16.25 ಕೋಟಿ ಕಬ್ಬಿನ ಬಾಕಿ ನೀಡುವಂತೆ ಒತ್ತಾಯಿಸಿ ರಸ್ತೆ ತಡೆ

ಪಾಂಡವಪುರ: ಸೆ.2- ಪಾಂಡವಪುರ ಸಹಕಾರ ಸಕ್ಕರೆ ಕಾರ್ಖಾನೆ(ಪಿಎಸ್‍ಎಸ್‍ಕೆ)ಯೂ 2014-15ನೇ ಸಾಲಿನಲ್ಲಿ ರೈತರಿಗೆ ನೀಡಬೇಕಿರುವ ಸುಮಾರು 16.25 ಕೋಟಿ ಕಬ್ಬಿನ ಬಾಕಿ ನೀಡುವಂತೆ ಒತ್ತಾಯಿಸಿ ಪುರಸಭೆ ಮಾಜಿ ಅಧ್ಯಕ್ಷ ಹೊನ್ನಗಿರೀಗೌಡ ನೇತೃತ್ವದಲ್ಲಿ ಕಾರ್ಖಾನೆ ಎದುರು ಪ್ರತಿಭಟನೆ ಧರಣಿ ನಡೆಸಿ ನಂತರ ರಸ್ತೆತಡೆದು ಪ್ರತಿಭಟನೆ ನಡೆಸಿದರು.

ಕಾರ್ಖಾನೆಯ ಎದುರು ಜಮಾಹಿಸಿ ಪ್ರತಿಭಟನಾಕಾರರು ಕಾರ್ಖಾನೆ ಎದುರು ಕೆಲಕಾಲ ಪ್ರತಿಭಟನಾ ಧರಣಿ ನಡೆಸಿ ನಂತರ ಕಾರ್ಖಾನೆ ಎದುರಿನ ಶ್ರೀರಂಗಪಟ್ಟಣ-ಬೀದರ್ ರಸ್ತೆ ತಡೆದು ಪ್ರತಿಭಟನೆ ನಡೆಸಿ ಕಾರ್ಖಾನೆ ಆಡಳಿತ ಮಂಡಳಿ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದರು, ಇದರಿಂದ ಕೆಲಕಾಲ ಸಂಚಾರ ವ್ಯವಸ್ಥೆಯಲ್ಲಿ ಅಸ್ಥವ್ಯಸ್ಥವಾಗಿತ್ತು.

ಕಾರ್ಖಾನೆಯಲ್ಲಿ 2010ರಿಂದ ಇಲ್ಲಿಯ ವರೆಗೆ ನಡೆದಿರುವ ಅವ್ಯವಹಾರಗಳು, ಹಣಕಾಸು ಮತ್ತು ಲೆಕ್ಕ ಪತ್ರ ಅವ್ಯವಹಾರಗಳ ಬಗ್ಗೆ ತನಿಖೆ ನಡೆಸಿ ತಪ್ಪಿತಸ್ಥರ ವಿರುದ್ದ ಕ್ರಮಕೈಗೊಳ್ಳಬೇಕು. ಸರಕಾರ ಮಧ್ಯೆ ಪ್ರವೇಶಿಸಿ ಸನ್ನಿಧಾನಿಕ ಆಡಳಿತಕ್ಕೆ ಹೆಚ್ಚು ಹೊತ್ತುಕೊಡುವ ಮೂಲಕ ಮಾನವ ಹಕ್ಕು ಮತ್ತು ಮೌಲ್ಯಗಳನ್ನು ಕಾಪಾಡುವುದರೊಂದಿಗೆ ಕಾರ್ಖಾನೆಯ ಆಡಳಿತ ಮತ್ತು ಹಣಕಾಸು ವ್ಯವಹಾರಗಳನ್ನು ಸರಕಾರವೇ ನಡೆಸಬೇಕು ಎಂದು ಸರಕಾರಕ್ಕೆ ಮನವಿ ಮಾಡಿದರು.

ಹಾಗಾಗಿ ಕೂಡಲೆ ಜಿಲ್ಲಾಡಳಿತ ಈ ಬಗ್ಗೆ ಕ್ರಮಕೈಗೊಳ್ಳಬೇಕು ಇಲ್ಲವಾದರೆ ನಮ್ಮ ಮುಂದಿನ ನಡೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ದೂರುಸಲ್ಲಿಸಲಾಗುವುದು ಎಂದು ಎಚ್ಚರಿಸಿದರು.

ಕಳೆದ 2014-15ನೇ ಸಾಲಿನಲ್ಲಿ ಪಿಎಸ್‍ಎಸ್‍ಕೆ ಕಾರ್ಖಾನೆಗೆ ಕಬ್ಬು ಪೂರೈಸಿದ ರೈತರಿಗೆ ಸುಮಾರು 16.25 ಕೋಟಿ ಬಾಕಿ ಹಣ ನೀಡಬೇಕು. ಜತೆಗೆ ಕಾರ್ಖಾನೆಯ ದುರಾಡಳಿತದಿಂದ ಕಾರ್ಖಾನೆಯಲ್ಲಿ ಸಾಕಷ್ಟು ಭ್ರಷ್ಟಾಚಾರ ನಡೆದಿದೆ ಈ ಬಗ್ಗೆ ಉತ್ತನ ಮಟ್ಟದ ಅಧಿಕಾರಿಗಳಿಂದ ತನಿಖೆಯಾಗಬೇಕು. ಅಲ್ಲದೆ ಇಲ್ಲಿ ಕೆಲಸ ಮಾಡುವಂತಹ ಕಾರ್ಮಿಕರ ಮೇಲೆ ನಿರಂತರವಾಗಿ ಷೋಷಣೆ ನಡೆಯುತ್ತಿದೆ. ಇಲ್ಲಿ ಸುಮಾರು 18 ವರ್ಷಗಳ ಕಾಲ ಕ್ಲರ್ಕ್ ಟ್ರೈನಿಯಾಗಿ ಸೇವೆ ಸಲ್ಲಿಸಿದಂತಹ ಹೆಚ್.ಪುಷ್ಪಾರವರನ್ನು ವಜಾಮಾಡಿದ್ದಾರೆ ಈ ಬಗ್ಗೆ ಜಿಲ್ಲಾಡಳಿತ ಮಧ್ಯೆ ಪ್ರವೇಶಿಸಿ ಸೂಕ್ತ ಕ್ರಮಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.

ಪ್ರತಿಭಟನೆಯಲ್ಲಿ ರೈತಸಂಘದ ಮುಖಂಡರಾದ ಕಿರಂಗೂರು ಪಾಪು, ಜವರೇಗೌಡ, ಶ್ರೀಕಂಠಯ್ಯ ಹಾಗೂ ರೈತಮುಖಂಡರಾದ ಮರಿಸ್ವಾಮಿಗೌಡ, ಚುಂಚೇಗೌಡ, ರವೀಂದ್ರ, ದಳವಾಯಿಗೌಡ, ತಾಲೂಕು ಬಿಜೆಪಿ ಅಧ್ಯಕ್ಷ ಶಿವಲಿಂಗೇಗೌಡ, ಎಚ್.ಎನ್.ಮಂಜುನಾಥ್, ಚನ್ನಕೇಶವ, ಭಾಸ್ಕರ್, ಶ್ರೀನಿವಾಸ್ ನಾಯ್ಕ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

Post Title

ವಿವಿಧ ಪ್ರಗತಿಪರ ಸಂಘಟನೆಗಳಿಂದ ಬಂದ್ ಗೆ ಬೆಂಬಲ

ತಿ.ನರಸೀಪುರ ಸೆ.2- ರೈತರ ಆತ್ಮಹತ್ಯೆ ಹಿನ್ನಲೆಯಲ್ಲಿ ದಿನಾಂಕ 05-09-2015 ರಂದು ಘೋಷಿಸಿರುವ ಕರ್ನಾಟಕ ಬಂದ್‍ಗೆ ತಾಲ್ಲೂಕಿನ ವಿವಿಧ ಪ್ರಗತಿ ಪರ ಸಂಘಟನೆಗಳು ಸಹಕರಿಸುವುದಾಗಿ ಸಭೆಯಲ್ಲಿ ಸೂಚಿಸಿದರು.

ಕರ್ನಾಟಕ ರಾಜ್ಯ ತಾಲ್ಲೂಕು ರೈತ ಸಂಘ ಹಾಗೂ ರಾಜ್ಯ ಕಬ್ಬು ಬೆಳೆಗಾರರ ತಾಲ್ಲೂಕು ಸಂಘದ ವತಿಯಿಂದ ಪಟ್ಟಣದ ಕಬಿನಿ ಅತಿಥಿ ಗೃಹದ ಆವರಣದಲ್ಲಿ ಕರೆಯಲಾಗಿದ್ದ ಕರ್ನಾಟಕ ಬಂದ್ ಆಚರಣೆ ಪೂರ್ವಬಾವಿ ಸಭೆಯಲ್ಲಿ 3-09-2015 ರಂದು ಪಟ್ಟಣದಾದ್ಯಂತ ಸಾಮೂಹಿಕವಾಗಿ ಬಂದ್ ಪ್ರಚಾರ ಕಾರ್ಯಕ್ರಮವನ್ನು ಹಮ್ಮಿಕೊಂಡು ಜನರ ಸಹಕಾರ ಪಡೆಯುವಂತೆ ಸರ್ವಾನುಮತದಿಂದ ಒಪ್ಪಿಗೆ ಸೂಚಿಸಲಾಯಿತು.

ಬಂದ ಆಚರಣೆಗೆ ತಾಲೂಕು ನಾಗರೀಕಾ ಸೇವಾ ವೇದಿಕೆ, ದಸಂಸ, ರೈತ ಸಂಘ, ರಾಜ್ಯ ಕಬ್ಬುಬೆಳೆಗಾರರ ಸಂಘ, ಭ್ಟಷ್ಟಾಚಾರ ನಿರ್ಮೂಲನಾ ಸಮಿತಿ, ವರ್ತಕರ ಸಂಘ, ಸ್ಪೂರ್ತಿ ಕಲಾ ಮತ್ತು ಪರಿಸರ ಸಂರಕ್ಷಣಾ ಸಮಿತಿ, ವೀರಶೈವ ಮಹಾಸಭಾ, ಜಯ ಕರ್ನಾಟಕ, ವಿವಿಧ ಪ್ರಗತಿಪರ ಸಂಘಟನೆಗಳ ಸಹಕಾರ ಸೂಚಿಸಿದ್ದು ಸಭೆಯಲ್ಲಿ ಆತ್ಮಹತ್ಯೆ ಮಾಡಿಕೊಂಡ ರೈತರಿಗೆ 5 ನಿಮಿಷಗಳ ಮೌನ ಆಚರಿಸಿ ಸಂತಾಪ ಸೂಚಿಸಲಾಯಿತು.

