ಮಿತವಾದ ನೀರಿನ ಸದ್ಬಳಕೆಯಿಂದ ಮಣ್ಣಿನ ಆರೋಗ್ಯ ಉತ್ತಮ

ಮಂಡ್ಯ, ಜು.3- ವಲಯ ಕೃಷಿ ಸಂಶೋಧನಾ ಕೇಂದ್ರ, ವಿ.ಸಿ.ಫಾರಂ, ಮಂಡ್ಯದಲ್ಲಿ ಕಾಡಾ, ಮೈಸೂರು, ಕೃಷಿ ಇಲಾಖೆ, ಆಕಾಶವಾಣಿ, ಮೈಸೂರುರವರುಗಳ ಸಂಯುಕ್ತಾಶ್ರಯದಲ್ಲಿ ನೀರಿನ ಸದ್ಬಳಕೆ ಬಗ್ಗೆ ಹಾಗೂ ಕಾವೇರಿ ಅಚ್ಚುಕಟ್ಟು ಪ್ರದೇಶದಲ್ಲಿ ಪರ್ಯಾಯ ಬೆಳೆ ಯೋಜನೆ ಹಾಗೂ ಭತ್ತ ಮತ್ತು ಕಬ್ಬಿನ ಬೆಳೆಯಲ್ಲಿ ನೀರು ನಿರ್ವಹಣೆ ಬಗ್ಗೆ ವಿಚಾರ ಸಂಕಿರಣವನ್ನು ಏರ್ಪಡಿಸಲಾಗಿತ್ತು.

ಈ ಕಾರ್ಯಕ್ರಮವನ್ನು ಕೆ.ಟಿ.ಶಿವಶಂಕರ, ಪ್ರಾಧ್ಯಾಪಕರು(ನಿವೃತ್ತ)ರವರು ಉದ್ಘಾಟಿಸಿ ಬಾನುಲಿ ಸರಣಿ ಕಾರ್ಯಕ್ರಮ ಏರ್ಪಡಿಸಿ, ಆಕಾಶವಾಣಿ ಮೂಲಕ ರೈತರಿಗೆ ಮಾಹಿತಿ ನೀಡುತ್ತಿರುವುದು ಒಳ್ಳೆಯದು. ಅದನ್ನು ರೈತರು ಸದುಪಯೋಗಪಡಿಸಿಕೊಳ್ಳಬೇಕೆಂದು ಕರೆ ನೀಡಿದರು.

ಮುಖ್ಯ ಅತಿಥಿಗಳಾಗಿ ಆಗಮಿಸಿ ಮಾತನಾಡಿದ ಶ್ರೀನಿವಾಸಪ್ರಸಾದ್ ಅವರು ಕಬ್ಬು ಮತ್ತು ಭತ್ತ ಬೆಳೆಯಲ್ಲಿ ನೀರು ನಿರ್ವಹಣೆ ಬಗ್ಗೆ ಉತ್ತಮ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವುದರ ಮೂಲಕ ರೈತರಲ್ಲಿ ಜಾಗೃತಿ ಮೂಡಿಸಬೇಕು ಎಂದರು.

ಡಾ.ಸಿ.ಆರ್.ರವಿಶಂಕರ್ ಮಾತನಾಡಿ ನೀರಿನ ಸದ್ಬಳಕೆ ಮಾಡುವುದು. ಅದರಲ್ಲೂ ಭತ್ತ ಮತ್ತು ಕಬ್ಬಿನಲ್ಲಿ ಜ್ಞಾನ ಹೊಂದಿರಬೇಕು ಎಂದು ಕರೆ ನೀಡಿದರು.

ಡಾ.ಶಿವಶಂಕರ್ , ಡಾ.ವೆಂಕಟೇಶ್, ಡಾ.ತಿಮ್ಮರಾಜು, ಟಿ.ಎಲ್.ರಘುರವರು ನೀರಿನ ಸದ್ಬಳಕೆ ಬಗ್ಗೆ ವಿವರವಾಗಿ ಮಾಹಿತಿ ನೀಡಿದರು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಡಾ.ಎಂ.ಎ. ಶಂಕರವರು ಮಾತನಾಡುತ್ತಾ ಮಿತವಾದ ನೀರಿನ ಬಳಕೆಯಿಂದ ಮಣ್ಣಿನ ಫಲವತ್ತತೆ ಕಾಪಾಡುವುದರ ಜೊತೆಗೆ, ಸುಸ್ಥಿರವಾದ ಇಳುವರಿ ಪಡೆಯಬಹುದೆಂದರು. ಎಲ್ಲ ರೈತರು ಕೃಷಿ ವಿಶ್ವವಿದ್ಯಾನಿಲಯದಲ್ಲಿ ಕೈಗೊಂಡಿರುವ ಸಂಶೋಧನೆಗಳು , ಪ್ರಾತ್ಯಕ್ಷಿಕೆಗಳ ಬಗ್ಗೆ ಹೆಚ್ಚು ತಿಳಿದುಕೊಂಡು ನೀರಿನ ಸದ್ಬಳಕೆ ಮಾಡಬೇಕೆಂದು ಕರೆ ನೀಡಿದರು.

ಸ್ವಾಭಾವಿಕ ಸಂಪನ್ಮೂಲವಾದ ನೀರು ಪೋಲಾಗುವುದನ್ನು ನಿಯಂತ್ರಿಸಿ ನೀರಿನ ಮಿತಬಳಕೆಯನ್ನು ಮಿತಗೊಳಿಸುವುದು ಇಂದಿನ ಅವಶ್ಯಕತೆಯಾಗಿದೆ. ಕೃಷಿ ವಿಶ್ವವಿದ್ಯಾನಿಲಯ, ಬೆಂಗಳೂರುರವರು ನೀರಿನ ಸದ್ಬಳಕೆ ಬಗ್ಗೆ ಕೈಗೊಂಡಿರುವ ಕಾರ್ಯಕ್ರಮಗಳ ಬಗ್ಗೆ ಸ್ಥೂಲ ಪರಿಚಯ ಮಾಡಿಕೊಟ್ಟರು.

ಕಾರ್ಯಕ್ರಮದಲ್ಲಿ ಡಾ.ಕೆ.ವಿ.ಕೇಶವಯ್ಯ ಮಾತನಾಡಿ ಕಬ್ಬಿನ ಬೆಳೆಯಲ್ಲಿ ವೈಜ್ಞಾನಿಕ ನೀರು ನಿರ್ವಹಣೆ ಹಾಗೂ ಡಾ.ರಾಮಚಂದ್ರುರವರು ಪರ್ಯಾಯ ಬೆಳೆ ಯೋಜನೆ ಹಾಗೂ ಭತ್ತದ ಬೆಳೆಯಲ್ಲಿ ನೀರು ನಿರ್ವಹಣೆ ಬಗ್ಗೆ ವಿವರವಾದ ತಾಂತ್ರಿಕ ಮಾಹಿತಿ ನೀಡಿದರು.

ಡಾ.ಎಂ.ಪಿ.ರಾಜಣ್ಣ ಸ್ವಾಗತಿಸಿ, ಡಾ.ಎಸ್.ಬಿ.ಯೋಗಾನಂದ ವಂದಿಸಿದರು. ಕಾರ್ಯಕ್ರಮದಲ್ಲಿ ರೈತರು, ಇಲಾಖಾಧಿಕಾರಿಗಳು ಹಾಗೂ ವಿಜ್ಞಾನಿಗಳು ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದರು.

Post Title

ಕೇಶಬೆಳವಣಿಗೆಯ ಪೂರಕ ಹೈರೂಟ್ಜ್ ಟಿಎಂ

ಮೈಸೂರು,ಜು.3- ಡಾ|| ರೆಡ್ಡಿಸ್ ಇಂದು ಹರೂಟ್ಜ್‍ಖಿಒ ನ ಆರಂಭವನ್ನು ಘೋಷಿಸಿತು; ಇಸು ಭಾರತದಲ್ಲಿ ಮಳಿಗೆಯಲ್ಲಿ ಓವರ್ ದಿ ಕೌಂಟರ್ (ಔಖಿಅ)ಮಾರಾಟವಾಗುವ ಮೊದಲ ಕೇಶಬೆಳವಣಿಗೆಯ ಪೂರಕವಾಗಿದೆ ಎಂದು ಸಂಸ್ಥೆಯ ಮುಖ್ಯಸ್ಥರು ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ

ಅಧ್ಯಯನಗಳ ಪ್ರಕಾರ 30-50 ವಯೋಮಾನದ ಪುರುಷರಲ್ಲಿ ಸುಮಾರು 58%ರಷ್ಟು ಜನ, ಆಧುನಿಕ ಜೀವನ ಶೈಲಿಯ ಕಾರಣದಿಂದಾಗಿ ಸಾಮಾನ್ಯ ರೀತಿಯ ಕೇಶನಾಶವನ್ನು ಅನುಭವಿಸುತ್ತಾರೆ; ಈ ಜೀವನಶೈಲಿಯು ಹಲವಾರು ರೀತಿಯ ಪೌಷ್ಟಿಕಾಂಶದ ಕೊರತೆ ಮತ್ತು ರೋಗಗಳಿಗೆ ಕಾರಣವಾಗಿದ್ದು, ಕೇಶನಾಶವು ಇವುಗಳಲ್ಲಿ ಒಂದಾಗಿದೆ ಎಂದಿದ್ದಾರೆ.

ಆರೋಗ್ಯಕರವಾದ ಕೇಶವನ್ನು ಕಾಪಾಡಿಕೊಳ್ಳಲು ಹೈರೂಟ್ಜ್‍ಖಿಒ ಪ್ರಮುಖ ಪೌಷ್ಟಿಕಾಂಶಗಳನ್ನು ಒದಗಿಸುತ್ತದೆ. ಒತ್ತಡದ ಜೀವನದಿಂದ ಸಾಮಾನ್ಯವಾಗಿ ಕೂದಲು ನೆರೆದು, ಕೇಶನಾಶವುಂಟಾಗುತ್ತದೆ. ಹೈರೂಟ್ಜ್ ನ ಅನನ್ಯವಾದ ಸೂತ್ರದಲ್ಲಿ ದ್ರಾಕ್ಷಿಬೀಜದ ಸಾರವಿದ್ದು ಇದರಲ್ಲಿ ಪ್ರಭಲವಾದ ಉತ್ಕರ್ಷಣ ನಿರೋಧಕಗಳಿವೆ, ಮತ್ತು ಇಚು ವಿಟಾಮಿನ್ ಎ ಮತ್ತು ಸಿ ಗಿಂತ 20ರಷ್ಟು ಹೆಚ್ಚಾಗಿದೆ. ಇತರ ಪ್ರಮುಖ ಘಟಕಾಂಶಗಳೆಂದರೆ ಅತಿಯಾದ ಕೇಶನಾಶವನ್ನು ತಡೆಯುವ ಬಯೋಟಿನ್, ಕೂದಲು ತೆಳ್ಳಗಾಗುವುದನ್ನು, ಒಡೆಯುವುದನ್ನು ಮತ್ತು ಹೊಟ್ಟು ಮತ್ತು ನೆರೆಯುವುದನ್ನು ತಡೆಯುವ ಖನಿಜಗಳು. ಇದರಲ್ಲಿ ಪ್ರಮುಖವಾದ ಅಮೈನೊ ಆಮ್ಲಗಳೂ ಇದ್ದು, ಇವು ಕೇಶದಬೇರುಗಳಿಗೆ ರಕ್ತಸಂಚಾರ ಹೆಚ್ಚಿಸುವ ಮೂಲಕ ಕೇಶದಬೆಳವಣಿಗೆಯನ್ನು ಉತ್ತೇಜಿಸುತ್ತದೆ.

