ಕನ್ನಡ ಸಾರಸತ್ವ ಲೋಕದ ಸಂಶೋಧಕ ಡಾ. ಕಲಬುರ್ಗಿ ಇನ್ನಿಲ್ಲ

ಸಿಂದಗಿ : ಸಿಂದಗಿ ತಾಲೂಕಿನ ಯರಗಲ್ಲ ಗ್ರಾಮದ ಕನ್ನಡ ನಾಡಿನ ಸಾರಸತ್ವ ಲೋಕದ ಸಂಶೋಧಕ, ಹಿರಿಯ ಸಾಹಿತಿ ಹಂಪಿ ವಿಶ್ವವಿದ್ಯಾಲಯದ ವಿಶ್ರಾಂತ ಕುಲಪತಿ ಡಾ. ಎಂ.ಎಂ.ಕಲಬುರ್ಗಿ(77) ಅವರನ್ನು ಅಪರಿಚಿತ ದುಷ್ಕರ್ಮಿಗಳು ಗುಂಡು ಹೊಡೆದು ಹತ್ಯೆ ಮಾಡಿರುವುದನ್ನು ಸಾರಸ್ವತ ಲೋಕದ ಗಣ್ಯರು , ರಾಜಕೀಯ ನಾಯಕರು ತೀವ್ರ ಖಂಡನೆ ವ್ಯಕ್ತಪಡಿಸಿz್ದÁರೆ.

ಡಾ. ಕಲಬುರ್ಗಿಯವರು ಅನೇಕ ಪ್ರಬಂಧ, ವಿಮರ್ಶಾತ್ಮಕ ಬರಹಗಳಿಂದ ತಮ್ಮನ್ನು ತಾವು ಗುರುತಿಸಿಕೊಂಡಿದ್ದರು. ತಮ್ಮ ನೇರ ಮತ್ತು ನಿಷ್ಠುರ ನಡೆಯ ಪ್ರಗತಿಪರತೆಯನ್ನು ಸಾಹಿತ್ಯ ಲೋಕಕ್ಕೆ ಪರಿಚಯಿಸಿದ ಸಾಹಿತಿ ಕಲಬುರ್ಗಿ ಮೇರು ವ್ಯಕ್ತಿತ್ವದ ಪರಿಚಯವನ್ನು ಮಾಡಿಕೊಡುತ್ತವೆ.

ಅವರ ಪೂರ್ಣ ಹೆಸರು ಮ¯್ಲÉೀಶಪ್ಪ ಮಡಿವಾಳಪ್ಪ ಕಲಬುರ್ಗಿಯವರು 1935 ನವಂಬರ 25ರಂದು ವಿಜಾಪುರ ಜಿ¯್ಲÉಯ ಸಿಂದಗಿ ತಾಲೂಕಿನ ಗುಬ್ಬೆವಾಡ(ತಾಯಿ ತವರು ಮನೆ) ಗ್ರಾಮದಲ್ಲಿ ಜನಿಸಿದ್ದರು. ಇವರ ತಾಯಿ ಗುರಮ್ಮ ತಂದೆ ಮಡಿವಾಳಪ್ಪ.

ಕರ್ನಾಟಕದ ಬಹು ಪ್ರಸಿದ್ಧ ವಿದ್ವಾಂಸರಲ್ಲಿ ಒಬ್ಬರಾಗಿದ್ದಕಲಬುರ್ಗಿಯವರ ಅಧ್ಯಯನ ಮತ್ತು ಕೊಡುಗೆಗಳು, ಶಾಸನಶಾಸ್ತ್ರ, ಸಾಹಿತ್ಯ ಚರಿತ್ರೆ, ಛಂದಸ್ಸು, ಇತಿಹಾಸ, ವಾಸ್ತುಶಿಲ್ಪ, ಗ್ರಂಥಸಂಪಾದನೆ, ಹಸ್ತಪ್ರತಿಶಾಸ್ತ್ರ, ಜಾನಪದ, ಸ್ಥಳನಾಮಗಳ ಅಧ್ಯಯನ, ಸಾಹಿತ್ಯ ವಿಮರ್ಶೆ ಮುಂತಾದ ಹತ್ತು ಹಲವು ಕ್ಷೇತ್ರಗಳಲ್ಲಿ ಹರಡಿಕೊಂಡಿದ್ದವು . ಸೃಜನಶೀಲ ಸಾಹಿತ್ಯದಲ್ಲೂ ಆಸಕ್ತಿ ಹೊಂದಿದ್ದ ಕಲಬುರ್ಗಿಯವರು ಎರಡು ನಾಟಕಗಳು ಮತ್ತು ಒಂದಿ ಕವನ ಸಂಕಲವನ್ನು ಪ್ರಕಟಿಸಿz್ದÁರೆ.

ಕರ್ನಾಟಕ ವಿಶ್ವವಿದ್ಯಾಲಯದಿಂದ ಬಿ.ಎ.(1960) ಮತ್ತು ಎಂ..ಎ.(1962) ಪದವಿಗಳನ್ನು ಪ್ರಥಮ ದರ್ಜೆ, ಪ್ರಥಮ ಸ್ಥಾನದೊಂದಿಗೆ ಪಡೆದರು. 1968 ರಲ್ಲಿ, ಅವರು ಸಲ್ಲಿಸಿದ, 'ಕವಿರಾಜಮಾರ್ಗ ಪರಿಸರದ ಕನ್ನಡ ಸಾಹಿತ್ಯ' ಎಂಬ ಮಹಾಪ್ರಬಂಧಕ್ಕೆ ಪಿ.ಎಚï.ಡಿ. ಪದವಿ ಬಂತು. 1962 ರಲ್ಲಿ ಕರ್ನಾಟಕ ಕಾಲೇಜಿನಲ್ಲಿ ಕನ್ನಡ ಅಧ್ಯಾಪಕರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ ಕಲಬುರ್ಗಿಯವರು 1966 ರಲ್ಲಿ ಕರ್ನಾಟಕ ವಿಶ್ವವಿದ್ಯಾಲಯದ 'ಕನ್ನಡ ಅಧ್ಯಯನ ಪೀಠ'ದಲ್ಲಿ ಅಧ್ಯಾಪಕರಾಗಿ ನೇಮಕವಾದರು. ಅಲ್ಲಿ ಅನೇಕ ಶೈP್ಷÀಣಿಕ ಮತ್ತು ಆಡಳಿತಾತ್ಮಕ ಹುz್ದÉಗಳನ್ನು ನಿರ್ವಹಿಸಿದರು.