ಸಭೆಯಲ್ಲಿ ತಾಲ್ಲೂಕು ವೀರಶೈವ ಮಹಾಸಭಾಧ್ಯಕ್ಷ ಕೆ.ಜಿ.ಶಿವಪ್ರಸಾದ್, ನಾಗರೀಕಾ ಸೇವಾ ವೇದಿಕೆ ಅಧ್ಯಕ್ಷ ಆರೀಫ್, ಕಾರ್ಯದರ್ಶಿ ಪ್ರಭುಸ್ವಾಮಿ, ಜಿ.ಪಂ ಸದಸ್ಯ ಸಿದ್ದಾರ್ಥ, ಹಾಡ್ಯ ರವಿ, ಕಬ್ಬು ಬೆಳೆಗಾರರ ಸಂಘದ ತಾಲ್ಲೂಕು ಅಧ್ಯಕ್ಷ ಕಿರಗಸೂರು ಶಂಕರ್, ರೈತ ಸಂಘದ ಪದಾಧಿಕಾರಿಗಳಾದ ಬನ್ನೂರು ನಾರಾಯಣ್, ಕುಮಾರಸ್ವಾಮಿ, ಪರಶಿವಮೂರ್ತಿ, ಮಹದೇವಸ್ವಾಮಿ, ಹಳ್ಳಿಕೆರೆಹುಂಡಿ ಭಾಗ್ಯರಾಜ್, ಅತ್ತಹಳ್ಳಿ ಶಿವನಂಜು, ಮತ್ತಿತರರು ಹಾಜರಿದ್ದರು.

ಪಡಿತರ ಚೀಟಿ ರದ್ದು ಪಡಿಸಿರುವುದು ಸರಿಯಲ್ಲ- ಸಾರ್ವಜನಿಕರ ಆಕ್ರೋಶ

ತಿ.ನರಸೀಪುರ ಸೆ.2- ಆರ್‍ಟಿಓ ಮತ್ತು ಆರ್‍ಸಿ ಡೇಟಾಬೇಸನ್ನು ಹೊಂದಾಣಿಕೆ ಮಾಡಿ ಅರ್ಹ ಪಡಿತರನ್ನು ರದ್ದು ಪಡಿಸುವ ಕ್ರಮವನ್ನು ಸರ್ಕಾರ ಕೂಡಲೇ ಹಿಂಪಡೆಯಬೇಕೆಂದು ಒತ್ತಾಯಿಸಿ ಕರ್ನಾಟಕ ದಲಿತ ಸಂಘರ್ಷ ಸಮಿತಿ(ಕೃಷ್ಣಪ್ಪಸ್ಥಾಪಿತ) ತಾಲ್ಲೂಕು ಪದಾಧಿಕಾರಿಗಳು ಪಟ್ಟಣದ ತಾಲ್ಲೂಕು ಕಛೇರಿ ಪ್ರತಿಭಟಿಸಿದರು.

ಪ್ರತಿಭಟನೆ ನೇತೃತ್ವವಹಿಸಿ ಮಾತನಾಡಿದ ಜಿಲ್ಲಾ ಸಂಚಾಲಕ ಸೋಸಲೆ ರಾಜಶೇಖರಮೂರ್ತಿ, ಪ್ರಸ್ತುತ ದಿನಗಳಲ್ಲಿ ಕೂಲಿ ಕಾರ್ಮಿಕ ಮನೆಗೆ ದ್ವೀಚಕ್ರವಾಹನ ಹಾಗೂ ಮೊಬೈಲ್ ಅತ್ಯವಶ್ಯಕವಾಗಿರುವಾಗ 80 ಸಿಸಿ ವಾಹನಗಳನ್ನು ಮಾನದಂಡವಾಗಿ ಮಾಡಿಕೊಂಡು ಬಿಪಿಎಲ್ ಕಾರ್ಡ್ ಹೊಂದಿರುವ ಪಡಿತರರನ್ನು ಎಪಿಎಲ್ ಆಗಿ ಪರಿವರ್ತನೆ ಮಾಡುತ್ತಿರುವುದು ಸರಿಯಾದ ಕ್ರಮವಲ್ಲ.

ಇತ್ತೀಚಿನ ದಿನಗಳಲ್ಲಿ ಕೇವಲ 5 ಸಾವಿರರೂಗಳ ಮುಂಗಡ ಹಣ ಕಟ್ಟಿದರೇ ಸ್ಕೂಟರ್ ಕಂಪನಿಯು ಬ್ಯಾಂಕ್‍ಗಳ ಮೂಲಕ ಸ್ಕೂಟರ್ ಪಡೆಯಲು ಅವಕಾಶ ಮಾಡಿಕೊಟ್ಟಿದ್ದು ಎಷ್ಟೋ ಕುಟುಂಬಗಳು ಕಂಪನಿಗೆ ಸಾಲ ಮರುಪಾವತಿ ಸ್ಕೂಟರ್ ಸೀಜ್‍ಆಗಿದ್ದು ಕೇಲವರು ಸಾಲಧ ಬಾಧೆಯಿಂದ ವಾಹನವನ್ನು ಮಾರಿ ಆರ್‍ಟಿಓ ಕಛೇರಿಯಲ್ಲಿ ತಮ್ಮ ಹೆಸರುಗಳನ್ನೇ ಬದಾಲಾಯಿಸಿಕೊಂಡಿರುವುದಿಲ್ಲ ಇಂತಹ ಪರಿಸ್ಥಿತಿಯಲ್ಲಿ ಆರ್‍ಟಿಓ ಮಾಹಿತಿಯನ್ನು ಆಧಾರವಾಗಿ ಇಟ್ಟುಕೊಂಡು ಪಡಿತರ ಚೀಟಿಯನ್ನು ರದ್ದುಪಡಿಸುವುದು ಸರಿಯಲ್ಲ. ಆಯುಕ್ತರ ಆದೇಶವು ಅವ್ಶೆಜ್ಞಾನಿಕವಾಗಿದ್ದು ಇದನ್ನು ದಲಿತ ಸಂಘರ್ಷ ಸಮಿತಿ ಖಂಡಿಸಿದ್ದು ಕೂಡಲೇ ಸರ್ಕಾರ ಈ ನಿರ್ಧಾರವನ್ನು ಹಿಂಪಡೆದು ಪಡಿತರದಾರರಿಗೆ ಅನೂಕೂಲ ಮಾಡಿಕೊಡಬೇಕೆಂದು ಸರ್ಕಾರವನ್ನು ಒತ್ತಾಯಿಸಿದ್ದಾರೆ.

ಪ್ರತಿಭಟನೆಯಲ್ಲಿ ಸಂಘಟನಾ ಸಂಚಾಲಕ ಮರಿಸ್ವಾಮಿ, ತಾ.ಸಂಚಾಲಕ ಬೂದಹಳ್ಳಿ ನಂಜುಂಡಸ್ವಾಮಿ, ಕಲಿಯೂರು ಶಾಂತ, ಕೆಂಪರಾಜು, ಯಾಚೇನಹಳ್ಳಿ ಚಿನ್ನಸ್ವಾಮಿ, ನಾಗಮ್ಮ, ಮಹದೇವು, ಮತ್ತಿತರರು ಹಾಜರಿದ್ದರು.

ಶಿಕ್ಷಣದ ಮೂಲಕ ಸಂಘಟಿತರಾಗಿ-ಶಾಸಕ ಜಯಣ್ಣ

ಯಳಂದೂರು ಸೆ.2- ಮಕ್ಕಳಿಗೆ ಉತ್ತಮ ಶಿಕ್ಷಣವನ್ನು ನೀಡುವ ಮೂಲಕ ಮಕ್ಕಳಿಗೆ ಉತ್ತಮ ಭವಿಷ್ಯವನ್ನು ಕಲ್ಪಿಸುವ ಮೂಲಕ ಸಮಾಜದ ಮುಖ್ಯವಾಹಿನಿ ಸವಿತ ಸಮಾಜವು ಬರಬೇಕೆಂದು ಶಾಸಕ ಎಸ್. ಜಯಣ್ಣರವರು ತಿಳಸಿದರು.

ಪಟ್ಟಣದ ಬಳೇಪೇಟೆಯಲ್ಲಿರುವ ಸವಿತ ಸಮಾಜದ ಸಮುದಾಯಭವನದಲ್ಲಿ ಹಮ್ಮಿಕೊಂಡಿದ್ದ ಶಿವಶರಣ ಹಡಪದ ಅಪ್ಪಣ್ಣರವರ ಜಯಂತಿ ಮಹೋತ್ಸವ ಮತ್ತು ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಇವರು ಸವಿತ ಸಮಾಜವನ್ನು ಶೀಘ್ರದಲ್ಲಿ ಪ್ರವರ್ಗಕ್ಕೆ ಸೇರಿಸಲು ಪ್ರಾಮಾಣಿಕ ಪ್ರಯತ್ನ ನಡೆಸಲಾಗುವುದು. ಸವಿತ ಸಮಾಜದ ವಿವಿಧ ಬೇಡಿಕೆಗಳನ್ನು ಶೀಘ್ರದಲ್ಲಿ ನೆರವೇರಿಸಲಾಗುವುದು ಸಮಾಜದ ಬಂಧುಗಳು ವೈಯಕ್ತಿಕ ಪ್ರತಿಷ್ಠೆಯನ್ನು ಬದಿಗೊತ್ತಿ ಸಮಾಜದ ಅಭಿವೃದ್ಧಿಗೆ ಸಹಕರಿಸಬೇಕೆಂದು ತಿಳಿಸಿದರು.

ಸಮಾಜದ ಪ್ರತಿಭಾವಂತ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರವನ್ನು ನೀಡಿ ಮಾತನಾಡಿದ ಧರ್ಮಸೇನಾರವರು ಸವಿತ ಸಮಾಜವು ತಳಮಟ್ಟದಿಂದ ಸಂಘಟನೆಯಾಗಬೇಕು ಎಂದು ಸಲಹೆ ನೀಡಿದರು.

ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ಟಿ. ತ್ಯಾಗರಾಜ್, ಚಂದ್ರು, ಚಲನಚಿತ್ರ ಹಾಗೂ ಕಾಂಪೋಸ್ಟ್ ಅಭಿವೃದ್ಧಿ ನಿಗಮದ ಉಪಾಧ್ಯಕ್ಷರಾದ ಶೀ ಮುತ್ತುರಾಜ್, ನಾಗೇಶ್, ಎಂ.ಬಿ. ಶಿವಕುಮಾರ್ ಮಾತನಾಡಿದರು.

ಮುಖ್ಯ ಭಾಷಣಾಕಾರರಾಗಿ ಸೋಮಶೇಖರ ಭಂಡಾರಿರವರು ಸಮಾಜವು ವಿವಿಧ ಸ್ತರಗಳಲ್ಲಿ ಹಿಂದುಳಿದ ಸಮಾಜದ ಯುವಕರು ಸಮಾಜದ ಅಭಿವೃದ್ದಿಗೆ ಸಹಕರಿಸಬೇಕೆಂದು ತಿಳಿಸಿದರು.

ಇದಕ್ಕೂ ಮುನ್ನ ಪಪಂ ಅಧ್ಯಕ್ಷರಾದ ರವಿರವರು ಮೆರವಣಿಗೆ ಉದ್ಘಾಟಿಸಿ ಮಾತನಾಡಿ ತಮ್ಮಬದುಕನ್ನು ಉತ್ತಮ ಪಡಿಸಿಕೊಳ್ಳಲು ಸಮಾಜದವರು ಶಿಕ್ಷಣವನ್ನು ಪಡೆಯಬೇಕೆಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ಭಜನೆ, ಗೋರವರ ಕುಣಿತ, ವಾದ್ಯಗೋಷ್ಠಿ ತಂಡ ಉತ್ತಮ ಮೆರಗನ್ನು ನೀಡಿದವು.

