ಪರಿಸ್ಥಿತಿಯನ್ನು ಅವಲೋಕನ ಮಾಡಲಿದ್ದಾರೆ ಎಂದು ಪತ್ರಿಕಾ ಕಾರ್ಯದರ್ಶಿ ಎಲ್. ಶಿವಲಿಂಗಮೂರ್ತಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಯಸಸ್ವಿನಿ ರೈತರ ಆರೋಗ್ಯ ರಕ್ಷಣಾ ಯೋಜನೆಯ ನೋಂದಣಿ

ಮೈಸೂರು,ಮೇ.29- ಮೈಸೂರು ಜಿಲ್ಲೆಯಲ್ಲಿನ ಎಲ್ಲಾ ವಿವಿಧ ಸಹಕಾರ ಸಂಘಗಳಲ್ಲಿ 2015-16ನೇ ಸಾಲಿಗಾಗಿ ಯಶಸ್ವಿನಿ ರೈತರ ಆರೋಗ್ಯ ರಕ್ಷಣಾ ಯೋಜನೆಯಡಿ ನಗರ ಪ್ರದೇಶದ ಜನರನ್ನು ನೊಂದಾಯಿಸುವ ಪ್ರಕ್ರಿಯೆ ಪ್ರಾರಂಭವಾಗಿರುತ್ತದೆ. ನೂತನ ಅರ್ಜಿಯನ್ನು ಸಹಾಯಕ ನಿಬಂಧಕರ ಸಾರ್ವಜನಿಕರ ಕಚೇರಿ ಕಟ್ಟಡ ಮೈಸೂರು ಕಚೇರಿಯಲ್ಲಿ ಪಡೆದುಕೊಂಡು ನೋಂದಾಯಿಸಿದ ಸದಸ್ಯರ ಅರ್ಜಿಯನ್ನು ಸಲ್ಲಿಸುವುದು. ಹೆಚ್ಚಿನ ಮಾಹಿತಿಗೆ ದೂರವಾಣಿ ಸಂಖ್ಯೆ 0821-2443321ನ್ನು ಸಂಪರ್ಕಿಸುವುದು.

ಯಶಸ್ವಿನಿ ಯೋಜನೆ ಕುರಿತು ಸಭೆ

ಮೈಸೂರು,ಮೇ.29- ದಿನಾಂಕ 03-06-2015 ರಂದು ದಿ ಮೈಸೂರು ಸಿಟಿ ಹೌಸ್ ಬಿಲ್ಡಿಂಗ್ ಕೋ-ಆಪರೇಟಿವ್ ಸೊಸೈಟಿ ಸಮುದಾಯ ಭವನ, ನಾಲಾ ಬೀದಿ, 1ನೇ ಕ್ರಾಸ್, ಕೆ.ಆರ್.ಮೊಹಲ್ಲಾ, ಮೈಸೂರು-24 ಇಲ್ಲಿ ಯಶಸ್ವಿನಿ ಸಭೆ ಏರ್ಪಡಿಸಲಾಗಿದೆ. ಈ ಸಭೆಗೆ ನಗರ ಪ್ರದೇಶದ ಎಲ್ಲಾ ಸಹಕಾರ ಸಂಘಗಳ ಕಾರ್ಯದರ್ಶಿ ಮುಖ್ಯಕಾರ್ಯನಿರ್ವಾಹಣಾಧಿಕಾರಿಗಳು ಕಡ್ಡಾಯವಾಗಿ ಹಾಜರಾಗಬೇಕಾಗಿ ಮೈಸೂರು ಉಪವಿಭಾಗದ ಸಹಕಾರ ಸಂಘಗಳ ಸಹಾಯಕ ನಿಬಂಧಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಮೈಸೂರಿನಲ್ಲಿ ವೀರ ಸಾವರ್ಕರ್ ಸ್ಮರಣೆ