ಸುಮಾರು ಹತ್ತೊಂಬತ್ತು ವರ್ಷಗಳು ಪ್ರಾಧ್ಯಾಪಕರಾಗಿದ್ದ ಕಲಬರ್ಗಿಯವರು, ಒಟ್ಟಿನಲ್ಲಿ ಮೂವತ್ತೊಂಬತ್ತು ವರ್ಷಗಳು ಶಿP್ಷÀಕ ವೃತ್ತಿಯಲ್ಲಿ ತೊಡಗಿಕೊಂಡಿದ್ದರು. ಅವರು ಆ ಅವಧಿಯಲ್ಲಿ ಅನೇಕ ಸಂಶೋಧನಯೋಜನೆಗಳನ್ನು ಯಶಸ್ವಿಯಾಗಿ ನಡೆಸಿಕೊಟ್ಟರು. 1998ಧಿ2001 ರ ಕಾಲಾವಧಿಯಲ್ಲಿ ಕಲಬುರ್ಗಿಯವರು ಹಂಪಿಯ ಕನ್ನಡ ವಿಶ್ವವಿದ್ಯಾಲಯದ ಉಪ ಕುಲಪತಿಗಳಾಗಿದ್ದರು. ಅಲ್ಲಿಯೂ ಅನೇಕ ಮಹತ್ವದ ಯೋಜನೆಗಳನ್ನು ಆಗುಮಾಡಿದ ಕಲಬುರ್ಗಿಯವರು ನಿವೃತ್ತಿಯ ನಂತರವೂ ಸಂಶೋಧನಾ ಚಟುವಟಿಕೆಗಳಲ್ಲಿಯೇ ಮಗ್ನರಾಗಿದ್ದರು .

ಕರ್ನಾಟಕ ಸರ್ಕಾರವು ಪ್ರಕಟಿಸಿದ ಹದಿನೈದು ಸಂಪುಟಗಳ 'ವಚನಸಾಹಿತ್ಯ ಸಂಪುಟ' ಮಾಲೆಗೆ ಅವರು ಪ್ರಧಾನ ಸಂಪಾದಕರಾಗಿದ್ದರು. ಹಾಗೆಯೇ 'ಸಮಗ್ರ ಕೀರ್ತನ ಸಂಪುಟ'ಗಳ ಸಂಪಾದಕ ಮಂಡಳಿಯ ಸದಸ್ಯರಾಗಿದ್ದರು.

'ಜಾನಪದ ಮತ್ತು ಯP್ಷÀಗಾನ ಅಕಾಡೆಮಿಯ ಜಾನಪದ ಪ್ರಶಸ್ತಿ','ಆರು ಪುಸ್ತಕಗಳಿಗೆ ರಾಜ್ಯ ಸಾಹಿತ್ಯ ಅಕಾಡೆಮಿಯ ಪ್ರಶಸ್ತಿ','ರಾಜ್ಯೋತ್ಸವ ಪ್ರಶಸ್ತಿ' ,'ಪಂಪ ಪ್ರಶಸ್ತಿ', 'ವರ್ಧಮಾನ ಪ್ರಶಸ್ತಿ','ವಿಶ್ವಮಾನವ ಪ್ರಶಸ್ತಿ', 2009ನೆಯ ಸಾಲಿನ ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಕಲಬುರ್ಗಿ ಅವರಿಗೆ ಒಲಿದು ಬಂದಿದೆ.

ಚಂದ್ರಕಾಂತ ಮಾವೂರ, ಸಿಂದಗಿ

ಖ್ಯಾತ ವಿಮರ್ಶಕ, ಸಾಹಿತಿ, ಹಂಪಿ ವಿಶ್ವವಿದ್ಯಾಲಯದ ವಿಶ್ರಾಂತ ಕುಲಪತಿ ಡಾ.ಎಂ.ಎಂ.ಕಲ್ಬುರ್ಗಿ ಅವರ ಹತ್ಯೆ ಖಂಡಿಸಿ ರಾಜಕೀಯ ಪಕ್ಷಗಳ ಮುಖಂಡರು, ವಿವಿಧ ಸಂಘಟನೆಗಳ ನಾಯಕರು ಮತ್ತು ಸಾಹಿತಿಗಳು ನಗರದ ಜಗತ್ ವೃತ್ತದಲ್ಲಿಂದು ಮಾನವ ಸರಪಳಿ ರಚಿಸಿ ರಸ್ತೆತಡೆ ನಡೆಸಿದರು.

21ನೇ ಶ್ರಾವಣ ಮಾಸದ ತಪೋನುಷ್ಠಾನ ಹಾಗೂ ಮಹಾಪೂಜಾ ಸಮಾರಂಭದ ಅಂಗವಾಗಿ ನಿಲಂಗ ತಾಲೂಕಿನ ನಿಟ್ಟೂರ ಗ್ರಾಮದಿಂದ ಫರಹತಾಬಾದ ಕೆಸರಿ ಬೆಟ್ಟ ಹಾಗೂ ಸಾಂಬಸಲಗರ ಶಾಖಾ ಮಠದವರೆಗೆ ಪಾದಯಾತ್ರೆ ನಡೆಯಿತು. ಶಿವರಾಜ ಬೋರೆ, ಸಿದ್ದಲಿಂಗ ದುರ್ಗಿ, ಓಂಕಾರ ಗಣಾಚಾರಿ, ಶಂಭುಲಿಂಗ ಕರಹರಿ, ನಿಟ್ಟೂರ ಪರಮೇಶ್ವರ, ಬುಡಗೆ ಯಶ್ವಂತರಾವ ಸೂರ್ಯವಂಶಿ, ನಾಗಣ್ಣ ಸುಲ್ತಾನಪೂರ, ನಾಗರಾಜ ಹೇನೆ ಸೇರಿದಂತೆ ಮತ್ತಿತರರು ಪಾದಯಾತ್ರೆಯಲ್ಲಿ ಭಾಗವಹಿಸಿದ್ದರು.

Post Title

ಕಲ್ಬುರ್ಗಿ ಕಗ್ಗೊಲೆ ಖಂಡಿಸಿ ಪ್ರತಿಭಟನೆ

ಕಲಬುರಗಿ,ಆ.30-ಖ್ಯಾತ ವಿಮರ್ಶಕ, ಸಂಶೋಧಕ, ಸಾಹಿತಿ, ಹಂಪಿ ವಿಶ್ವವಿದ್ಯಾಲಯದ ವಿಶ್ರಾಂತ ಕುಲಪತಿ ಡಾ.ಎಂ.ಎಂ.ಕಲ್ಬುರ್ಗಿಯವರ ಹತ್ಯೆ ಖಂಡಿಸಿ ರಾಜಕೀಯ ನಾಯಕರು, ವಿವಿಧ ಸಂಘಟನೆಗಳ ಮುಖಂಡರು ಮತ್ತು ಸಾಹಿತಿಗಳು ನಗರದಲ್ಲಿಂದು ಪ್ರತಿಭಟನೆ ನಡೆಸಿದರು.

ಡಾ.ಎಂ.ಎಂ.ಕಲ್ಬುರ್ಗಿಯವರ ಕಗ್ಗೊಲೆಯಾದ ಸುದ್ದಿ ತಿಳಿಯುತ್ತಲೆ ರಾಜಕೀಯ ನಾಯಕರು, ಸಾಹಿತಿಗಳು, ವಿವಿಧ ಸಂಘಟನೆಗಳ ಮುಖಂಡರು ನಗರದ ಜಗತ್ ವೃತ್ತದಲ್ಲಿ ಜಮಾಯಿಸಿ ಮಾನವ ಸರಪಳಿ ರಚಿಸಿ ಕೆಲಕಾಲ ರಸ್ತೆ ತಡೆ ನಡೆಸಿದರು.