ಪ್ರಾಸ್ತವಿಕ ನುಡಿಗಳನ್ನು ನುಡಿದ ಕೆ.ಎಂ. ವೀರಶೆಟ್ಟರವರು ಸಮಾಜವು ವಿವಿಧ ಕ್ಷೇತ್ರಗಳಲ್ಲಿ ಹಿಂದುಳಿದಿದೆ. ಪ್ರತಿಭಾವಂತರ ಸಂಖ್ಯೆ ಹೆಚ್ಚಾಗುತ್ತಿದ್ದರೂ ಅವರ ಗುರುತಿಸುವಿಕೆಯಲ್ಲಿ ಎಡವಿದೆ. ಹಾಗೆಯೇ ಸುಮಾರು 6 ಬೇಡಿಕೆಯನ್ನು ಸರ್ಕಾರಕ್ಕೆ ತಾವು ಸಲ್ಲಿಸಬೇಕೆಂದು ವಿನಯ ಪೂರ್ವಕವಾಗಿ ಕೇಳಿಕೊಂಡರು.

ದಿವ್ಯ ಸಾನಿಧ್ಯವನ್ನು ಶ್ರೀ ಯೋಗಾನಂದಸ್ವಾಮಿಜಿ ಸಿದ್ದರೂಢ ಮಠ ಬೆಳಗಾಂರವರು ವಹಿಸಿದ್ದರು.

ವೇದಿಕೆಯಲ್ಲಿ ಮಾಜಿ ಶಾಸಕ ಎಸ್. ಬಾಲರಾಜ್, ತಾಪಂ ಅಧ್ಯಕ್ಷರಾದ ರಾಮಚಂದ್ರು, ಜಿಪಂ ಉಪಾಧ್ಯಕ್ಷೆ ಕೇತಮ್ಮ, ಪಪಂ ಉಪಾಧ್ಯಕ್ಷ ಲಿಂಗರಾಜು, ಜಿ.ಪಂ ಮಾಜಿ ಸದಸ್ಯರಾದ ಯೋಗೇಶ್, ಮುಖಂಡರಾದ ರಾಚಯ್ಯ, ವಡಗೆರೆ ದಾಸ್, ಉಮಾಶಂಕರ್, ಭೀಮಪ್ಪ, ಶ್ರೀನಿವಾಸ್, ಮಹದೇವಮ್ಮ ಮುಂತಾದವರು ಉಪಸ್ಥಿತರಿದ್ದರು.

ಪರವಾನಗಿ ನವೀಕರಿಸದ ಲೇವಾದೇವಿ ಸಂಸ್ಥೆಗಳ ಭಧ್ರತಾ ಠೇವಣಿ ಮುಟ್ಟುಗೋಲು : ಆಕ್ಷೇಪಣೆ ಸಲ್ಲಿಕೆಗೆ ಅವಕಾಶ

ಚಾಮರಾಜನಗರ, ಸೆ.2- ಕರ್ನಾಟಕ ಲೇವಾದೇವಿ ಹಾಗೂ ಗಿರವಿ ಕಾಯಿದೆ ಅನುಸಾರ ವ್ಯವಹಾರ ನಡೆಸಲು ಪರವಾನಗಿ ಪಡೆದಿದ್ದ 49 ಮಂದಿ ಪರವಾನಗಿಯನ್ನು ನವೀಕರಿಸದೆ ಇರುವುದರಿಂದ ಅವರ ಭದ್ರತಾ ಠೇವಣಿಯನ್ನು ಮುಟ್ಟುಗೋಲು ಹಾಕಿಕೊಳ್ಳಲು ಉದ್ದೇಶಿಸಿದ್ದು ಈ ಸಂಬಂಧ ಆಕ್ಷೇಪಣೆಗಳಿದ್ದಲ್ಲಿ ಸಲ್ಲಿಸಲು ಅವಕಾಶ ಮಾಡಿಕೊಡಲಾಗಿದೆ.

ಕರ್ನಾಟಕ ಲೇವಾದೇವಿ ಕಾಯಿದೆಯಡಿ ಪರವಾನಗಿ ಪಡೆದುಕೊಂಡಿದ್ದ 49 ಮಂದಿಗೆ ಅನೇಕ ತಿಳುವಳಿಕೆ ಪತ್ರ ನೀಡಿದ್ದರೂ ಸಹ ಪರವಾನಗಿಯನ್ನು ನವೀಕರಿಸಿಕೊಂಡಿಲ್ಲ. ಅವರ ವಿವರ ಹೀಗಿದೆ-