ಹೈರೂಟ್ಜ್‍ಖಿಒ ಒಂದು ನವೀನ ಮತ್ತು ಗ್ರಾಹಕ ಸ್ನೇಹಿ ಪ್ಯಾಕ್ನಲ್ಲಿ ಲಭ್ಯವಿದ್ದು, ಗ್ರಾಹಕ ಅನುಸರಣೆಯನ್ನು ಖಾತ್ರಿಪಡಿಸಲು ಮೊದಲ ಬಾರಿಗೆ ಕೆಳಕಂಡ ನವೀನತೆಗಳನ್ನು ನೀಡುತ್ತದೆ.

ಟಿಕ್ ಟು ಟ್ರಾಕ್ – ವಾರದ ಯಾವುದೇ ದಿನ ಆರಂಭವಾದರೆ, ಹೈರೂಟ್ಜ್ ನ ದೈನಂದಿನ ಸೇವನೆಯ ಜಾಡನ್ನು ಹಿಡಿಯಲು ಗ್ರಾಹಕರಿಗೆ ಸಹಾಯವಾಗುವಂತೆ ಗ್ರಾಹಕ ಸಂಪರ್ಕ ವೇದಿಕೆ - http://mintopacademy.com ಜಾಲತಾಣ, ಸೇವೆ ಮತ್ತು ಕಿಖ ಕೋಡ್, ಕೇಶನಾಶದ ತಡೆ ಮತ್ತು ಕೇಶರಕ್ಷಣೆಯ ಬಗ್ಗೆ ಹೆಚ್ಚು ನಂಬಲರ್ಹ ಮಾಹಿತಿ ನೀಡುತ್ತದೆ

ಹೈರೂಟ್ಜ್‍ಖಿಒ ಎಲ್ಲಾ ಗಣ್ಯ ಡಿಪಾಟ್ರ್ಮೆಂಟಲ್, ಔಷಧ ಮಳಿಗೆ ಮತ್ತು ಆನ್ಲೈನ್ ಮಾರಾಟಗಾರರ ಬಳಿ ಲಭ್ಯವಿದ್ದು, 15 ಸಾಫ್ಲೆಟ್ಸ್ ನ ಒಂದು ಪ್ಯಾಕ್ ನ ಬೆಲೆ ರೂ. 200/- ಇರುತ್ತದೆ. ಎಂದು ವಿವರಿಸಿದರು.

5ನೇ ತಾಲ್ಲೂಕು ಕನ್ನಡ ಸಾಹಿತ್ಯಾ ಸಮ್ಮೇಳನದ ಅಧ್ಯಕ್ಷರಾಗಿ ಡಾ. ನಂದೀಶ್ ಹಂಚೆ

ಮೈಸೂರು.ಜು.3-ಮೈಸೂರು ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತು ಐದನೇ ತಾಲ್ಲೂಕು ಕನ್ನಡ ಸಾಹಿತ್ಯ ಸಮ್ಮೇಳನವನ್ನು ಕಡಕೊಳ ಗ್ರಾಮದಲ್ಲಿ ಜುಲೈ 21ನೇ ಮಂಗಳವಾರ ನಡೆಸಲು ತಿರ್ಮಾನಿಸಿದೆ. ದಿನಾಂಕ 1-7-2015ರಂದು ನಡೆದ ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ತಿನ ಪದಧಿಕಾರಿಗಳ ಸಭೆಯಲ್ಲಿ ಸಮ್ಮೇಳನದ ಸರ್ವಾಧ್ಯಕ್ಷಕರನ್ನಾಗಿ ಯುವ ಲೇಖಕರೂ, ವಿಮರ್ಶಕರೂ, ಜೆಎಸ್‍ಎಸ್ ಕಾಲೇಜಿನ ಸಹಾಯಕ ಪ್ರಾಧ್ಯಾಪಕರೂ ಅದ ಡಾ. ನಂದೀಶ್ ಹಂಚೆ ಅವರನ್ನು ಸರ್ವಾನುಮತದಿಂದ ಆಯ್ಕೆ ಮಾಡಲಾಗಿದೆ.

ಸಮ್ಮೇಳನಾಧ್ಯಕ್ಷರ ಪರಿಚಯ ಇಂತಿದೆ.....

ಮೈಸೂರು ತಾಲ್ಲೂಕು ಐದನೆಯ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿರುವ ಡಾ. ನಂದೀಶ್ ಹಂಚೆಯವರು 10-2-1978ರಲ್ಲಿ ಮೈಸೂರು ತಾಲ್ಲೂಕು, ಕಸಬಾ ಹೋಬಳಿ, ಹಂಚ್ಯ ಗ್ರಾಮದಲ್ಲಿ ಜನಿಸಿದರು.

ತಮ್ಮ ಪ್ರಾಥಮಿಕ ವಿದ್ಯಾಭ್ಯಾಸವನ್ನು ಹುಟ್ಟಿದ ಊರಿನಲ್ಲೇ ಪೂರೈಸಿ, ಅನಂತರದ ವಿದ್ಯಭ್ಯಾಸವನ್ನು ಮೈಸೂರಿನ ಸಂತ ಅಂತೋಣೆ ಶಾಲೆಯಲ್ಲಿ ಪಡೆದರು ಮುಂದಿನ ವಿದ್ಯಾಭ್ಯಾಸವನ್ನು ಮೈಸೂರಿನ ರಾಮಾನುಜ ರಸ್ತೆಯಲ್ಲಿದ್ದ ಜೆಎಸ್‍ಎಸ್ ಫ್ರೌಡಶಾಲೆಯಲ್ಲಿ ಪದವಿ ಪೂರ್ವ ಹಾಗೂ ಪದವಿ ಶಿಕ್ಷಣ ವನ್ನು ಊಟಿ ರಸ್ತೆಯಲ್ಲಿರುವ ಜೆಎಸ್‍ಎಸ್ ಕಲಾ,ವಾಣಿಜ್ಯ ಹಾಗೂ ವಿಜ್ಞಾನ ಕಾಲೇಜಿನಲ್ಲಿ ಪೂರ್ಣಗೊಳಿಸಿದ್ದರು.ಕನ್ನೆ ಸ್ನಾತಕೋತ್ತರ ಪದವಿಯನ್ನು ಮದ್ರಾಸು ವಿಶ್ವವಿದ್ಯಾನಿಲಯದಲ್ಲಿ, ಎಂ.ಫಿಲ್. ಪದವಿಯನ್ನು ಹಂಪಿ ಕನ್ನಡ ವಿಶ್ವವಿದ್ಯಾನಿಲಯದಲ್ಲಿ ಮತ್ತು ಮೈಸೂರು ವಿಶ್ವವಿದ್ಯಾನಿಲಯದಿಂದ ಪಿಹೆಚ್,ಡಿ. ಪದವಿ ಪಡೆದಿದ್ದಾರೆ. 2004 ರಲ್ಲಿ ಗುಂಡ್ಲಪೇಟೆ ಜೆಎಸ್‍ಎಸ್ ಪದವಿ ಕಾಲೇಜಿನಲ್ಲಿ ಕನ್ನಡ ಉಪನ್ಯಾಸಕರಗಿ ನೇಮಕಗೊಂಡು, ಜೆಎಸ್‍ಎಸ್‍ನ ವಿವಿಧ ಪದವಿ ಕಾಲೇಜುಗಳಲ್ಲಿ ಕಳೆದ ಹನ್ನೆರಡು ವರ್ಷಗಳಿಂದ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಪ್ರಸ್ತುತ ತಾವು ಓದಿದ, ಮೈಸೂರಿನ ಊಟಿ ರಸ್ತೆಯಲ್ಲಿರುವ ಜೆಎಸ್‍ಎಸ್ ಕಾಲೇಜಿನಲ್ಲಿ ಅಧ್ಯಾಪಕರಾಗಿದ್ದಾರೆ. ಜೊತೆಗೆ ಜೆಎಸ್‍ಎಸ್ ಮಹಾವಿದ್ಯಾಪೀಠದ ಪ್ರಕಟಣ ವಿಭಾಗದಲ್ಲಿ ಸಹಾಯಕ ಸಂಪಾದಕರಾಗಿಯೂ ಕಾರ್ಯ ನಿರ್ವಹಿಸುತ್ತಿದ್ದಾರೆ.

ವಿದ್ಯಾರ್ಥಿದೆಸೆಯಯಿಂದಲೇ ಸಾಹಿತ್ಯಕ ಚಟುವಟಿಕೆಗಳಲ್ಲಿ ತೀವ್ರ ಆಸಕ್ತಿಯನ್ನು ಹೊಂದಿದ್ದ ಡಾ|| ನಂದೀಶ್ ಹಂಚೆಯವರು ಶ್ರೇಷ್ಠ ಚರ್ಚಾಪಟುವಾಗಿದ್ದರು. ಹಲವಾರು ಪ್ರತಿಷ್ಠಿತ ಪತ್ರಿಕೆಗಳಲ್ಲಿ ಕಥೆಗಳನ್ನು ಬರೆದಿದ್ದಾರೆ. ಅವರ 'ಮಂಡೆ ಬೋಳಾದಡೇನು' ಕಥೆಯು 'ಮೈಸೂರು ದಿಗಂತ' ಪತ್ರಿಕಾ ಕಥಾಸ್ಪರ್ಧೆಯಲ್ಲಿ 2002 ರಲ್ಲಿ ಪ್ರಥಮ ಬಹುಮಾನ ಗಳಿಸಿತ್ತು. ಮೈಸೂರು ಆಕಾಶವಾಣಿಯಲ್ಲಿ ಅನೇಕ ಕವಿಗಳನ್ನು ಪರಿಚಯಿಸುವ 'ಕನ್ನಡ ಕವಿ ಕಾವ್ಯಮಾಲೆ' ಹಾಗೂ ಜ್ಞಾನಪೀಠ ಪ್ರಶಸ್ತಿ ವಿಜೇತರು ಕಾರ್ಯಕ್ರಮ ಸರಣಿಯನ್ನು ನಡೆಸಿಕೊಟ್ಟಿದ್ದರು. 2004 ರಲ್ಲಿ ಇವರ ಕೆಂಡದೊಳಗಣ ಬೇರು ಪುಸ್ತಕ ಕನ್ನಡ ಪುಸ್ತಕ ಪ್ರಾಧಿಕಾರ ಯುವ ಲೇಖಕರ ಚೊಚ್ಚಲ ಕೃತಿ ಯೋಜನೆಯಡಿ ಪ್ರಕಟಗೊಂಡಿತ್ತು.