ಕಲ್ಬುರ್ಗಿಯವರ ಕಗ್ಗೊಲೆಗೆ ಕಾರಣ ಮತ್ತು ಕೊಲೆ ಮಾಡಿದ ಆರೋಪಿಗಳು ಯಾರು ಎಂಬುವುದನ್ನು ಶೀಘ್ರವೇ ಪತ್ತಿ ಹಚ್ಚಿ ಆರೋಪಿಗಳನ್ನು ಕೂಡಲೇ ಬಂಧಿಸಬೇಕು ಎಂದು ಪ್ರತಿಭಟನಾಕಾರರು ಆಗ್ರಹಿಸಿದರು.

ವಿಧಾನ ಪರಿಷತ್ ಸದಸ್ಯ ಅಲ್ಲಮಪ್ರಭು ಪಾಟೀಲ, ಶಾಸಕ ಡಾ.ಉಮೇಶ ಜಾಧವ, ಹಿರಿಯ ಲೇಖಕರಾದ ಡಾ.ಮಗು ಬಿರಾದಾರ, ಪ್ರೊ.ಆರ್.ಕೆ.ಹುಡುಗಿ, ಕೆ.ನೀಲಾ, ಡಾ.ಮೀನಾಕ್ಷಿ ಬಾಳಿ, ಡಾ.ಶಾಂತಾ ಅಷ್ಠಗಿ, ಅಪ್ಪಾರಾವ ಅಕ್ಕೋಣಿ, ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಮಹಿಪಾಲರೆಡ್ಡಿ ಮುನ್ನೂರ, ಮಹಾನಗರ ಪಾಲಿಕೆ ಮಹಾಪೌರ ಭೀಮರೆಡ್ಡಿ ಪಾಟೀಲ ಕುರಕುಂದಾ, ಎಂ.ಬಿ.ಅಂಬಲಗಿ, ಜಂಬನಗೌಡ ಶೀಲವಂತ, ಸಂಜಯ್ ಮಾಕಲ್, ಡಾ.ಚಿ.ಸಿ.ನಿಂಗಣ್ಣ, ಅರುಣಕುಮಾರ ಪಾಟೀಲ, ಮಂಜುನಾಥ ಹಾಗರಗಿ, ಶರಣು ಸಲಗರ, ಶ್ರೀಶೈಲ ಘೂಳಿ, ವಿಜಯಕುಮಾರ ತೇಗಲತಿಪ್ಪಿ, ರವೀಂದ್ರ ಶಾಬಾದಿ, ಬಿ.ಎಂ.ಪಾಟೀಲ ಕಲ್ಲೂರ ಸೇರಿದಂತೆ ಸಾಹಿತಿಗಳು, ರಾಜಕೀಯ ಪಕ್ಷಗಳ ಮುಖಂಡರು ಮತ್ತು ವಿವಿಧ ಪ್ರಗತಿಪರ ಸಂಘಟನೆಗಳ ಮುಖಂಡರು ಮತ್ತು ಕಾರ್ಯಕರ್ತರು ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದರು.

ಕೀಲಿ ಮುರಿದು ಮನೆ ಕಳ್ಳತನ ಮಾಡುತ್ತಿದ್ದ ಮೂವರ ಬಂಧನ

170 ಗ್ರಾಂ. ಬಂಗಾರದ ಆಭರಣ, 3 ಮೋಟಾರ್ ಸೈಕಲ್ ವಶ

ಕಲಬುರಗಿ,ಆ.30-ಕೀಲಿ ಮುರಿದು ಮನೆ ಕಳ್ಳತನ ಮಾಡುತ್ತಿದ್ದ ಮೂವರನ್ನು ಬಂಧಿಸಿರುವ ಪೊಲೀಸರು 170 ಗ್ರಾಂ. ಬಂಗಾರದ ಆಭರಣ, 3 ಮೋಟಾರ್ ಸೈಕಲ್ ಸೇರಿದಂತೆ 5 ಲಕ್ಷ ರೂಪಾಯಿ ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.

ವಿಶ್ವವಿದ್ಯಾಲಯ ಪೊಲೀಸ್ ಠಾಣೆ ವ್ಯಾಪ್ತಿಯ ಲಕ್ಷ್ಮೀ ನಗರದಲ್ಲಿ ಮತ್ತು ಪ್ರೊಫೇಸರ್ ಕಾಲೋನಿಯಲ್ಲಿ ನಡೆದ ಕಳ್ಳತನ ಪ್ರಕರಣಕ್ಕೆ ಸಂಬಂಧಿಸಿಂದಂತೆ ವಿಶ್ವವಿದ್ಯಾಲಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ಈ ಪ್ರಕರಣಗಳಿಗೆ ಸಂಬಂಧಿಸಿದಂತೆ ಎಸ್ಪಿ ಅಮಿತ್ ಸಿಂಗ್, ಹೆಚ್ಚುವರಿ ಎಸ್ಪಿ ಜಯಪ್ರಕಾಶ, ಗ್ರಾಮಾಂತರ ಉಪ ವಿಭಾಗದ ಡಿಎಸ್ಪಿ ವಿಜಯ ಅಂಚಿ, ಎಂ.ಬಿ.ನಗರ ಸಿಪಿಐ ಜೆ.ಹೆಚ್.ಇನಾಮದಾರ ಅವರ ಮಾರ್ಗದರ್ಶನದಲ್ಲಿ ವಿಶ್ವವಿದ್ಯಾಲಯ ಪೊಲೀಸ್ ಠಾಣೆ ಪಿಎಸ್ಐ ಜಿ.ಎಸ್.ರಾಘವೇಂದ್ರ, ಅಪರಾಧ ವಿಭಾಗದ ಸಿಬ್ಬಂದಿಗಳಾದ ಸಂತೋಷ, ದ್ಯಾವಪ್ಪ, ಸುಲ್ತಾನ ಅವರು ತನಿಖೆ ಕೈಗೊಂಡು ಆಜಾದಪುರ ರಸ್ತೆಯ ಉಮರ ಕಾಲೋನಿಯ ಅಬ್ದುಲ್ ಮತೀನ ತಂದೆ ಉಸ್ಮಾನ, ಅಹ್ಮದ್ ನಗರದ ಮಹ್ಮದ್ ಅಬರಾರ ಅಹ್ಮದ್ ತಂದೆ ಮಹ್ಮದ್ ಗುಲಾಮೋದ್ದಿನ, ಮಕ್ಕಾ ಕಾಲೋನಿಯ ಶೇಖ್ ಮಹೆಬೂಬ ಖಾಜಿ ತಂದೆ ಮಹ್ಮದ್ ಖಾಜಾಮಿಯಾ ಎಂಬುವವರನ್ನು ಬಂಧಿಸಿ 170 ಗ್ರಾಂ. ಬಂಗಾರ, ಬೀದರ ಜಿಲ್ಲೆಯ ಬಸವಕಲ್ಯಾಣ ತಾಲೂಕಿನಲ್ಲಿ ಕಳ್ಳತನ ಮಾಡಿದ್ದ ಮೂರು ದ್ವೀಚಕ್ರ ವಾಹನ ಸೇರಿ ಸುಮಾರು 5 ಲಕ್ಷ ರೂಪಾಯಿ ಮೌಲ್ಯದ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.