ಬಿ.ಎಸ್. ವೆಂಕಟರತ್ನನಂ ಶೆಟ್ಟಿ, ನಂ. 482/1, ಪಾಟ್ ಸ್ಟ್ರೀಟ್, ಚಾಮರಾಜನಗರ, ಮಹದೇಶ್ವರ ಫೈನಾನ್ಸ್ ಕಾರ್ಪೊರೇಷನ್, ಇ 22/6, ಗುಂಡ್ಲುಪೇಟೆ ವೃತ್ತ, ಹೊಸನೂರು ರಸ್ತೆ, ಚಾ.ನಗರ, ಶ್ರೀ ಶಿವಶಕ್ತಿ ಫೈನಾನ್ಸ್ ಕಾರ್ಪೊರೇಷನ್, ಮಾರ್ಕೆಟ್ ರೋಡ್, ಚಾ.ನಗರ, ಶ್ರೀ ನಂದಿ ಫೈನಾನ್ಸ್ ಕಾರ್ಪೊರೇಷನ್, ಕೆ.ಸಿ.ಬಿ. ಕಾಂಪ್ಲೆಕ್ಸ್, ಮಾರ್ಕೆಟ್ ರಸ್ತೆ, ಚಾ.ನಗರ, ಶ್ರೀ ಅನ್ನಪೂಣೇಶ್ವರಿ ಎಂಟರ್ ಪ್ರೈಸಸ್, ಬಿ.ಆರ್. ನಾರಾಯಣ ಸ್ವಾಮಿ ಬಿಲ್ಡಿಂಗ್, ದೊಡ್ಡ ಅಂಗಡಿ ಬೀದಿ, ಚಾ.ನಗರ, ವರಲಕ್ಷ್ಮಿ ಫೈನಾನ್ಸ್ ಕಾರ್ಪೊರೇಷನ್, ವೆಂಕಟ ನಿಲಯ, ಕಾರ್ ಸ್ಟ್ರೀಟ್, ಚಾ.ನಗರ, ಕಾಮಧೇನು ಎಂಟರ್ ಪ್ರೈಸಸ್, ನಂ.3, ನಂದಿ ಬೀದಿ, ಚಾ.ನಗರ, ಶುಭಂ ಎಂಟರ್ ಪ್ರೈಸಸ್, ಕಾರ್ ಸ್ಟ್ರೀಟ್, ಚಾ.ನಗರ, ನಿಮಿಷಾಂಬ ಎಂಟರ್ ಪ್ರೈಸಸ್, ಸ್ನೇಹಸೇತು, ಭ್ರಮರಾಂಬ ಎಕ್ಸ್‍ಟೆನ್ಸನ್, ಚಾ.ನಗರ, ಈಶ್ವರಿ ಫೈನಾನ್ಸ್, ಕೆಸಿಬಿ ಕಾಂಪ್ಲೆಕ್ಸ್, ಚಾ.ನಗರ, ಮಾರುತಿ ಫೈನಾನ್ಸ್ ಅಂಡ್ ಇನ್ವೆಸ್ಟ್‍ಮೆಂಟ್, ಮಳಿಗೆ ನಂ. 1, ರಾಜಶೇಖರ್ ಬಿಲ್ಡಿಂಗ್, ಕಾರ್ ಸ್ಟ್ರೀಟ್, ಚಾ.ನಗರ, ಶ್ರೀ ಲಕ್ಷ್ಮೀ ಫೈನಾನ್ಸ್, ಕಾರ್ ಸ್ಟ್ರೀಟ್, ಚಾ.ನಗರ, ಕಲ್ಪವೃಕ್ಷ ಫೈನಾನ್ಸ್ ಅಂಡ್ ಇನ್ವೆಸ್ಟ್‍ಮೆಂಟ್, 761/4, ಭ್ರಮರಾಂಬ ಎಕ್ಸ್‍ಟೆನ್ಸನ್, ಚಾ.ನಗರ, ಮೆ: ಸ್ಪೂರ್ತಿ ಫೈನಾನ್ಸ್ ಕಾರ್ಪೊರೇಷನ್, ಗುಂಡ್ಲುಪೇಟೆ ರಸ್ತೆ, ಚಾ.ನಗರ, ಎ. ಶ್ರೀನಿವಾಸನ್, ಮೆ: ಶ್ರೀನಿಧಿ ಫೈನಾನ್ಸ್ ಕಾರ್ಪೊರೇಷನ್, ಭ್ಯಾಗ್ಯಶ್ರೀ ಕಾಂಪ್ಲೆಕ್ಸ್, ಡೀವಿಯೇಷನ್ ರಸ್ತೆ, ಚಾ.ನಗರ, ಸಂಜಯ್ ಕುಮಾರ್ ಬಿನ್ ಸಂಪತ್ ಲಾಲ್, ನಾಗೇಶ್ ಬ್ಯಾಂಕರ್ಸ್, ಡೀವಿಯೇಷನ್ ರಸ್ತೆ, ಚಾ.ನಗರ, ಗೌತಮ್ ಕುಮಾರ್ ಜೈನ್ ಬಿನ್ ಮಕರಾಜ್ ಜೈನ್, ಧನಶ್ರೀ ಪಾನ್ ಬ್ರೋಕರ್ಸ್, 22/291/5, ಡೀವಿಯೇಷನ್ ರಸ್ತೆ, ಚಾ.ನಗರ, ಬಾಲನಾಗರಾಜಶೆಟ್ಟಿ ಎನ್ ಬಿನ್ ನಾರಾಯಣ ಶೆಟ್ಟಿ, ತಿರುಮಲ ಫೈನಾನ್ಸ್, ಸಂಪಿಗೆ ರಸ್ತೆ, ಚಾ.ನಗರ, ಎಂ.ಎನ್. ಸುಬ್ಬಣ್ಣ ಬಿನ್ ಎಸ್.ಎಂ. ಶಿವಪ್ಪ, ಶ್ರೀ ಮಹದೇಶ್ವರ ಫೈನಾನ್ಸ್ ಕಾರ್ಪೊರೇಷನ್, ಕವಿ ಬಸವೇಶ್ವರ ಕಾಂಪ್ಲೆಕ್ಸ್, ಸಂತೆಮರಹಳ್ಳಿ, ಚಾಮರಾಜನಗರ ತಾಲೂಕು, ಜಿ.ಎ. ವಿವೇಕ್ ಬಿನ್ ಜಿ.ಆರ್. ಅಶ್ವತ್ ನಾರಾಯಣ, ಮೆ: ರಾಜಯ್ಯ ಶೆಟ್ಟಿ ಸನ್ಸ್ ಬ್ಯಾಂಕರ್ಸ್, ದೊಡ್ಡ ಅಂಗಡಿ ಬೀದಿ, ಚಾ.ನಗರ, ಎ. ಸುಬ್ರಮಣ್ಯ ಬಿನ್ ಅಂಕಶೆಟ್ಟಿ, ಮೆ: ಬಾಲಾಜಿ ಫೈನಾನ್ಸ್, ನಂ.1, ಪದ್ಮಶ್ರೀ ಬಿಲ್ಡಿಂಗ್, ಹಳ್ಳದ ಬೀದಿ, ಬಣಜಿಗರ ಮೊಹಲ್ಲ, ಚಾ.ನಗರ, ಮಹೇಶ್ ಎಂ ಬಿನ್ ಮರಿಸ್ವಾಮಿ, ಮೆ. ಕಲ್ಪವೃಕ್ಷ್ ಫೈನಾನ್ಸ್, ವಿರಕ್ತ ಮಠದ ಬಿಲ್ಡಿಂಗ್, ಚಾ.ನಗರ, ಅಕ್ಷತಾ ಎಂಟರ್ ಪ್ರೈಸಸ್, ನಂ.2, ಜಿವಿಎಸ್ ಕಾಂಪ್ಲೆಕ್ಸ್, ಡೀವಿಯೇಷನ್ ರಸ್ತೆ, ಚಾ.ನಗರ, ಶ್ರೀ ಮಹಾಲಕ್ಷ್ಮೀ ಫೈನಾನ್ಸ್, ಕಾರ್ ಸ್ಟ್ರೀಟ್, ಚಾ.ನಗರ, ಸೂರ್ಯ ಫೈನಾನ್ಸ್, ಟಿಬಿಎಲ್ ಬಿಲ್ಡಿಂಗ್, ಬಿಗ್ ಬಜಾರ್ ಸ್ಟ್ರೀಟ್, ಚಾ.ನಗರ, ಎ.ಶ್ರೀನಿವಾಸನ್ ಬಿನ್ ಅರುಚೆಟ್ಟಿಯಾರ್, ವಿನಾಯಕ ಫೈನಾನ್ಸ್ ಕಾರ್ಪೊರೇಷನ್, ಭಾಗ್ಯಶ್ರಿ ಕಾಂಪ್ಲೆಕ್ಸ್, ಡೀವಿಯೇಷನ್ ರಸ್ತೆ, ಚಾ.ನಗರ, ಆರ್. ಪರಿಣಿತಿ ಕೋಂ ವಿ. ರಾಜೀವ್, ಮೆ. ಸಂವೃದ್ಧಿ ಫೈನಾನ್ಸ್ ಅಂಡ್ ಪಾನ್ ಬ್ರೋಕರ್ಸ್, ನಂ.6, ತಿರುಮಲ ಕಾಂಪ್ಲೆಕ್ಸ್, ಕಾರ್ ಸ್ಟ್ರೀಟ್, ಚಾ.ನಗರ, ಹೆಚ್.ಪಿ. ನಿರಂಜನಮೂರ್ತಿ ಬಿನ್ ಪುಟ್ಟಸ್ವಾಮಪ್ಪ, ಮೆ. ಧನಲಕ್ಷ್ಮೀ ಫೈನಾನ್ಸ್ ಕಾರ್ಪೋರೇಷನ್, ಕೊಳದ ಬೀದಿ, ಚಾ.ನಗರ, ಎಂ. ರಾಜಣ್ಣ ಬಿನ್ ಎನ್. ಮರಿಬಸಪ್ಪ, ಮೆ. ವಿಘ್ನೇಶ್ವರ ಎಂಟರ್ ಪ್ರೈಸಸ್, ಗುಂಡ್ಲುಪೇಟೆ ಸರ್ಕಲ್, ಚಾ.ನಗರ, ಜೆ.ಎಸ್. ನಂದೀಶ್ ಬಿನ್ ಸೋಮಣ್ಣ, ಶ್ರೀ ವೆಂಕಟೇಶ್ವರ ಫೈನಾನ್ಸ್, ಬಿಎಸ್‍ಆರ್ ಕಾಂಪ್ಲೆಕ್ಸ್, ವಾಸವಿ ಮಹಲ್ ಹತ್ತಿರ, ಕಾರ್ ಸ್ಟ್ರೀಟ್, ಚಾ.ನಗರ, ಬಸವರಾಜು ಬಿನ್ ಎಸ್. ಮಹದೇವಪ್ಪ, ಮೆ. ವಿಘ್ನೇಶ್ವರ ಫೈನಾನ್ಸ್, ಸಂತೇಮರಳ್ಳಿ, ಚಾ. ನಗರ ತಾಲೂಕು, ಹೆಚ್.ಎನ್. ವೀರಭದ್ರಚಾರಿ, ರಾಜರಾಜೇಶ್ವರಿ ಪಾನ್ ಬ್ರೋಕರ್ಸ್, ಮುಖ್ಯ ರಸ್ತೆ, ಚಾ.ನಗರ, ಬಿ.ಆರ್. ಶ್ರೀನಿವಾಸ್, ಮೆ. ತೇಜಸ್ ಫೈನಾನ್ಸ್ ಕಾರ್ಪೋರೇಷನ್, 2ನೇ ಕ್ರಾಸ್, ಶಂಕರಪುರ, ಚಾ.ನಗರ, ಡಿ.ಪಿ. ಪ್ರಕಾಶ್ ಬಿನ್ ಪುಟ್ಟಮಲ್ಲಪ್ಪ, ಶ್ರೀ ಪಾರ್ವತಿ ಫೈನಾನ್ಸ್ ಕಾರ್ಪೋರೇಷನ್, ಮೈನ್ ರೋಡ್, ಸಂತೆಮರಳ್ಳಿ, ಚಾ.ನಗರ ತಾಲೂಕು, ಸಿದ್ದರಾಜು ಬಿನ್ ಸಿ.ಎನ್. ಮಹದೇವಯ್ಯ, ನಂಜುಂಡೇಶ್ವರ ಫೈನಾನ್ಸ್, ಚನ್ನಬಸವೇಶ್ವರ ವಾಣಿಜ್ಯ ಸಂಕೀರ್ಣ, ಮಾರಿಗುಡಿ ಎದುರು, ಚಾ.ನಗರ, ಕು. ರತ್ನಮ್ಮ ಬಿನ್ ರಂಗನಾಯಕ, ಆಡಳಿತ ಪಾಲುಗಾರರು, ನಿತ್ಯಶ್ರೀ ಫೈನಾನ್ಸ್ ಕಾರ್ಪೋರೇಷನ್, ಬಿ ಎಸ್ ವಿ ಶೆಟ್ಟಿ, ಕಾರ್ ಸ್ಟ್ರೀಟ್, ಚಾ.ನಗರ, ಕೆ.ಸಿ. ಉಮೇಶ್ ಬಿನ್ ಚಿಕ್ಕಮಾದಪ್ಪ, ಮೆ. ಫ್ರೆಂಡ್ಸ್ ಫೈನಾನ್ಸ್, ಸಿಕೆಟಿ ಕಾಂಪ್ಲೆಕ್ಸ್, ಕೆಎಸ್‍ಆರ್‍ಟಿಸಿ ಬಸ್ ಸ್ಟ್ಯಾಂಡ್ ಹತ್ತಿರ, ಚಾ.ನಗರ, ಬಸವರಾಜು ಬಿನ್ ಸಿ.ಎ. ನಂಜುಂಡಪ್ಪ, ಮೆ. ಲಕ್ಷ್ಮೀ ಫೈನಾನ್ಸ್, ಬಿ ಆರ್ ಹಿಲ್ಸ್ ರೋಡ್, ಚಂದಕವಾಡಿ, ಚಾ.ನಗರ ತಾಲೂಕು, ಚೆನ್ನಾರಾಂ ಬಿನ್ ಕಿಯರಾಂ, ಮೆ. ರಾಂದೇವ್ ಬ್ಯಾಂಕರ್ಸ್, ಸಂತೆಮರಹಳ್ಳಿ, ಚಾ.ನಗರ ತಾಲೂಕು, ಕೆ.ಪಿ. ಸುರೇಶ್ ಬಿನ್ ಕೆ.ಎ. ಪೊನ್ನ, ಜನರಲ್ ಮ್ಯಾನೇಜರ್, ಮಣಿಪುರಂ ಜನರಲ್ ಫೈನಾನ್ಸ್ ಆಚಿಡ್ ಲೀಸಿಂಗ್, ಚಾ.ನಗರ, ಡಿ.ಎಂ. ಮಹೇಶ್ ಬಿನ್ ಮಹದೇವಪ್ಪ, ದೇಶದವಳ್ಳಿ, ವಿಜಯಲಕ್ಷ್ಮೀ ಫೈನಾನ್ಸ್ ಮತ್ತು ಇನ್‍ವೆಸ್ಟ್‍ಮೆಂಟ್, ಸಂತೆಮರಹಳ್ಳಿ, ನಾಗೇಶ್ ಬಿನ್ ಎ. ಮಹದೇವಶೆಟ್ಟಿ, ಶ್ರೀ ಮಹದೇಶ್ವರ ಫೈನಾನ್ಸ್ ಕಾರ್ಪೋರೇಷನ್, ರಾಶಿ ಕಾಂಪ್ಲೆಕ್ಸ್, ಸಂತೆಮರಹಳ್ಳಿ ರಸ್ತೆ, ಚಾ.ನಗರ, ಪಿ. ರಾಜಣ್ಣ ಬಿನ್ ಆರ್. ಪುಟ್ಟಣ್ಣಶೆಟ್ಟಿ, ಪಿ ಮಹಾಲಕ್ಷ್ಮೀ ಫೈನಾನ್ಸ್ ಅಂಡ್ ಇನ್ ವೆಸ್ಟ್ ಮೆಂಟ್, ನಂ. ಸಿ 233, ಬಜಾರ್ ರಸ್ತೆ, ಚಾ.ನಗರ, ರಘುನಾಥ್ ಬಿನ್ ವೆಂಕಟಯ್ಯ, ಐಶ್ವರ್ಯ ಫೈನಾನ್ಸ್, ಕುಮಾರ್ ಲಾಡ್ಜ್ ಬಿಲ್ಡಿಂಗ್, ಕಾರ್ ಸ್ಟ್ರೀಟ್, ಚಾ.ನಗರ, ಎಂ. ಬಸವರಾಜು ಬಿನ್ ಮಾದಯ್ಯ, ಶ್ರೀ ಮಲೈಮಹದೇಶ್ವರ ಫೈನಾನ್ಸ್ ಅಂಡ್ ಪಾನ್ ಬ್ರೋಕರ್ಸ್, ಭೀಮ ಸದನ, ರಾಮಸ್ವಾಮಿ ಲೇಔಟ್, ಚಾ.ನಗರ, ಸಪ್ತಗಿರಿ ಫೈನಾನ್ಸ್, ನಂ.1, ನೆಲ ಅಂತಸ್ತು, ಕೆಸಿಬಿ ಕಾಂಪ್ಲೆಕ್ಸ್, ಕಾರ್ ಸ್ಟ್ರೀಟ್, ಚಾ.ನಗರ, ಕೋಹಿಲಬಾಯಿ ಬಿನ್ ಜಸ್ ರಾಂ ಚೌಧರಿ, ಕಾವೇರಿ ಪಾನ್ ಬ್ರೋಕರ್ಸ್, ಮುಖ್ಯ ಬಜಾರ್ ಸ್ಟ್ರೀಟ್, ಚಾ.ನಗರ, ಜಸ್ ರಾಂ ಬಿನ್ ಓಕರಾಂಜೆ, ರಮೇಶ್ ಪಾನ್ ಬ್ರೋಕರ್ಸ್, ಬಸ್ ಸ್ಟ್ಯಾಂಡ್ ಹತ್ತಿರ, ಕುದೇರು, ಸಂತೆಮರಹಳ್ಳಿ ಹೋಬಳಿ, ಚಾ.ನಗರ ತಾಲೂಕು, ಡಿ. ಲೋಕೇಶ್ ಬಿನ್ ವಿ. ದಾಸಶೆಟ್ಟಿ, ವಿಜಯಲಕ್ಷ್ಮೀ ಫೈನಾನ್ಸ್, ಶ್ರೀರಾಮ ಕಾಂಪ್ಲೆಕ್ಸ್, ಸಂಪಿಗೆ ರಸ್ತೆ, ಚಾ.ನಗರ.