ಪ್ರತಿದಿನ 2 ಗಂಟೆ ನಡಿಗೆಯಿಂದ ಮಧುಮೇಹದಿಂದ ಮುಕ್ತರಾಗಲು ಸಾಧ್ಯ

ಮೈಸೂರು, ಜು. 3- ಪ್ರತಿದಿನ ಮುಂಜಾನೆ ಅಥವಾ ಸಂಜೆ ವೇಳೆ 2ಗಂಟೆಗಳ ಕಾಲ ನಡಿಗೆ, ಹಿತ ಮಿತವಾದ ಆಹಾರ ಸೇವನೆಯಿಂದ ಮಧುಮೇಹದಿಂದ ಬಳಲುತ್ತಿರುವವರು ಶೇ. 75ರಷ್ಟು ಗುಣಮುಖರಾಗಲು ಸಾಧ್ಯವೆಂದು ಕೇರಳದ ಪ್ರಕೃತಿ ಚಿಕಿತ್ಸಕ ಡಾ.ಜೇಕಬ್ ವಡಕಂಬೇರಿ ತಿಳಿಸಿದರು.

ಇಂದು ಮೈಸೂರಿನ ಖಾಸಗಿ ಹೋಟೆಲ್‍ನಲ್ಲಿ ಪೀಪಲ್ ಲೀಗಲ್ ಫೋರಂ ವತಿಯಿಂದ ಆಯೋಜಿಸಿದ್ದ ಮದುಮೇಹ ಚಿಕಿತ್ಸಾ ಸಮಾರಂಭದಲ್ಲಿ ಮುಖ್ಯ ಅಥಿತಿಗಳಾಗಿ ಪಾಲ್ಗೊಂಡು ಮಾತಾನಾಡುತ್ತಾ ಮದುಮೇಹ ರೋಗವು ಇಂದು ಮಕ್ಕಳಿಂದ ಮುದುಕರವರೆಗೂ ಕಂಡುಬರುವುದು ಸರ್ವೆ ಸಾಮಾನ್ಯ ಸಂಗತಿಯಾಗಿದೆ, ಇದರಿಂದ ಗಾಬರಿಪಡುವ ಅವಶ್ಯಕತೆಯಿಲ್ಲ, ಸಾಧ್ಯವಾದಷ್ಟು ಮಟ್ಟಿಗೆ ಸಮಾದಾನಚಿತ್ತದಿಂದ ಇರುವುದು, ಆಹಾರ ಸೇವನೆಯಲ್ಲಿ ಸಿಹಿ, ಉಪ್ಪು, ಖಾರ ಇವುಗಳನ್ನು ಆದಷ್ಟು ಕಡಿಮೆ ಪ್ರಮಾಣದಲ್ಲಿ ಬಳಸುವುದು, ಯತೇಚ್ಛವಾಗಿ ನೀರನ್ನು ಕುಡಿಯುವುದು, ವೈದ್ಯರ ಸಲಹೆ ಹಾಗೂ ಅವರ ಮಾರ್ಗದರ್ಶನದಂತೆ ನಡೆದುಕೊಂಡಲ್ಲಿ ಮದುಮೇಹ ರೋಗದಿಂದ ಶೇ. 75ರಷ್ಟು ಮುಕ್ತರಾಗಲು ಸಾಧ್ಯ ಎಂದರು.

ಮದುಮೇಹಿ ರೋಗಿಗಳು ತಮ್ಮ ಆಹಾರ ಸೇವನೆಯಲ್ಲಿ ಮೆಂತ್ಯ ಸೊಪ್ಪು, ನುಗ್ಗೆ ಸೊಪ್ಪು, ಗೋಣಿಸೊಪ್ಪು, ಕರಿಬೇವಿನ ಸೊಪ್ಪುಗಳೊಂದಿಗೆ ಹಾಗಲಕಾಯಿ, ಪಡುವಲಕಾಯಿ, ಸೋರೆಕಾಯಿಗಳನ್ನು ಬಳಸುವುದು ಉತ್ತಮ ಇಂದರೊಂದಿಗೆ ಮಳೆಗಾಲದಲ್ಲಿ ಸಿಗುವ ನೇರಳೆ, ಪಪ್ಪಾಯಿ, ಸೀಬೆ ಹಣ್ಣುಗಳ ಸೇವನೆಯಿಂದಲೂ ಮದುಮೇಹ ರೋಗದಿಂದ ಮುಕ್ತರಾಗಲು ಸಾಧ್ಯ ಎಂದು ಹೇಳಿದ ಅವರು ಮೈಸೂರಿನಲ್ಲಿ ಸದ್ಯದಲ್ಲಿಯೇ ಪೀಪಲ್ ಲೀಗಲ್ ಫೋರಂ ಶಾಖೆಯನ್ನು ತೆರೆಯುವುದರ ಮುಲಕ ಮದುಮೇಹದಿಂದ ಮುಕ್ತರಾಗಲು ಅವಶ್ಯವಿರುವ ಎಲ್ಲಾ ಮಾಹಿತಿಗಳನ್ನು ನಗರ ಜನತೆಗೆ ತಿಳಿಯಪಡಿಸಲಾಗುವುದು ಎಂದರು.

ಸಮಾರಂಭ ಉದ್ಘಾಟಿಸಿದ ಡಾ. ಕಾಳೆಗೌಡನಾಗವಾರ ಮಾತನಾಡಿ ಮದುಮೇಹಿ ರೋಗಿಗಳ ಬಗ್ಗೆ ಡಾ. ಜೇಕಬ್ ವಡಕಂಬೇರಿಯವರು ಅಪಾರ ಕಾಳಜಿ ವಹಿಸಿದ್ದು, ಈ ರೋಗದಿಂದ ಪೂರ್ಣ ಗುಣಮುಕ್ತರಾಗಲು ಯಾವಯಾವ ಪದ್ದತಿಗಳನ್ನು ಅನುಸರಿಸಬೇಕು ಎಂಬುದರ ಬಗ್ಗೆ ಪೂರ್ಣ ವಿವರಗಳನ್ನು ಪುಸ್ತಕರೂಪದಲ್ಲಿ ಪ್ರಕಟಿಸುವುದರ ಮೂಲಕ ಮದುಮೇಹಿರೋಗಿಗಳಿಗೆ ಸಂಜೀವಿನಿಯಂತಿದ್ದಾರೆ ಎಂದು ಮುಕ್ತ ಕಂಠದಿಂದ ಶ್ಲಾಘಿಸಿದರು.

ಸಮಾರಂಭದಲ್ಲಿ ಮದುಮೇಹದಿಂದ ಬಳಲುತ್ತಿರುವ ಸುಮಾರು ನೂರಕ್ಕೂ ಹೆಚ್ಚುಮಂದಿ ಜೇಕಬ್ ರೊಂದಿಗೆ ವಿಚಾರ ವಿನಿಮಯ ನಡೆಸಿ ಪರಿಹಾಗಳನ್ನು ಕಂಡುಕೊಂಡರು.

ಕಾರ್ಯಕ್ರಮದಲ್ಲಿ ಡಾ. ಅನಿಲ್ ಥಾಮಸ್, ಜ್ಞಾನದೇವನ್ ಹಾಗು ಇತರರು ಭಾಗವಹಿಸಿದ್ದರು.

ಲೋಕಾಯುಕ್ತರ ರಾಜಿನಾಮೆಗೆ ಒತ್ತಾಯಿಸಿ ಕರವೇ ಪ್ರತಿಭಟನೆ

ಮಂಡ್ಯ, ಜು.3- 1 ಕೋಟಿ ಲಂಚ ಪ್ರಕರಣದ ಆರೋಪದ ಹಿನ್ನೆಲೆಯಲ್ಲಿ ಲೋಕಾಯುಕ್ತ ಡಾ. ಭಾಸ್ಕರ್ ರಾವ್ ರಾಜಿನಾಮೆ ನೀಡಬೇಕು ಎಂದು ಒತ್ತಾಯಿಸಿ ಕರ್ನಾಟಕ ರಕ್ಷಣಾ ವೇದಿಕೆ (ಶಿವರಾಮೇಗೌಡ ಬಣ) ಕಾರ್ಯಕರ್ತರು ನಗರದಲ್ಲಿ ಪ್ರತಿಭಟನೆ ನಡೆಸಿದರು.

ನಗರದ ವಿ.ವಿ. ರಸ್ತೆಯಿಂದ ಮೆರವಣಿಗೆಯಲ್ಲಿ ತೆರಳಿದ ಪ್ರತಿಭಟನಾಕಾರರು, ಜಯಚಾಮರಾಜೇಂದ್ರ ವೃತ್ತದಲ್ಲಿ ಜಮಾಯಿಸಿ ಭ್ರಷ್ಟಾಚಾರದ ಭೂತ ದಹಿಸಿದರು. ನಂತರ, ಜಿಲ್ಲಾಧಿಕಾರಿ ಕಚೇರಿಗೆ ತೆರಳಿ ಮನವಿ ಸಲ್ಲಿಸಿದರು.