ಮೈಸೂರು.ಮೈ.29-ಸ್ವಾತಂತ್ರ್ಯ ಹೋರಾಟಗಾರ ವೀರ ಸಾವರ್ಕರ್ ಅವರ 132ನೇ ಜಯಂತಿ ಹಾಗೂ ವೀರ ಸಾವರ್ಕರ್ ಯುವ ಬಳಗದ 10ನೇ ವಾರ್ಷಿಕೋತ್ಸವದ ಅಂಗವಾಗಿ ಗುರುವಾರ ವೀರ ಸಾವರ್ಕರ್ ಸ್ಮರಣೆ ಮಾಡಲಾಯಿತು.

ನಗರದ ಬನುಮಯ್ಯ ಚೌಕದಲ್ಲಿ ಇಂದು ವೀರ ಸಾವರ್ಕರ್ ಯುವ ಬಳಗದ ವತಿಯಿಂದ ಏರ್ಪಡಿಸಿದ್ದ ಕಾರ್ಯಕ್ರಮ ಎಂಎಲ್ ಸಿ ಗೋ.ಮಧುಸೂದನ್ ಸೇರಿದಂತೆ ಇತರೆ ಗಣ್ಯರು ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಮಾಡುವ ಮೂಲಕ ವೀರ ಸಾವರ್ಕರ್ ಜಯಂತಿ ಆಚರಿಸಿದರು.

ನಂತರ ಮಾತನಾಡಿದ ಗೋ.ಮಧುಸೂದನ್ ದೇಶಕಂಡ ಅಪ್ರತಿಮ ಸ್ವಾತಂತ್ರ್ಯ ಹೋರಾಟಗಾರರಲ್ಲಿ ವೀರ ಸಾವರ್ಕರ್ ಅಗ್ರ ಪಂಕ್ತಿಯಲ್ಲಿದ್ದಾರೆ. ಬರಹಗಾರ, ಲೇಖಕ, ಸಂಘಟಕರಾಗಿ ಬಹುಮುಖ ವ್ಯಕ್ತಿತ್ವ ಹೊಂದಿದ್ದು ಸಾವರ್ಕರ್ ಬ್ರಿಟಿಷರ ಕಪಿಮುಷ್ಟಿಯಲ್ಲಿದ್ದ ದೇಶವನ್ನು ಬಂಧಮುಕ್ತಗೊಳಿಸಬೇಕೆಂದು ಹೋರಾಡಿದರು. ಆದರೆ ಇಂದಿನ ಪೀಳಿಗೆ ಮಕ್ಕಳು ದೇಳದ ಸ್ವಾತಂತ್ರ್ಯಕ್ಕಾಗಿ ತಮ್ಮ ಪ್ರಾಣವನ್ನೇ ತೆತ್ತ ಹೋರಾಟಗಾರರನ್ನು ಹಂತ ಹಂತವಾಗಿ ಮರೆಯುತ್ತಿದ್ದಾರೆ.ಎಂದು ಬೇಸರ ವ್ಯಕ್ತಪಡಿಸಿದರು.

ಈ ಸಂದರ್ಭದಲ್ಲಿ ನಗರ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಮಲ್ಲಪ್ಪಗೌಡ ಮಹಾನಗರಪಾಲಿಕೆ ಸದಸ್ಯರಾದ ಬಿ.ವಿ ಮಂಜುನಾಥ್ ಜಿಲ್ಲಾ ಬ್ರಾಹ್ಮಣ ಸಂಘದ ಅಧ್ಯಕ್ಷರಾದ ಬಿ.ಆರ್ ನಟರಾಜ್ ಜೋಯಿಸ್ ಬಳಗದ ಅಧ್ಯಕ್ಷ ರಾಕೇಶ್ ಭಟ್ ಸಂಚಾಲಕರುಗಳಾದ ವಿಕ್ರಮ್ ಕುಮಾರ್ ಗೌಡ ಇತರರು ಪಾಲ್ಗೊಂಡಿದ್ದರು.