ಮೇಲ್ಕಂಡ ಪರವಾನಗಿದಾರರು ಪರವಾನಗಿ ಅವಧಿ ಮುಕ್ತಾಯವಾಗಿದ್ದರೂ ಸಹ ಬಹಳ ಕಾಲದಿಂದ ನವೀಕರಿಸಿಕೊಳ್ಳದೇ ಲೇವಾದೇವಿ ಕಾಯಿದೆ ಉಲ್ಲಂಘಿಸಿರುವುದರಿಂದ ಅವರ ಭದ್ರತಾ ಠೇವಣಿಯನ್ನು ಮುಟ್ಟುಗೋಲು ಹಾಕಿಕೊಳ್ಳಲು ಉದ್ದೇಶಿಸಲಾಗಿದೆ. ಈ ಬಗ್ಗೆ ಪರವಾನಗಿದಾರರಿಗೆ ಅಥವಾ ಗ್ರಾಹಕರು, ಸಾರ್ವಜನಿಕರಿಗೆ ಆಕ್ಷೇಪಣೆಗಳಿದ್ದಲ್ಲಿ 15 ದಿನಗಳೊಳಗೆ ಪೂರಕ ದಾಖಲೆಗಳ ಸಮೇತ ನಗರದ ಜಿಲ್ಲಾಡಳಿತ ಭವನದಲ್ಲಿರುವ ಲೇವಾದೇವಿ ನಿಬಂಧಕರು ಹಾಗೂ ಸಹಕಾರ ಸಂಘಗಳ ಉಪನಿಬಂಧಕರ ಕಚೇರಿಗೆ ಸಲ್ಲಿಸಬಹುದು. ತಪ್ಪಿದಲ್ಲಿ ಸದರಿ ಪರವಾನಗಿದಾರರ ಭದ್ರತಾ ಠೇವಣಿಗಳನ್ನು ಕರ್ನಾಟಕ ಲೇವಾದೇವಿ ಕಾಯಿದೆ 1961 ಪ್ರಕರಣ 7 (ಬಿ) ಅನುಸಾರ ಸರ್ಕಾರಕ್ಕೆ ಮುಟ್ಟುಗೋಲು ಹಾಕಿಕೊಳ್ಳಲಾಗುವುದು. ನಂತರ ಸ್ವೀಕೃತವಾಗುವ ಯಾವುದೇ ಗ್ರಾಹಕ ಅಥವಾ ಸಾರ್ವಜನಿಕರ ಆಕ್ಷೇಪಣೆಗಳನ್ನು ಪರಿಗಣಿಸಲಾಗುವುದಿಲ್ಲವೆಂದು ಜಿಲ್ಲಾ ಲೇವಾದೇವಿ ನಿಬಂಧಕರು ಹಾಗೂ ಸಹಕಾರ ಸಂಘಗಳ ಉಪನಿಬಂಧಕರು ತಿಳಿಸಿದ್ದಾರೆ.

ಉಪಗ್ರಹ ಸ್ನಾತಕೋತ್ತರ ವಿಶ್ವವಿದ್ಯಾನಿಲಯಕ್ಕೆ ಈಗ ಅಂಬೇಡ್ಕರ್ ಸ್ನಾತಕೋತ್ತರ ವಿಶ್ವವಿದ್ಯಾನಿಲಯ ನಾಮಕರಣ

ಚಾಮರಾಜನಗರ, ಸೆ.2- ಜಿಲ್ಲೆಯಲ್ಲಿನ ಏಕೈಕ ಸ್ನಾತಕೋತ್ತರ ಉಪಗ್ರಹಧಾರಿತ ವಿಶ್ವ ವಿದ್ಯಾನಿಲಯಕ್ಕೆ ಈಗ ಡಾ. ಬಿ.ಆರ್. ಅಂಬೇಡ್ಕರ್ ಸ್ನಾತಕೋತ್ತರ ಕೇಂದ್ರ ಎಂದು ನಾಮಕರಣಗೊಳ್ಳಲಿದೆ.

ಕಳೆದ ಮೂರ್ನಾಲ್ಕು ವರ್ಷಗಳಿಂದ 12 ರಿಂದ 15 ವಿದ್ಯಾರ್ಥಿಗಳವರೆಗೆ ಪ್ರಾರಂಭವಾಗಿ ಈಗ ಸುಮಾರು 400 ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ವ್ಯಾಸಂಗ ಮಾಡುವ ಕೇಂದ್ರವಾಗಿದೆ.ಕಳೆದ ಒಂದು ತಿಂಗಳ ಹಿಂದೆಯಷ್ಟೇ ಸಿಂಡಿಕೇಟ್ ಸಭೆಯಲ್ಲಿ ಅಂಬೇಡ್ಕರ್ ಸ್ನಾತಕೋತ್ತರ ಕೇಂದ್ರ ಎಂದು ಹೆಸರಿಡುವ ಬಗ್ಗೆ ಪ್ರಸ್ತಾವನೆ ಸಲ್ಲಿಸಿ ಅನುಮೋದನೆಗೊಂದಿದೆ.

ನೂತನ ಕಟ್ಟಡವು ಬೇಡರಪುರದಲ್ಲಿನ ಜಾಗದಲ್ಲಿ ಕಟ್ಟಡ ಕಾಮಗಾರಿ ಭರದಿಂದ ನಡೆಯುತ್ತಿದ್ದು ಮುಂದಿನ ವರ್ಷದಿಂದ ಅಲ್ಲಿಯೇ ವ್ಯಾಸಂಗ ಮಾಡುವ ಆಶಾಭಾವನೆಯನ್ನು ವ್ಯಕ್ತಪಡಿಸಿದ್ದಾರೆ. ಮೈಸೂರು ವಿವಿಯ ನಗರದ ಸ್ನಾತಕೋತ್ತರ ಉಪಕೇಂದ್ರವು ಡಾ. ಬಿ.ಆರ್. ಅಂಬೇಡ್ಕರ್ ಸ್ನಾತಕೋತ್ತರ ಕೇಂದ್ರ ಎಂದು ನಾಮಕರಣಗೊಂಡಿದ್ದು ಹೊಸ ಹೊಸ ವಿಭಾಗಗಳ ಆರಂಭವಾಗಿದ್ದು ವಿದ್ಯಾರ್ಜನೆಗೆ ಉತ್ತಮ ವಾತವರಣ ನಿರ್ಮಾಣವಾಗಲಿದೆ ಎಂದು ಸ್ನಾತಕೋತ್ತರ ಕೇಂದ್ರದ ನಿರ್ದೇಶಕರಾದ ಪ್ರೊ. ಶಿವಬಸವಯ್ಯ ಪತ್ರಿಕೆಗೆ ತಿಳಿಸಿದ್ದಾರೆ

ರೈತರು ಸಂಘಟಿತರಾಗಲು ಕೋಡಿಹಳ್ಳಿ ಚಂದ್ರಶೇಖರ್ ಕರೆ

ಹುಣಸೂರು,ಸೆ.2-ಸಿದ್ದರಾಮಯ್ಯ ಮುಖ್ಯಮಂತ್ರಿಯಾದರೆ ರೈತರಿಗೆ ಅನುಕೂಲವಾಗುತ್ತದೆ ಎಂದು ಆಶಾ ಭಾವನೆಯಿತ್ತು ಅದರೆ ಅದು ಸುಳ್ಳಾಗಿ ಜಿಲ್ಲೆಯಲ್ಲೆ ಸರಣಿ ಆತ್ಮಹತ್ಯೆ ನಡೆಯುತ್ತಿದ್ದು ನಾವು ಸಂಘಟಿತರಾಗಿ ಹೋರಾಟಕ್ಕೆ ಮುಂದಾಗಬೇಕೆಂದು ಕರ್ನಾಟಕ ರಾಜ್ಯ ರೈತ ಸಂಘದ ರಾಜ್ಯಾಧ್ಯಕ್ಷ ಕೋಡಿಹಳ್ಳಿ ಚಂದ್ರಶೇಖರ್ ವಿಷಾದ ವ್ಯಕ್ತಪಡಿಸಿದರು.

ನಗರದ ಬಾಬು ಜಗಜೀವನ್ ರಾಮ್ ಸಮುದಾಯ ಭವನದಲ್ಲಿ ರಾಜ್ಯ ರೈತ ಸಂಘದ ತಾಲ್ಲೂಕು ಶಾಖೆಯ ಉದ್ಘಾಟನೆ ಸಮಾರಂಭದಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು ಸ್ವಾತಂತ್ರ್ಯ ಬಂದು 69 ವರ್ಷ ಕಳೆದರು ಸಹ ನ್ಯಾಯ ಸಿಗುತ್ತಿಲ ಗ್ರಾಮೀಣ ಭಾಗಕ್ಕೆ ಸಿಗುವುದು ಕೇವಲ ಶೇ 1 ರಿಂದ 2 ಮಾತ್ರ ಅದರೆ ಮುಖ್ಯಮಂತ್ರಿಗಳು ಹೇಳುವುದು ಸಾವಿರಾರು ಕೋಟಿ ಇದನ್ನು ರೈತರು ನಂಬಬೇಡಿ ನಿಮ್ಮ ಕೈಯಲ್ಲಿ ಬೆಳೆ ಬೆಳೆಸಲು ಸಹಾಯಧನ ನೀಡುವುದು ನಿವು ಜಾಗೃತರಾಗದಿದ್ದಾರೆ ಮುಂದೆ ಅನಾಹುತ ಕಾದಿದೆ ಎಂದು ಎಚ್ಚರಿಸಿದರು.

ದೇಶಕ್ಕೆ ಅನ್ನ ಬಟ್ಟೆ ಕೊಡುವ ನಾವು ಭಿಕ್ಷುಕರಾಗಿದ್ದೇವೆ. ಪ್ರಧಾನ ಮಂತ್ರಿಗಳು ಮತ್ತು ಮುಖ್ಯಮಂತ್ರಿಗಳು ರೈತರ ಸಂಪೂರ್ಣ ಸಾಲ ಮನ್ನ ಮಾಡಬೇಕು ಇಲ್ಲವಾದರೆ ಈಗಾಗಲೆ ರೈತ ಸಾಲದ ದವಡೆಯಲ್ಲಿ ಸಿಲುಕಿ ನರಳುತಿರುವ ಅನ್ನದಾತ ಆತ್ಮಹತ್ಯೆ ದಾರಿ ಹಿಡಿದರೆ ಅದಕ್ಕೆ ಸರ್ಕಾರವೇ ನೇರ ಹೊಣೆ ಎಂದರು. 2015 ರ ಬ್ಯಾಡ್ ಲೋನ್‍ನಲ್ಲಿ ಸರ್ಕಾರಕ್ಕೆ 4 ಲಕ್ಷದ 60 ಸಾವಿರ ಕೋಟಿ ವಸೂಲಿಯಾಗದ ಸಾಲ ಎಂದು ತೊರಿಸಿದ್ದಾರೆ ಇದರಲ್ಲಿ ಮಲ್ಯ ಸೇರಿದಂತೆ ನೂರು ಜನ ಶ್ರೀಮಂತರಿಗೆ 75 ಸಾವಿರ ಕೋಟಿ ರೂ ಸಾಲ ಮನ್ನ ಮಾಡಿದ್ದಾರೆ.ರೈತರ ಸಾಲ ಮನ್ನ ಮಾಡಲು ಏಕೆ ಸರ್ಕಾರ ಹಿಂಜರಿಯುತ್ತದೆ ಎಂದು ಲೇವಡಿ ಮಾಡಿದರು.