ಭ್ರಷ್ಟಾಚಾರ ತಡೆಗಟ್ಟುವಲ್ಲಿ ಅತ್ಯಂತ ಸದೃಢವಾಗಿರುವ ಲೋಕಾಯುಕ್ತ ಸಂಸ್ಥೆಗೆ ನ್ಯಾಯಮೂರ್ತಿಗಳಾದ ವೆಂಕಟಾಚಲಯ್ಯ ಮತ್ತು ಸಂತೋಷ್ ಹೆಗ್ಡೆ ಅವರು ಗೌರವ ಹೆಚ್ಚಿಸುವುದರ ಜತೆಗೆ ಭ್ರಷ್ಟರ ಎದೆಯಲ್ಲಿ ನಡುಕ ಹುಟ್ಟಿಸಿದ್ದರು. ಆದರೆ, ಇಂದಿನ ಲೋಕಾಯುಕ್ತ ನ್ಯಾಯಮೂರ್ತಿ ಭಾಸ್ಕರ್‍ರಾವ್ ಅವರ ಪುತ್ರ ತಂದೆಯ ಅಧಿಕಾರ ದುರ್ಬಳಕೆ ಮಾಡಿಕೊಂಡು ಭ್ರಷ್ಟಾಚಾರ ಎಸಗಿರುವುದು ಲೋಕಾಯುಕ್ತದ ಬಗ್ಗೆ ಸಾರ್ವಜನಿಕರಿಗೆ ಇರುವ ನಂಬಿಕೆ ಹುಸಿಯಾಗಿಸಿದೆ ಎಂದು ಅವರು ಕಿಡಿಕಾರಿದರು.

ತಮ್ಮ ಪುತ್ರನ ವಿರುದ್ಧ ಎಫ್‍ಐಆರ್ ದಾಖಲಾಗಿರುವ ಹಿನ್ನೆಲೆಯಲ್ಲಿ ಭಾಸ್ಕರ್‍ರಾವ್ ತಮ್ಮ ಸ್ಥಾನಕ್ಕೆ ರಾಜಿನಾಮೆ ಸಲ್ಲಿಸಿ ಲೋಕಾಯುಕ್ತದ ಗೌರವವನ್ನು ಕಾಪಾಡಬೇಕು ಹಾಗೂ ರಾಜ್ಯ ಸರಕಾರ ಈ ಪ್ರಕರಣದ ತನಿಖೆಯನ್ನು ಸಿಬಿಐಗೆ ವಹಿಸಬೇಕು ಎಂದು ಆಗ್ರಹಿಸಿದರು.

ಜಿಲ್ಲೆಯಲ್ಲಿ ಒಣಗುತ್ತಿರುವ ಬೆಳೆಗಳ ರಕ್ಷಣೆಗೆ ತಕ್ಷಣ ನಾಲೆಗಳಲ್ಲಿ ನೀರು ಹರಿಸಬೇಕು. ಕೆರೆ-ಕಟ್ಟೆಗಳನ್ನು ತುಂಬಿಸಬೇಕು. ಪ್ರಸಕ್ತ ಸಾಲಿನ ಟನ್ ಕಬ್ಬಿಗೆ 3 ಸಾವಿರ ರೂ. ನಿಗದಿ ಮಾಡಬೇಕು. ಭತ್ತ ಖರೀದಿ ಕೇಂದ್ರಗಳಲ್ಲಿ ನಡೆಯುತ್ತಿರುವ ಅವ್ಯವಹಾರಗಳನ್ನು ತಡೆಯಬೇದು ಎಂದೂ ಅವರು ಒತ್ತಾಯಿಸಿದರು.

ವೇದಿಕೆ ಜಿಲ್ಲಾಧ್ಯಕ್ಷ ಎಚ್.ಡಿ.ಜಯರಾಂ, ಕಾರ್ಯದರ್ಶಿ ಪಿ.ಎ.ಜೋಸೆಫ್, ನಗರ ಘಟಕಾಧ್ಯಕ್ಷ ಟಿ.ಕೆ.ಸೋಮಶೇಖರ್, ಚಾಮರಾಜು, ಕಲಾವಿದ ಪ್ರಕಾಶ್, ಕೆಂಪೇಗೌಡ, ಚಂದ್ರಶೇಖರ್, ಪಾಂಡ್ಯನ್, ಸಿ.ಮಂಜುನಾಥ್, ಚಂದಗಾಲು ಶಂಕರ್, ಲಿಂಗೇಗೌಡ, ರವಿ ಹೊಳಲು, ಪುಟ್ಟಸ್ವಾಮಿ, ಹಾಲಿನ ಸಿದ್ದರಾಮು, ಶ್ರೀನಿವಾಸ್, ನಾಗಣ್ಣ ಇತರರು ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದರು.

5 ರಂದು ಬನ್ನೂರು ರಾಜುಗೆ ಮುಳ್ಳೂರು ನಾಗರಾಜ ಕಾವ್ಯ ಪ್ರಶಸ್ತಿ ಪ್ರದಾನ

ಮೈಸೂರು, ಜು.3- ಹಿರಿಯ ಸಾಹಿತಿ ದಿವಂಗತ ಮುಳ್ಳೂರು ನಾಗರಾಜ ಅವರ ಹೆಸರಿನಲ್ಲಿ 2014ನೇ ಸಾಲಿನ ರಾಜ್ಯ ಮಟ್ಟದ ಕಾವ್ಯ ಪ್ರಶಸ್ತಿಗೆ ಭಾಜನರಾಗಿರುವ ಸಾಹಿತಿ, ಪತ್ರಕರ್ತ ಬನ್ನೂರು ರಾಜು ಅವರಿಗೆ ಜುಲೈ 5 ರಂದು ಬೆಳಗ್ಗೆ 11ಕ್ಕೆ ನಗರದ ಕಲಾಮಂದಿರದಲ್ಲಿ ರಂಗವಾಹಿನಿ ಮತ್ತು ನೆಲೆ ಹಿನ್ನೆಲೆ ಸಂಸ್ಥೆಯು ನೀಡಿ ಸತ್ಕರಿಸಲಿದೆ.

ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಎಲ್. ಹನುಮಂತಯ್ಯ ಪ್ರಶಸ್ತಿ ವಿತರಿಸಲಿದ್ದು, ಸಂಸದ ಆರ್. ಧ್ರುವನಾರಾಯಣ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಿದ್ದಾರೆ. ಹಿರಿಯ ಸಾಹಿತಿ ಮಲೆಯೂರು ಗುರುಸ್ವಾಮಿ, ಪ್ರಗತಿಪರ ಚಿಂತಕ ಲಕ್ಷ್ಮಣ ಹೊಸಕೋಟೆ ಅವರು ಮುಳ್ಳೂರು ನಾಗರಾಜರನ್ನು ಕುರಿತು ಮಾತನಾಡುವರು. ಪತ್ರಿಕೋದ್ಯಮಿ ರಾಜಶೇಖರ ಕೋಟಿ ಅಧ್ಯಕ್ಷತೆ ವಹಿಸುವರು. ಮೈಸೂರು ವಿವಿಯ ಡಾ.ಬಿ.ಆರ. ಅಂಬೇಡ್ಕರ್ ಸಂಶೋಧನಾ ಮತ್ತು ವಿಸ್ತರಣ ಕೇಂದ್ರ ಸಂಯೋಜನಾಧಿಕಾರಿ ಡಾ.ಎಸ್. ನರೇಂದ್ರಕುಮಾರ್, ನೆಲೆ ಹಿನ್ನೆಲೆ ಅಧ್ಯಕ್ಷ ಕೆ.ಆರ್. ಗೋಪಾಲಕೃಷ್ಣ, ರಂಗವಾಹಿನಿ ಅಧ್ಯಕ್ಷ ಸಿ.ಎಂ. ನರಸಿಂಹಮೂರ್ತಿ ಭಾಗವಹಿಸಲಿದ್ದಾರೆ.

ಚಾಮರಾಜನಗರದ ಕಲೆ, ಸಾಹಿತ್ಯ, ಸಾಂಸ್ಕೃತಿಕ, ಸಾಮಾಜಿಕ, ಶೈಕ್ಷಣಿಕ ಸೇವಾ ಸಂಸ್ಥೆಯಾದ ರಂಗವಾಹಿನಿ ಸಂಸ್ಥೆಯು ದಲಿತ ಚಳುವಳಿಯ ನೇತಾರ ಹಾಗೂ ಸಾಹಿತಿಯಾಗಿದ್ದ ದಿವಂಗತ ಮುಳ್ಳೂರು ನಾಗರಾಜು ಸ್ಮರಣಾರ್ಥ ಅವರ ಹೆಸರಿನಲ್ಲಿ ಈ ಪ್ರಶಸ್ತಿಯನ್ನು ಪ್ರತಿವರ್ಷ ನೀಡುತ್ತಾ ಬರುತ್ತಿದೆ. ಅದರಂತೆ 2014ನೇ ಸಾಲಿನ ಪ್ರಶಸ್ತಿಗೆ ಬನ್ನೂರು ಕೆ. ರಾಜು ಅವರ ಕರುಳ ಕವಿತೆಗಳು ಕವನ ಸಂಕಲನಕ್ಕೆ ಈ ಪ್ರಶಸ್ತಿ ನೀಡಲಾಗುತ್ತಿದೆ.

ರಾಜು ಪರಿಚಯ

ಬನ್ನೂರು ರಾಜು ತಿ.ನರಸೀಪುರ ತಾಲೂಕಿನ ಬನ್ನೂರಿನವರು. ಸಾಹಿತ್ಯ ಕೃಷಿಕರಾಗಿದ್ದು, ಸಾಮರಸ್ಯದ ಸಮಾಜ ಸೇವೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಮೂರುವರೆ ದಶಕಗಳಿಂದಲೂ ನಾಡು-ನುಡಿ, ದೇಶ-ಭಾಷೆ, ಸಮಾನತೆ, ಭಾವೈಕ್ಯತೆ, ಕಲೆ, ಸಂಸ್ಕೃತಿ, ನಾಟಕ, ಕೋಮು ಸೌಹಾರ್ದತೆ, ಪುಸ್ತಕ, ಪತ್ರಿಕೆ, ಸಂಘಟನೆ, ಹೋರಾಟ.. ಹೀಗೆ ಬಹುಮುಖ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸುತ್ತಾ ಬರುತ್ತಿದ್ದಾರೆ. ಕನ್ನಡ ಸಾಹಿತ್ಯ ಲೋಕಕ್ಕೆ ಹಲವಾರು ಮೌಲಿಕ ಕೃತಿಗಳನ್ನು ಸಮರ್ಪಿಸಿದ್ದಾರೆ.