ಬಿಬಿಎಂಪಿ: ಜೆಡಿಎಸ್ ಜತೆ ಮೈತ್ರಿಗೆ ಹೈಕಮಾಂಡ್ ಗ್ರೀನ್ ಸಿಗ್ನಲ್-ಉಗ್ರಪ್ಪ

ಯಾದಗಿರಿ,ಆ.30-ಬಿಬಿಎಂಪಿಯಲ್ಲಿ ಕಾಂಗ್ರೆಸ್-ಜೆಡಿಎಸ್ ಅಧಿಕಾರಕ್ಕೆ ಬರುವುದು ನಿಶ್ಚಿತವಾಗಿದೆ ಎಂದು ಕಾಂಗ್ರೆಸ್ ಮುಖಂಡ ಹಾಗೂ ಮಹಿಳಾ ಮತ್ತು ಮಕ್ಕಳ ದೌರ್ಜನ್ಯ ತಡೆ ಸಮಿತಿ ಅಧ್ಯಕ್ಷ ವಿ.ಎಸ್.ಉಗ್ರಪ್ಪ ಇಂದಿಲ್ಲಿ ತಿಳಿಸಿದರು.

"ಸಂಜೆವಾಣಿ"ಯೊಂದಿಗೆ ಮಾತನಾಡಿದ ಅವರು, ಬಿಬಿಎಂಪಿಯಲ್ಲಿ ಕಾಂಗ್ರೆಸ್-ಜೆಡಿಎಸ್ ಮೈತ್ರಿಗೆ ಪಕ್ಷದ ಹೈಕಮಾಂಡ್ ನಿಂದ ಗ್ರೀನ್ ಸಿಗ್ನಲ್ ದೊರೆತಿದೆ ಎಂದು ತಿಳಿಸಿದ ಅವರು ಕಾಂಗ್ರೆಸ್-ಜೆಡಿಎಸ್ ಅಧಿಕಾರಕ್ಕೆ ಬರಲು ಮತದಾರರು ಜನಮತ ನೀಡಿದ್ದಾರೆ ಎಂದರು.

ಅಧಿಕಾರಿಗಳು ಒಳ್ಳೆಯವರಾಗಲು ಪ್ರೇರಣೆ

ಕಲಬುರಗಿ: ಪೆÇಲೀಸರು ಸೇರಿದಂತೆ ಅಧಿಕಾರಿಗಳು ಒಳ್ಳೆಯವರಾಗಲಿ, ಸಮಾಜಮುಖಿಗಳಾಗುವಂತೆ ಪ್ರೇರಣೆ ನೀಡುವ ಕೃತಿಗಳು ಹೆಚ್ಚಿನ ಪ್ರಮಾಣದಲ್ಲಿ ಹೊರಬರುವುದು ಅಗತ್ಯವಾಗಿದೆ ಎಂದು ವಾರ್ತಾ ಇಲಾಖೆಯ ನಿವೃತ್ತ ಜಂಟಿ ನಿರ್ದೇಶಕರಾದ ಅಪ್ಪಾರಾವ ಅಕ್ಕೋಣಿ ಹೇಳಿದರು.

ನಗರದ ಹೊರವಲಯದ ನಾಗನಹಳ್ಳಿ ಪೆÇಲೀಸ್ ತರಬೇತಿ ಕಾಲೇಜಿನ ಸಭಾಂಗಣದಲ್ಲಿ ಶನಿವಾರ ಸಂಜೆ ನಡೆದ ನಿವೃತ್ತ ಪೆÇಲೀಸ್ ಮಹಾನಿರ್ದೇಶಕ ಡಿ.ವಿ.ಗುರುಪ್ರಸಾದ ಅವರು ಪೆÇಲೀಸ್ ಅಧಿಕಾರಿಗಳ ಜೀವನ ಕುರಿತು ರಚಿಸಿರುವ `ಪೆÇಲೀಸ್ ಎನ್‍ಕೌಂಟರ್' ಕೃತಿ ಬಿಡುಗಡೆ ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಮಾತನಾಡಿದರು.

ಇದೊಂದು ಅಮೋಘ ಕೃತಿಯಾಗಿದ್ದು, ಒಳ್ಳೆಯವರಾಗಲು ಪ್ರೇರಣೆ ನೀಡುತ್ತದೆ ಎಂದರು. ಎಲ್ಲಾ ಇಲಾಖೆಗಳಂತೆ, ಸಮಾಜದಲ್ಲಿರುವಂತೆ ಪೆÇಲೀಸ್ ಇಲಾಖೆಯಲ್ಲಿಯೂ ಒಳ್ಳೆಯವರು,ಕೆಟ್ಟವರು ಇದ್ದಾರೆ, ಸಹೋದ್ಯೋಗಿಗಳಿಂದಲೇ ಕಿರುಕುಳ ಅನುಭವಿಸಿದವರು ಇದ್ದಾರೆ. ಹೀಗಾಗಿ ಇದೊಂದು ಎಲ್ಲರಿಗೂ ಒಳಿತಿನತ್ತ ಚಿಂತನೆಗೆ ಹಚ್ಚಲಿದೆ ಎಂದರು.

ಕೃತಿಯನ್ನು ಕಸಾಪ ಅಧ್ಯಕ್ಷ ಮಹಿಪಾಲರೆಡ್ಡಿ ಮುನ್ನೂರ ಬಿಡುಗಡೆ ಮಾಡಿ ಮಾತನಾಡಿ, ಪೆÇಲೀಸ್ ಮತ್ತು ಸಮಾಜ ಬಾಂಧವ್ಯವನ್ನು ಗಟ್ಟಿಗೊಳಿಸಲು ೀ ಕೃತಿ ಪೂರಕವಾಗುತ್ತದೆ ಎಂದರು.

ಸಾಹಿತಿ ಡಾ.ಸ್ವಾಮಿರಾವ ಕುಲಕರ್ಣಿ ಮಾತನಾಡಿ, ಸಾಹಿತ್ಯ ಮನುಷ್ಯನನ್ನು ಒಳ್ಳೆಯವನಾಗಿ ರೂಪಿಸುತ್ತದೆ, ಮನುಷ್ಯನ ಸಂಸ್ಕøತಿಯನ್ನು ಹೆಚ್ಚಿಸುತ್ತದೆ ಎಂದು ಹೇಳಿದರು.

ಕೃತಿಯನ್ನು ಬರೆದಿರುವ ಡಾ.ಡಿ.ವಿ.ಗುರುಪ್ರಸಾದ ಅವರು ಮಾತನಾಡಿ, ಕೃತಿಯನ್ನು ಕಲಬುರಗಿಯಲ್ಲಿ ಬಿಡುಗಡೆ ಮಾಡುತ್ತಿರುವ ಉz್ದÉೀಶ ವಿವರಿಸಿದರು. ಪಿಎಸ್‍ಐಗಳು ಪೆÇಲೀಸ್ ಇಲಾಖೆಯ ಬುನಾದಿಯಾಗಿದ್ದು, ಅವರಿಗೆ ಇದು ತಲುಪಬೇಕು ಎಂಬುz್ದÉೀಶದಿಂದ ಇಲ್ಲಿ ಲೋಕಾರ್ಪಣೆ ಮಾಡುತ್ತಿರುವುದಾಗಿ ಭಾವುಕರಾಗಿ ಹೇಳಿದರು.

ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿದ್ದ ಈಶಾನ್ಯ ವಲಯ ಪೆÇಲೀಸ್ ಮಹಾನಿರ್ದೇಶಕ ಸುನಿಲ್ ಅಗರ್‍ವಾಲ್ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದರು. ಎಸ್ಪಿ ಅಮಿತಸಿಂಗ್, ಪಿಟಿಸಿ ಪ್ರಾಚಾರ್ಯರಾದ ಎಸ್.ಜಿ.ಓತಗೇರಿ ಮೊದಲಾದವರು ವೇದಿಕೆಯಲಿದ್ದರು. ವಾರ್ತಾ ಇಲಾಖೆಯ ಹಿರಿಯ ಉಪ ನಿರ್ದೇಶಕ ಜಿ.ಚಂದ್ರಕಾಂತ ಪ್ರಾರ್ಥಿಸಿದರು.ಡಿಎಸ್ಪಿ ಯು.ಶರಣಪ್ಪ ನಿರೂಪಿಸಿ ವಂದಿಸಿದರು.

ಸಮಾರಂಭದಲ್ಲಿ ಎಎಸ್ಪಿ ಜಯಪ್ರಕಾಶ, ಡಿಎಸ್ಪಿಗಳಾದ ವಿಜಯ ಅಂಚಿ, ಉದಯಕುಮಾರ ಬೇವಿನಮರ, ಮಹಾನಿಂಗ ನಂದಗಾವಿ, ಎಸ್.ಎಂ.ಪಟ್ಟಣ ಸೇರಿದಂತೆ ಪ್ರಶಿಕ್ಷಣಾರ್ಥಿ ಪಿಎಸ್‍ಐಗಳು ಪಾಲ್ಗೊಂಡಿದ್ದರು.

ರಾಷ್ಟ್ರೀಯ ಸಬ್ ಜ್ಯೂನಿಯರ್ ಬ್ಯಾಡ್ಮಿಂಟನ್ ನಾಳೆಯಿಂದ ಆರಂಭ

ಕಲಬುರಗಿ:ರಾಷ್ಟ್ರಮಟ್ಟದ ಕಿರಿಯರ ಸಬ್ ಜ್ಯೂನಿಯರ್ ಬ್ಯಾಡ್ಮಿಂಟನ್ ಚಾಂಪಿಯನ್ ಸಿಪ್-2015 ಪಂದ್ಯಾವಳಿಯು ಇದೇ 31ರಿಂದ ಸೆ.6ರವರೆಗೆ ನಗರದ ಚಂದ್ರಶೇಖರ ಪಾಟೀಲ್ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯಲಿದ್ದು ಇದಕ್ಕಾಗಿ ಎಲ್ಲಾ ಸಿದ್ಧತೆಯನ್ನು ಮಾಡಲಾಗಿದೆ ಎಂದು ಬ್ಯಾಡ್ಮಿಂಟನ್ ಅಸೋಷಿಯೇಷನ್‍ನ ಜಿಲ್ಲಾಧ್ಯಕ್ಷ ಅರುಣಕುಮಾರ ಪಾಟೀಲ್ ಹೇಳಿದರು.

ಇಂದಿಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ದೇಶದ ವಿವಿಧ ರಾಜ್ಯಗಳಿಂದ 13ರಿಂದ 15 ವಯೋಮಿತಿಯ 1000 ಕ್ರೀಡಾಪಟುಗಳು ಭಾಗವಹಿಸುವ ನಿರೀಕ್ಷೆ ಇದೆ. 100 ಜನ ನಿರ್ಣಾಯಕ ಅಧಿಕಾರಿಗಳು ಕಾರ್ಯ ನಿರ್ವಹಿಸಲಿದ್ದಾರೆ ಎಂದು ವಿವರಿಸಿದರು.

ಪಂದ್ಯಾವಳಿಗಾಗಿ ಕ್ರೀಡಾಂಗಣ ಸಂಪೂರ್ಣವಾಗಿ ಸಜ್ಜಾಗಿದೆ. ಒಳಾಂಗಣ ಕ್ರೀಡಾಂಗಣದಲ್ಲಿ 6 ಅಂಕಣಗಳಿವೆ. ಅಗತ್ಯ ಬಿದ್ದರೆ ಆಫೀಸರ್ ಕ್ಲಬ್‍ನಲ್ಲಿ 2 ಅಂಕಣಗಳನ್ನು ಕೂಡಾ ಬಳಸಿಕೊಳ್ಳಲು ನಿರ್ಧರಿಸಲಾಗಿದೆ. ಬೆಳಕಿನ ವ್ಯವಸ್ಥೆ, ವಿದ್ಯುತ್ತಿನ ಕೊರತೆ ನೀಗಿಸಲು ಜನರೇಟರ್ ಸೇರಿದಂತೆ ಯಾವುದೇ ರೀತಿಯಲ್ಲಿ ಕುಂದು ಬರದಂತೆ ಕ್ರಮಕೈಗೊಳ್ಳಲಾಗಿದೆ. ಸಿದ್ಧತೆಗಾಗಿ ಒಟ್ಟು 54 ಲಕ್ಷ ರೂ.ಗಳ ಖರ್ಚು ಮಾಡಲಾಗಿದೆ. ಕ್ರೀಡಾ ಪಟುಗಳಿಗೆ ವಸತಿ ವ್ಯವಸ್ಥೆಯ ಲಾಡ್ಜ್‍ಗಳಲ್ಲಿ ಕಲ್ಪಿಸಲಾಗಿದೆ. ಕ್ರೀಡಾಪಟುಗಳಿಗಾಗಿ ಕಲಬುರಗಿ ದರ್ಶನಕ್ಕಾಗಿ ಬಸ್ಸುಗಳ ವ್ಯವಸ್ಥೆಯನ್ನು ಕಲ್ಪಿಸಲಾಗಿದೆ ಎಂದರು.

ಸಾಕ್ಷಿ ಬ್ಯಾಡ್ಮಿಂಟನ್ ಅಸೋಶಿಯೆಷನ್, ಜಿಲ್ಲಾಡಳಿತ, ಜಿಲ್ಲಾ ಬ್ಯಾಡ್ಮಿಂಟನ್, ಅಸೋಶಿಯೇಷನ್, ರಾಜ್ಯ ಮತ್ತು ರಾಷ್ಟ್ರಮಟ್ಟದ ಬ್ಯಾಡ್ಮಿಂಟನ್ ಅಸೋಷಿಯೇಷನ್‍ಗಳ ಸಹ ಭಾಗಿತ್ವದಲ್ಲಿ ಕಲಬುರಗಿಯಲ್ಲಿ ರಾಷ್ಟ್ರಮಟ್ಟದ ಈ ಪಂದ್ಯಾವಳಿ ನಡೆಯುತ್ತಿರುವುದು ಇದೇ ಮೊದಲ ಸಲ ಎಂದರು.