ಪ್ರತಿ ಗ್ರಾಮಗಳಲ್ಲಿ ರೈತರ ಸಂಘದ ನಾಮಫಲಕಗಳನ್ನು ಹಾಕಬೇಕು ಪ್ರತಿ ಗ್ರಾಮಗಳಲ್ಲಿ ಕನಿಷ್ಠ 10 ಜನ ಸದಸ್ಯರನ್ನು ಸಂಘಟಿಸಿ ಹೋರಾಟದ ಮೂಲಕ ತಮ್ಮ ಸವಲತ್ತು ಮತ್ತು ನ್ಯಾಯ ಪಡೆಯಬೇಕೆಂದು ತಿಳಿಸಿದರು.

ಕಾರ್ಯಕ್ರಮದಲ್ಲಿ ರಾಜ್ಯ ಕಾರ್ಯದರ್ಶಿ ಅಬ್ಬಣ್ಣ ಶಿವಪ್ಪ, ವೆಂಕಟಚಾಲಯ್ಯ, ವಿಠಲ್ ರಾವ್ ಕಾರಾಡೇ, ದೊಡ್ಡಹನುಮೇಗೌಡ, ಹೊಸೂರು ಕೃಷ್ಣಕುಮಾರ್ ಮಾತನಾಡಿದರು. ಕಾರ್ಯಕ್ರಮದಲ್ಲಿ ಬಲ್ಲೇನಹಳ್ಳಿ ಕೆಂಪರಾಜು, ಆಶ್ರಯ ಸಮಿತಿ ಮಾಜಿ ಸದಸ್ಯ ಕಿಟ್ಟು ಸೇರಿದಂತೆ ನೂರಾರು ರೈತರು ಭಾಗವಹಿಸಿದರು.

ಜಾಗೃತಿ ಅಭಿಯಾನಕ್ಕೆ ಚಾಲನೆ

ಹುಣಸೂರು;-ಸೆ-02 ಅನ್ನದಾತನಿಗೆ ಆತ್ಮಸ್ಥೈರ್ಯ ತುಂಬಲು ರಾಜ್ಯ ರೈತರ ಸಂಘ ಹಾಗೂ ಹಸಿರು ಸೇನೆ ವತಿಯಿಂದ ರಾಜ್ಯಾದ್ಯಂತ ರೈತ ಜಾಗೃತಿ ಅಭಿಯಾನಕ್ಕೆ ಆಹಾರ ಇಲಾಖೆ ಉಪನಿರ್ದೇಶಕ ಕಾ, ರಾಮೇಶ್ವರಪ್ಪ ಚಾಲನೆ ನೀಡಿದರು.

ನಗರದ ಮುನೇಶ್ವರ ಕಾವಲು ಮೈದಾನದಲ್ಲಿ ರೈತರ ಸಂಘದ ಕಾರ್ಯಕರ್ತರು ಸಮಾವೇಶಗೊಂಡು ಹಸಿರು ಬಾವುಟ ಹಾರಿಸುವ ಮೂಲಕ ಚಾಲನೆ ನೀಡಿ ಮಾತನಾಡಿದ ಅವರು ಜಿಲ್ಲಾಧಿಕಾರಿಗಳು ಎಲ್ಲ ತಾಲ್ಲೂಕುಗಳಿಗೆ ಭೇಟಿ ನೀಡಿ ರೈತರಿಗೆ ಆತ್ಮಸ್ಥೈರ್ಯ ತುಂಬುವ ಮೂಲಕ ಯಾರು ಸಾಲಕ್ಕೆ ಹೇದರಬೇಡಿ ಎಂದು ಸಂದೇಶ ನೀಡಿದ್ದಾರೆ ನಿಮ್ಮ ಕಷ್ಟಗಳಿಗೆ ನಾವು ಸ್ಪಂದಿಸುತ್ತೇವೆ ಎಂದರು.

ಜಿಲ್ಲಾ ರೈತರ ಸಂಘದ ಕಾರ್ಯದರ್ಶಿ ಹೊಸಕೋಟೆ ಬಸವರಾಜು ಮಾತನಾಡಿ ರೈತರ ಸಮಸ್ಯೆಗೆ ಆತ್ಮಹತ್ಯೆ ಪರಿಹಾರವಲ್ಲ ಹೊರಾಟ ಮಾಡಿ ಬಗೆಹರಿಸಿಕೊಳ್ಳೊಣ ಆತ್ಮಹತ್ಯೆ ಮೊರೆ ಹೊಗದಿರಿ ನಿಮ್ಮೊಂದಿಗೆ ನಾವು ಇದ್ದೇವೆ. ನಿಮ್ಮ ಸಮಸ್ಯೆಗಳಿಗೆ ನಮ್ಮ ಸ್ಪಂದನೆ ಇದೆ. ರೈತ ಕುಲದ ನಾಶ ದೇಶದ ಆಹಾರ ಭದ್ರತೆ ವಿನಾಶ ಎಂದರು.

ದೇಶದಲ್ಲಿ 3.50 ಲಕ್ಷಕ್ಕಿಂತಲು ಹೆಚ್ಚು ಜನ ರೈತರು ಆತ್ಮಹತ್ಯೆಗೆ ಒಳಗಾಗಿದ್ದಾರೆ ನಮ್ಮ ರಾಜ್ಯ ಒಂದರಲ್ಲೇ 19 ಸಾವಿರಕ್ಕೂ ಹೆಚ್ಚು ರೈತರು ಆತ್ಮಹತ್ಯೆಗೆ ಒಳಗಾಗಿದ್ದಾರೆ ಇದು ರೈತರು ಮಾಡಿಕೊಳ್ಳತ್ತಿರುವ ಆತ್ಮಹತ್ಯೆಯಲ್ಲ ಸರ್ಕಾರವೆ ಮಾಡಿತ್ತಿರುವ ಹತ್ಯೆ ಎನ್ನದೆ ಬೇರೆ ಏನು ಹೇಳಲು ಸಾಧ್ಯವಿಲ್ಲ ಉತ್ತಿ, ಬಿತ್ತಿ ಸಾಕಲ ಜೀವರಾಶಿಗಳಿಗೂ ಅನ್ನ ನೀಡಿತ್ತಿರುವ ನಾವೇಕೆ ಆತ್ಮಹತ್ಯೆ ಮಾಡಿಕೊಳ್ಳಬೇಕು ನಮ್ಮ ಸರ್ಕಾರ ಹಾಗೂ ರಾಜಕೀಯ ಪಕ್ಷಗಳು ಆತ್ಮಹತ್ಯೆ ಮಾಡಿಕೊಳ್ಳಲಿ ಎಂದ ಅವರು ಬನ್ನಿ, ಬಾಳಿ ಬದುಕೊಣ ಸರ್ಕಾರದ ಕೆಟ್ಟ ನೀತಿಗಳ ವಿರುದ್ಧ ಸಂಘಟಿತರಾಗಿ ಹೋರಾಟ ಮಾಡೋಣ ಎಂದರು.

ಜಾಥದಲ್ಲಿ ಜಿಲ್ಲಾ ರೈತ ಸಂಘದ ಅಧ್ಯಕ್ಷ ಹೊಸೂರು ಕುಮಾರ್, ಜಿಲ್ಲಾ ಮಹಿಳಾ ಅಧ್ಯಕ್ಷೆ ನೇತ್ರಾವತಿ, ತಾಲ್ಲೂಕು ರೈತ ಸಂಘದ ಅಧ್ಯಕ್ಷ ಬೆಂಕಿಪುರ ಚಿಕ್ಕಣ್ಣ,ಕೆ.ಎಂ.ಪುಟ್ಟಸ್ವಾಮಿ, ಆಶ್ವಥ್ ನಾರಾಯಣ್, ದಸಂಸ ರತ್ನಪುರಿ ಪುಟ್ಟಸ್ವಾಮಿ, ಕೃಷ್ಣಪ್ಪ, ಮಂಜುನಾಥ್ ಅರಸು, ನಂಜುಂಡಸ್ವಾಮಿ, ಕಾರ್ಯದರ್ಶಿ ಆಸ್ವಾಳ್ ಶಂಕರೇಗೌಡ, ನಾಗಣ್ಣಚಾರ್ ಸೇರಿದಂತೆ ನೂರಕ್ಕೂ ಹೆಚ್ಚು ಮಂದಿ ಭಾಗವಹಿಸಿದರು.

ಸೆಷ್ಟೆಂಬರ್ ಮಾಹೆ ಪಡಿತರ ಬಿಡುಗಡೆ

ಮೈಸೂರು,ಸೆ.2- ಮೈಸೂರು ಜಿಲ್ಲೆಯ ಪಡಿತರ ಚೀಟಿದಾರರಿಗೆ ಅನ್ನಭಾಗ್ಯ ಯೋಜನೆ ಅಡಿಯಲ್ಲಿ ಸೆಪ್ಟೆಂಬರ್ 2015ರ ಮಾಹೆಗೆ ಅಂತ್ಯೋದಯ ಕಾರ್ಡುದಾರರಿಗೆ ಉಚಿತವಾಗಿ 35 ಕೆ.ಜಿ. ಅಕ್ಕಿ, ಬಿಪಿಎಲ್ ಪಡಿತರ ಕಾರ್ಡುದಾರರಿಗೆ ಪ್ರತಿ ಸದಸ್ಯರಿಗೆ ಉಚಿತವಾಗಿ 5 ಕೆ.ಜಿ. ಅಕ್ಕಿ, ನೀಡಲಾಗುವುದು. ಬಿಪಿಎಲ್ ಹಾಗೂ ಅಂತ್ಯೋದಯ ಕಾರ್ಡುದಾರರಿಗೆ 1 ಲೀಟರ್ ತಾಳೆ ಎಣ್ಣೆ ರೂ. 25/-, 1 ಕೆ.ಜಿ. ಅಯೋಡೈಸ್ಡ್ ಉಪ್ಪು ರೂ. 2 /-, ಹಾಗೂ 1 ಕೆ.ಜಿ. ಸಕ್ಕರೆ ರೂ. 13-50/- ದರದಲ್ಲಿ ಬಿಡುಗಡೆ ಮಾಡಲಾಗುವುದು.

ಎಪಿಎಲ್ ಪಡಿತರ ಕಾರ್ಡು ಏಕಸದಸ್ಯರಿಗೆ 3 ಕೆ.ಜಿ. ಅಕ್ಕಿ ,(ರೂ. 15=00 ಪ್ರತಿ ಕೆ.ಜಿ.ಗೆ) 2 ಕೆ.ಜಿ. ಗೋಧಿ (ರೂ. 10=00 ಪ್ರತಿ ಕೆ.ಜಿ.ಗೆ) ಎರಡು ಅಥವಾ ಹೆಚ್ಚಿನ ಕುಟುಂಬ ಸದಸ್ಯರಿಗೆ 5 ಕೆ.ಜಿ. ಅಕ್ಕಿ,(ರೂ. 15=00 ಪ್ರತಿ ಕೆ.ಜಿ.ಗೆ) ಹಾಗೂ 5 ಕೆ.ಜಿ. ಗೋಧಿ (ರೂ. 10=00 ಪ್ರತಿ ಕೆ.ಜಿ.ಗೆ) ನೀಡಲಾಗುವುದು.