ಸಾಹಿತ್ಯದ ವಿವಿಧ ಪ್ರಕಾರಗಳಲ್ಲಿ ಇವರ ಇಪ್ಪತ್ತಕ್ಕೂ ಹೆಚ್ಚು ಕೃತಿಗಳು ಪ್ರಕಟವಾಗಿವೆ. ಉದಯೋನ್ಮುಖ ಲೇಖಕರನ್ನು ಪ್ರೋತ್ಸಾಹಿಸವ ಸಲುವಾಗಿ ಹಲವಾರು ಪುಸ್ತಕಗಳನ್ನು ತಮ್ಮ ಪ್ರಕಾಶನ ಸಂಸ್ಥೆಯಿಂದ ಹೊರತಂದಿದ್ದಾರೆ. ನಾಡಿನ ಪ್ರಮುಖ ಪತ್ರಿಕೆಗಳಲ್ಲಿ ಹವ್ಯಾಸಿ ಹಾಗೂ ವೃತ್ತಿಪರ ಕಾಯಕ ಮಾಡಿದ ಅನುಭವವನ್ನೂ ಹೊಂದಿದ್ದು, ಸ್ವಂತವಾಗಿ ಪತ್ರಿಕೆಗಳನ್ನೂ ನಡೆಸಿದ್ದಾರೆ. ಬರವಣಿಗೆಯನ್ನೇ ಬದುಕು ಮಾಡಿಕೊಂಡಿರುವ ಇವರು ನಾಡಿನ ಬಹುತೇಕ ಎಲ್ಲ ಪ್ರಮುಖ ಪತ್ರಿಕೆಗಳಲ್ಲಿಯೂ ವೈವಿಧ್ಯತೆಯ ಲೇಖನಗಳನ್ನು ಬರೆಯುತ್ತಾ ಬರುತ್ತಿದ್ದಾರೆ.

ಜಿಲ್ಲೆಯಲ್ಲಿ ಒಟ್ಟು 8 ಶುದ್ದಗಂಗಾ ಘಟಕಗಳನ್ನು ತೆರೆಯುವಗುರಿ: ಜಿಲ್ಲಾ ಸಂಯೋಜಕ

ಚಾಮರಾಜನಗರ, ಜು.3- ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿಡಾ|| ಡಿ.ವಿರೇಂದ್ರ ಹೆಗ್ಗಡೆಯವರ ಕನಸಿನ ಕೂಸು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿಯೋಜನೆಕರ್ನಾಟಕರಾಜ್ಯದ ವಿವಿಧ ಭಾಗಗಳಲ್ಲಿ ಕಾರ್ಯಚರಿಸುತ್ತಿರುವ ಪ್ರಮುಖ ಸ್ವಯಂ ಸೇವಾ ಸಂಸ್ಥೆಯಾಗಿದೆ.ಗ್ರಾಮೀಣಕೃಷಿಕರ ಮತ್ತು ಮಹಿಳೆಯರ ಸಂಘಟನೆ, ಸಬಲೀಕರಣವನ್ನು ಮುಖ್ಯ ಗುರಿಯಾಗಿಸಿಕೊಂಡು ಸ್ವಸಹಾಯ ಸಂಘಗಳ ರಚನೆ, ಕಿರುಆರ್ಥಿಕ ವ್ಯವಹಾರ,ಆಧುನಿಕ ಕೃಷಿ ಪದ್ಧತಿಗೆ ಪ್ರೋತ್ಸಾಹ, ಹೊಸ ಉದ್ಯೋಗ ಚಟುವಟಿಕೆಗಳು,ಆರೋಗ್ಯ ವಿಮೆ, ಪಿಂಚಣಿಯೋಜನೆ ಇವೇ ಮುಂತಾದ ಕಾರ್ಯಕ್ರಮಗಳನ್ನೊಳಗೊಂಡ ಗ್ರಾಮಾಭಿವೃದ್ಧಿಯೋಜನೆಯೂ ಇದೀಗ ಚಾಮರಾಜನಗರಜಿಲ್ಲೆಯಲ್ಲಿಯೂ ತನ್ನ ಸಂಘಟನಾಕಾರ್ಯಕ್ರಮವನ್ನುಕೈಗೆತ್ತಿಕೊಂಡಿದೆ.

ಕರ್ನಾಟಕರಾಜ್ಯದ ದಕ್ಷಿಣಕನ್ನಡ, ಉಡುಪಿ, ಉತ್ತರಕನ್ನಡ, ಕೊಡಗು, ಶಿವಮೊಗ್ಗ, ಚಿಕ್ಕಮಗಳೂರು, ಧಾರವಾಡ, ಹಾವೇರಿ, ಗದಗ, ತುಮಕೂರು, ಬೆಳಗಾಂ, ಮೈಸೂರು, ಚಿತ್ರದುರ್ಗಾ, ಕೊಪ್ಪಳ, ದಾವಣೆಗೆರೆ, ಮಂಡ್ಯ, ಬೆಂಗಳೂರು ಗ್ರಾಮಾಂತರ, ಹಾಸನ ಬಳ್ಳಾರಿ, ರಾಯಚೂರು, ಬಾಗಲಕೋಟೆ ಜಿಲ್ಲೆಗಳಲ್ಲದೇ ಕಳೆದ ಮೂರುವರ್ಷಗಳಿಂದಚಾಮರಾಜನಗರಜಿಲ್ಲೆಯಲ್ಲಿಯೂ ವಿವಿಧ ಹಂತದಕಾರ್ಯಕ್ರಮದ ಮುಖೇನಕಡುಬಡವರಜೊತೆಯಲ್ಲಿ ಕೆಲಸ ಮಾಡುತ್ತಿರುವಯೋಜನೆಯು ಸಣ್ಣ ಮತ್ತುಅತೀ ಸಣ್ಣ ರೈತರನ್ನೊಳಗೊಂಡ “ಪ್ರಗತಿ ಬಂಧು” ಸ್ವಸಹಾಯ ಗುಂಪುಗಳನ್ನು ಪ್ರಾಯೋಜಿಸುತ್ತದೆ. ಈ ಗುಂಪುಗಳು ಕೃಷಿ ಯಾಂತ್ರೀಕರಣ, ವಿಸ್ತರಣೆ, ಮುಂತಾದ ಮಾಹಿತಿ ಪಡೆದು “ಶ್ರಮ ವಿನಿಮಯ” ಮುಖೇನ ತಮ್ಮ ಸಂಪನ್ಮೂಲ ಬಲವರ್ಧನೆ ಮಾಡಿಕೊಳ್ಳುತ್ತವೆ. ಇದಲ್ಲದೆ ಉಳಿತಾಯ, ಸಾಲ ಪಡೆಯುವಮುಖೇನ ಆರ್ಥಿಕ ಸಂಪನ್ಮೂಲವನ್ನು ಸ್ವಸಹಾಯ ಪದ್ಧತಿಯಲ್ಲಿಕ್ರೂಢೀಕರಸುತ್ತವೆ. ಕೃಷಿಕರಲ್ಲಿಆರ್ಥಿಕ ಮತ್ತು ಸಾಮಾಜಿಕ ಬದಲಾವಣೆಯ ಹರಕಾರರಾಗಿ ಪ್ರಗತಿ ಬಂಧು ಗುಂಪುಗಳು ಈ ಜಿಲ್ಲೆಗಳಲ್ಲಿ ಕೆಲಸ ಮಾಡುತ್ತಿವೆ.

ಅದೇ ರೀತಿ ಗ್ರಾಮೀಣಾ ಮಹಿಳೆಯರ ಸಂಘಟನೆಗಾಗಿ, ಭೂಹೀನರ ಸಾಮಾಜಿಕ, ಆರ್ಥಿಕ ಸಬಲೀಕರಣಕ್ಕಾಗಿಯೋಜನೆಯು “ಜ್ಞಾನವಿಕಾಸ” ಎಂಬ ಹೆಸರಿನ ವಿಶಿಷ್ಟ ಮಹಿಳಾ ಗುಂಪುಗಳನ್ನು ರಚಿಸಿದ್ದು, ಈ ಗುಂಪುಗಳಲ್ಲಿ ಪಾಲ್ಗೊಂಡ ಸದಸ್ಯರು ಗೃಹಾಡಳಿತ, ಕೌಟುಂಬಿಕ ಸಾಮರಸ್ಯ, ಶಿಕ್ಷಣ, ಆರೋಗ್ಯ, ನೈರ್ಮಲ್ಯ ಮುಂತಾದ ವಿಷಯಗಳಲ್ಲಿ ಪರಿಣಿತಿಯನ್ನು ಗಳಿಸುವುದಲ್ಲದೇ, ಸ್ವ-ಉದ್ಯೋಗ, ಉಳಿತಾಯ ಮತ್ತುಆರ್ಥಿಕ ಸಂಪನ್ಮೂಲ ವೃದ್ಧಿ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳುತ್ತಾರೆ.

ಈ ವರ್ಷದಲ್ಲಿ ವಿಶೇಷವಾಗಿ ಕರ್ನಾಟಕ ಸರ್ಕಾರದ ಸಹಭಾಗಿತ್ವದೊಂದಿಗೆಜಿಲ್ಲೆಯ 4 ತಾಲೂಕುಗಳಲ್ಲಿ ಶೆ.75/25 ಅನುಪಾತದಲ್ಲಿ ಸುಮಾರು 2 ಕೋಟಿ ಮೌಲ್ಯದ ಕೃಷಿ ಯಂತ್ರೋಪಕರಣಗಳ ಬಾಡಿಗೆಆಧಾರಿತ ಸೇವಾಕೇಂದ್ರಗಳನ್ನು ಆರಂಭಿಸಿ ರೈತರಿಗೆಕಡಿಮೆದರದಲ್ಲಿ ಯಂತ್ರಗಳನ್ನು ಬಾಡಿಗೆಗೆ ನೀಡಲಾಗುತ್ತಿದೆ.

ಜಿಲ್ಲೆಯಲ್ಲಿಓರ್ವ ನಿರ್ದೇಶಕರು, 4 ಮಂದಿ ಯೋಜನಾಧಿಕಾರಿಗಳು,16 ಮಂದಿ ಪ್ರಬಂಧಕರುಗಳು, 29 ಮಂದಿ ಮೇಲ್ವಿಚಾರಕರುಗಳು,14 ಮಂದಿ ಲೆಕ್ಕಪರಿಶೋಧಕರು,5 ಮಂದಿ ಕೃಷಿ ಮತ್ತು ಹೈನುಗಾರಿಕಾ ಮೇಲ್ವಿಚಾರಕರು, 4 ಮಂದಿ ಜ್ಞಾನವಿಕಾಸ ಸಮನ್ವಯ ಅಧಿಕಾರಿಗಳು, 42 ಮಂದಿ ನಗದು ಸಂಗ್ರಹಾಕರು,29 ಮಂದಿ ಕಛೇರಿ ಸಹಾಯಕರು, 6 ಡ್ರೈವರ್ 4 ಅಟೆಂಡರ್‍ಸೇರಿಒಟ್ಟು154ಖಾಯಂಮಾತಿಸಿಬ್ಬಂದಿಗಳು ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಇದರೊಂದಿಗೆ 271 ಮಂದಿ ಸೇವಾಪ್ರತಿನಿಧಿಗಳು ಗ್ರಾಮ ಮಟ್ಟದಲ್ಲಿಕಾರ್ಯನಿರ್ವಹಣೆಯಲ್ಲಿತೊಡಗಿಕೊಂಡಿರುತ್ತಾರೆ.

ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿಯೋಜನೆ(ರಿ.) ಚಾಮರಾಜನಗರಜಿಲ್ಲೆಯಎಲ್ಲಾ ಗ್ರಾಮಗಳಲ್ಲಿಯೂ ಕಾರ್ಯಯೋಜನೆಯನ್ನು ಹಾಕಿಕೊಂಡಿದ್ದುಇದರಲ್ಲಿ425ಕ್ಕೂ ಮಿಕ್ಕಿದಕಾರ್ಯಕರ್ತರ ಮುಖೇನ ಜಿಲ್ಲೆಯಎಲ್ಲಾ ಗ್ರಾಮಪಂಚಾಂಯ್ತ್‍ಗಳಲ್ಲಿಯು ಕೆಲಸ ಮಾಡುತ್ತಿದ್ದುಮುಂದಿನ 2015-16ರ ಸಾಲಿನ ಕಾರ್ಯಕ್ರಮಗಳ ಕುರಿತಂತೆಕ್ರಿಯಾಯೋಜನೆಯನ್ನುತಯಾರಿಸಲಾಗಿದೆ.ಇದರ ಪ್ರಕಾರ ಈ ವರ್ಷದಲ್ಲಿ 8810 ಸದಸ್ಯರನ್ನು ಒಳಗೊಂಡ 881 ಪ್ರಗತಿಬಂಧು ಸ್ವಸಹಾಯ ಸಂಘಗಳನ್ನು ರಚಿಸಿ ವರ್ಷಾಂತ್ಯಕ್ಕೆಜಿಲ್ಲೆಯಲ್ಲಿ 10000 ಸಂಘಗಳನ್ನು ರಚನೆ ಮಾಡಿ 111520 ಸದಸ್ಯರಿಗೆಸಬಲೀಕರಣದ ಬಗ್ಗೆ ಸೂಕ್ತ ತರಬೇತಿ ಮತ್ತು ಹಣಕಾಸಿನ ಸಹಾಯವನ್ನುಒದಗಿಸಲಾಗುತ್ತದೆ. ಎಲ್ಲಾ ಸಂಘಗಳ ಸದಸ್ಯರಿಂದಈ ವರ್ಷದಲ್ಲಿ1095.33 ಲಕ್ಷಉಳಿತಾಯ ಮಾಡಿಸುವಗುರಿ ಹಾಗೂ ಸುಮಾರು92ಕೋಟಿ ಬ್ಯಾಂಕಿನಿಂದ ಸಾಲ(ಪ್ರಗತಿನಿಧಿ)ಕೊಡಿಸುವಗುರಿ ಹೊಂದಲಾಗಿದೆ.

ಕೃಷಿಗೆ ಪೂರಕವಾದ ಮತ್ತುಕೃಷಿಯೇತರ ಚಟುವಟಿಕೆಗಳಾದ ಹ್ಯನುಗಾರಿಕೆ, ಕುರಿ ಮತ್ತುಆಡು ಸಾಕಣೆ,ಅಲ್ಪಾವಧಿಕೃಷಿಯಾದ ಪುಷ್ಪ ಕೃಷಿ, ಹಣ್ಣು ಹಂಪಲು ಮತ್ತುತರಕಾರಿ ಮುಂತಾದ ಚಟುವಟಿಕೆಗಳ ಬಗ್ಗೆ ಸುಮಾರು5250 ಸದಸ್ಯರಿಗೆ105ರೈತಕ್ಷೇತ್ರ ಪಾಠಶಾಲೆಮೂಲಕ ತರಬೇತಿಗೊಳಿಸಲಾಗುತ್ತದೆ. ನಮ್ಮ ನಮ್ಮ ಪರಿಸರ ಸ್ವಚ್ಛವಾಗಿಟ್ಟುಕೊಂಡುಆರೋಗ್ಯ ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿಜನರಲ್ಲಿಅರಿವು ಮೂಡಿಸಿ ಶೌಚಾಲಯ ನಿರ್ಮಿಸಿಕೊಳ್ಳಲು ಸುಮಾರು35.50 ಲಕ್ಷಅನುದಾನದಲ್ಲಿ3550 ಕುಟುಂಬಗಳಿಗೆ ಸಹಾಯ ನೀಡಲಾಗುತ್ತದೆ. ಹಾಗೆಯೇ ಸ್ವಚ್ಛತಾ ಸಂಸ್ಕೃತಿಯನ್ನು ಮತ್ತು ನಾಗರೀಕ ಪ್ರಜ್ಞೆಯನ್ನುಅರಿತುಕೊಂಡು ಸ್ವಚ್ಛತೆಯು ನಮ್ಮ ಸ್ವಾಭಿಮಾನದ ಸಂಕೇತ ಎಂಬ ನೆಲೆಯಲ್ಲಿ ನಾಗರೀಕರಿಗೆ ಜಾಥಾ, ತರಬೇತಿಗಳ ಮೂಲಕ ತಿಳುವಳಿಕೆ ನೀಡಲಾಗುತ್ತದೆ.

ಪರಿಸರ ಸಂರಕ್ಷಿಸುವ ನಿಟ್ಟಿನಲ್ಲಿ ಬದಲಿ ಇಂಧನಗಳಾದ ಗೋಬರ್ ಅನಿಲ ಸ್ಥಾವರ190ಕುಟುಂಬದಲ್ಲಿ, 300ಕುಟುಂಬದಲ್ಲಿ ಸೋಲಾರ್ ಅಳವಡಿಕೆಗೆ ಪ್ರೋತ್ಸಾಹ ಮತ್ತುಅನುದಾನವನ್ನುಒದಗಿಸಲಾಗುತ್ತದೆ.ಹೊಸ ಪ್ರದೇಶದಲ್ಲಿಯೋಜನೆಯನ್ನು ಸೇರ ಬಯಸುವ ಸದಸ್ಯರಿಗೆ, ಕೃಷಿಯಲ್ಲಿಉತ್ತಮ ಸಾಧನೆ ಮಾಡಿರುವ ಘಟಕಗಳ ವೀಕ್ಷಣೆ ಹಾಗೂ ಕೃಷಿ ವಿಶ್ವ ವಿದ್ಯಾನಿಲಯಗಳ ವೀಕ್ಷಣೆ ಮುಂತಾದ ಉದ್ದೇಶಗಳಿಗಾಗಿ ಸುಮಾರು 85 ಅಧ್ಯಯನ ಪ್ರವಾಸದ ಮೂಲಕ 3750 ಮಂದಿಗೆ ಅವಕಾಶ ಕಲ್ಪಿಸಲಾಗುವುದು.

ಈ ವರ್ಷದಲ್ಲಿಚಾಮರಾಜನಗರ ಜಿಲ್ಲೆಯಲ್ಲಿ ಒಟ್ಟು 8 ಶುದ್ದಗಂಗಾ ಘಟಕಗಳನ್ನು ತೆರೆಯುವಗುರಿಯನ್ನು ಹಾಕಿಕೊಳ್ಳಲಾಗಿದೆ. ಮದ್ಯವ್ಯಸನಿಗಳನ್ನು ಮದ್ಯಮುಕ್ತರನ್ನಾಗಿ ಮಾಡಲುಜನಜಾಗೃತಿ ವೇದಿಕೆಯಜನ ಸಂಘಟನೆಯ ಮೂಲಕ ಮದ್ಯವರ್ಜನ ಶಿಬಿರಗಳನ್ನು ಆಯೋಜಿಸುತ್ತಿದ್ದು, ಈ ವರ್ಷದಲ್ಲಿ 5 ಶಿಬಿರಗಳನ್ನು ಹಮ್ಮಿಕೊಂಡಿದ್ದು, 500 ಮಂದಿಯನ್ನು ಪಾನಮುಕ್ತರನ್ನಾಗಿ ಮಾಡುವಗುರಿಯನ್ನು ಹೊಂದಲಾಗಿದೆ ಎಂದು ಜಿಲ್ಲಾ ನಿರ್ದೇಶಕರು ಪತ್ರಿಕೆಗೆ ತಿಳಿಸಿದ್ದಾರೆ.

ಉಡುಗೊರೆಗಳ ಆಮೀಷ: ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿಡಾ|| ಡಿ.ವಿರೇಂದ್ರ ಹೆಗ್ಗಡೆಯವರ ಕನಸಿನ ಕೂಸು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿಯೋಜನೆಕರ್ನಾಟಕರಾಜ್ಯದ ವಿವಿಧ ಭಾಗಗಳಲ್ಲಿ ಕಾರ್ಯಚರಿಸುತ್ತಿರುವ ಪ್ರಮುಖ ಸ್ವಯಂ ಸೇವಾ ಸಂಸ್ಥೆಯಾಗಿದೆ ವಾರ್ಷಿಕ ಪ್ರಚಾರ ಪಡೆಯುವ ನಿಟ್ಟಿನಲ್ಲಿ ಪತ್ರಿಕಾಗೋಷ್ಟಿಯಲ್ಲಿ ಉಡುಗೊರೆ ನೀಡುವ ಮೂಲಕ ಆಮೀಷ ಒಡ್ಡಿದ್ದರಿಂದ ಒಂದೆ ಪತ್ರಿಕೆಯಿಂದ ಎರಡು ಮೂವರು ಪತ್ರಿಕಾಗೋಷ್ಟಿಗೆ ಹಾಜರಾಗುವ ಮೂಲಕ ಆಮೀಷಕ್ಕೆ ಬಲಿಯಾಗಿದ್ದಾರೆ ಎಂದರೆ ತಪ್ಪಾಗಲಾರದು.

ಕುರಿ, ಮೇಕೆ, ಹಂದಿ ಸಾಕಾಣಿಕೆಗೆ ಸಹಾಯಧನ : ಪ್ರಯೋಜನಕ್ಕೆ ಮನವಿ

ಚಾಮರಾಜನಗರ, ಜು. 03- ಪಶುಪಾಲನಾ ಇಲಾಖೆಯು ರಾಷ್ಟ್ರೀಯ ಕೃಷಿ ವಿಕಾಸ ಯೋಜನೆಯಡಿ ಕುರಿ, ಮೇಕೆ ಘಟಕ ಹಾಗೂ ಹಂದಿ ಘಟಕಕ್ಕೆ ಸಹಾಯಧನ ನೀಡಲಿದೆ.