ಈ ಹಿಂದೆ ರಾಷ್ಟ್ರಮಟ್ಟದ ಚಾಂಪಿಯನ್‍ಶಿಪ್‍ನಲ್ಲಿ ವಿಜೇತರಾದ ಗಾಯತ್ರಿ ಪುಲೆಲೋ ಗೋಪಿಚಂದ್, ವೈಷ್ಣವಿರೆಡ್ಡಿ ಜಕಾ, ಸಾತ್ವಿಕ್ ಸಾಯಿರಾಜ, ಜಿ.ಕೃಷ್ಣಪ್ರಸಾದ, ರಾಹುಲ್ ಭಾರಧ್ವಾಜ್, ಅಶ್ವಿನಿ ಭಟ್, ಪೂರ್ವಾ ಭರವೆ ಅವರು ಭಾಗವಹಿಸುವ ನಿರೀಕ್ಷೆ ಇದೆ. ಹೆಚ್ಚಿನ ಸಂಖ್ಯೆಯಲ್ಲಿ ಶಾಲಾ ಮಕ್ಕಳು ಭಾಗವಹಿಸಬೇಕೆಂದರು.

31ರಂದು ಬೆಳಿಗ್ಗೆ 11ಕ್ಕೆ ಜಿಲ್ಲಾ ಉಸ್ತುವಾರಿ ಸಚಿವ ಖಮರುಲ್ ಇಸ್ಲಾಂ ಕ್ರೀಡಾಕೂಟವನ್ನು ಉದ್ಘಾಟಿಸುವರು. ಮುಖ್ಯ ಅತಿಥಿಗಳಾಗಿ ಕ್ರೀಡಾ ಸಚಿವ ಕೆ.ಅಭಯಚಂದ್ರ ಜೈನ್, ಸಂಸದ ಡಾ.ಬಸವರಾಜ ಪಾಟೀಲ್ ಸೇಡಂ, ಸಚಿವ ಡಾ.ಶರಣಪ್ರಕಾಶ ಪಾಟೀಲ್, ಶಾಸಕರಾದ ದತ್ತಾತ್ರೇಯ ಪಾಟೀಲ್ ರೇವೂರ, ಪ್ರಿಯಾಂಕ ಖರ್ಗೆ, ಆಮ್ಲನ್ ಆದಿತ್ಯಾ ಬಿಸ್ವಾಸ್, ಅಭಯ ದೇಶಪಾಂಡೆ ಆಗಮಿಸುವರು ಎಂದರು.

ಪ್ರಶಸ್ತಿ ವಿತರಣಾ ಸಮಾರಂಭ ಸೆ. 6ರಂದು ಸಂಜೆ 6 ಗಂಟೆಗೆ ನಡೆಯಲಿದ್ದು, ಶಾಸಕ ಪ್ರಿಯಾಂಕ ಖರ್ಗೆ ಪ್ರಶಸ್ತಿ ಪ್ರದಾನ ಮಾಡುವರು. ಮುಖ್ಯ ಅತಿಥಿಗಳಾಗಿ ಡಾ.ಅಜೇಯಸಿಂಗ್, ಭೀಮರೆಡ್ಡಿ ಪಾಟೀಲ್ ಕುರಕುಂದಾ, ವಿಫುಲ್ ಬನ್ಸಲ್ ಸೇರಿದಂತ ಮೊದಲಾದವರು ಪಾಲ್ಗೊಳ್ಳುವರು ಎಂದರು.

ಪತ್ರಿಕಾಗೋಷ್ಠಿಯಲ್ಲಿ ಸಂಘಟನಾ ಕಾರ್ಯದರ್ಶಿ ಯೋಗೇಶ ಪಾಟೀಲ್, ಪ್ರಚಾರ ಸಮಿತಿಯ ಸಂಯೋಜಕ ಸಿ.ಎನ್.ಬಬಳಗಾಂವ್ ಮತ್ತಿತರು ಇದ್ದರು.

ರಾಷ್ಟ್ರೀಯ ಕ್ರೀಡಾಕೂಟಕ್ಕೆ ಕಾಯಕ ವಿದ್ಯಾರ್ಥಿಗಳು ಆಯ್ಕೆ

ಕಲಬುರಗಿ:ಇಲ್ಲಿನ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಯಾಗಿರುವ ನಗರದ ಧರಿಯಾಪುರ-ಕೋಟನೂರ ಜಿಡಿಎ ಬಡಾವಣೆಯಲ್ಲಿರುವ ಕಾಯಕ ಫೌಂಡೇಷನ್ ಆಂಗ್ಲ ಮಾಧ್ಯಮ ಪ್ರಾಥಮಿಕ ಮತ್ತು ವಸತಿ ಪ್ರೌಢಶಾಲೆಯ ವಿದ್ಯಾರ್ಥಿಗಳು ರಾಷ್ಟ್ರೀಯ ಕಿರಿಯರ ಅಥ್ಲೆಟಿಕ್ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿದ್ದಾರೆ.

ಹಿಂದುಳಿದ ಹಣೆಪಟ್ಟಿ ಹೊತ್ತುಕೊಂಡಿರುವ ಕಲಬುರಗಿಯ ವಿದ್ಯಾರ್ಥಿಗಳು ರಾಷ್ಟ್ರಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆಯಾಗುವ ಮೂಲಕ ಸಾಧನೆ ಮೆರೆದಿದ್ದಾರೆ. ಜಿಲ್ಲೆಯ ಕೀರ್ತಿಯನ್ನು ನೆರೆ ರಾಜ್ಯದಲ್ಲಿ ಹಬ್ಬಿಸುವ ಮಹತ್ವದ ಕೆಲಸಕ್ಕೆ ಸಾಕ್ಷಿಯಾಗಿದಂತಾಗಿದೆ.

14 ವರ್ಷದೊಳಗಿನವರ ವಿಭಾಗದಲ್ಲಿ ವಿದ್ಯಾರ್ಥಿಗಳಾದ ಅತಾವುಲ್ಲ್ಹಾ ಶಫೀಕ್‍ಮಿಯಾ ರಾಂಪುರೆ ಗುಂಡು ಎಸೆತದಲ್ಲಿ, ಶಿವರಾಜ ರವೀಂದ್ರಕುಮಾರ ಸ್ವಾಮಿ ಲಾಂಗ್ ಜಂಪ್‍ದಲ್ಲಿ ಹಾಗೂ ತಿಪ್ಪಣ್ಣ ಲಕ್ಷ್ಮಣ ಕಣಕರಗಿ ಶಾಟ್‍ಪುಟ್‍ದಲ್ಲಿ ಆಯ್ಕೆಯಾದರೆ, 16 ವರ್ಷದೊಳಗಿನವರ ವಿಭಾಗದಲ್ಲಿ ರಾಜಾ ಸುಶಾಂತ ನಾಯಕ ರಾಜಾ ಶ್ರೀರಾಮ ನಾಯಕ ಡಿಸ್‍ಕಸ್ ಪಂದ್ಯದಲ್ಲಿ ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ ಎಂದು ಮುಖ್ಯೋಪಾಧ್ಯಾಯರು ತಿಳಿಸಿದ್ದಾರೆ.