ಜಿಲ್ಲೆಯಲ್ಲಿ ಪಡಿತರ ವಿತರಣೆಗೆ ಸಂಬಂಧಿಸಿದಂತೆ ಯಾವುದೇ ದೂರುಗಳಿದ್ದಲ್ಲಿ ಕಾರ್ಡುದಾರರು ಸಂಬಂಧಿಸಿದ ಗ್ರಾಮ ಪಂಚಾಯಿತಿ/ತಾಲ್ಲೂಕು ಮಟ್ಟದ ಅಧಿಕಾರಿಗಳು ಅಥವಾ ತಹಶೀಲ್ದಾರ್ ಅವರನ್ನು ಸಂಪರ್ಕಿಸಬಹುದು ಅಥವಾ ಡಾ.ಕೆ. ರಾಮೇಶ್ವರಪ್ಪ, ಹಿರಿಯ ಉಪನಿರ್ದೇಶಕರು, ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆ ಮೈಸೂರು ದೂರವಾಣಿ ಸಂಖ್ಯೆ 0821-2422107 ಅಥವಾ ಬೆಂಗಳೂರಿನ ಶುಲ್ಕ ರಹಿತ ಸಹಾಯವಾಣಿ 1800-425-9339ಗೆ ದೂರು ಸಲ್ಲಿಸಬಹುದೆಂದು ತಿಳಿಸಿದ್ದಾರೆ.

ಸೆ. 5 ರೊಳಗಾಗಿ ಪಡಿತರ ಚೀಟಿ ನವೀಕರಿಸಿಕೊಳ್ಳಿ

ಮೈಸೂರು,ಸೆ.2- ಮೈಸೂರು ಜಿಲ್ಲೆಯಲ್ಲಿ 2010 ಕ್ಕಿಂತಲೂ ಹಿಂದಿನ ಖಾಯಂ ಪಡಿತರ ಚೀಟಿಗಳನ್ನು ಹೊಂದಿರುವ ಕಾರ್ಡುದಾರರು ತಮ್ಮ ಪೋಟೋ ಮತ್ತು ಬಯೋಮೆಟ್ರಿಕ್ ಸಲ್ಲಿಸಲು ಸೆಪ್ಟೆಂಬರ್ 5 ಕೊನೆಯ ದಿನಾಂಕವಾಗಿರುತ್ತದೆ.

2010ಕ್ಕಿಂತಲೂ ಹಿಂದಿನ ಖಾಯಂ ಪಡಿತರ ಚೀಟಿಗಳನ್ನು ನವೀಕರಿಸಲು ಹಾಗೂ ಚಾಲ್ತಿಯಲ್ಲಿರುವ ಎಲ್ಲಾ ಪಡಿತರ ಚೀಟಿಗಳನ್ನು ಹೊಂದಿರುವವರು ಪಡಿತರ ಚೀಟಿಗಳಲ್ಲಿರುವ ಕುಟುಂಬದ ಎಲ್ಲಾ ಸದಸ್ಯರ ಚುನಾವಣಾ ಗುರುತಿನ ಚೀಟಿ ಸಂಖ್ಯೆ, ಆಧಾರ್ ಸಂಖ್ಯೆ ಹಾಗೂ ಹೊಸದಾಗಿ ಫೋಟೋ ಮತ್ತು ಬಯೋಮೆಟ್ರಿಕ್ ಮಾಹಿತಿಗಳನ್ನು ನೀಡುವ ಅವಶ್ಯಕತೆ ಇರುತ್ತದೆ. 2010 ಕ್ಕಿಂತಲೂ ಹಿಂದೆ ಪಡಿತರ ಚೀಟಿ ಪಡೆದ 3,48,390 ಫಲಾನುಭವಿಗಳು ಸರ್ಕಾರ ಕೋರಿಕೆಯಂತೆ ಆನ್‍ಲೈನ್ ನಲ್ಲಿ ಹೊಸದಾಗಿ ಫೋಟೋ ಮತ್ತು ಬಯೋಮೆಟ್ರಿಕ್ ಮಾಹಿತಿ ನೀಡಿರುತ್ತಾರೆ ಇನ್ನು ಬಾಕಿ ಉಳಿದೆ 1,28,251 ಪಡಿತರ ಚೀಟಿದಾರರು ಮಾಹಿತಿಯನ್ನು ಒದಗಿಸಿರುವುದಿಲ್ಲ.

ಗ್ರಾಮೀಣ ಪ್ರದೇಶಗಳಲ್ಲಿರುವ ಕಾರ್ಡುದಾರರು ಸಂಬಂಧಪಟ್ಟ ಗ್ರಾಮ ಪಂಚಾಯಿತಿಗಳಿಗೆ ಹೋಗಿ ಅವರ ಪಡಿತರ ಚೀಟಿಗಳನ್ನು ನವೀಕರಿಸಲು ನಗರ ಪ್ರದೇಶದಲ್ಲಿ ಖಾಸಗಿ ಫೋಟೋ ಬಯೋ ಸೆಂಟರ್, ಜನಸ್ನೇಹಿ ಕೇಂದ್ರಗಳು, ಮೈಸೂರು ಒನ್ ಕೇಂದ್ರಗಳಲ್ಲಿ ಫೋಟೋ ಮತ್ತು ಬಯೋಮೆಟ್ರಿಕ್ ಮಾಹಿತಿ ಸಲ್ಲಿಸುವಂತೆ ಜಿಲ್ಲಾಧಿಕಾರಿ ಸಿ.ಶಿಖಾ ಅವರು ಪ್ರಕಟಣೆಯಲ್ಲಿ ಕೋರಿದ್ದಾರೆ.

ಫರ್ನಿಚರ್ ಅಂಗಡಿಯಲ್ಲಿ ಕಳ್ಳತನಕ್ಕೆ ವಿಫಲ ಯತ್ನ

ಚಾಮರಾಜನಗರ.ಸೆ.2- ಕಳೆದ ರಾತ್ರಿ ಕಳ್ಳರು ಸ್ಟೀಲ್ ಫರ್ನಿಚರ್ ಅಂಗಡಿಗೆ ನುಗ್ಗಿ ಕಳ್ಳತನ ಮಾಡಲು ವಿಫಲ ಯತ್ನ ನಡೆಸಿದ ಘಟನೆ ನಗರದ ಸಂತೇಮರಳ್ಳಿ ಸರ್ಕಲ್ ಬಳಿ ನಡೆದಿದೆ. ಅಂಗಡಿಗಳು ಸಯ್ಯದ್ ಅನ್ಸರ್ ಎಂಬುವವರಿಗೆ ಸೇರಿದಾಗಿದ್ದು ಕಳೆದ ರಾತ್ರಿ ನಡೆದಿದೆ ಎನ್ನಲಾಗಿದೆ.

ಇಂದು ಸಮೀಪದಲ್ಲಿನ ಆಟೋ ಚಾಲಕರು ದೂರವಾಣಿ ಕರೆ ಮಾಡಿ ತಿಳಿಸಲಾಗಿ ಬಾಗಿಲು ತೆಗೆಯಲು ಬಂದಾಗ ಈ ಘಟನೆ ತಿಳಿದುಬಂದಿದೆ. ಚಾಮರಾಜನಗರ ಪಟ್ಟಣ ಠಾಣೆಯಲ್ಲಿ ದೂರು ದಾಖಲಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಬಂದ್ ಗೆ ಬೆಂಬಲವಿಲ್ಲ

ಮೈಸೂರು.ಸೆ.2-ಕೆಲವು ಸಂಘಟನೆಗಳು ದಿನಾಂಕ 2-9-15 ರಂದು ಬಂದ್ ಮಾಡಲು ಕರೆ ನೀಡಿರುತ್ತಾರೆ. ಹಾಗೆಯೇ ರೈತ ಸಂಘಟನೆಯೂ ಸಹ ದಿನಾಂಕ 5-9-15 ರಂದು ಕರ್ನಾಟಕ ಬಂದ್ ಗೆ ಕರೆ ನೀಡಿದ್ದು. ಹಾಗೆಯೇ ಶ್ರೀ ವಾಟಾಳ್ ನಾಗರಾಜ್ ಅವರೂ ಕೂಡ ದಿನಾಂಕ 26-9-15 ರಂದು ಬಂದ್ ಗೆ ಕರೆ ನೀಡಿರುತ್ತಾರೆ. ಈ ರೀತಿ ಹತ್ತಾರು ಸಂಘಟನೆಗಳು ದಿನನಿತ್ಯ ಬಂದ್ ಮಾಡುತ್ತಿದ್ದರೆ ದಿನಗೂಲಿ ಹಾಗೂ ದಿನನಿತ್ಯದ ಎಲ್ಲಾ ತರಹದ ವ್ಯಾಪಾರಸ್ಥರಿಗೂ ತುಂಬಾ ಅನಾನುಕೂಲವಾಗುತ್ತದೆ.

ಮೈಸೂರು ಅಥವಾ ಕರ್ನಾಟಕ ಬಂದ್ ಮಾಡಿ ಜನಜೀವನ ಅಸ್ತವ್ಯಸ್ತ ಮಾಡಿ, ಸಾರ್ವಜನಿಕರಿಗೆ ನಷ್ಟಉಂಟು ಮಾಡಿ ತೊಂದರೆ ಕೊಡಲು ನಾವು ಸಿದ್ದರಿಲ್ಲ. ಈ ಬಂದ್ ಮಾಡುವುದರಿಂದ, ದಿನನಿತ್ಯ ದುಡಿಯುವ ಕೂಲಿ ಕಾರ್ಮಿಕರಾದ ಕಟ್ಟಡ ಕಾರ್ಮಿಕರು, ಗಾರೆ ಕೆಲಸ, ಬಟ್ಟೆ ಕೆಲಸ, ನೇಯ್ಗೆ, ಹೋಟೆಲ್ ಕಾರ್ಮಿಕರು, ಪ್ಲಂಹಿಂಗ್ ಕೆಲಸ, ಸುಣ್ಣ ಬಣ್ಣದ ಕೆಲಸ, ದಿನದ ದುಡಿಮೆ ನಂಬಿರುವ ಕಾರ್ಖಾನೆ ಕಾರ್ಮಿಕರು, ಎಲೆಕ್ಟ್ರಿಕ್ ಕೆಲಸ, ಆಟೋ ಚಾಲಕರು, ದಿನವೂ ತರಕಾರಿ ಮಾರುವವರು ಸೇರಿ ಇನ್ನೂ ಅನೇಕ ಸಾರ್ವಜನಿಕರು ಒಟ್ಟಾರೆ ಹೇಳಬೇಕೆಂದರೆ ರಾಜ್ಯದಲ್ಲಿ ಒಂದು ಕೋಟಿಗೂ ಅಧಿಕ ದಿನಗೂಲಿ ನೌಕರರುಗಳಿಗೆ ತೊಂದರೆಯಾಗುತ್ತದೆ. ಇದರಲ್ಲಿ ಮೈಸೂರಿನಲ್ಲಿರುವ ಹೋಟೆಲ್ ಕಾರ್ಮಿಕರು ಸೇರಿ ಸುಮಾರು 2 ಲಕ್ಷ ದಿನಗೂಲಿ ನಂಬಿ ಬದುಕು ಸಾಗಿಸುವವರಿಗೆ ಬಹಳವೇ ಕಷ್ಟವಾಗುತ್ತದೆ. ಜನರ ದೈನಂದಿನ ಜೀವನಕ್ಕೆ ಭಾರೀ ಕೊಡಲಿಪೆಟ್ಟಾಗಲಿದೆ ಆದ್ದರಿಂದ ನಮ್ಮ ಹೋಟೆಲ್ ಮಾಲೀಕರ ಸಂಘವು ಬಂದ್ ಮಾಡದೇ ಸಹಕಾರ ನೀಡಲು ಸಿದ್ದವಿದೆ. ಧರಣಿಯಲ್ಲಿ ಪಾಲ್ಗೊಳ್ಳುತ್ತೇವೆ. ಹಾಗೂ ಎಲ್ಲಾ ರೀತಿಯ ಸಹಕಾರ ನೀಡಲು ಸಿದ್ದವಿದೆ. ಜನಜೀವನ ಅಸ್ತವ್ಯಸ್ತ ಮಾಡಲು ನಮ್ಮ ಸಹಕಾರವಿಲ್ಲ, ಸಾರ್ವಜನಿಕರಿಗೆ ತೊಂದರೆ ಕೊಡಲು ನಾವು ಸಿದ್ದವಿಲ್ಲ.