ಕುರಿ, ಮೇಕೆ, ಹಂದಿ ಸಾಕಾಣಿಕೆ ಅಭಿವೃದ್ಧಿಗಾಗಿ ಸಹಾಯಧನ ಲಭಿಸಲಿದೆ. ಕುರಿ ಮೇಕೆ ಘಟಕಕ್ಕೆ ಶೇ.25ರಷ್ಟು ಅಥವಾ 12500 ರೂ. ಮತ್ತು ಹಂದಿ ಘಟಕಕ್ಕೆ ಶೇ. 25ರಷ್ಟು ಅಥವಾ 25000 ರೂ. ಸಹಾಯಧನ ಕೊಡಲಾಗುತ್ತದೆ.

ಜಿಲ್ಲೆಯ ಆಸಕ್ತರು, ರೈತರು ಚಾಮರಾಜನಗರ, ಗುಂಡ್ಲುಪೇಟೆ, ಕೊಳ್ಳೇಗಾಲ ಹಾಗೂ ಯಳಂದೂರು ತಾಲೂಕಿನ ಪಶು ಆಸ್ಪತ್ರೆಯ ಸಹಾಯಕ ನಿರ್ದೇಶಕರು ಸಂಪರ್ಕಿಸಿ ಪ್ರಯೋಜನ ಪಡೆಯಬೇಕು.

ವಿವರಗಳಿಗೆ ಚಾಮರಾಜನಗರ (ದೂ.ಸಂಖ್ಯೆ 08226-222757), ಗುಂಡ್ಲುಪೇಟೆ (08229-222346), ಕೊಳ್ಳೇಗಾಲ (ದೂ.ಸಂಖ್ಯೆ 08224-252215), ಯಳಂದೂರು (08226-240128) ಸಂಪರ್ಕಿಸುವಂತೆ ಪಶುಪಾಲನೆ ಇಲಾಖೆಯ ಉಪನಿರ್ದೇಶಕರು ತಿಳಿಸಿದ್ದಾರೆ.

ಬಾಳೆ,ಟೊಮೊಟೋ,ಈರುಳ್ಳಿ ರೋಗ ಕೀಟ ನಿಯಂತ್ರಣಕ್ಕೆ ಕೃಷಿ ಇಲಾಖೆ ಸಲಹೆ

ಚಾಮರಾಜನಗರ, ಜು. 03- ಗುಂಡ್ಲುಪೇಟೆ ತಾಲೂಕಿನ ವಿವಿದೆಡೆ ಬಾಳೆ, ಟೊಮೆಟೋ ಹಾಗೂ ಈರುಳ್ಳಿ ಬೆಳೆಗಳಲ್ಲಿ ಕಂಡುಬಂದಿರುವ ರೋಗ ಹಾಗೂ ಕೀಟಗಳ ಹಾವಳಿ ನಿಯಂತ್ರಣಕ್ಕಾಗಿ ಕೃಷಿ ಇಲಾಖೆ ರೈತರಿಗೆ ಕೆಲವು ಸಲಹೆ ನೀಡಿದೆ.

ಬಾಳೆಯಲ್ಲಿ ಎಲೆ ಚುಕ್ಕೆ ರೋಗ (ಎಲೆಗಳ ಮೇಲೆ ಕಂದುಬಣ್ಣದ ಚುಕ್ಕೆಗಳು ಕಂಡುಬಂದು ದೊಡ್ಡದಾಗಿ ಒಂದಕ್ಕೊಂದು ಕೂಡಿಕೊಂಡು ಎಲೆ ಸುಟ್ಟಂತೆ ಕಾಣುವುದು), ಕಂಡುಬಂದಲ್ಲಿ ರೋಗಕ್ಕೆ ತುತ್ತಾದ 1 ರಿಂದ 2 ಕೆಳ ಎಲೆಯನ್ನು ತೆಗೆದು ತೋಟದಿಂದ ಹೊರಹಾಕಿ 1 ಮಿ.ಲೀ. ಪ್ರೊಫಿಕೊನಾಜೋಲ್ ಅನ್ನು 1 ಲೀ. ನೀರಿನಲ್ಲಿ ಬೆರೆಸಿ ಸಿಂಪಡಣೆ ಮಾಡಬೇಕು.

ನಾಟಿಗೆ ಬಳಸುವ ಕಂದುಗಳನ್ನು ನಾಟಿಗೆ ಮುಂಚೆ ಶೇ. 1ರಷ್ಟು ಕಾರ್ಬನ್ ಡೈಜಿಯಂ ದ್ರಾವಣದಲ್ಲಿ ಅದ್ದಿ ನಾಟಿಗೆ ಬಳಸಬೇಕು. ಗೊಣ್ಣೆ ಹುಳುವಿನಿಂದ ಬಾಧೆಗೆ 5 ರಿಂದ 10 ಮಿ.ಲೀ. ಕ್ಲೋರೋಫೈರಿಫಾಸ್ 20 ಇಸಿ. ಯನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಗಿಡದ ಸುತ್ತಲೂ ಸುರಿಯಬೇಕು.

ಟೊಮೆಟೋ ಬೆಳೆಯಲ್ಲಿ ಎಲೆ ಮುರುಟು ರೋಗಕ್ಕೆ 1.7 ಮಿ.ಲೀ. ಡೈಮಿಥೋಯೇಟ್ 30 ಇಸಿ ಅಥವಾ 0.25 ಮಿ.ಲೀ. ಇಮಿಡಾಕ್ಲೋಪ್ರಿಡ್ ಅನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ ರೋಗವಾಹಕಗಳನ್ನು ನಾಶಪಡಿಸಬೇಕು.

ಈರುಳ್ಳಿ ಎಲೆ ಮಚ್ಚೆ ರೋಗವನ್ನು ನಿವಾರಿಸಲು 2 ಗ್ರಾಂ ಮ್ಯಾಂಕೋಜೆಬ್ ಅನ್ನು 1 ಲೀ. ನೀರಿನಲ್ಲಿ ಬೆರೆಸಿ ರೋಗ ಕಂಡುಬಂದಾಗ 15 ದಿನಗಳ ಅಂತರದಲ್ಲಿ 2 ಬಾರಿ ಸಿಂಪಡಿಸಬೇಕು.

ರೋಗ ಹತೋಟಿ ಸಂಬಂಧ ಇನ್ನು ಹೆಚ್ಚಿನ ಮಾಹಿತಿಗಾಗಿ ಗುಂಡ್ಲುಪೇಟೆ ತೋಟಗಾರಿಕಾ ಇಲಾಖೆ ಕಚೇರಿ ಸಂಪರ್ಕಿಸುವಂತೆ ಇಲಾಖೆಯ ಹಿರಿಯ ಸಹಾಯಕ ನಿರ್ದೇಶಕರು ತಿಳಿಸಿದ್ದಾರೆ.

ಅವೈಜ್ಞಾನಿಕತೆಯಿಂದ ಕೂಡಿದ ಚರಂಡಿ ಕಾಮಗಾರಿ-ರಸ್ತೆಯ ಮೇಲೆ ಉರುಳುತ್ತಿದೆ ಮಳೆ ನೀರು

ಮಡಿಕೇರಿ, ಜು.3- ಲೋಕೋಪಯೋಗಿ ಇಲಾಖೆ ವತಿಯಿಂದ ಪ್ರವಾಸಿತಾಣ ಅಬ್ಬಿಫಾಲ್ಸ್‍ಗೆ ತೆರಳುವ ರಸ್ತೆಯಲ್ಲಿ ನಿರ್ಮಿಸಿರುವ ಚರಂಡಿ ಕಾಮಗಾರಿ ಅವೈಜ್ಞಾನಿಕತೆಯಿಂದ ಕೂಡಿದ್ದು, ಕೂಡಲೇ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.

ಸುಮಾರು 1 ಕೋಟಿ ವೆಚ್ಚದಲ್ಲಿ 1.5 ಕಿ.ಮೀ. ರಸ್ತೆ ಬದಿ ನಿರ್ಮಿಸಿರುವ ಚರಂಡಿ ಹಲೆವೆಡೆ ರಸ್ತೆಗಿಂತಲೂ ಎತ್ತರಕ್ಕೆ ನಿರ್ಮಿಸಲಾಗಿದೆ. ಅಲ್ಲದೆ, ರಸ್ತೆಯ ನೀರು ಚರಂಡಿಯಲ್ಲಿ ಹೋಗಲು ರಸ್ತಗಿಂತಲೂ ಎತ್ತರದಲ್ಲಿರುವ ಕಾಂಕ್ರೀಟ್ ಚರಂಡಿಯನ್ನು ಒಡೆದು ರಸ್ತೆ ಬದಿ ಮಣ್ಣಿನ ದಿಬ್ಬಗಳನ್ನು ನಿರ್ಮಿಸಲಾಗಿದೆ. ಈಗಾಗಲೇ ಆರಂಭಗೊಂಡಿರುವ ಮಳೆಗೆ ಮಣ್ಣಿನ ದಿಬ್ಬಗಳು ಕೊಚ್ಚಿಹೋಗುತ್ತಿದ್ದು, ನೀರು ಮತ್ತೆ ರಸ್ತೆಯಲ್ಲೇ ಹರಿಯುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಕಳೆದ ವರ್ಷವೂ ರಸ್ತೆಯಲ್ಲೇ ಮಳೆ ನೀರು ಹರಿದು ರಸ್ತೆ ಬಹುತೇಕ ಹಾನಿಗೀಡಾಗಿತ್ತು.

ಇನ್ನು ಚರಂಡಿ ನಿರ್ಮಿಸುವ ಸಂದರ್ಭದಲ್ಲಿ ಯಾವುದೇ ಮುಂಜಾಗ್ರತಾ ಕ್ರಮವನ್ನು ಕೈಗೊಂಡಿಲ್ಲ. ಅಪಾಯಕಾರಿಯಾಗಿರುವ ತಿರುವು ರಸ್ತೆಯಲ್ಲಿ ಚರಂಡಿ ನಿರ್ಮಿಸಲಾಗಿದ್ದು, ವಾಹನಗಳು ಚರಂಡಿಗಿಳಿಯುವ ಭೀತಿ ಎದುರಾಗಿದೆ. ಚರಂಡಿ ಮೇಲ್ಭಾಗ ಮುಚ್ಚದಿದ್ದಲ್ಲಿ ಬಾರೀ ಅಪಾಯ ಉಂಟಾಗುವ ಸಾಧ್ಯತೆ ಇದ್ದು, ಈ ಬಗ್ಗೆ ಕೂಡಲೇ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.