ಕಲಬುರಗಿಯ ಚಂದ್ರಶೇಖರ ಪಾಟೀಲ್ ಕ್ರೀಡಾಂಗಣದಲ್ಲಿ ನಡೆದ ಕ್ರೀಡಾಕೂಟಗಳಲ್ಲಿ ಕಾಯಕ ಹೈಸ್ಕೂಲ್ ವಿದ್ಯಾರ್ಥಿಗಳು ಪಾಲ್ಗೊಂಡು ಪ್ರಥಮ ಸ್ಥಾನ ಪಡೆದುಕೊಂಡು ವಿಜೇತರಾಗುವ ಮೂಲಕ ರಾಷ್ಟ್ರಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

ಸೆಪ್ಟಂಬರ್ 5ರಿಂದ 7ವರೆಗೆ ಸೀಮಾಂಧ್ರದಲ್ಲಿರುವ ವಿಶಾಖಪಟ್ಟಣಂದಲ್ಲಿ ನಡೆಯಲಿರುವ 13ನೇ ನ್ಯಾಷನಲ್ ಇಂಟರ್ ಡಿಸ್ಟ್ರಿಕ್ ಜ್ಯೂನಿಯರ್ ಅಥ್ಲೆಟಿಕ್ ಮೀಟ್-2015ದಲ್ಲಿ ಕಲಬುರಗಿ ಜಿಲ್ಲೆಯಿಂದ ಕಾಯಕ ಫೌಂಡೇಷನ್ ವಿದ್ಯಾರ್ಥಿಗಳು ಪ್ರತಿನಿಧಿಸಿ ಪಾಲ್ಗೊಳ್ಳಲಿದ್ದಾರೆ.

ಈ ವಿದ್ಯಾರ್ಥಿಗಳಿಗೆ ಕೋ ಅರ್ಡಿನೆಟರ್ ಎಸ್.ಎನ್.ಬಿರಾದಾರ ಮಾರ್ಗದರ್ಶನದಲ್ಲಿ ದೈಹಿಕ ಶಿಕ್ಷಕರಾದ ದತ್ತಾತ್ರೇಯ ಜೆ.ಕೆ, ರವಿಕುಮಾರ ಸಿ.ಬಿ ಹಾಗೂ ಸಂತೋಷ ಎಲ್.ಬಿ ಅವರು ತರಬೇತಿ ನೀಡಿ ಸಜ್ಜುಗೊಳಿಸಿದ್ದರು. ವಿದ್ಯಾರ್ಥಿಗಳು ರಾಷ್ಟ್ರೀಯ ಕ್ರೀಡಾಕೂಟಕ್ಕೆ ಆಯ್ಕೆಯಾಗಿರುವುದಕ್ಕೆ ಕಾಯಕ ಸಮೂಹ ಶಿಕ್ಷಣ ಸಂಸ್ಥೆಗಳ ಸಂಸ್ಥಾಪಕರಾದ ಶಿವರಾಜ ಟಿ.ಪಾಟೀಲ್, ಕಾಯಕ ಫೌಂಡೇಷನ್ ಏಜುಕೇಷನ್ ಟ್ರಸ್ಟ್ ಅಧ್ಯಕ್ಷೆ ಸಪ್ನಾರೆಡ್ಡಿ ಪಾಟೀಲ್, ಮುಖ್ಯಗುರುಗಳಾದ ವೈಶಾಲಿ, ಶಾಲೆಯ ಶಿಕ್ಷಕರು ಹಾಗೂ ವಿದ್ಯಾರ್ಥಿಗಳು ಹರ್ಷ ವ್ಯಕ್ತಪಡಿಸಿದ್ದಾರೆ.

ಕಾಯಕ ಸಂಸ್ಥೆಯಲ್ಲಿ ವಿದ್ಯಾರ್ಥಿಗಳಿಗೆ ಗುಣಮಟ್ಟದ ಶಿಕ್ಷಣದ ಜತೆಗೆ ಪಠ್ಯೇತರ ಚಟವಟಿಕೆಗೆ, ವಿಶೇಷ ಕ್ರೀಡೆಗಳಲ್ಲಿ ಮತ್ತು ಅಥ್ಲೆಟಿಕ್‍ಗಳಾಗಿಸಲು ಒತ್ತು ನೀಡಿ ತರಬೇತಿ ನೀಡುವ ಮೂಲಕ ಅವರನ್ನು ಸಜ್ಜುಗೊಳಿಸಲಾಗಿತ್ತು, ರಾಷ್ಟ್ರಮಟ್ಟದ ಕ್ರೀಡೆಗಳಲ್ಲಿ ಆಯ್ಕೆಯಾಗುವ ಮೂಲಕ ಕಾಯಕ ಸಂಸ್ಥೆಯ ಮತ್ತು ಕಲಬುರಗಿ ಜಿಲ್ಲೆಯ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ.

- ಶಿವರಾಜ ಟಿ.ಪಾಟೀಲ್ ಕಾಯಕ ಸಮೂಹ ಸಂಸ್ಥೆಗಳ ಸಂಸ್ಥಾಪಕರು

ದಾಸೋಹ ಮಹಾಮನೆಯಲ್ಲಿ ಅರ್ಚನಾ, ಅರ್ಪಣ, ಅನುಭಾವ

ಕಲಬುರಗಿ: ಶರಣಬಸವೇಶ್ವರರ ಸಂಸ್ಥಾನದ ಮಹಾದಾಸೋಹ ಪೀಠಾಧಿಪತಿಗಳಾದ ಪರಮ ಪೂಜ್ಯ ಡಾ.ಶರಣಬಸವಪ್ಪ ಅಪ್ಪ ಅವರು ಮಹಾದಾಸೋಹ ಮನೆಯಲ್ಲಿ ಪ್ರತಿನಿತ್ಯವು ತ್ರಿಕಾಲ ಪೂಜೆ ಅರ್ಪಿಸುತ್ತಾರೆ. ಅರ್ಚನಾ, ಅರ್ಪಣ, ಅನುಭಾವ ಕ್ರಿಯೆಗಳು ನಿರಂತರವಾಗಿ ಶರಣಬಸವರ ಸಾನಿಧ್ಯದಲ್ಲಿ ನಡೆಯುತ್ತವೆ. ಸಾವಿರಾರು ಭಕ್ತರು ದರ್ಶನ ಮಂಟಪದಲ್ಲಿ ಪೂಜ್ಯ ಡಾ.ಶರಣಬಸಪ್ಪ ಅಪ್ಪಾಜೀಯವರ ದರ್ಶನಾಶೀರ್ವಾದ ಪಡೆದು ಶಿವಾನುಭವ ಮಂಟಪದಲ್ಲಿ ನಡೆಯುವ ದಾಸೋಹ ಭಾಂಡಾರಿ ಶರಣಬಸವರ ಜನಪದ ಮಹಾಕಾವ್ಯದ 11 ಸಾವಿರ ತ್ರಿಪದಿಗಳುಳ್ಳ ಮಹಾಕಾವ್ಯದ ಪುರಾಣ ಪ್ರವಚನ ಶ್ರವಣಗೈಯುತ್ತಾರೆ. ಅಲ್ಲದೆ ಸಾವಿರಾರು ಭಕ್ತರು ಮಹಾದಾಸೋಹ ಮಹಾಮನೆಯಲ್ಲಿ ನಿತ್ಯವು ಪ್ರಸಾದ ಸ್ವೀಕರಿಸುತ್ತಾರೆ. ಈ ಕ್ರಿಯೆಯು ನಿರಂತರವಾಗಿ ಶತಮಾನಗಳಿಂದ ನಡೆದುಕೊಂಡು ಬರುತ್ತಿರುವುದು ಇಡೀ ದೇಶದಲ್ಲಿಯೇ ಬಹು ವಿಶೇಷವಾಗಿದೆ.