ವೈದ್ಯಕೀಯ ವೃತ್ತಿಯಲ್ಲಿ ಸೇವಾ ಮನೋಭಾವನೆ ಅತ್ಯವಶ್ಯಕ-ಎಂ.ಆರ್.ರವಿ

ಮೈಸೂರು.ಸೆ.2- ವೈದ್ಯಕೀಯ ವೃತ್ತಿಯು ಸೇವಾ ವೃತ್ತಿಯಾಗಿದ್ದು ಇದನ್ನು ತಮ್ಮ ಗಮನದಲ್ಲಿಟ್ಟುಕೊಂಡು ಸಾರ್ವಜನಿಕರ ಸೇವೆಗೆ ಮುಂದಾಗಬೇಕೆಂದು ಹೆಚ್ಚುವರಿ ಪ್ರಾದೇಶಿಕ ಆಯುಕ್ತರಾದ ಡಾ|| ಎಂ.ಆರ್.ರವಿ ನೂತನ ವಿದ್ಯಾರ್ಥಿಗಳಿಗೆ ಕರೆ ಇತ್ತರು.

ಅವರು ಇಂದು ನಗರದ ಊಟಿ ಬೆಂಗಳೂರು ರಸ್ತೆಯಲ್ಲಿರುವ ಜೆ.ಎಸ್.ಎಸ್ ವೈದ್ಯಕೀಯ ಕಾಲೇಜಿನ ರಾಜೇಂದ್ರ ಭವನದಲ್ಲಿ ಆಯೋಜಿಸಿದ್ದ 2015-16 ನೇ ಸಾಲಿನ ಮೊದಲ ಎಂ.ಬಿ.ಬಿ.ಎಸ್ ತಂಡದ ಪದಗ್ರಹಣ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡು ಮಾತನಾಡುತ್ತಿದ್ದರು.

ಇಂದು ವೈದ್ಯಕೀಯ ಸೇವೆಯನ್ನು ಕೆಲವು ವೈದ್ಯರು ಹಣ ಸಂಪಾದನೆಗಾಗಿಯೇ ಮೀಸಲಿಟ್ಟು ಹಣ ಸಂಪಾದನೆಯಲ್ಲಿ ತೊಡಗಿರುವುದನ್ನು ಕಾಣಬಹುದಾಗಿದೆ. ಇದು ಒಂದು ರೀತಿಯಲ್ಲಿ ತಪ್ಪು ಎಂದು ನನ್ನ ಭಾವನೆಯಾಗಿದೆ. ಆದರೆ ಕೆಲವು ವೈದ್ಯರು ಸೇವಾ ಮನೋಭಾವದಿಂದ ಸೇವೆಗೆ ಮುಂದಾಗುತ್ತಿರುವುದು ಸಂತಸದ ಸಂಗತಿ ಎಂದರು.

ವೈದ್ಯೋಹರಿ ನಾರಾಯಣ ಎಂಬ ಸೂಕ್ತಿಯನ್ನು ತಮ್ಮ ಗಮನದಲ್ಲಿಟ್ಟುಕೊಂಡು ತಮ್ಮಲ್ಲಿಗೆ ಬರುವ ರೋಗಿಗಳೊಂದಿಗೆ ನಗುಮುಖದಿಂದ ವರ್ತಿಸುವುದನ್ನು ರೂಢಿಸಿಕೊಳ್ಳಬೇಕು. ಇದರಿಂದ ರೋಗಿಗಳ ರೋಗವು ಅರ್ದ ವಾಸಿಯಾದಂತೆಯೇ ವೈದ್ಯರುಗಳು ರೋಗಿಗಳೊಂದಿಗೆ ಸಮಾಧಾನ ಚಿತ್ತದಿಂದ ರೋಗಿಗಳ ತೊಂದರೆಗಳನ್ನು ಆಲಿಸಿದ ನಂತರ ಚಿಕಿತ್ಸೆ ಮುಂದಾಗಬೇಕೆಂದರು.

ಇಂದು ಕಾಲೇಜಿಗೆ ಸೇರ್ಪಡೆಯಾದ ವಿದ್ಯಾರ್ಥಿಗಳಿಗೆ ಕಾಲೇಜು, ಸ್ಥಳ, ಹಾಗೂ ಕೋರ್ಸು ಹೊಸದಾಗಿದ್ದು ಇದಕ್ಕೆ ಹೊಂದಿಕೊಂಡು ನಡೆದುಕೊಳ್ಳುವುದು ಉತ್ತಮ. ಒಂದೆಡೆ ಹಳೆಯ ಬೇರು ಇನ್ನೊಂದೆಡೆ

ಖಾಸಗಿ ಶಾಲೆಗೆ ದಂಬಾಲು ಬೀಳುತ್ತಿರುವ ಪೋಷಕರು;ಎಸಿ ನಾಗರಾಜ್

ನಾಗಮಂಗಲ, ಸೆ.2- ಸರ್ಕಾರ ಶಿಕ್ಷಣಕ್ಕೆ ಉತ್ತೇಜನ ನೀಡಲು ಅನೇಕ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ. ಉಚಿತವಾಗಿ ಪುಸ್ತಕ, ಬಟ್ಟೆ, ಊಟ ನೀಡುತ್ತಿದೆ. ಇದರ ಸದ್ಬಳಕೆ ಆಗಲಿ. ಖಾಸಗಿ ಶಾಲೆಗಳಲ್ಲಿ ಈ ಯಾವುದೇ ಸೌಲಭ್ಯ ಇಲ್ಲದಿದ್ದರು ಪ್ರಸ್ತುತ ಸನ್ನಿವೆಶದಲ್ಲಿ ಪೋಷಕರು ಖಾಸಗಿ ಶಾಲೆಗಳಿಗೆ ದುಂಬಾಲು ಬೀಳುತ್ತಿರುವುದು ವಿಷಾದನೀಯ ಎಂದು ಪಾಂಡವಪುರ ಉಪವಿಭಾಗಾಧಿಕಾರಿ ಹೆಚ್ ಎಲ್ ನಾಗರಾಜು ಅಭಿಪ್ರಾಯಪಟ್ಟರು

ಪಟ್ಟಣದ ಉಪ್ಪಾರಹಳ್ಳಿ ಸರ್ಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆ, ಶಾಲಾಭಿವೃದ್ದಿ ಮತ್ತು ಮೇಲುಸ್ತುವಾರಿ ಸಮಿತಿ ಹಾಗೂ ಆದಿಚುಂಚನಗಿರಿ ವೈದ್ಯಕೀಯ ಮಹಾವಿದ್ಯಾಲಯದ ಸಹಯೋಗದಲ್ಲಿ ಸೋಮವಾರ ಉಚಿತ ವೈದ್ಯಕೀಯ ತಪಾಸಣಾ ಶಿಬಿರ ಉದ್ಘಾಟಿಸಿ ಮಾತನಾಡಿದರು

ವಿದ್ಯಾರ್ಥಿಗಳಲ್ಲಿ ಪಠ್ಯೇತರ ವಿಷಯಗಳಲ್ಲಿಯು ಆಸಕ್ತಿ ಮೂಡಿಸುವ ಕೆಲಸವಾಗಬೇಕು. ಪರಿಸರ ಉಳಿವು ಗಿಡ ಮರಗಳ ರಕ್ಷಣೆ ಅದರ ಉಪಯೋಗ ಕುರಿತು ವಿದ್ಯಾರ್ಥಿಗಳಲ್ಲಿ ಅರಿವು ಮೂಡಿಸಿದರು. ಇಂದು ದಾನಿಗಳು ಶಿಕ್ಷಣಕ್ಕಾಗಿ ಅನೇಕ ಸಹಕಾರ ನೀಡುತ್ತಿದ್ದಾರೆ. ಅಂತಹವರ ಪ್ರಯೋಜನ ಪಡೆದು ವಿದ್ಯಾರ್ಥಿಗಳ ಭವಿಷ್ಯ ನಿರ್ಮಾಣ ಕಾರ್ಯದಲ್ಲಿ ಶಾಲಾ ಅಭಿವೃದ್ಧಿ ಸಮಿತಿ ಹಾಗೂ ಶಿಕ್ಷಕ ವೃಂದ ತಮ್ಮನ್ನು ತೊಡಗಿಸಿಕೊಳ್ಳಬೇಕು. ಶಾಲೆಯ ಹಳೆ ವಿದ್ಯಾರ್ಥಿಗಳು ಉನ್ನತ ಸ್ಥಾನದಲ್ಲಿರುವವರು ತಮ್ಮ ಶಾಲೆಗಳ ಬಗ್ಗೆ ಒಲವು ತೋರುವಂತೆ ಪ್ರೇರೇಪಿಸಬೇಕು. ಮಕ್ಕಳಲ್ಲಿ ಆತ್ಮವಿಶ್ವಾಸ ತುಂಬುವ ಕಾರ್ಯ ಮೊದಲಾಗಬೇಕು ಎಂದು ನುಡಿದರು.

ಕಾರ್ಯಕ್ರಮಕ್ಕು ಮುನ್ನಾ ಶಾಲಾ ಆವರಣದಲ್ಲಿ ವಿವಿಧ ತಳಿಯ ಸಸಿಗಳನ್ನು ನೆಡಲಾಯಿತು. ಮುಖ್ಯಶಿಕ್ಷಕ ಜಯರಾಜ್ ಸ್ವಾಗತಿಸಿದರು ವೇದಿಕೆಯಲ್ಲಿ ಎಸ್‍ಡಿಎಂಸಿ ಅಧ್ಯಕ್ಷ ತಿರುಮಲಯ್ಯ,ಸದಸ್ಯ ಎಸ್. ವೆಂಕಟೇಶ್, ಎಸಿಎಫ್ ನರಸಿಂಹಯ್ಯ, ಇಓ ಬೆಟ್ಟಸ್ವಾಮಿಗೌಡ, ಗ್ರಾ.ಪಂ.ಅಧ್ಯಕ್ಷೆ ಅರುಣಾ, ಉಪಾಧ್ಯಕ್ಷ ನಂಜಪ್ಪ, ಸದಸ್ಯರಾದ ಅಶೋಕ್, ಕಾಂತರಾಜು ಹಾಗೂ ಸರಸ್ವತಿ, ಪ.ಪಂ.ಮುಖ್ಯಾಧಿಕಾರಿ ಮಂಜುನಾಥ್, ತೋ.ಇ.ಹಿ.ಸ.ನಿದೇರ್ಶಕಿ ಎಂ.ಶಾಂತ, ಬಿಸಿಎಂ ಇಲಾಖೆಯ ಮಂಜುನಾಥ್ ಭಾಗವಹಿಸಿದ್ದರು.