ಕನ್ನಡದ ಗಾಳಿಪಟ ಚಿತ್ರದ ಚಿತ್ರೀಕರಣ ಬಳಿಕ ಪ್ರಮುಖ ಪ್ರವಾಸಿ ತಾಣವಾಗಿ ಗುರುತಿಸಲ್ಪಟ್ಟಿರುವ ಮಾಂದಲ್‍ಪಟ್ಟಿ(ಮುಗಿಲುಪೇಟೆ)ಗೂ ಇದೇ ರಸ್ತೆಯಲ್ಲಿ ಸಂಚರಿಸಬೇಕಾಗಿದೆ. ದಿನದಲ್ಲಿ ನೂರಾರು ಸಂಖ್ಯೆಯ ಪ್ರವಾಸಿ ವಾಹನಗಳು ಇದೇ ರಸ್ತೆಯಲ್ಲಿ ಸಂಚರಿಸುತ್ತಿದ್ದು, ವಾರದ ಕೊನೆಯ ದಿನಗಳಲ್ಲಿ ವಾಹನ ದಟ್ಟಣೆ ಹೆಚ್ಚಾಗಿರುತ್ತದೆ. ಅಲ್ಲದೆ, ಮೆಡಿಕಲ್ ಕಾಲೇಜು ನಿರ್ಮಾಣವಾಗುತ್ತಿರುವ ಸ್ಥಳಕ್ಕೂ ಇದೇ ರಸ್ತೆಯಲ್ಲಿ ತೆರಳಬೇಕಾಗುತ್ತದೆ. ಮೆಡಿಕಲ್ ಕಾಲೇಜು ನಿರ್ಮಾಣಕ್ಕೆ ತರಲಾಗುವ ಮರಳು, ಜಲ್ಲಿ ಮತ್ತಿತರ ಸಾಮಾಗ್ರಿಗಳನ್ನು ಘನ ವಾಹನಗಳ ಮೂಲಕ ಇದೇ ರಸ್ತೆಯಲ್ಲೇ ತರಲಾಗುತ್ತಿದೆ.

ವಾಹನಗಳು ದಾರಿ ಬಿಡುವ ಸಂದರ್ಭದಲ್ಲಿ ರಸ್ತೆ ಬದಿಯಲ್ಲಿರುವ ಬೇಲಿಗೆ ಬೀಳುವ ಭೀತಿ ಒಂದೆಡೆಯಾದರೆ, ಮತ್ತೊಂದೆಡೆ ಅವೈಜ್ಞಾನಿಕವಾಗಿ ನಿರ್ಮಿಸಿರುವ ಚರಂಡಿಗೆ ಬೀಳುವ ಭೀತಿ ಎದುರಾಗಿದೆ. ಈಗಾಗಲೇ ಹಲವು ವಾಹನಗಳು ಬೇಲಿಗೆ ಬಿದ್ದ ಉದಾಹರಣೆಗಳಿದ್ದು, ಸಂಬಂಧಪಟ್ಟ ಇಲಾಖೆ ಆದಷ್ಟೂ ಶೀಘ್ರದಲ್ಲಿ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಪ್ರವಾಸಿಗರು ಮತ್ತು ಸ್ಥಳೀಯರು ಆಗ್ರಹಿಸಿದ್ದಾರೆ.

ಲಾರಿ ನಿಲುಗಡೆಯಿಂದ ಎದುರಾಗಿದೆ ಜನತೆಗೆ ಸಂಕಷ್ಟ

ಕುಶಾಲನಗರ, ಜು.3- ಜಿಲ್ಲೆಯಲ್ಲಿ ಹೆಚ್ಚಿನ ಬಾರವಿರುವ ಸರಕುಗಳನ್ನು ಹೊತ್ತು ಸಾಗುವ ಲಾರಿಗಳ ಸಂಚಾರಕ್ಕೆ ನಿಷೇದವಿದಿಸಲಾಗಿದೆ.ಆದರೆ ಈ ನಿಯಮವನ್ನು ಉಲ್ಲಂಘಿಸಿ ಅನೇಕ ಲಾರಿಗಳು ಸರಕು ಸರಂಜಾಮುಗಳನ್ನು ಹೊತ್ತು ಜಿಲ್ಲೆಯ ಮೂಲಕವೆ ಹೊರಜಿಲ್ಲೆಗೆ ತೆರಳುತ್ತಿವೆ ಇಂತಹ ಲಾರಿಗಳನ್ನು ತಡೆದು ಸಾರಿಗೆ ಇಲಾಖೆ ವಶಕ್ಕೆ ಪಡೆದುಕೊಂಡಿದೆ.ಹಾಗೆ ವಶಪಡಿಸಿಕೊಂಡ ಲಾರಿಗಳನ್ನು ಪಟ್ಟಣದ ಪೊಲೀಸ್ ಠಾಣೆಯ ಬಳಿ ನಿಲುಗಡೆಗೊಳಿಸಲಾಗುತ್ತಿದೆ.

ಇದರಿಂದ ಈಗ ಜನತೆಗೆ ಸಂಕಷ್ಟ ಎದುರಾಗಿದೆ.ಈ ಆವರಣದಲ್ಲಿ ನಾಡಕಛೇರಿ ನೆಮ್ಮದಿ ಕೇಂದ್ರ ಇರುವುದರಿಂದ ದಿನನಿತ್ಯ ನೂರಾರು ಜನ ಕೆಲಸಕಾರ್ಯಗಳಿಗೆ ಇತ್ತ ತೆರುಳುತ್ತಾರೆ.ಆದ್ರೆ ಹಾಗೆ ಬಂದ ಜನತೆಗೆ ತಮ್ಮ ವಾಹನಗಳನ್ನು ನಿಲುಗಡೆಗೊಳಿಸಲು ಸ್ಥಳವಕಾಶದ ಕೊರತೆ ಕಾಡುತ್ತಿದೆ.ಇದರಿಂದ ರಸ್ತೆ ಬದಿಯಲ್ಲಿ ವಾಹನ ನಿಲುಗಡೆಗೊಳಿಸಬೇಕಾದ ಪರಿಸ್ಥಿ ಇದೆ.ಇದರಿಮದ ಅಸಮಾಧಾನಗೊಂಡಿರುವ ನಾಗರೀಕರು ಲಾರಿಗಳನ್ನು ನಿಲುಗಡೆಗೊಳಿಸಲು ಪರ್ಯಾಯ ಸ್ಥಳ ಹುಡುಕಬೇಕೆಂದು ಒತ್ತಾಯಿಸಿದ್ದಾರೆ.

ರಾಮನಾಥತುಂಗ ಗ್ರಾ.ಪಂ ಜೆಡಿಎಸ್ ತೆಕ್ಕೆಗೆ

ಪಿರಿಯಾಪಟ್ಟಣ, ಜು.3- ತಾಲೂಕಿನ ರಾಮನಾಥತುಂಗ ಗ್ರಾಮ ಪಂಚಾಯಿತಿ ಜೆಡಿಎಸ್ ಬೆಂಬಲಿತರ ಪಾಲಾಗಿದ್ದು ಅಧ್ಯಕ್ಷರಾಗಿ ವೀಣಾ ಹಾಗೂ ಉಪಾಧ್ಯಕ್ಷರಾಗಿ ಶಿವರಾಜು ಆಯ್ಕೆಯಾಗಿದ್ದಾರೆ.

ರಾಮನಾಥತುಂಗ ಗ್ರಾ.ಪಂ.ನಲ್ಲಿ 17 ಮಂದಿ ಸದಸ್ಯರಿದ್ದು ಅಧ್ಯಕ್ಷ ಪದವಿಯು ಬಿಸಿಎಂ ಎ ಮಹಿಳೆಗೆ ಮೀಸಲಾಗಿದ್ದು ಜೆಡಿಎಸ್ ಬೆಂಬಲಿತ ವೀಣಾ ಹಾಗೂ ಕಾಂಗ್ರೆಸ್ ಬೆಂಬಲಿತ ಕುಮಾರಿ ಅಧ್ಯಕ್ಷ ಪದವಿಗೆ ನಾಮಪತ್ರ ಸಲ್ಲಿಸಿದ್ದರು. ವೀಣಾ 11 ಮತಪಡೆದು ಜಯಶಾಲಿಯಾದರೆ ಕುಮಾರಿ 6 ಮತಪಡೆದು ಪರಾಭವಗೊಂಡರು. ಉಪಾಧ್ಯಕ್ಷ ಸ್ಥಾನ ಸಾಮಾನ್ಯ ವರ್ಗಕ್ಕೆ ಮೀಸಲಾಗಿದ್ದು ಜೆಡಿಎಸ್ ಬೆಂಬಲಿತ ಶಿವರಾಜು ಹಾಗೂ ಕಾಂಗ್ರೆಸ್ ಬೆಂಬಲಿತ ಮುತ್ತುರಾಜು ಉಪಾಧ್ಯಕ್ಷ ಸ್ಥಾನಕ್ಕೆ ನಾಮಪತ್ರ ಸಲ್ಲಿಸಿದ್ದರು. ಶಿವರಾಜು 11 ಮತಪಡೆದು ಆಯ್ಕೆಯಾದರೆ ಮುತ್ತುರಾಜು 6 ಮತಪಡೆದು ಪರಾಭವಗೊಂಡರು.

ಈ ಸಂದರ್ಭದಲ್ಲಿ ಚುನಾವಣಾಧಿಕಾರಿ ಬಿಇಒ ಆರ್.ಕರೀಗೌಡ ಕಾರ್ಯನಿರ್ವಹಿಸಿದರು. ಪಿಡಿಒ ಪ್ರಶಾಂತ್, ಬಿಲ್‍ಕಲೆಕ್ಟರ್ ರಾಘವೇಂದ್ರ, ಕಾರ್ಯದರ್ಶಿ ಸಂತೋಷ್, ಸದಸ್ಯರಾದ ಸರಸ್ವತಿ, ವಿಶ್ವನಾಥ್, ಸುಜಾತ, ಹರೀಶ್, ಕಮಲಮ್ಮ, ಮಣಿಯಮ್ಮ, ಕುಮಾರ್, ಸ್ವಾಮಿಗೌಡ, ತಾ.ಪಂ.ಸದಸ್ಯ ಆರ್.ಎಸ್.ಮಹದೇವ್, ಮುಖಂಡರಾದ ಆರ್.ಎಸ್.ಜವರೇಗೌಡ, ಆರ್.ಪಿ.ಬೋರೆಗೌಡ, ಕೆಂಪೇಗೌಡ, ಆಸೀಫ್, ಸೇರಿದಂತೆ ಮತ್ತಿತರರು ಹಾಜರಿದ್ದರು.