ಶನಿವಾರ ನಡೆದ ಉಪನ್ಯಾಸದಲ್ಲಿ ಬೃಹದಾರಣ್ಯಕೋಪನಿಷತ್‍ನ ಇನ್ನೊಂದು ಹೆಸರು ಅರಣ್ಯಕ ಎಂದು ನಿವೃತ್ತ ಪ್ರಾಚಾರ್ಯರಾದ ಪ್ರೊ. ನಿಂಗಮ್ಮ ಪತಂಗೆ ಹೇಳಿದರು.

ಅಖಿಲ ಭಾರತ ಶಿವಾನುಭವ ಮಂಟಪ ವತಿಯಿಂದ ಶ್ರಾವಣ ಮಾಸದ ಅಂಗವಾಗಿ ಹಮ್ಮಿಕೊಂಡಿರುವ ಭಾರತೀಯ ದಾರ್ಶನಿಕರ ಪರಂಪರೆ ವಿಷಯದಲ್ಲಿ ಬೃಹದಾರಣ್ಯಕೋಪನಿಷತ್ ಕುರಿತು ಉಪನ್ಯಾಸ ನೀಡಿದರು.

ಪೂಜ್ಯ ಡಾ.ಶರಣಬಸವಪ್ಪ ಅಪ್ಪಾಜಿಯವರು ದಾಸೋಹ ಸೂತ್ರದಲ್ಲಿ ಹೇಳಿದಂತೆ 'ತಾಯಿ ದೇವರು ತಂದೆ ದೇವರು ಅತಿಥಿ ದೇವರು ಸಕಲ ಚರಾಚರ ದೇವರೆಂದಿತ್ತು ಉಪನಿಷತ್ತು' ಅದರಂತೆ ಉಪನಿಷತ್ತುಗಳು ಭಾರತೀಯ ಸಂಸ್ಕøತಿಯಲ್ಲಿ ತಾಯಿ, ತಂದೆ, ಅತಿಥಿ, ಗುರು ಇವರನ್ನು ದೇವರೆಂದು ಹೇಳುತ್ತವೆ ಎಂದು ತಿಳಿಸಿದರು.

ಬೃಹದಾರಣ್ಯಕೋಪನಿಷತ್ತು ಶುಕ್ಲ ಯಜುರ್ವೇದಕ್ಕೆ ಸೇರಿದೆ. ಇದು ಕ್ರಿ.ಪೂ.2500 ವರ್ಷಗಳ ಹಿಂದೆ ರಚನೆಯಾಗಿದೆ. ಛಾಂದೋಗ್ಯೋಪನಿಷತ್‍ನ ನಂತರ ಬಂದಂತಹ ಉಪನಿಷತ್ ಇದಾಗಿದೆ ಎಂದು ಹೇಳಿದರು.

ಉಪನ್ಯಾಸಕ್ಕೂ ಮುಂಚೆ ಕಾರ್ಯಕ್ರಮದ ಆರಂಭದಲ್ಲಿ ದಾಸೋಹ ಭಾಂಡಾರಿ ಶರಣಬಸವೇಶ್ವರರ ಜನಪದ ಮಹಾಕಾವ್ಯದ ಪುರಾಣ ಪ್ರವಚನದಲ್ಲಿ ಶರಣಬಸವರು ಕಡಿಕೋಳ ಮಡಿವಾಳಪ್ಪನವರಿಗೆ ದೀಕ್ಷೆ ಕರುಣಿಸಿದ ಲೀಲೆ ಕುರಿತು ಡಾ.ಶಿವರಾಜ ಶಾಸ್ತ್ರೀ ವಿವರಿಸಿದರು.

ಶಿಷ್ಯವೇತನ ಅರ್ಜಿ ಸಲ್ಲಿಕೆ ವೆಬ್‍ಸೈಟ್ ಬದಲಾವಣೆ

ಕಲಬುರಗಿ,ಆ.30-ಮೆಟ್ರಿಕ್ ನಂತರದ ಕಾಲೇಜುಗಳಲ್ಲಿ ವ್ಯಾಸಂಗ ಮಾಡುತ್ತಿರುವ ಪರಿಶಿಷ್ಟ ಪಂಗಡ ವಿದ್ಯಾರ್ಥಿಗಳ ಪ್ರಸಕ್ತ 2015-16ನೇ ಸಾಲಿನ ಶೈಕ್ಷಣಿಕ ವರ್ಷದ ಶಿಷ್ಯವೇತನವನ್ನು ನ್ಯಾಶನಲ್ ಸ್ಕಾಲರ್‍ಶಿಪ್ ಪೋರ್ಟಲ್ ಗೆ ವರ್ಗಾಯಿಸಲಾಗಿದೆ. ಈ ಪ್ರಯುಕ್ತ 2015-16ನೇ ಸಾಲಿನ ಶೈಕ್ಷಣಿಕ ವರ್ಷದಲ್ಲಿ ವ್ಯಾಸಂಗ ಮಾಡುತ್ತಿರುವ ಪರಿಶಿಷ್ಟ ಪಂಗಡದ ಎಲ್ಲ ವಿದ್ಯಾರ್ಥಿಗಳು ಹೊಸದಾಗಿರುವ ವೆಬ್‍ಸೈಟ್‍ನಲ್ಲಿ ಅರ್ಜಿ ಸಲ್ಲಿಸಲು ಕೋರಲಾಗಿದೆ.

ಈ ಮುಂಚೆ ವಿದ್ಯಾರ್ಥಿಗಳು ಹಳೆಯ ವೆಬ್‍ಸೈಟ್‍ನಲ್ಲಿ ಅರ್ಜಿ ಸಲ್ಲಿಸಿದ್ದು, ಸದರಿ ಅರ್ಜಿಗಳಿಗೆ ಶಿಷ್ಯವೇತನ ಮಂಜೂರಾಗುವುದಿಲ್ಲ. ಪ್ರಯುಕ್ತ ಎಲ್ಲ ವಿದ್ಯಾರ್ಥಿಗಳು ತಕ್ಷಣವೇ ಹೊಸದಾಗಿ ಅರ್ಜಿ ಸಲ್ಲಿಸಲು ತಿಳಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಕಲಬುರಗಿ ತಾಲೂಕು ಸಮಾಜ ಕಲ್ಯಾಣ ಅಧಿಕಾರಿಗಳ ಕಚೇರಿಯನ್ನು ಸಂಪರ್ಕಿಸಲು ಕೋರಲಾಗಿದೆ.